ߌߛߌ߬ߙߊ߬ߌߟߊ߫ ߞߊ߬ ߡߎ߮ ߖߎ߮ ߟߊߥߟߌ߬ ߟߋ߬ ߜ߭ߊߖ߭ߊߞߊ ߟߎ߬ ߞߊ߲߬߸ ߏ߬ ߡߍ߲ ߛߋ߲߭ߝߍ߬ ߘߎ߰ ߘߋ߲߫ ߁߀߀ ߣߌ߫ ߞߐ߫ ߝߊ߰ ߘߊ߫߸ ߜ߭ߊߖ߭ߊ߬ ߞߎ߲߬ߠߊ߬ߛߌ߰ ߞߙߎ ߞߊ߬ ߖߊ߬ߕߋ߬ߦߊ ߡߍ߲ ߡߌ߬ߘߊ߬ ߞߊ߬ߣߌ߲߬، ߖߡߊ߬ߣߊ߬ ߛߌߦߊߡߊ߲߫ ߞߏ߬ߣߌ߲ ߓߘߊ߫ ߓߐ߫߸ ߞߊ߬ ߌߛߌ߬ߙߊ߬ߌߟߊ߫ ߟߊ߫ ߡߎ߮ ߕߋ ߣߌ߲߬ ߠߊߜߎߝߎ߲߫ ߞߏߛߓߍ߫.
ߊ߬ߟߎ ߡߍ߲ ߠߎ߬ ߕߍ߫ ߞߟߍ߬ ߟߊߟߐ ߛߊ߬ߙߌ߬ߦߊ ߡߊߓߏ߲߬ߧߊ߬ ߟߊ߫߸ ߌߛߌ߬ߙߊ߬ߌߟߊ߫ ߓߘߴߊ߬ ߦߌ߬ߘߊ߬ ߞߏ߫ ߞߎ߲߬ ߛߌ߫ ߕߴߊ߬ ߓߟߏ߫ ߡߎ߮ ߟߊߥߟߌ ߟߎ߬ ߝߍ߬߸ ߌߛߌ߬ߙߊ߬ߌߟߊ߫ ߞߐߞߊ߲߫ ߞߏߕߌ߯ ߞߏ߫ ߘߌߦߊߜߏߦߊ߫ ߝߏߛߌ߬ ߟߋ߬ ߕߘߍ߬ ߕߍ߫ ߊ߬ߟߎ߬ ߟߊ߫ ߖߡߊ߬ߣߊ ߓߟߏ߫.
ߓߊߏ߬߸ ߞߏ߫ ߤߡߊߛߌ߬ ߓߘߊ߫ ߛߋ߲߬ߧߊ߫ ߝߌ߬ߟߊ߬ ߞߍ߫߸ ߞߟߍ߬ ߟߊߟߐ ߓߍ߲߬ߞߊ߲ ߠߎ߬ ߦߴߊ߬ ߞߊ߲߬ ߞߊ߬ ߞߎ߲߬ߘߐߖߊ߲߬ߧߊ߫߸ ߞߴߏ߬ ߟߋ߬ ߞߵߊ߬ ߞߍ߫ ߊ߬ߟߎ߬ ߝߣߊ߫ ߥߟߌ߬ ߘߊ߫ ߞߍ߬ߟߍ ߘߌ߫ ߞߏ߫ ߞߎߘߊ߫߸ ߌߛߌ߬ߙߊ߬ߌߟߊ߫ ߞߟߍ߬ߓߟߏ ߢߍߡߐ߮ ߞߊ߬ ߤߡߊߛߌ߬ ߟߊ߫ ߛߏ߬ߓߌ߫ ߟߋ߬.
ߞߏ߫ ߦߟߍ߬ߡߊ߲ ߓߘߊ߫ ߘߏ߲߬ ߞߏ ߟߎ߬ ߘߐ߫߸ ߏ߬ ߘߐ߫ ߣߌ߫ ߤߡߊߛߌ߬ ߡߴߊ߬ߟߎ߬ ߟߊ߫ ߡߐ߰ ߘߌߦߊߜߏߦߊ߫ ߡߌߣߊߣߍ߲߫ ߠߎ߬ ߟߊߓߌ߬ߟߊ߬، ߞߏ߫ ߊ߬ߟߎ߬ ߘߌ߫ ߥߋ߲ߓߋ ߟߊߖߌ߰ ߔߊߟߍߛߑߕߍߣߑߞߊ ߟߎ߬ ߞߊ߲߬.
ߤߡߊߛߌ߬ ߝߣߊ߫ ߦߴߊ߬ ߞߊ߲߬ ߞߊ߬ ߌߛߌ߬ߙߊ߬ߌߟߊ߫ ߡߊߝߌ߲߬߸ ߓߊߏ߬߸ ߞߏ߫ ߌߛߌ߬ߙߊ߬ߌߟߊ߫ ߕߘߍ߬ ߞߊ߬ ߘߌߦߊߜߏߦߊ ߟߴߊ߬ߟߎ߫ ߞߊ߲߬ ߠߋ߬߸ ߊ߬ߟߎ߬ ߟߊ߫ ߓߌ߲ߠߊߥߎߟߋ߲ ߕߟߋ߬ ߁߉ ߞߟߍ߬ ߟߊߟߐ ߓߙߐߕߐ߫ ߘߐ߫.
ߞߟߍ߬ ߞߎߘߊ ߣߌ߲߬ ߞߏ߬ߣߌ߲ ߘߊߡߌ߬ߘߊ ߡߊ߫ ߓߙߊ߬ ߊߡߋߙߌߞߌ߬ ߘߐ߫߸ ߏ߬ ߡߍ߲ ߦߋ߫ ߌߛߌ߬ߙߊ߬ߌߟߊ߫ ߞߐߡߊߓߌ߲ߓߌ߲ߓߊ߮ ߘߌ߫߸ ߌߛߌ߬ߙߊ߬ߌߟߊ߫ ߓߘߴߊ߬ ߦߌ߬ߘߊ߬ ߞߏ߫ ߊ߬ ߓߘߊ߫ ߊߡߋߙߌߞߌ߬ ߟߊ߫ ߖߡߊ߬ߙߌ߬ߟߌ ߢߌߣߌ߲߫.
ߏ߬ ߞߐ߫ ߞߊ߬ ߡߎ߮ ߟߊߥߟߌ߬ ߜ߭ߊߖ߭ߊߞߊ ߟߎ߬ ߞߊ߲߬߸ ߊߡߋߙߌߞߌ߬ ߘߏ߲߬ ߝߣߊ߫ ߡߊ߫ ߞߎߡߊ߫ ߏ߬ ߟߎ߬ ߥߎߦߊߒߕߋߦߊ߫߸ ߊ߬ߟߎ߬ ߟߊ߫ ߖߡߊ߬ߣߊ ߞߏߕߌ߯ߘߊ ߞߵߊ߬ ߦߌ߬ߘߊ߬ ߘߊ߲߬ߕߍ߰ߟߌ߬ ߛߓߍ ߞߣߐ߫، ߞߏ߫ ߤߡߊߛߌ߬ ߟߋ߬ ߣߐ߬ ߦߵߊ߬ߟߋ ߛߎߥߊ߲ߘߌ ߟߊ߫ ߞߍ߬ߟߍ ߟߊߞߎߘߦߊߟߌ ߘߐ߫.
ߊ߬ߟߎ߬ ߓߊ߲߫ ߘߊ߫ ߟߋ߬ ߝߣߊ߫ ߞߊ߬ ߌߛߌ߬ߙߊ߬ߌߟߊ߫ ߡߐ߰ ߘߌߦߊߜߏߦߊ߫ ߡߌߣߊߣߍ߲߫ ߠߎ߬ ߟߊߓߌ߬ߟߊ߬߸ ߘߎߢߊ߫ ߖߡߊ߬ߣߊ߬ ߛߌߦߊߡߊ߲߫ ߠߋ߬ ߓߘߴߊ߬ߟߎ߬ ߞߊ߲ߓߐ߫ ߞߊ߬ ߌߛߌ߬ߙߊ߬ߌߟߊ߫ ߟߊ߫ ߡߎ߮ ߕߋ ߖߎ߮ ߟߎ߬ ߟߊߜߎߝߎ߲߫ ߞߏߛߓߍ߫، ߊ߬ߟߎ߬ ߞߍ ߘߐ߫ ߞߊ߬ߣߌ߲߬ ߞߊ߬ ߡߎ߮ ߟߊߥߟߌ߬ ߜ߭ߊߖ߭ߊߞߊ ߟߎ߬ ߞߊ߲߬.
ߞߵߊ߬ ߕߊ߬ ߞߎߣߎ߲߬ ߛߐ߰ߡߊ߬ߘߊ ߡߊ߬߸ ߞߵߊ߬ ߛߌ߰ ߊ߬ ߛߎ߫ ߘߐ߫ ߟߊ߫ ߟߊ߫߸ ߖߡߊ߬ߣߊ߬ ߛߌߦߊߡߊ߲߫ ߦߴߊ߬ ߞߊ߲߬ ߞߵߊ߬ߟߎ߬ ߟߊ߫ ߖߛߎ߬ ߕߙߐ ߦߌ߬ߘߊߞߵߊ߬ ߞߏ ߘߐ߫، ߝߊ߬ߙߊ߲߬ߛߌ߬ ߞߐߞߊ߲߫ ߞߏߕߌ߮ ߟߊ߫ ߞߎߡߊ߫ ߟߊߛߋߟߊ ߓߘߴߊ߬ ߦߌ߬ߘߊ߬.
ߞߏ߫ ߝߊ߲߭ ߝߌ߬ߟߊ ߓߍ߯ ߞߊ߫ ߞߊ߲߫ ߠߋ߬ ߞߊ߬ ߞߟߍ߬ ߟߊߟߐ ߓߍ߲߬ߞߊ߲ ߠߎ߬ ߟߊߓߊ߬ߕߏ߬ ߊ߬ ߣߌ߫ ߞߊ߬ ߛߓߍ ߟߊߘߏ߲߬ ߡߐ߰ ߘߌߦߊߜߏߦߊ߫ ߡߌ߬ߣߊ߬ߣߍ߲ ߠߎ߬ ߣߌ߫ ߥߛߎߟߊߘߋ߲ ߠߎ߬ ߟߊߓߌ߬ߟߊ߬ߞߏ ߞߊ߲߬.
ߙߎ߬ߛߌ߬ ߞߐߞߊ߲߫ ߞߏߕߌ߮ ߝߣߊ߫ ߓߘߴߊ߬ ߟߊ߫ ߣߡߌߛߊ ߦߌ߬ߘߊߞߊ߬ ߘߊ߲߬ߕߍ߰ߟߌ߬ ߛߓߍ ߞߣߐ߫߸ ߞߍ߬ߟߍ ߟߎ߬ ߟߊߞߎߘߦߊߟߌ ߘߐ߫߸ ߌߛߌ߬ߙߊ߬ߌߟߊ߫ ߣߌ߫ ߤߡߊߛߌ߬ ߕߍ ߘߐ߫، ߝߣߊ߫ ߞߏ߫ ߞߏ ߡߍ߲ ߠߎ߬ ߘߌ߫ ߞߍ߫ ߖߡߊ߬ߣߊ߬ߘߋ߲ ߠߎ߬ ߛߕߊ ߘߌ߫߸ ߊ߬ ߣߌ߫ ߡߊ߬ߞߏ߬ߢߊ߬ ߕߌ߲߬ߞߎߘߎ߲ ߠߎ߬ ߟߊ߫ ߥߎ߬ߙߎ߲߬ߓߊߟߌ ߘߌ߫߸ ߊ߬ߟߎ߬ ߕߍߣߊ߬ ߏ߬ ߛߌ߫ ߟߋ߬ ߞߍ߫ ߟߊ߫.
ߡߊ߲߬ߛߊ߬ߟߊ߫ ߘߍ߬ߣߍ߲߫ ߡߍ߲ ߠߎ߬ ߦߋ߫ ߕߋ߲߬، ߊߙߊߓߎ߫ ߛߊߥߏߘߌߦߊ߸ ߌߙߊ߲߫߸ ߖ߭ߐߙߑߘߊ߲߫߸ ߊ߬ ߣߌ߫ ߕߙߎߞߌ߫߸ ߣߌ߫ ߋߗߏߔߌ߫، ߏ߬ ߟߎ߬ ߘߏ߫ ߟߎ߫ ߞߊ߬ ߌߛߌ߬ߙߊ߬ߌߟߊ߫ ߟߊ߫ ߝߎ߬ߕߎ߲߬ߕߌ ߟߎ߬ ߞߍ߫ ߝߊ߬ߛߏ ߕߏ߲ߓߏ߲ߠߌ߲ ߓߊ߯ߙߊ ߟߎ߬ ߟߋ߬ ߘߌ߫.
ߘߏ߫ ߟߎ߫ ߝߣߊ߫ ߦߴߊ߬ ߟߊߢߌߣߌ߲߫ ߠߊ߫ ߟߋ߬ ߞߟߍ߬ ߟߊߟߐ ߓߍ߲߬ߞߊ߲ ߠߎ߬ ߦߋ߫ ߟߊߓߊ߬ߕߏ߬
