ߜߋ߲ߞߐ߰ߖߌ߬ߘߊ ߡߛߏ߬ ߖߌߖߊ߲߬ߣߍ߲ ߡߍ߲ ߕߐ߯ ߞߏ߫ ߖ߭ߋߣߊߓ ߓߊ߲ߛߋ߫߸ ߏ߬ ߓߘߊ߫ ߥߟߌ߬ ߖߌߣߍߛ ߙߋߞߐߙ ߟߊ߫ ߜߊ߬ߛߊ߫ ߓߟߋ߬ߓߟߋ ߘߏ߫ ߛߌߟߊ ߕߊ߯ߡߊ ߟߊ߫߸ ߣߊߟߌ߬ߡߎ߲߬ ߘߎߢߊ߫ ߜߊ߬ߘߏ߲߫ ߓߟߋ߬ߓߟߋ ߘߌ߫، ߞߊ߬ߕߎ߲߯߸ ߞߵߊ߬ ߕߊ߬ ߓߌ߬ ߕߙߊߓߊ ߕߋ߬ߟߋ߫ ߂߇ ߣߌ߲߬ ߡߊ߬߸ ߤߊ߲߯ ߞߏ߲ߞߏߘߓߌ ߕߋ߬ߟߋ߫ ߂߸ ߊ߬ ߞߍߕߐ߫ ߏ߬ ߓߍ߯ ߞߍ߫ ߟߊ߫ ߕߓߌߟߌ ߟߋ߬ ߞߊ߲߬، ߊ߬ ߞߍߕߐ߫ ߊ߬ ߟߐ߲߫ ߞߏ ߢߌ߲߬ ߠߊߓߐ߫ ߟߊ߫ ߕߙߍߛ߭ߑߝ߭ߌߟ ߔߊߙߞ ߘߍ߫ ߛߑߔߐߙ ߟߋ߬ ߞߣߐ߫߸ ߞߏߓߊ߫ ߢߐ߲߰ߦߋ߬ߜߏ ߣߌ߲߬ ߞߍ߫ ߞߊ߲ߡߊ߬.
ߊ߬ ߞߵߊ߬ ߛߎߡߊ߲߫ ߊ߬ ߘߐ߫ ߂߀߂߄ ߞߏߟߌ߲ߞߏߟߌ߲ ߠߊ߫߸ ߒ߬ߞߊ߬ ߛߋߒߞߏߟߦߊ߫ ߝߎߕߎ߲ߕߌ ߘߏ߫ ߟߎ߫ ߞߵߊ߬ ߡߊߛߐ߬ߘߐ߲߫ ߏ߬ ߞߏ ߘߐ߫ ߞߵߊ߬ ߓߍ߲߬ ߖߌ߬ߦߊ߬ߖߟߎ߬ߦߊ߬ߟߌ߬ ߞߏ ߡߊ߬߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߵߊ߬ ߟߊߗߌߙߏ߲߫، ߓߊ߬ߙߌ߬߸ ߕߡߌߣߊ߲ߘߌߦߊ ߣߌ߫ ߝߛߊ߬ߒ߬ߞߏ߬ߡߊ߬ߦߊ ߡߊ߬߸ ߖ߭ߋߣߊߓ ߓߊ߲ߛߋ߫ ߞߊ߲߫ ߞߏ߫ ߝߏ߫ ߊ߬ ߦߋ߫ ߞߏ߫ ߢߐ߲߰ߦߋ߬ߜߏ ߣߌ߲߬ ߞߍ߫ ߟߋ߬ ߖߐ߫، ߊ߬ ߞߊ߲߫ ߞߏ߫ ߝߏ߫ ߊ߬ ߦߴߊ߬ ߕߐ߮ ߕߏ߫ ߟߋ߬ ߘߎߢߊ߫ ߜߊ߬ߘߏ߲ ߘߝߐ߬ߓߊ ߣߌ߲߬ ߘߐ߫߸ ߞߵߊ߬ ߞߎ߲߬ߠߊ߬ߦߋߙߋ߲ ߣߴߊ߬ ߕߐ߮ ߘߌ߫ ߜߋ߲ߞߐ߰ߖߌ߬ߘߊ ߡߊ߬.
ߡߐ߱ ߡߍ߲ ߢߐ߲߰ ߜߊ߬ߘߏ߲߬ߠߊ߬ ߕߍ߫ ߘߎߢߊ߫ ߘߐ߫ ߕߋ߲߬߸ ߏ߬ ߦߋ߫ ߌߙߑߟߊ߲ߘߍ ߘߏ߫ ߟߋ߬ ߘߌ߫߸ ߡߍ߲ ߕߐ߯ ߞߏ߫ ߊߟߊ߲ ߝߌߛ߭ߍߙ، ߒ߬ߓߊ߬߸ ߖ߭ߋߣߊߓ ߓߊ߲ߛߋ߫ ߞߵߊ߬ ߛߎߡߊ߲߫ ߏ߬ ߟߋ ߘߊ߲߬ ߞߏ ߘߐ߫ ߂߀߂߄ ߞߏߟߌ߲ߞߏߟߌ߲ ߕߟߋ߬ ߁߇ ߤߊ߲߯ ߕߋ߬ߟߋ߫ ߂߂، ߓߊ߬ߙߌ߬߸ ߏ߬ ߞߏ ߡߊ߫ ߛߋ߫ ߓߐ߫ ߟߊ߫ ߢߟߊ߫ ߝߍ߭ ߘߏ߫ ߟߎ߫ ߞߏߛߐ߲߬.
ߘߊߥߎ߲ߠߌ߲߫ ߞߏ ߞߋߟߋ߲߫ ߕߍ߫ ߣߌ߲߬ ߞߏ ߘߌ߫ ߘߋ߬߸ ߊ߬ ߦߋ߫ ߢߐ߲߯ ߠߊߘߌ ߕߎ߬ߡߊ ߟߋ߬ ߝߣߊ߫ ߘߌ߫߸ ߞߊ߬ ߢߐ߲߯ ߞߊߣߌ߲ ߦߌ߬ߘߊ߬، ߓߊߏ߬߸ ߡߐ߰ ߛߌߦߊߡߊ߲߫ ߠߋ߬ ߛߐ߬ߘߐ߲߬ ߠߴߊ߬ ߘߐ߫߸ ߞߊ߬ ߣߊ߬ ߘߋ߲ߡߛߏ ߟߊ߫ ߓߊ߯ߙߊ ߘߌߦߊߘߏ߲߬ ߊ߬ ߘߐ߫، ߊ߬ߟߎ߬ ߟߊ߫ ߣߌ߲߬ ߛߋ߲ ߕߓߌߟߌ ߟߎ߬ ߘߐ߫߸ ߊ߬ߟߎ߬ ߘߌ߫ ߡߐ߰ ߟߎ߬ ߛߐ߫߸ ߊ߬ ߛߐߢߐ߲ ߦߋ߫ ߡߍ߲ ߠߎ߬ ߟߊ߫߸ ߊ߬ ߣߌ߫ ߞߎ߲ߝߊ߲ߓߐߟߊ ߡߍ߲ ߠߎ߬ ߝߣߊ߫ ߓߊ߯ ߞߍ߫ ߜߍ ߘߐ߫ ߦߋ߲߬، ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߌߞߏߡߌ߲߬ ߛߎ߲ߞߊߙߏ ߟߋ߬߸ ߊ߬ߟߎ߬ ߓߍߣߊ߬ ߕߏ߫ ߝߘߏ߬ߓߊ߬ ߛߎ߲ߕߍ߮ ߞߍ߫ ߟߊ߫ ߦߋ߲߬ ߥߎ߬ߙߊ ߝߍ߬ ߛߐ߲߬ ߞߘߊߎ߫߸ ߞߵߏ߬ ߟߊߥߌ߬ߟߌ߫ ߝߘߏ߬ߓߊ߬ߦߊ ߡߙߌߦߊ ߝߊ߲߬ߞߊߘߏ߲߭ ߡߊ߬.
ߛߋ߲߬ߕߊ߬ ߞߎߘߊ ߣߌ߲߬ ߘߐ߫߸ ߖ߭ߋߣߊߓ ߓߊ߲ߛߋ߫ ߓߘߴߊ߬ ߞߊ߲ߠߊߘߌ߫ ߜߋ߲ߞߐ߰ߖߌ߬ߘߊ ߘߏ߲߬ߞߏ ߟߎ߫ ߡߊ߬߸ ߞߏ߫ ߊ߬ߟߎ߬ ߦߋ߫ ߓߐ߫ ߣߌ߲߬ ߞߏ ߘߐ߫߸ ߞߵߊ߬ ߞߐߡߊߓߌ߲ߓߌ߲߫߸ ߞߵߊ߬ ߡߊߘߍ߬ߡߍ߲߬߸ ߛߴߊ߬ ߘߌ߫ ߞߎ߲߬ߠߊ߬ߦߋ߬ߙߋ߲߬ߓߊ ߣߌ߲߬ ߛߐ߬ߘߐ߲߬.
ߛߍߝߍ߲ߘߊ ߓߟߏ߫
