ߌߛߑߕߊ߲ߓߎߟ ߸ ߞߎߣߎ߲߬ ߞߎߣߎ߲ߟߏ߲ ߂߀߂߅ ߞߏ߲ߞߏߘߌ߬ߓߌ ߕߟߋ߬ ߂߃ ߘߎ߰ߦߙߍߦߙߍ ߘߏ߫ ߟߋ߬ ߞߍ߫ ߘߊ߫ ߌߛߑߕߊ߲ߓߎߟ ߘߎ߱ ߞߣߐ߫، ߊ߬ ߝߊ߲߬ߞߊ ߛߋ߫ ߘߊ߫ 6,2 ߟߋ߬ ߡߊ߬ ߙߌߛߐߕߍߙߌ ߟߊ߫ ߛߎߡߊߣߌ߲߫ ߞߣߐߡߊ߬߸ ߏ߬ ߡߍ߲ ߞߊ߬ ߛߌߟߊ߲ ߠߊ߫ ߘߏ߲߬ ߖߡߊ߬ߣߊ߬ߘߋ߲ ߠߎ߬ ߕߍ߫߸ߞߊ߬ ߓߍ߲߬ ߕߎߙߑߞߌ߫ ߘߊ߲ߘߊߟߌ ߞߏߕߌ߮ ߟߊ߫ ߞߎߡߊ߫ ߡߊ߬ ߸ߞߏ߫ ߖߐߞߌ߫ ߓߊ߯ߕߐ ߘߐ߯ߦߊߣߍ߲ ߧߋ߫ ߂߃߆ ߢߐ߲߰ ߠߋ߬ ߘߌ߫߸ ߊ߬ߟߎ߬ ߝߊ߲߬ߓߊ ߞߊ߬ ߜߊ߲ߣߌ߲ ߠߋ߬ ߟߊߢߌߣߌ߲ ߞߊ߬ ߓߐ߫ ߛߏ߫ ߞߣߐ߫ ߞߵߊ߬ ߛߐ߬ߘߐ߲߬ ߊ߬ߟߎ߬ ߦߋ߫ ߓߏ߬ߙߌ߬ ߟߊ߫ ߥߟߊ߫ ߛߌߟߊ߲ ߜߍߟߍ߲ ߞߏߛߐ߲߬.
ߌߛߑߕߊ߲ߓߎߟ ߞߋߟߋ߲߫ ߔߋ߫ ߸ ߡߐ߰ ߁߇߃ ߟߋ߬ ߛߓߍߣߍ߲߫ ߦߋ߲߬ ߖߐߞߌߓߊ߯ߕߐ ߟߎ߫ ߘߐ߫߸ߕߎ߬ߡߊ ߡߍ߲ ߖߐߞߌߓߊ߯ߕߐ ߕߐ߱ ߟߎ߬ ߓߊ߲߫ ߘߊ߫ ߛߓߍߘߐߦߊ߫ ߟߊ߫ ߛߌ߰ߢߐ߲߰ ߛߏ߫ ߕߐ߭ ߟߎ߬ ߘߐ߫.
ߘߎ߰ߦߙߍߦߙߍߓߊ ߣߌ߲߬ ߞߍ߫ ߘߊ߫ ߁߂ߦߋ߲߫ ߄߉ ߜߋ߲ߜߋ߲ ߠߋ߬ ߟߊ߫߸ ߊ߬ߟߎ߬ ߟߊ߫ ߝߘߏ߬ߓߊ߬ ߢߐ߲ߢߐ߲ߠߌ߲ ߟߏ߲߫ ߞߵߊ߬ ߛߐ߬ߘߐ߲߬ ߘߋ߲ߣߍ߲ ߛߌߦߊߡߊ߲߫ ߧߴߊ߬ߟߎ߬ ߟߊ߫ ߖߊ߲߬ߖߏ߲ ߢߣߊߓߊ߯ߦߊ߫ ߞߊ߲߬ ߛߌߟߓߊ ߟߎ߬ ߞߊ߲߬.
ߛߌߟߊ߲߫ ߘߏ߲߬ ߘߊ߫ ߛߏ߫ ߞߣߐ߫ ߸ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߡߐ߱ ߟߎ߬ ߟߐ߬ ߥߊ߫ ߟߴߊ߬ߟߎ߬ ߞߎ߲߬ߞߊ߬ߙߌ߬ߝߊ߬ ߟߊ߫ ߖߛߊߞߣߐߟߊ ߟߎ߬ ߣߌ߫ ߘߌ߲߬ߞߌ߬ߙߊ߬ ߘߐߞߏߟߏ߲ ߠߎ߬ ߘߐ߫߸ ߡߐ߰ ߃߇߈ ߠߋ߬ ߟߊ߫ ߞߏ߫ ߛߋ߫ ߘߊ߫ ߝߊ߰ߡߊ ߟߎ߬ ߡߊ߬ ߕߌߢߍߟߌ ߘߏ߲߬ ߘߊ߫ ߡߍ߲ ߠߎ߫ ߞߎ߲߬߸ ߞߏ߫ ߞߵߊ߬ ߟߎ߫ ߡߊߘߍ߬ߡߍ߲߬ ߸ ߊ߬ ߣߌ߫ ߞߊ߬ ߟߎ߫ ߁߂ ߢߐ߲߰ ߘߐߞߏߟߏ߲ߧߊ߫ ߞߵߏ߬ ߞߎ߲߭ ߞߍ߫ ߢߍߓߍ߲ߠߌ߲ ߘߌ߫.
ߟߊߦߌߟߊ߬ ߖߊ߯ߙ ߞߊ߲߫ ߏ߬ ߦߋ߫ ߘߎ߲߬ߘߎ߬ߡߊ߬ ߥߊߟߌߘߊ ߘߏ߫ ߟߋ߬ ߟߊ߫ ((ߞߏ߫ ߦߙߍߦߙߍ߫ ߜߍߟߍ߲ ߣߌ߲߬ ߓߙߊ߬ߣߍ߲߫ ߒ߬ ߘߐ߫ ߟߋ߬ ߞߏߛߓߍ߫ ߸ ߊ߲ ߕߎ߲߬ ߧߋ߫ ߛߊ߲ߞߊߛߏ ߓߟߌߕߍ ߂߀ߠߊ߲߫ ߠߋ߬ ߟߊ߫ ߝߊ߬ߘߌ߬ߞߟߏ߬ ߢߣߊߕߍ߮ ߕߎ߬ߡߊ ߸ ߊ߲ ߡߴߊ߬ ߢߊߦߋ߫ ߡߍ߲ ߦߋ߫ ߛߋ߲߬ߠߊ߫.))
ߞߎ߲߬ߠߊ߬ߛߌ߮ ߞߊ߬ ߝߊ߲ߞߊ߲߫ ߏ߬ ߘߐ߫ ߞߏ߫ ߞߊ߬ߙߊ߲ߕߊ ߏ߬ ߘߊ ߘߌ߫ ߕߎ߲߯ ߞߏ߲ߞߏߘߌ߬ߓߌ ߕߋ߬ߟߋ߫ ߂߄ ߣߌ߫ ߂߅ ߡߊ߬ ߍ߲ߛߑߕߊ߲ߓߎߟ ߞߣߐ߫. ߐߙߑߘߏߜ߭ߊߣ ߡߍ߲ ߦߋ߫ ߦߋ߲߬ ߞߎ߲߬ߠߊ߬ߛߌ߮ ߘߌ߫ ߏ߬ ߞߊ߲߫ ߞߏ߫ ߕߊ߲߬ߘߏ ߦߋ߫ ߡߊ߰ߙߌ ߢߍ߫ ߓߊߏ߬ ߛߊ߬ߓߊ߰ߕߐ ߛߌ߫ ߡߊ߫ ߛߓߍߘߐߦߊ߫ .
silabosoona.com
ߖߌ߬ߓߙߌ߬ߟߊ߲ ߡߊ߲߬ߘߋ߲߫ ߡߟߍ߬ߞߊ ߞߐ߲ߘߍ߫
