ߡߐ߰ ߣߊ߯ߣߌ߲߫ ߡߍ߲ ߠߎ߬ ߖߐߞߌߣߍ߲߫ ߞߎߣߎ߲߬ ߞߍ߲ߘߍߟߏ߲ ߕߙߊߓߊ ߕߟߋ߬ ߅ ߂߀߂߅ ߸ߞߴߏ߬ ߞߎ߲߭ ߞߍ߫ ߘߊߘߐߛߐߛߐߞߏߓߊ ߘߌ߫ ߖߊ߬ߕߋ߬ߟߊ߫߸ߦߋ߲߬ ߦߋ߫ ߛߌ߯ߙߌ߲߫ ߕߌ߲߬ߞߎߘߎ߲ ߞߊ߬ߝߏ߬ ߛߏߓߊ ߘߏ߫ ߟߋ߬ ߘߌ߫ . ߞߍ߬ߟߍ ߕߍ߰ ߘߊ߫ ߛߏ߫ ߛߌ߰ߓߊ߰ ߘߍߞߙߎ ߟߎ߬ ߣߴߊ߬ߟߎ߫ ߖߋ߬ߕߌ߰ ߛߣߌߥߊ ߟߎ߬ ߟߊ߫ ߛߊߣߌ߲߫ ߓߊ߯ߙߊ߫ ߘߍߞߙߎ ߟߎ߫ ߕߍ߫.
ߛߙߋߦߊ ߡߍ߲ ߠߎ߬ ߡߊߛߐ߬ߘߐ߲߫ ߘߊ߫ ߞߏߢߊ ߡߊ߬ ߟߊߞߊ߬ߟߌ߬ ߘߐ߫ ߸ߏ߬ ߟߎ߬ ߕߊ߫ ߝߐߟߌ߫ ߘߐ߫ ߸ߞߏ߫ ߞߏߢߊ ߣߌ߲߬ ߡߊߛߐ߬ߘߐ߲߬ߣߍ߫ ߕߌ߲߬ߞߎߘߎ߲ ߡߎ߬ߛߏ ߟߎ߬ ߟߊ߫ ߞߏߟߊߘߍ ߟߊ߫ ߡߊ߬ߞߊ߬ߣߌ߲߬ߠߌ߲ ߘߏ߫ ߟߋ߬ ߘߐ߫߸ߞߏ߫ ߞߊ߬ ߥߊߟߌߘߊ ߟߊ߫ ߛߊߣߌ߲߫ ߓߊ߯ߙߊ߫ ߘߌߦߊ߫ ߞߘߐ ߟߊߕߊ߬ߡߌ߲߬ ߊ߬ߟߎ߬ ߡߊ߬ ߛߴߊ߬ߟߎ߬ ߘߌ߫ ߛߋ߫ ߡߊ߬ߞߏ߬ߣߍ߲ ߘߏ߫ ߟߎ߫ ߢߊߓߐ߫ ߟߴߏ߬ ߘߐ߫ ߸ߊ߬ߟߎ߬ ߞߍߢߊ ߟߴߏ߬ ߘߌ߫ ߞߊ߬ ߥߊߟߌߘߊ ߟߊ߫ ߦߙߐ߫ ߓߊ߯ߙߊߣߍ߲߫ ߞߘߐ ߟߎ߬ ߛߏ߲ߘߎ߮ ߡߊߞߏ߬ ߘߊߡߌ߬ߣߊ߬ ߸ߒߞߘߐ߫ ߖߋ߬ߕߌ߮ ߟߎ߫ ߞߊ߬ ߥߊߦߌ߲߫ ߢߊߖߌߓߐߟߊ߲ ߠߊߝߟߴߊ߬ߟߎ߬ ߞߐ߫ ߞߵߊ߬ߟߎ߬ ߜߍ߲߫ ߸ߏ߬ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߡߐ߱ ߟߎ߫ ߖߐߞߌ߫.
ߖߊ߬ߕߋ߬ߓߐ ߞߐߝߍ߬ ߡߐ߰ ߣߊ߯ߣߌ߲߫ ߡߍ߲ ߠߎ߬ ߡߊߘߌߡߌ߲߫ ߘߊ߫ ߸ߊߓߘߎߟߊߦߌ߬ ߓߊߛ߭ߌߙ ߞߐ߲ߘߋ߫ ߞߟߍ߬ߡߐ߰ߘߊ ߘߊ߲ߘߊߟߌߟߊ ߘߊ߯ߕߌ߮ ߛߊ߲ߘߐߕߊ ߸ߛߌ߯ߙߌ߲߫ ߡߙߊ߬ߓߊ߰ߘߊ ߘߊ߲ߘߊߛߏ ߗߋߓߏ߲ ߠߊ߫ ،ߦߴߊ߬ ߟߤߊߕߍߦߊ߫ ߟߊ߫ ߞߏ߫ ߖߐߞߌߓߊ߯ߕߐ ߓߍߣߊ߬ ߘߊ߲ߘߴߊ߬ߟߎ߬ ߓߟߏ߫ ߞߊ߬ ߓߊߛߌ߫ ߝߟߐߡߊ ߟߊߕߊ߬ߡߌ߲߬ ߊ߬ߟߎ߫ ߡߊ߬.
ߖߐߞߌߓߊ߯ߕߐ ߟߎ߫ ߘߐ߫߸ߡߏߙߌ߬ ߞߊ߬ߡߊߙߊ߬ ߞߎ߲߭ ߠߋ߫ ߡߊߘߌߡߌ߲߫ ߘߊ߫ ߸ߏ߬ ߡߍ߲ ߛߊ߲߬ ߆߇ ߦߋ߫ ߕߋ߲߬ ߘߋ߲߫ ߡߐ߰ ߂߂.
ߊߦߌߛߊ߬ ߘߎ߲߬ߓߎ߬ߦߊ ߸ߏ߬ ߓߟߏߡߊߙߊ߲߫ ߞߓߊ ߟߋ߬ ߡߊߘߌߡߌ߲߫ ߘߊ߫ ߸ߊ߬ ߛߊ߲߬ ߂߈ ߠߋ߫.
ߡߊߙߌߦߊߡ ߞߋߕߊ߬ ߸ߏ߬ ߝߣߊ߫ ߞߎ߲߭ ߠߋ߫ ߡߊߘߌߡߌ߲߫ ߘߊ߫ ߸ߊ߬ ߛߊ߲߬ ߁߈ ߠߋ߫ ߊ߬ ߡߊ߫ ߝߘߎ߫ ߝߟߐ߫.
ߊߦߌߛߊ߬ ߞߊ߬ߡߊߙߊ߬ ߸ߏ߬ ߝߣߊ߫ ߞߎ߲߭ ߖߐߞߌ߫ ߘߊ߫ ߞߵߊ߬ ߓߟߏߞߏ߬ߋ߬ߣߍ߲ ߕߍߡߊ߫ ߕߊ ߞߊߘߌ߫.
ߊ߬ ߞߏ ߞߏ߬ߣߌ߲ ߞߎ߲߭ ߖߐ߲ߖߐ߲ ߟߐ߲ߣߍ߲߫ ߕߍ߫ ߡߎߣߎ߲߬ ߸ߢߊߢߌߣߌ߲ߠߌ߲ ߦߋ߫ ߛߋ߲߬ߠߊ߫ ߞߊ߬ ߞߏ ߞߎ߲߭ ߟߐ߲߫ ߊ߬ ߕߌ߯ߕߌ߯ ߞߟߍ߬ߟߊ߲ ߡߍ߲ ߠߎ߬ ߞߍߣߍ߲߫ ߞߊ߬ ߡߎ߬ߛߏ ߎ߬ ߜߍ߲߫.
ߊ߬ ߞߏ ߞߏ߬ߣߌ߲ ߞߍߣߍ߲߫ ߓߌ߬ߟߊ߲߬ߘߐ ߟߋ߫ ߘߌ߫ ߛߏ߫ ߛߌ߰ߓߊ߮ ߟߎ߫ ߣߌ߫ ߖߋ߬ߕߌ߰ ߛߊߣߌ߲߫ ߛߋ߲ߠߊ ߟߎ߫ ߕߍ߫ ߔߙߌߔߙߊ߫ ߸ߓߍ߲߬ߓߊߟߌߦߊ ߛߊߓߎ߫ ߟߊ߫ ߛߌ߬ߓߊ߰ ߞߏߟߊߘߍ ߟߎ߫ ߟߊ߫ ߛߊߣߌ߲߫ ߓߐߓߊߟߌߦߊ ߟߊ߫.
ߊߓߎߓߊߞߊ߯ߙ ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫ ߸ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߛߌ߯ߙߌ߲߫.
