ߘߞߏ߫ ߦߋ߫ ߛߌ߯ߙߌ߲߫ ߕߌ߲߬ߞߎ߬ߘߎ߲߬ߙߋ ߘߏ߫ ߟߋ߬ ߘߌ߫߸ ߞߎߘߍ߫ ߅߀ ߦߋ߫ ߡߍ߲ ߣߌ߫ ߛߌ߯ߙߌ߲߫ ߛߏ߫ ߞߣߐߟߊ ߕߍ߫، ߞߌ߬ߣߌ߲߬ߞߌ߬ߣߌ߲߬ߞߏ ߣߌ߫ ߘߊߘߐߖߊߞߏ ߟߋ߬ ߞߍߣߍ߲߫ ߦߋ߲߬ ߓߌ߬ ߞߏ߲ߞߏߘߌ߬ߓߌ ߕߟߋ߬ ߁߭ ߢߌ߲߬ ߡߊ߬.
ߞߊߡߋߙߋ߲ ߘߏ߫ ߟߋ߬ ߣߐ߬ ߊ߬ ߖߋ߬ߕߌ߰ߡߛߏ߫ ߓߋ߲߬ߒߞߊ߲߬ߠߌ߬ ߡߊߘߌߡߌ߲߫ ߠߴߊ߬ ߢߊ ߞߋߟߋ߲ ߘߐ߫ ߞߵߏ߬ ߞߎ߲߭ ߞߍ߫ ߘߊߘߐߛߐߛߐ ߘߏ߫ ߊ߬ߟߎ߬ ߣߌ߫ ߢߐ߲߮ ߕߍ߫ ߊߓߊߕߎߥߊߙ ߞߌ߲߬ߘߊ ߟߊ߫. ߞߊ߲ߓߋߙߋ߲ ߣߌ߲߬ ߛߌ߬ߞߛߊߓߌ ߦߋ߫ ߛߊ߲߬ ߃߇ ߟߋ߬ ߘߐ߫߸ ߊ߬ ߕߐ߯ ߞߏ߫ ߔߌߍߙ ߕߍ߲ߜ߭ߌߣߏ߫.
ߊ߬ ߞߏ ߞߍ߫ ߘߊ߫ ߁߂ߙߋ߲ ߠߋ߬ ߟߊ߫ ߸ ߡߐ߱ ߟߎ߬ ߖߍ߲ߛߍ߫ ߕߎߡߊ ߞߊ߬ ߓߐ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߝߙߎߕߎ ߘߏ߫ ߘߊߦߟߍߟߌ ߘߐ߫߸ ߡߍ߲ ߟߐ߬ߣߍ߲߬ ߘߞߏ߫ ߡߙߊ߬ߓߊ߰ ߛߙߍߞߍ ߓߟߏ߫.
ߏ߬ ߡߊ߫ ߡߍ߲߫߸ ߡߏ߬ߛߏ ߘߏ߫ ߞߎ߲߬ߓߐ߬ ߘߊ߫ ߔߙߊߕߊߔߙߊߕߊ߫ ߊ߬ ߣߌ߫ ߛߙߋ߫ ߘߊ߲ߘߐ߫ ߟߎ߫߸ ߞߊ߬ ߞߟߍ߬ߡߐ߰ߘߊ ߡߊߜߍ߲߫߸ ߖߋ߬ߟߌ ߦߴߊ߬ ߢߊߞߘߐߟߊ ߘߐ߫ ߛߍߣߍ߲߬.
ߏ߬ ߟߋ߬ ߞߐߝߍ߬߸ ߞߟߍ߬ߡߐ߮ ߟߎ߬ ߕߊ߯ ߘߊ߫ ߕߍ߯ߞߍ߫ ߓߋ߲߬ߒߞߊ߲߬ߠߌ߬ߠߊ ߡߌߟߏߡߍߣߍ߲ߕߐ ߘߐ߫.
ߞߏߕߐ ߛߊ߫߸ ߏ߬ ߕߊ߬ ߘߊ߫ ߖߏߣߊߖߏߣߊ߫ ߞߊ߬ ߕߊ߯ ߘߊ߫ ߘߞߏ߫ ߘߊ߲ߘߊߛߏ ߟߊ߫، ߓߊ߬ߙߌ߬ ߖߐߞߟߌ߫ ߘߊ ߟߊߜߟߍ߬ߦߊ߬ ߞߏ߬ߖߎ߮ ߞߏߛߐ߲߬߸ ߏ߬ ߟߎ߫ ߣߊ߬ ߘߴߊ߬ ߟߊߢߌߣߌ߲߫ ߞߏ߫ ߞߵߊ߬ ߟߊߕߊ߬ߡߌ߲߬ ߛߌ߯ߙߌ߲߫ ߡߙߊ߬ߓߊ߰ߘߊ߬ ߘߊ߲ߘߊߛߏ ߟߊ߫.
ߔߌߍߙ ߕߍ߲ߜ߭ߌߣߏ߫ ߞߐ߬ߣߌ߲ ߞߵߊ߬ ߟߐ߬ ߟߋ߬ ߊ߬ ߟߊ߫ ߕߌߢߍߟߌ ߟߊ߫߸ ߞߊ߬ ߓߊ߲߫ ߞߵߊ߬ ߦߌ߬ߘߊ߬ ߞߏ߫ ߊ߬ ߣߌ߫ ߕߘߍ߬ ߦߋ߫ ߢߐ߲߯ߝߍ߬߸ ߊ߬ ߣߴߏ߬ ߡߍ߲ ߓߍ߯ ߦߋ߫ ߓߐ߫ ߟߊ߫ ߘߎ߰ ߞߋߟߋ߲߫ ߠߊ߫ ߣߴߊ߬ ߦߋ߫ ߞߛߌ߬ߘߎ߯ ߘߌ߫. ߊ߬ ߟߊ߫ ߞߎߡߊ߫ ߘߐ߫ ߞߏ߫ ߊ߬ ߣߌ߫ ߘߋ߲ߡߛߏ ߟߊ߫ ߘߊߘߐߛߐߛߐ ߛߊߓߎ ߡߌ߬ߣߊ߬ߣߍ߲߫ ߡߊ߬ߘߏ߬ߣߌ߲߬ߠߌ߲߬ ߛߙߊ߬ ߡߊ߬ߞߊߣߌ߲ ߠߋ߬ ߝߍ߬ ߏ߬ ߟߏ߲ ߛߐ߰ߡߊ߬ߘߊ ߟߊ߫ ߘߋ߲ߡߛߏ ߓߟߏ߫. ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߓߊ߲ߣߍ߲ ߞߐߝߍ߬ ߟߋ߬ ߄߀߀.߀߀߀ ߘߌ߫ ߟߊ߫ ߡߏ߬ߛߏ ߡߊ߬، ߏ߬ ߣߊ߬ ߘߴߖ߬ ߝߘߌ߫ ߊ߬ ߞߊ߲߬ ߞߵߊ߬ ߓߟߏ߫ ߥߏߘߌ ߕߐ߭ ߓߐ߬ߛߌ߫ ߊ߬ ߟߊ߫، ߞߴߏ߬ ߟߋ߬ ߞߵߊ߬ ߝߣߊ߫ ߟߐ߬ ߊ߬ ߖߤߊ߬ߘߌ߬ ߞߏ߬ߖߎ߰ߦߊ ߞߍ߫ ߟߊ߫.
ߘߐ߬ߟߐ ߦߋ߫ ߞߊߡߋߙߋ߲ ߞߊ߲߬ ߞߟߍ߬ߡߐ߰ߘߊ ߟߊ߫ ߦߋ߲߬ ߕߎ߬ߡߊ ߡߍ߲߸ ߊ߬ ߦߴߊ߬ ߝߐ ߞߊ߲߬ ߕߎ߲߫ ߞߏ߫ : « ߒ ߠߊ߫ ߜߏ߭ ߘߏ߲߬ ؟ ߒ ߠߊ߫ ߖ߭ߋ߭ ߘߏ߲߬ ؟ ». ߔߌߍߙ ߕߍ߲ߜ߭ߌߣߏ߫ ߓߘߊ߫ ߟߊߕߊ߬ߡߌ߲߫ ߕߍߛߘߌ ߟߎ߬ ߓߟߏ߫ ߛߌ߯ߙߌ߲߫ ߛߏ ߞߣߐ߫߸ ߖߐ߲߰ߛߴߊ߬ ߘߌ߫ ߟߊߟߐ߬ ߞߕߌߘߊ ߢߊߞߘߐ߫.
ߒ߬ ߧߋ߫ ߦߙߐ ߡߍ߲ ߘߐ߫ ߣߌ߲߬ ߸ ߘߋ߲ߡߛߏ ߦߋ߫ ߘߊ߲ߘߊߟߌ ߘߊߞߘߐ߫ ߛߴߊ߬ ߢߊ ߡߊߛߐ߬ߘߐ߲߬.
ߞߍߥߊߟߌ ߣߌ߲߬ ߓߘߊ߫ ߞߊ߬ߣߌ߲߬ߢߐ߲߰ߦߊ ߘߐ߫ ߥߐ߬ߦߐ ߟߎ߬ ߣߌ߫ ߘߟߐ߬ߡߌ߲߬ ߞߏ߬ߖߎ߰ߦߊ ߞߟߐ߬ߟߐ ߦߌ߬ߘߊ߫ ߡߐ߱ ߟߎ߬ ߟߊ߫ ߖߌ߬ߣߍ߬ ߌߞߐ߫.
_ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ
ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ ߓߟߏ߫_
