ߛߌߙߊ߫_ߟߌߦߐߣ ߘߎ߰ߘߋ߲ ߘߏ߫ ߟߋ߬ ߓߣߐ߬ߣߍ߲߫ ߊ߬ ߣߌ ߘߐ߫ ߞߐ߬ߟߏ߲ ߕߊ߬ߡߌ߲߬ߣߍ߲ ߛߎ ߘߐ߫ ߏ߬ ߡߍ߲ ߓߍ߲߬ߣߍ߲߬ ߂߀߂߅ ߞߏ߲ߞߏߘߌ߬ߓߌ ߕߟߋ߬ ߁߅ ߡߊ߬ ߸ߞߵߏ߬ ߞߎ߲߭ ߞߍ߫ ߛߊ߲ߝߍߙߍ߲ ߠߊ߫ ߖߌ߰ߟߌ ߘߌ߫ ߛߊ߲ߓߊ߫ ߞߎߛߦߊ߫߸ ߝߊߙߊ߲ߥߊߟߌߦߊ߫ ߡߙߊ߬ߘߊ߬ߙߋ߲ ߠߊ߫ ߛߌ߯ߙߌ߲߫ ߡߙߊ߬ߓߊ߰ߘߊ ߞߣߐ߫.
ߊ߲ ߞߊ߬ ߞߎ߲߬ߠߊ߬ߝߏߣߌ߲ ߡߍ߲ ߛߐ߬ߘߐ߲߬ ߓߊߙߊ߲ߕߏ߲߫ ߥߎߟߋ߲ ߞߊ߲ߕߌ߮ ߟߊ߫ ߸ ߊ߬ߟߋ߫ ߡߍ߲ ߕߐ߯ ߞߏ߫ ߖߌ߲ߓߊ߬ ߞߎߦߊߕߍ߫ ،
ߡߊ߬ߛߎ߬ߓߊ߬ߞߏ ߣߌ߲߬ ߞߍ߫ ߘߊ߫ ߛߐ߰ߡߊ߬ߘߊ ߃ ߙߋ߲߫ ߠߋ߬ ߡߊ߬ ߞߊ߬ߛߐ߬ߘߐ߲߫ ߡߊ߬ߡߊߘߌ߫ ߞߙߎ߬ߡߊ߬ ߟߊߣߴߊ߬ ߡߏ߬ߛߏ ߘߊߝߍ߬ ߘߊ߬ߡߊ߲߬ߘߊ ߦߙߐ߫ ߡߊߛߎߡߊߣߍ߲ ߘߏ߫ ߘߐ߫߸ ߊ߬ߟߋ ߡߍ߲ ߧߋ߫ ߛߊ߬ߓߊ߰ߕߐ ߘߌ߫ ߞߊ߬ߣߌ߲߬ ߸ߛߊ߲ߝߍߙߍ߲ ߞߊ߬ ߢߎߡߍߥߟߊ ߘߏ߫ ߟߋ߬ ߝߏߘߏ߲߫ ߏ߬ ߡߍ߲ ߧߋ߫ ߘߊ߬ߡߊ߲߬ߘߊ ߏ߬ ߡߎ߰ߡߍ ߟߊߡߍߣߍ߲߫ ߠߊ߫.
ߢߎߡߍߥߟߊ ߸ߏ߬ ߟߋ߬ ߛߌߟߊߝߍ߬ ߛߊ߲ߝߍߙߍ߲ ߖߌ߰ߘߊ߫ ߞߊ߬ ߞߊߡߋߙߋ߲ ߝߊ߰ ߞߵߊ߬ ߟߊߣߍ߲ߕߏ߫ ߊ߬ ߡߏ߬ߛߏ ߘߊߝߍ߬.
ߊ߲ ߧߋ߫ ߡߐ߰ ߟߎ߬ ߥߋ߯ߟߋ߫ ߟߊ߫ ߖߊ߲߬ߕߏ߬ߒ߬ߘߐ ߟߋ ߡߊ߬ ߸ߊ߬ ߕߌ߯ߕߌ߯ ߜߋߟߋ߲ߜߋߟߋ߲ ߠߎ߬ ߟߊߞߏ ߘߐ߫ ߊ߬ ߣߌ߫ ߞߍߟߊ߲߫ ߢߎߡߍߙߋ߲ߡߊ ߕߐ߭ ߟߎ߬،ߓߊߏ߬߸ ߛߊ߬ߡߊ ߘߊߡߌߣߊ ߡߊߛߌߟߊߣߍ߲ߓߊ ߟߋ߬ ߛߟߊߕߌ߯ ߡߏߤߊߡߍߘ ߞߎߦߊߕߍ߫ ߟߋ߬ ߞߊ߲߫ ߕߋ߲߬.
ߘߎ߰ߕߌ߮ ߣߌ߫ ߘߋ߲ߡߌߛߍ߲߫ ߛߓߍߘߊ ߡߐ߱ ߘߏ߫ ߟߎ߫ ߕߊ߬ߺߣߍ߲ ߞߊ߬ ߟߊ߫ ߓߊߙߊ߲ߕߏ߲߫ ߥߎߟߋ߲ ߞߊ߲߬߸ ߏ߬ ߟߎ߬ ߞߵߊ߬ߟߎ߫ ߛߋ߲߬ߝߊ߫ ߞߊ߬ ߕߊ߯ ߛߋ߫ ߘߌ߲߬ߞߌߙߊ ߏ߬ ߘߐ߫ ߦߋ߲߬ ߸ ߝߊ߰ߡߊ߬ ߞߎ߲ߘߊ߫ ߘߋ߬ߙߌ߬ߣߍ߲߬ߞߏ ߟߎ߬ ߢߊߓߐߣߍ߲ ߞߐ،ߛߎ߭ ߟߊߕߊ߬ߡߌ߲߬ ߘߴߊ߬ ߞߐߙߍ ߡߊ߬߸ ߊ߬ ߓߊߘߍ ߞߊ߲߫ ߡߊ߬.
ߡߊ߲߬ߕߙߐ߬ߞߏ ߣߌ߲߬ ߦߵߊ߬ ߦߌ߬ߘߊ߬ ߟߊ߫ ߟߋ߬ ߞߏ߫: ߖߊ߲߬ߕߏ߬ ߞߊ߫ ߞߊ߲߫ ߞߊ߬ ߞߍ߫ ߢߎߡߍ߫ ߟߎ߬ ߡߊߞߍߢߊ ߘߐ߫ ߘߊ߬ߡߊ߲߬ߘߊ ߟߎ߬ ߟߊ߫،ߝߊ߰ߡߊ ߟߎ߬ ߦߋ߫ ߡߐ߱ ߟߎ߬ ߡߊߥߋ߯ߟߋ߫ ߟߊ߫ ߡߍ߲ ߡߊ߬: ߏ߬ ߟߋ߫ ߖߊ߲߬ߕߏ߬ߒߘߐ ߘߌ߫߸ ߊ߬ ߣߌ߫ ߞߏ ߟߎ߬ ߢߊߓߍ߲ ߘߌ߫، ߊ߬ ߕߞߌߕߞߌ ߘߐ߫ ߸ߞߊ߬ ߢߐ߲߮ ߟߊߟߌ߫ ߞߊ߬ ߓߍ߲߬ ߛߊ߲ߝߍߙߍ߲ ߡߊ߲߬ߕߙߐ ߟߎ߫ ߡߊ߬.
ߖߌ߬ߓߙߌߟߊ߫ ߡߊ߬ߡߘߎ߫ ߞߐ߲ߘߍ߫ ߓߟߏ߫
