ߊ߬ ߞߏ ߓߘߊ߫ ߟߊߥߊ߲߬ߞߊ߲߬ ߛߍߣߍ߲߬ ߝߋߎ߫، ߓߊߏ߬߸ ߛߌ߬ߟߊ߬ߡߊ ߟߎ߬ ߟߊ߫ ߥߛߊ߬ߓߊ߰ߦߊ ߡߍ߲ ߦߋ߫ ߛߊ߬ߥߎ߬ߘߌߦߊ ߟߊ߫߸ ߏ߬ ߟߎ߬ ߓߘߴߊ߬ ߟߊߛߋ߫ ߓߌ߬ ߞߍ߲ߘߍߟߏ߲ ߣߌ߲߬ ߡߊ߬ ߂߀߂߅ ߕߙߊߓߊ ߕߋ߬ߟߋ߫ ߂߉߸ ߞߏ߫ ߊ߬ߟߎ߬ ߓߘߊ߫ ߞߊߙߏ ߦߋ߫߸ߏ߬ ߡߍ߲ ߦߋ߫ ߛߎ߲ߞߊߙߏ ߞߎ߲߬ߘߏ ߘߌ߫ ߞߊ߬ߣߌ߲߬، ߏ߬ ߟߋ ߘߐ߫߸ ߞߏ߫ ߊ߬ߟߎ߬ ߓߍߣߊ߬ ߛߊߟߌ߫ ߛߌߣߌ߲߫ ߞߊ߯ߙߌߟߏ߲ ߡߊ߬ ߂߀߂߅ ߕߙߊߓߊ ߕߟߋ߬ ߃߀.
ߊ߬ߟߋ߬ ߟߊ߫ ߟߊ߬ߛߋ߬ߟߌ ߡߍ߲ ߦߋ߫ ߣߌ߲߬߸ ߏ߬ ߟߋ ߣߐ߬ ߢߌ߬ߣߊ߲߬ ߛߎ߲ߞߊߙߏ ߘߊ߲߬ ߠߊ߫ ߕߋ߬ߟߋ߫ ߂߉ ߡߊ߬ ߛߊ߬ߥߎ߬ߘߌߦߊ ߟߊ߫، ߊ߬ ߘߏ߲߬߸ ߛߌ߬ߟߡߊ߬ ߖߡߊߣߊ ߛߌߦߊߡߊ߲߫ ߠߊ߫ ߦߟߌߡߊߛߙߋ ߦߋ߫ ߡߞߊ߫ ߟߋ߬ ߘߌ߫߸ ߊ߬ߟߎ ߓߊ߯ ߞߊߙߏ ߦߋ߫ ߘߐߙߐ߲߫߸ ߖߡߊ߬ߣߊ߬ ߛߌߦߊߡߊ߲߫ ߕߴߊ߬ ߖߍ߬ߘߍ ߛߍ߰ ߟߊ߫ ߞߊߙߏ߫ ߢߌߣߌ߲߫ ߠߊ߫ ߡߎ߬ߕߎ߲߬߸ ߏ߬ ߟߎ߬ ߦߋ߫ ߕߎ߲߰ ߠߊ߫ ߛߊ߬ߥߎ߬ߘߌߦߊ ߟߋ߬ ߞߐ߫.
ߣߴߌ ߞߊ߬ ߡߊ߬ߙߐߞߎ߬ ߕߊ߬ ߣߌ߲߬ ߞߏ ߘߐ߫߸ ߏ߬ ߟߎ߬ ߝߣߊ߫ ߓߘߴߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߋ߫ ߞߊߙߏ߫ ߢߌߣߌ߲ ߞߊ߲߬߸ ߞߵߊ߬ ߟߐ߲߫ ߣߌ߫ ߛߌߣߌ߲߫ ߞߊ߯ߙߌ ߟߋ߬ ߞߍߕߐ߫ ߡߌ߲߬ߞߊߙߏ ߕߟߋ߬ ߝߟߐ ߘߌ߫ ߊ߬ߟߎ߫ ߝߍ߬ ߦߋ߲߬، ߣߴߏ߬ ߦߋ߫ ߘߊ߫ ߛߥߊ߬ߓߊ߬ ߘߌ߫߸ ߏ߬ ߟߋ ߞߍߕߐ߫ ߊ߬ ߦߌ߬ߘߊ߬ ߟߊ߫ ߞߏ߫ ߡߊ߬ߙߐߞߎ߬ ߝߣߊ߫ ߘߌ߫ ߛߊߟߌ߫ ߛߌߣߌ߲߫ ߞߊ߯ߙߌ ߡߊ߬، ߓߊ߬ߙߌ߬߸ ߊ߬ߟߎ߬ ߓߘߴߊ߬ߟߎ߬ ߓߟߏߝߘߴߊ߬ߟߎ߬ ߟߊ߫ ߘߌ߯ߣߊ߫ ߞߏߟߊߕߍ߮ ߟߎ߬ ߣߌ߫ ߛߊ߬ߙߌ߬ߦߊ߬ߟߐ߲߬ߠߊ ߘߏ߫ ߟߎ߫ ߟߊ߫߸ߊ߬ ߣߌ߫ ߣߊ߬ߘߌߙߎ ߟߎ߬߸ ߏ߬ ߟߎ߬ ߡߍ߲ ߠߎ߬ ߦߋ߫ ߤߊ߬ߓߎ߯ߛߎ ߟߎ߬ ߟߊ߫ ߞߏߕߌ߯ߘߊ ߟߊ߫ ߗߋߘߋ߲ ߘߌ߫߸ ߞߏ߫ ߏ߬ ߟߎ߬ ߦߋ߫ ߞߊߙߏ ߢߌߣߌ߲߫ ߞߵߊ߬ ߛߥߊ߬ߓߊ߬ ߖߐ߲ߖߐ߲ ߟߐ߲߫، ߊ߬ ߞߏ߬ߣߌ߲߸ ߡߊ߬ߙߐߞߎ߬ ߛߊ߲ߡߊߛߓߍߟߐ߲ߘߐߦߟߊ ߘߏ߫ ߓߍ߫߸ ߞߏ߫ ߊ߬ߟߌ߫ ߊ߬ߡߙߊ߬ߥߌ߸ ߏ߬ ߟߎ߬ ߓߘߴߊ߬ ߟߊߝߐ߫ ߞߏ߫ ߡߊ߬ߙߐߞߎ߬ ߞߊ߫ ߞߊ߲߫ ߞߊ߬ ߛߊߟߌ߫ ߞߐ߬ߓߊ߬ߟߏ߲ ߠߋ߬ ߡߊ߬߸ ߕߙߊߓߊ ߕߟߋ߬ ߃߁، ߞߊ߬ߕߎ߲߯߸ ߞߏ߫ ߊ߬ߟߎ ߟߊ߫ ߞߊߙߏ ߘߝߊߕߐ߫ ߟߋ߬ ߕߟߋ߬ ߃߀ ߟߊ߫، ߏ߬ ߘߐ߫߸ ߡߊ߬ߙߐߞߎ߫߬ ߕߊ ߦߋ߫ ߛߎ߲ߕߍ߯ ߞߐ ߟߋ߬ ߡߊߞߐ߫߬ߣߐ߲ ߞߊ߲߬߸ ߞߊ߬ ߞߊߙߏ ߦߋ߫ ߞߏ ߣߴߊ߬ ߦߋߓߊߟߌߦߊ߫ ߞߏ ߔߘߋߔߘߋߟߊߕߍ߰.
ߛߊ߲߬ ߛߌߦߊߡߊ߲߫߸ ߌ ߘߴߊ߬ ߦߋ߫ ߖߡߊ߬ߣߊ ߟߎ߬ ߕߍ߫ ߛߎ߲ߞߊߙߏ߫ ߛߊߟߌ ߞߍ߫ ߟߊ߫ ߕߎ߬ߡߊ߬ ߞߋߟߋ߲߫ ߠߊ߫߸ ߞߵߏ߬ ߞߎ߲߭ ߞߍ߫ ߞߊߙߏ߫ ߢߌߣߌ߲߫ ߞߏ ߣߌ߲߬ ߘߌ߫، ߓߊߏ߬߸ ߓߍ߯ ߕߴߊ߬ ߦߋ߫ ߟߊ߫ ߢߊ߫ ߞߋߟߋ߲߫ ߡߊ߬߸ ߊ߬ ߣߌ߫ ߕߎ߬ߡߊ߬ ߞߋߟߋ߲߫ ߠߊ߫، ߏ߬ ߟߋ ߘߐ߫߸ ߖߡߊ߬ߣߊ ߘߏ߫ ߟߎ߫ ߓߘߴߊ߬ߟߎ߬ ߞߊߘߊ߲ ߘߊߡߌ߬ߣߊ߬߸ ߞߊ߬ ߛߊ߲ߡߊߛߓߍߟߐ߲ߘߐߦߊ ߞߎ߬ߙߎ߲߬ߘߎ ߟߎ߬ ߟߥߊߟߌ߫߸ ߏ߬ ߡߍ߲ ߦߋ߫ ߖߊ߬ߕߋ߬ ߟߊߞߢߊߣߍ߲ ߘߌ߫ ߞߊߙߏ߫ ߞߏ ߘߐ߫ ߞߊ߬ߣߌ߲߬߸ ߝߐߢߐ߲߯ߞߐ ߡߊ߲߫ ߛߌߦߊ߫ ߡߍ߲ ߘߐ߫.
ߏ߬ ߘߐ߫߸ ߡߊ߬ߙߐߞߎ߬߸ ߖߌ߬ߣߍ߬߸ ߡߊ߬ߟߌ߸ ߛߣߍ߬ߜ߭ߊߟߌ߫߸ ߜߋ߲ߞߐ߰ߖߌ߬ߘߊ߸ ߏ߬ ߟߎ߬ ߓߍ߯ ߡߊߞߐ߬ߣߐ߲ ߠߋ߬ ߦߴߌߘߐ߫ ߕߋ߲߬߸ ߤߊ߲߯ ߛߎ߲ ߦߋ߫ ߕߍ߰߸ ߛߊ߫ ߞߊߙߏ߫ ߞߏ ߓߙߍ߬ ߘߌ߫ ߟߐ߲߫، ߣߴߌ ߘߏ߲߬ ߞߊ߬ ߊߟߌߖ߭ߋߙߌ߫ ߕߊ߬߸ ߍ߲ߘߣߏߛߌ߫߸ ߛߎߥߍߘߌ߬߸ ߊ߬ ߣߌ߫ ߖߡߊ߬ߣߊ߬ ߛߌߦߊߡߊ߲߫ ߝߣߊ߫߸ ߏ߬ ߟߎ߬ ߞߊ߲߫ ߞߏ߫ ߊ߬ߟߎ߬ ߟߊ߫ ߛߊߟߌ ߓߍ߲߬ߕߐ߫ ߞߐ߬ߓߊ߬ߟߏ߲ ߠߋ߬ ߡߊ߬ ߕߙߊߓߊ ߕߟߋ߬ ߃߁.
