ߡߊ߬ߛߎ߬ߓߊ߬ߞߏ ߣߌ߲߬ ߞߍߣߍ߲߫ ߞߊ߬ߦߌ߯ ߕߙߊߓߊ ߕߋ߬ߟߋ߫ ߂߅ ߟߋ߬ ߡߊ߬ ߂߀߂߅ ߛߊ߲ߘߍߙߑߝ߭ߊߟߌߦߊ߫ ( ߓߐߟߐ߲߫ ߁߭ ߸ ߞߊ߬ߟߎߡ ߞߊ߬ߝߏ߬ߙߋ߲ ߞߣߐ߫=( 1ère avenue, commune de Kaloum). ߏ߬ ߞߏ ߓߘߊ߫ ߞߍ߫ ߛߎ߬ߣߎ߲߬ߞߏ ߣߌ߫ ߘߌߡߌ߲ ߘߌ߫ ߡߐ߱ ߟߎ߬ ߞߊ߲߬
ߎߡߎ߬ ߡߊ߬ߦߌߜ߭ߊ߬ ߡߍ߲ ߦߋ߫ ߣߌ߲߬ ߸ ߊ߬ ߝߊ߰ߣߍ߲߫ ߞߊ߬ ߘߋ߲߫ ߟߏ߯ߟߎ߫ ߟߋ߬ ߕߏ߫ ߊ߬ ߣߌ߫ ߞߵߊ߬ ߞߣߐߡߊ߫ ߕߏ߫ ߞߊߙߏ߫ ߈ ߘߐ߫.
ߊ߬ ߜߊ߬ߛߌ߬ ߞߏ߬ߖߎ߰ߦߊ ߞߍߣߍ߲߫ ߊ߬ ߝߘߎߞߍ߫ ߟߋ߬ ߓߟߏ߫߸ ߏ߬ ߞߍ߫ ߘߊ߫ ߕߙߎ߬ ߘߌ߫ ، ߊ߬ ߡߊ߫ ߛߴߊ߬ ߟߊ߫ ߖߐߞߟߌ߫ ߘߊ ߞߘߐ߫߸ ߊ߬ ߗߍ߬ ߕߐ߯ ߟߋ߬ ߞߏ߫ ߊ߲ߛߎߡߊߣ ߦߊ߬ߕߊߙߊ߬.
ߛߙߋ ߘߏ߫ ߞߵߊ߬ ߦߌ߬ߘߊ߬ ߘߋ߲ߡߛߏ ߟߊ߫ ߞߐߙߍ ߘߐ߫ ߞߏ߫ : ߞߵߊ߬ ߕߊ߬ ߏ߬ ߥߊ߯ߕߌ ߟߋ߬ ߟߊ߫ ߛߊ߫ ߸ ߤߊ߲߯ ߕߋ߲߬ ߛߊ߰ߓߊ߬ߕߐ ߝߎ߬ߙߋ ߦߋ߫ ߛߎ߬ߓߏ߲ ߠߊ߫ ߸ߞߵߊ߬ ߞߎ߲߭ ߞߍ߫ ߓߟߏߞߘߐ߫ ߞߏ ߘߛߍ߫ ߘߌ߫، ߓߊߏ߬ ߖߐ߰ߣߍ߲ ߠߎ߬ ߡߊ߫ ߛߋ߫ ߛߙߊ߬ ߟߊ߫ .
<<ߊ߬ ߝߐߣߍ߲߫ ߠߴߊ߲ ߧߋ߫ ߞߏ߫ ߛߎ߭ ߡߎ߬ߛߊ߬ߞߊ ߖߐ߰ߣߍ߲ ߧߋ߫ ߓߍ߲߬ ߠߊ߫ ߖ.ߕ : ߃.߅߀߀. ߀߀߀ ߟߋ߬ ߡߊ߬.
ߊ߬ߟߎ߫ ߣߐ߬ ߞߛߊ߬ߓߌ ߏ߬ ߟߋ߬ ߡߞߊߣߌ߲߫ ߠߊ߫ ߥߟߊߛߊ߫ ߞߵߊ߲ ߓߊߘߋ߲ߡߊ߫ ߡߛߏ ߛߎ߭ ߓߌ߬ߟߊ߬ ߞߵߊ߬ ߘߌ߫ ߊ߲ ߡߊ߬ >>. ߤߊߥߊ߬ ߡߊ߬ߦߌߜ߭ߊ߬ ߟߋ߬ ߞߊ߲߫ ߕߋ߲߬ ߸ ߛߊ߰ߓߊ߬ߕߐ߫ ߘߐ߯ߡߛߏ ߞߊ߬ߣߌ߲߬.
<< ߊ߲ ߞߊ߬ ߝߍ߬ߙߍ ߛߎ߯ ߓߍ߯ ߘߏ߫ ߞߍ߫ ߸ ߞߊ߬ ߕߊ߬ߡߌ߲߫ ߞߌ߲߬ߘߊ߫ ߞߎ߲ߕߌ߮ ߝߍ߬߸ߊ߲ ߓߘߊ߫ ߟߊ߬ߛߐ߬ߘߐ߲߬ߠߌ߲߬ ߗߋߢߘߊ ߟߎ߬ ߟߊߛߐ߬ߘߐ߲߬ ߞߏ߬ߣߌ߲߬ ߥߊߦߌߞߊ߫ ߸ ߤߊ߲߯ߕߋ߲߬ ߒ߬ ߣߐ߬ ߕߍ߫ ߛߎ߭ ߡߊ߫ ߛߐ߬ߘߐ߲߬ ߠߊ߫ ߤߊ߲߰ >>
ߎߡߎ߬ ߟߊ߫ ߞߐߙߍ ߓߘߊ߫ ߦߌߟߊ߲ߦߌߟߊ߲ ߓߊߏ߬ ߛߐ߬ߘߐ߲߬ߘߊ߬ ߕߴߊ߬ߟߎ߬ ߓߟߏ߫.
( LES RESSOURCES)
߸ߊ߬ߟߎ߬ ߓߘߊ߫ ߞߐ߬ߙߌ߬ ߛߎ߬ߣߎ߲ ߓߟߏ߫߸ ߞߵߊ߬ ߕߊ߬ ߡߊ߬ߢߌ߬ߡߊ߬ߞߏ ߣߌ߲߬ ߞߍ ߟߏ߲ ߡߊ߬ ߸ ߊ߬ߟߎ߫ ߟߋ߬ ߘߐ߭ ߘߏ߲߬ߣߍ߲߫ ߘߋ߲߫ ߝߊߙߌߕߊ߫ ߟߏ߯ߟߎ ߟߎ߬ ߟߊߞߏ ߟߊ߫.
ߘߍ߬ߡߍ߲߬ߠߌ߲߬ ߖߐ߲ߖߐ߲߫ ߛߌ߫ ߡߊ߫ ߛߐ߬ߘߐ߲߬ ߝߋߎ߫ ߞߊ߬ ߝߘߊ߫ ߢߍߡߐ߮ ߟߎ߬ ߝߍ߬ ߥߟߊ߫ ߝߊ߰ߟߌ߬ߟߊ ߟߊ߫ ߞߐߙߍ ߝߍ߬ .
<<ߞߵߊ߬ ߕߊ߬ ߕߙߊߓߊ ߕߋ߬ߟߋ߫ ߂߈ ߡߊ߬ ،ߡߐ߰ ߛߌ߫ ߡߊ߫ ߛߐ߬ߘߐ߲߬ ߗߍ߭ ߟߊ߫ ߞߐߙߍ ߟߎ߬ ߘߐ߫ ߸ ߡߍ߲ ߣߊ߬ ߘߊ߫ ߘߋ߲ ߠߎ߬ ߟߌ߬ߤߟߊ ߕߊ߬.
ߒ߬ ߧߋ߫ ߒ߬ ߛߋߞߏ ߘߡߊ߬ߦߌߙߊ ߟߋ߬ ߞߍ߫ ߞߊ߲߬߸ ߏ߬ ߟߋ߬ ߞߏߛߐ߲߬ ߊ߲ ߓߘߊ߫ ߛߋ߫ ߘߊ߲߲߭ ߠߊ߫ ߤߊ߲߰ .
ߤߊߟߌ߬ ߞߏߕߌ߯ߘߊ ߘߏ߫ ߣߊ߬ ߘߴߊ߲ ߧߋ߫ ߸ ߞߐ߬ߣߌ߲߬ ߊߜߊ߫ ߞߏ߫ ߖߐ߲ߖߐ߲߫ ߛߌ߫ ߡߊ߫ ߓߐ߫ ߏ߬ ߝߣߊ߫ ߘߐ߫ >>
ߞߏ ߟߎ߬ ߦߴߊ߬ ߞߊ߲߬ ߕߎ߲߯ ߞߊ߬ ߖߎ߯ߦߊ߫ ߦߏ߫ ߘߋߣߍ߲ ߠߎ߬ ߸ߊ߲ ߧߋ߫ ߦߌߟߊ ߡߍ߲ ߘߐ߫ ߣߌ߲߬߸ߣߌ߫ ߟߊ߬ߘߌ߰ߟߌ߬ߞߊ߲ ߕߍ߫ ߸ߘߋ߲ ߠߎ߬ ߕߙߐߣߍ߲߫ ߞߵߏ߬ ߞߎ߲߭ ߞߍ߫ ߡߊ߬ߛߎߓߊ ߣߌ߲߬ ߘߌ߫ .
ߊ߬ߟߎ߫ ߡߊ߬ߡߊ߬ߡߛߏ߫ ߖߊ߲߬ߞߊ߬ߙߏ߬ߕߐ ߝߣߊ߫ ߓߘߴߊ߬ ߟߊ߫ ߘߛߍ߫ ߦߌ߬ߘߊ߬߸ ߞߏ߫:
<<ߕߎ߬ߡߊ߬ ߓߍ߯ ،ߊ߬ߟߎ߬ ߓߍ߯ ߟߊ߫ ߘߐ߯ߡߊߡߐ߮ ߖߊ߲߬ߞߊ߬ߙߏ߬ ߟߊ߫.
ߝߙߍ߬ ߕߍ߫ ߒ ߝߍ߬ ߞߊ߬ ߘߋߣߍ߲ ߠߎ߬ ߟߊ߫ ߛߌߣߌ߲ߢߍߛߌ߮ ߓߊ߲ߓߊ߲߫.
ߞߏߢߊ ߣߌ߲߬ ߣߐ߬ ߒ ߡߊ߬ߞߏߛߊ߬ ߟߊ߫ ߟߋ߬ ߝߋߎ߫.
ߊ߬ ߕߍ߫ ߘߋ߬ ߞߏ߫ ߒ ߓߐ߬ߣߐ ߡߍ߲ ߞߍߣߍ߲ ߒ ߘߋ߲ߡߛߏ ߘߐ߫ ߸ߒ߬ߞߊ߬ ߸ ߘߋ߲ߣߍ߲߫ ߠߎ߬ ߟߊ߫ ߞߏ ߖߐ߬ߘߐ ߟߋ߬ ߒ ߘߐ߲߬ߘߐ߲߬ߣߍ߲߬ ߝߊ߮ ߞߊ߲߬ ߕߋ߲߬ >> ߛߊ߰ߓߊ߬ߕߐ ߛߐ߬ߘߐ߲߬ ߣߊ ߟߋ߬ ߞߊ߲߫ ߕߋ߲߬.
ߊ߬ߟߎ߬ ߟߊ߫ ߜߟߍ߬ߦߊ ߘߐ߫ ߸ ߊ߬ ߡߊ߬ߛߎ߬ߘߎ߲߬ߧߊ߬ߓߊ߮ ߟߎ߬ ߦߋ߫ ߞߟߌߟߌ߫ ߜߍߟߍ߲ ߘߏ߫ ߟߐ߬ ߟߊ߫ ߞߊ߲ߓߍ߲ ߞߊ߲ߕߌ߮ ߡߊ߬، ߞߊ߬ ߘߏ߫ ߟߐ߬ ߞߎ߲߬ߠߊ߬ߛߌ߮ ߟߎ߬ ߡߊ߬ ߸ ߏ߬ ߣߌ߫ ߡߙߌߦߊ߫ ߛߊߣߌ߲ߕߌ߮ ߟߎ߬ ߟߊ߫ ߘߍ߬ߡߍ߲߬ߠߌ߲ ߸ߖߐ߲߬ߛߊ߫ ߞߊ߬ ߎߡߎ߬ ߡߊ߬ߦߌߜ߭ߊ߬ ߝߎ߬ߙߋ ߡߊߛߐ߬ߘߐ߲߬߸ߊ߬ ߣߌ߫ ߞߊ߬ ߛߕߎ߬ߙߊ߬ ߢߌߡߊ ߘߏ߫ ߞߍ߫ ߊ߬ ߘߋ߲ߡߛߏ ߦߋ߫߸ߊ߬ ߦߋ߫ ߘߍ߬ߡߍ߲߬ߠߌ߲߬ ߜߘߍ߫ ߢߌߣߌ߲߫ ߠߊ߫ ߘߋ߲ߣߍ߲ ߝߣߊ߫ ߦߋ߫ ، ߛߊ߰ߓߊ߬ߕߐ ߣߐ߬ ߡߍ߲ ߠߎ߬ ߕߏ߫ ߟߴߊ߬ ߞߐ߫ ߞߊ߬ߣߌ߲߬ .
ߓߊߘߋ߲߫ ߠߎ߬ ߸ߤߊ߲߯ ߊ߲ ߧߋ߫ ߦߌߟߊ߫ ߡߍ߲ ߘߐ ߕߋ߲߬ ،ߊ߬ ߛߎ߭ ߦߋ߫ ߘߊ߲ߘߊߛߏ ߟߊ߫ ߤߊ߲߯ ߓߌ߬.
ߞߕߌߞߏ ߦߋ߫ ߛߋ߲߬ߞߊ߲߬ ،ߒ߬ߞߊ߬ ߥߊߦߌߞߊ߫ ߸ ߞߐߙߍ ߟߎ߬ ߦߋ߫ ߢߌ߬ߣߌ߲߬ߞߊ߬ߟߌ ߟߎ߬ ߟߐ߬ ߟߊ߫ ߞߎ߲߬ߠߊ߬ߛߌ߮ ߟߎ߬ ߟߊ߫ ߡߊ߬ߞߎ߲ ߡߊ߬ ߞߵߊ߬ ߓߍ߲߬ ߞߏ߫ ߘߌߡߌ߲ߣߍ߲߫ ߛߎ߯ ߣߌ߲߬ ߡߊ߬.
ߏ߬ ߘߌ߫ ߡߐ߱ ߞߊ߬ߥߊ߲߬ߘߌ߬ߟߌ߬ ߞߏ ߓߐ߫ ߘߎߢߊ߫ ߘߐ߫ ߘߋ߬߹
silabosoona.com
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
