ߥߊ߬ߛߌ߬ߥߙߊ߫ ߣߊ߬ߕߐ ߟߋ߬ ߞߍߕߐ߫ ߊ߬ ߟߊ߫ ߛߊߛߋ ߞߎ߲߬ߝߊ߮ ߘߌ߫ ߡߊߛߋߛߍߙ ߛߕߌ، ߞߊ߬ߕߎ߲߯߸ ߞߋߝ߭ߌߣ ߘߋ߬ߓߙߌߣ ߓߘߊ߫ ߘߏ߫ ߝߐ߫ ߊ߬ ߟߊ߫ ߟߏ߲߫ ߣߊ߬ߕߐ ߞߍߢߊ ߞߊ߲߬ ߕߏ߬ߟߊ߲߬ߕߊ߲ ߡߊ߬ߘߎ߮ ߘߐ߫ ߛߌ߬ߕߌ.
ߞߋߝ߭ߌߣ ߘߋߓߙߌߣ ߞߎߡߊߣߍ߲߫ ߠߋ߬ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߞߵߊ߬ ߡߙߌߦߊ ߟߊߛߋ߫، ߕߍߡߊߟߐ߫ ߓߍߟߑߖ߭ߌߞߊ߫ ߛߊ߲߬ ߃߃ ߓߘߴߊ߬ ߦߌ߬ߘߊ߫ ߘߍ߬ߞߙߏߝߏ ߟߎ߫ ߞߊ߲߬ ߞߏ߫ ߘߐ߬ߝߊߟߋ߲ ߡߍ߲ ߣߊ߬ߕߐ߫ ߣߌ߲߬߸ ߞߏ߫ ߊ߬ ߕߍߣߊ߬ ߕߏߟߏ߲߫ ߠߊ߫ ߛߌ߬ߕߌ ߝߋߎ߫.
<<ߌߟߋ ߡߍ߲ ߦߋ߫ ߛߓߍ ߣߌ߲߬ ߞߊ߬ߙߊ߲ ߞߊ߲߬߸ ߌ ߞߵߊ߬ ߟߐ߲߫ ߖߐ߫ ߒ ߧߴߊ߬ ߝߍ߬ ߞߊ߬ ߡߍ߲ ߝߐ߫، ߏ߬ ߘߐ߫ ߒ ߘߌ߫ ߒ ߛߌ߲߫ ߞߎߡߊ ߗߍ߬ߡߊ߲ ߠߊ߫: ߒ ߞߍߕߐ߫ ߒ ߠߊ߫ ߞߊߙߏ߫ ߟߊߓߊ߲ ߠߎ߬ ߟߋ߬ ߕߊ߲߫ ߠߊ߫ ߛߌ߬ߕߌ ߦߋ߫ ߕߋ߲߬.>> ߖߊߓߟ ߙߎߖ߭ ߟߋ߬ ߞߊ߬ ߣߌ߲߬ ߛߓߍ߫߸ ߊ߬ߟߋ ߡߍ߲ ߠߊ߫ ߛߊߛߋ ߘߌ߫ ߞߎ߲߭ߘߏ߲߬ ߥߊ߬ߛߌ߬ߥߙߊ ߕߟߋ߬ ߃߀ ߣߊ߬ߕߐ ߡߊ߬.
<<ߕߏ߬ߟߊ߲߬ߕߊ߲ ߠߋ߬ ߞߵߊ߲ ߠߊߛߋ߫ ߢߐ߲߮ ߡߊ߬߸ ߤߊ߯ ߘߎ߰ ߓߛߍ ߣߌ߲߬ ߖߍ߬ߘߍ ߞߣߐ߫ ߦߊ߲߬، ߘߎ߱ ߡߍ߲ ߣߌ߲߬߸ ߞߍߙߍ߲ߘߊ ߡߍ߲ ߦߋ߫ ߣߌ߲߬߸ ߡߐ߱ ߡߍ߲ ߠߎ߬ ߦߋ߫ ߣߌ߲߬߸ ߊ߬ߟߎ߫ ߞߵߊ߬ ߓߍ߯ ߟߋ߬ ߞߍ߫ ߒ ߧߋ߫߸ ߞߵߊ߬ ߓߍ߯ ߘߌ߫ ߒ ߡߊ߬، ߛߋ߫ ߜߘߍ߫ ߝߣߊ߫ ߕߎ߲߬ ߕߍ߫ ߒ ߧߋ߫ ߝߏ߫ ߞߵߏ߬ ߟߋ ߞߍ߫، ߊߟߎ߫ ߞߊߣߊ߬ ߞߏ߫ ߜߘߍ߫ ߖߌ߰߸ ߊ߲ ߞߵߊ߬ ߓߍ߯ ߛߐ߬ߘߐ߲߬، ߊ߬ ߓߍ߲߬ ߘߴߊ߲ ߡߊ߬ ߛߍߣߍ߲߬ ߓߊ߬߸ ߥߟߊ߫ ߍ߲߬ߍ߲ߍ߲߬߸ ߝߘߊߟߌ ߕߎ߬ߡߊ ߓߘߊ߫ ߛߋ߫ ߛߍߣߍ߲߬ ߝߋߎ߫߸ ߊ߬ ߜߎ ߓߘߊ߫ ߛߋ߫ ߥߛߊ߬ߦߊ߫، ߛߎߙߌ߫߸ ߙߏߡ߸ ߡߊߛߐ߲߫߸ ߡߌ߬ߛߍߟ߸ ߊ߬ ߣߌ߫ ߒߠߋ߸ ߊ߲ ߧߋ߫ ߥߊߟߢߌߡߊߟߐ߲ߠߊ߫ ߘߌ߫ ߣߌ߲߬ ߦߙߐ ߦߋ߫߸ ߊ߬ ߞߊ߬ ߡߍ߲ ߞߍ߫ ߊ߲ ߠߊ߫ ߘߋ߲ߓߦߊ ߦߋ߫، ߝߏ߫ ߞߊ߬ ߘߎߢߊ߫ ߓߊ߲߫ ߡߎ߬ߕߎ߲߬߸ ߊ߲ ߘߋ߲ ߡߍ߲ ߠߎ߬ ߛߐ߬ߘߐ߲߬ߣߍ߲߫ ߦߊ߲߬߸ ߛߌ߬ߕߌ ߕߐ߮ ߕߍ߫ ߓߐ߫ ߏ߬ ߟߎ߬ ߟߊ߫ ߕߊ߬ߡߌ߲߬ߛߓߍ ߘߐ߫ ߏ߬ ߞߐ߫߸ ߞߎߡߊߕߍ߫ ߞߏ߫ ߊ߬ ߘߌ߫ ߓߐ߫ ߊ߲ ߛߣߐ߬ߡߍ ߘߐ߫.>>
ߞߎߡߊ ߞߎ߲߬ߘߏ߲ ߘߐ߫߸ ߘߋߓߙߌߣ ߞߵߊ߬ ߦߌ߬ߘߊ߬ ߞߏ߫: <<ߛߌ߫߬ߕߌ ߓߘߊ߫ ߞߍ߫ ߊ߲ ߠߊ߫ ߓߏ߲ߞߣߐߟߊ ߘߌ߫ ߡߎ߬ߕߎ߲߬، ߊ߲ ߕߴߛߋ߫ ߛߌ߬ߕߌ ߛߊ߬ߙߊ ߛߐ߬ߘߐ߲߬ ߠߊ߫߸ ߞߍߙߍ߲ߘߊ ߛߙߊ߬ ߕߍ߫ ߛߐ߬ߘߐ߲߬ ߊ߲ ߓߟߏ߫߸ ߞߎߡߊߕߍ߫ ߊ߲ ߛߘߍߢߐ߲߮ ߕߐ߭ ߟߎ߬ ߡߊ߬، ߛߊ߲߬ ߕߊ߲߫߸ ߊ߲ ߧߋ߫ ߢߐ߲߮ ߞߊ߲߬، ߞߏ߬ߣߌ߲߬ ߝߏ߫ ߊ߲ ߧߴߊ߬ ߟߐ߲߫߸ ߞߏ߫ ߘߊ߲߭ ߠߋ߬ ߞߏ߫ ߟߊ߫، ߊ߲ߠߎ߬ ߞߏ߬ߣߌ߲ ߞߊ߬ ߕߎ߬ߡߊ ߡߍ߲ ߞߍ߫ ߢߐ߲߮ ߞߊ߲߬߸ ߏ߬ ߞߍ߫ ߘߊ߫ ߕߎ߬ߡߊ߬ ߘߌߡߊ߲ ߠߋ߬ ߘߌ߫، ߒ߬ߓߵߊ߲ ߧߋ߫ ߕߎ߬ߡߊ ߕߐ߬ ߞߎ߬ߘߎ߲߬ߣߍ߲ ߣߌ߲߬ ߕߣߐ߬ߓߐ߬ ߢߐ߲߮ ߝߍ߬.>>
ߞߵߊߟߎ߫ ߦߟߌߓߌ߬ߟߊ߬ ߓߊߘߋ߲ ߠߎ߬߸ ߘߋߓߙߌߣ ߕߊ߯ ߘߊ߫ ߛߌ߬ߕߌ ߞߊ߬ߦߌ߯ ߂߀߁߅ ߟߋ߬ ߟߊ߫߸ ߊ߬ ߓߐ߫ ߘߊ߫ ߥߊߟߑߓߎߙߖ߭ ߟߋ߬߸ ߛߌ߬ߕߌ ߞߵߊ߬ ߟߊߓߐ߫ ߦߋ߲߬ ߋߙߏ ߞߋ߲߬ߥߟߎ߬ ߇߄ ߠߋ߬ ߟߊ߫، ߞߊ߬ߦߌ߯ ߊ߬ ߛߋ߫ ߘߊ߫ ߛߌ߬ߕߌ ߞߍߙߍ߲ߘߊ ߟߊ߫ ߛߑߞߊߦߑߓߟߎ߫߸ ߊ߬ ߓߘߊ߫ ߢߐ߲߯ߓߍ߲߫ ߄߁߂ ߟߋ߬ ߞߍ߫߸ ߞߊ߬ ߞߐ߲ߘߐ߲߫ ߁߇ ߕߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߆߂߀ ߉߁ ߇߁ ߀߄
