ߞߎߡߊ߫ ߞߘߐ ߟߐ߲ߓߊ߮ ߣߌ߫ ߓߋ߲ߓߊ ߟߎ߬ ߞߐߛߌߟߊ ߕߊ߯ߡߊߓߊ߮ ߣߌ߫ ߖߐ ߟߊߛߓߊ߬ߕߌ߬ߓߊ߮ ߘߏ߫ ߟߋ߬ ߟߊ߫ ߛߊ߬ߦߊ ߞߏߝߐ߫ ߞߊ߲߫ ߣߌ߲߬߸ ߣߊߟߌ߬ߡߎ߲߫ ߛߌ߬ߣߍ߬ ߞߊ߲ߕߍ߫ ߘߌ߫، ߕߌ߲߬ߞߎߘߎ߲ ߖߋ߬ߟߌ߬ߞߍ߬ ߘߏ߲ߘߏ߲߸ ߊ߬ߟߋ ߡߍ߲ ߝߊߕߏ߫ ߘߊ߫ ߓߌ߬ ߞߊ߫ߙߌ ߣߌ߲߬ ߡߊ߬߸ ߂߀߂߅ ߞߏ߲ߞߏߘߓߌ ߕߟߋ߬ ߆߸ ߞߵߏ߬ ߞߎ߲߭ ߞߍ߫ ߖߊ߲߬ߞߊߙߏ ߘߌ߫، ߊ߬ ߛߎ߭ ߓߙߌ߬ ߘߊ߫ ߓߌ߬ ߟߊ߲߰ߛߙߊ߬ ߛߊ߬ߟߌ߬ ߞߐ ߟߋ߬ ߘߐ߫، ߊ߬ ߛߎ߬ߘߏ߲ ߞߍ߫ ߘߴߊ߬ ߡߊߛߎ߬ߘߎ߲߬ߢߊ߬ߓߊ߰ ߛߌߦߊߡߊ߲߫ ߠ߬ߋ ߢߣߊ߫߸ ߡߍ߲ ߠ߬ߎ ߣߊ߬ ߘߊ߫ ߛߐ߬ߘߐ߲߬ ߊ߬ ߓߌ߬ߟߊ߬ߛߌ߬ߟߊ߬ ߟߊ߬ߓߊ߲ ߘߐ߫߸ ߞߊ߬ ߕߌ߲ߞߌ߫ ߓߎ߰ߓߎ߰ߣߍ߲ ߠߎ߬ ߞߍ߫ ߊ߬ ߦߋ߫.
ߛߌ߬ߣߍ߬ ߞߊ߲ߕߍ߫ ߡߊ߫ ߘߊ߲߬ ߖߋ߬ߟߌ߬ߦߊ ߘߐߙߐ߲߫ ߡߊ߬ ߘߋ߬߸ ߊ߬ ߞߍ߫ ߘߊ߫ ߥߘߋ߬ߥߘߋ߬ߟߌ߬ߟߊ ߟߋ߫ ߘߌ߫߸ ߊ߬ ߣߴߊ߬ ߞߍ߫ ߘߊ߫ ߛߍ߲ ߠߋ߬ ߘߌ߫ ߓߐ߲ߛߐ߲ ߠߎ߬ ߣߌ߫ ߡߌ߬ߙߌ߲߬ߘߌ ߕߍ߫߸ ߞߊ߬ ߓߍ߲߭ ߛߌ ߝߏ߬ߦߌ߬ ߘߋ߲ߠߊߓߐ߫ ߦߙߐ ߟߎ߬ ߣߌ߫ ߕߏߟߏ߲߫ ߦߙߐ ߟߎ߬ ߘߐ߫ ߛߐ߲߬. ߊ߬ ߡߊߟߐ߲ߣߍ߲߫ ߤߊߞߟߌ ߟߎ߬ ߡߊߛߎߡߊߟߊ߲ ߣߌ߫ ߞߏߞߘߐ ߟߎ߫ ߡߐ߬ߟߐ߲ߘߏ߲߭ ߣߌ߫ ߢߊ߰ߘߐ߬ߘߌߦߊ ߟߎ߫ ߟߋ߬ ߘߐ߫߸ ߞߎߡߊߣߐ߲߮ ߖߍ߬ߘߍߖߍ߬ߘߍ ߟߋ߬ ߕߘߵߊ߬ ߓߟߏ߫ ߘߍ߭ ߣߌ߫ ߝߘߊ߬ߝߌ߲߬ߠߊ߫ ߟߐ߲ߠߌ߲ߦߊ ߟߎ߬ ߟߊߛߋ ߘߐ߫ ߸ߝߊߦߌߘߊ߫ ߞߊ߬ ߓߐ߫ ߞߎ߬ߙߋߡߊ߬ߟߋ߫ ߞߊ߬ ߛߋ߫ ߛߍ߬ߞߍ߫߸ ߊ߬ ߕߎ߲߬ ߦߴߏ߬ ߟߎ߬ ߟߊ߫ ߞߏߘߐߓߍ߲ߠߊ ߟߋ߬ ߘߌ߫ ߝߛߊߦߌ߫.
ߊ߬ ߟߊ߫ ߝߐߦߊ ߣߌ߲߬ ߓߘߊ߫ ߞߍ߫ ߛߎ߬ߣߎ߲ ߘߌ߫، ߊ߬ ߝߊ߬ߘߌ߬ ߓߊ߲ߞߎ ߓߘߊ߫ ߕߊ߯߸ ߒ߬ߞߵߊ߬ ߟߊ߫ ߛߙߊ߬ߣߎ߲߬ ߞߍ߲ߘߍ ߦߋ߫ ߒ߬ ߝߍ߬ ߦߊ߲߬߸ ߣߌ߫ ߡߊ߬ߕߌ߮ ߘߌ߬ߢߍ߬ ߘߊ߫ ߛߌߣߌ߲߫ ߖߋ߬ߟߌ߫ ߥߟߌ߬ߕߐ߬ߟߊ ߟߎ߫ ߘߴߊ߬ߟߎ߬ ߡߙߌ߫ ߊ߬ ߡߊ߬ ߞߵߊ߬ ߟߊ߫ ߛߙߊ߬ߣߎ߲ ߕߐ߭ ߘߊߓߊ߲߫߸ ߞߴߊ߬ ߟߊ߫ ߛߌߟߊ߫ ߛߊߣߍ߲ ߕߐ߭ ߟߊߓߐ߫.
ߊߓߎߓߊߞߊ߯ߙ ߖߐ߲߬ߡߊ߬ߛߌߣߌ߲ߟߐ߲߫ ߞߊ߬ߟߐ
ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߛߌ߯ߙߌ߲߫
