ߟߎ߫ ߞߣߐ߫ ߡߊߛߎߓߊ ߘߏ߫ ߟߋ߬ ߞߊ߬ ߡߊ߭ߕߊ߬ߡ ߔߍߙߑߡߊߣߊ߲ߛ ߞߌ߲߬ߘߊ ߘߏ߲߬ߞߏ ߟߎ߫ ߓߌ߬ߟߊ߫ ߞߣߐ߬ߜߊ ߣߌ߫ ߕߊ߬ߘߌ߬ߓߊ߬ߕߊߘߌߓߊ ߘߐ߫ ߛߌ߬ߣߌ߲߬ߟߏ߲ ߛߎ߸ ߞߏ߲ߞߏߘߓߌ ߁߁߸ ߞߵߊ߬ ߘߎ߰ߛߊ ߜߍ߫ ߞߎߣߎ߲߬ ߞߍ߲ߘߍߟߏ߲ ߠߊ߫ ߞߏ߲ߞߏߘߓߌ ߁߂، ߗߍ߭ ߣߌ߲߬ ߕߐ߯ ߟߋ߬ ߞߏ߫ ߣߊ߬ߓߌ߫ ߦߊߦߊ߬ ߕߎ߬ߙߋ߸ ߊ߬ ߛߌ߬ߞߛߊߓߌ ߦߋ߫ ߛߊ߲߬ ߓߌߥߐ߯ߙߐ߫ ߢߐ߲߰ ߘߐ߫߸ ߏ߬ ߟߋ ߘߋ߲ߞߍ߫ ߞߵߊ߬ ߛߐ߰ ߡߎ߬ߙߎ ߟߊ߫ ߞߵߊ߬ ߝߊ߰߸ ߡߍ߲ ߞߊ߬ ߡߐ߱ ߟߎ߬ ߡߊߞߓߊ߫ ߞߏߛߓߍ߫.
ߞߵߊ߬ ߓߍ߲߬ ߠߊ߫ ߞߌ߬ߓߊ߬ߙߏ߬ ߟߊߛߐ߬ߘߐ߲߬ߣߍ߲ ߠߎ߫ ߡߊ߬߸ ߣߌ߲߬ ߞߏ ߓߍ߯ ߘߊߡߌ߬ߣߊ߬ ߘߊ߫ ߜߋߟߋ߲ߜߋߟߋ߲߫ ߛߏ߲ߧߊ߫ ߞߏ ߟߋ߬ ߡߊ߬، ߏ߬ ߟߋ ߞߎߡߊ ߘߏ߲߬ߣߍ߲߫ ߞߊ߲ߡߋߙߋ߲ ߣߴߊ߬ ߝߊ߬ ߕߍ߫߸ ߤߊ߲߯ ߛߋ߬ߦߌ߬ߘߎ߬ߓߊ ߕߎ߬ߙߋ ߡߍ߲ ߦߋ߫ ߦߊߦߊ߬ ߕߎ߬ߙߋ ߘߋ߲ߞߍ߫ ߘߌ߫߸ ߏ߬ ߞߵߊ߬ ߝߊ߬ ߛߐ߰ ߡߎ߬ߙߎ ߟߊ߫߸ ߞߵߏ߬ ߞߍ߫ ߊ߬ ߝߊ߰ߣߍ߲ ߘߴߊ߬ ߣߐ߭ ߘߐ߫ ߦߋ߲߬ ߒߞߘߐ߫.
ߡߊ߬ߞߊ߲߬ߞߊ߲߬ߠߌ߲߬ ߝߊ߲ߞߊ ߡߐ߱ ߟߎ߬ ߟߊߟߐ߲ߠߌ߲ ߒߞߘߐ߫߸ ߏ߬ ߟߎ߬ ߛߣߍߡߊ߫ ߘߊ߫ ߞߊߟߌߦߊ߫ ߓߟߏ ߡߊ߬߸ ߞߊ߬ ߣߵߊ߬ߟߎ߬ ߕߍ߯ ߞߍ߫ ߞߊ߲ߡߋߙߋ߲ ߘߐ߫߸ ߛߌߞߊ߫ ߞߍߣߴߊ߬ߟߋ ߡߍ߲ ߡߊ߬ ߝߊ߰ߟߌ߬ ߞߏ ߣߌ߲߬ ߘߐ߫ ߞߊ߬ߣߌ߲߬، ߊ߬ߟߎ߫ ߞߵߊ߬ ߕߊ߬ ߞߊ߬ ߥߴߊ߬ ߓߌ߬ߟߊ߬ ߢߣߊߥߛߎ ߟߊ߫ ߞߟߍ߬ߡߐ߰ߟߊ߫߸ ߖߐ߲߰ߛߊ߫ ߢߊߢߌߣߌ߲ߠߌ߲ ߘߌ߫ ߞߍ߫ ߊ߬ ߞߏ ߟߊ߫، ߞߕߌ߫ ߞߏ ߞߏ߬ߣߌ߲ ߓߘߊ߫ ߟߊߥߟߌ߬߸ ߖߐ߲߰ߛߴߊ߬ ߞߎ߲߬ ߖߐ߲ߖߐ߲ ߘߌ߫ ߟߐ߲߫߸ ߞߵߊ߬ ߟߐ߲߫ ߞߏ߫ ߡߊߛߌߟߊ߲ߣߍ߲ ߣߌ߲߬ ߕߊ߬ߡߌ߲߬ ߘߊ߫ ߢߊ ߡߍ߲ ߡߊ߬.
ߡߛߌ߬ߡߛߌ ߓߘߊ߫ ߥߙߊ߬ ߞߌ߲߬ߘߊ ߟߊ߫ ߞߏߛߓߍ߫ ߓߊߏ߬ .ߞߏߢߊ ߣߌ߲߬ ߦߴߊ߬ ߦߌ߬ߘߊ߬ ߟߊ߫ ߟߋ߬ ߞߏ߫ ߸ߘߍ߬ߘߐ߬ߦߊ ߜߟߍ߬ߦߊ ߟߎ߬ ߓߎ߯ߟߌ ߞߊ߲߬ ߸ ߊ߬ ߣߌ߫ ߞߐߙߍ ߛߌ߲߬ߝߏ߲߬ߧߊ߬ߘߊ ߟߎ߬ ߕߌߢߍߟߌ ߸ ߊ߬ ߣߌ߫ ߞߍߢߊ ߟߎ߬ ߘߛߍߣߍ߲߫ ߕߋ߲߬ ߞߏߛߓߍ߫ ߡߍ߲ ߘߌ߫ ߛߋ߫ ߥߊߢߊ߲ߞߊ ߢߍߓߍ߲߬ ߠߊ߫ ߟߎ ߟߎ߬ ߞߣߐ߫.
ߘߍ߬ ߞߙߏߝߏ ߟߎ߬ ߓߘߊ߫ ߞߎ߲߬ߠߊ߬ߝߎߟߋ߲ ߢߌ߲߬ ߠߎ߬ ߟߊߖߍ߲ߛߍ߲߫ ߝߊ߲߬ ߛߘߍߡߊ߲߫ ߸ߞߊ߬ ߞߓߊߞߏߦߊ ߣߌ߫ ߖߎ߬ߛߎ ߦߌ߬ߘߊ߬ .ߞߵߊ߬ ߕߘߍ߬ ߓߟߐߟߐ ߟߊߓߊ߯ߙߟߊ ߘߏ߫ ߟߎ߫ ߦߋ߫ ߢߌߣߌ߲߫ ߠߊ߫ ߝߘߏ߬ߓߊ߬ ߤߊ߲ߞߟߌ ߡߊ߬ ߞߵߊ߬ ߓߍ߲߬ ߛߏ ߞߣߐ߫ ߥߢߊߞߌߦߊ ߡߊ߬ ߏ߬ ߡߍ߲ ߓߘߊ߫ ߡߊߛߊ߬ߦߌߛߊ߬ߦߌ߬ ߞߊ߬ ߛߌߦߊߦߊ߫ .
ߕߋߟߋ߲ߓߊ߯ߦߊ ߓߘߊ߫ ߟߊߟߐ߬ ߕߋ߲߬߸ ߓߊߏ߬ ߛߋ߬ߘߎ߬ߓߊ߫ ߕߎ߬ߙߋ߫ ߓߍߣߵߊ߬ ߟߊ߫ ߓߊ߯ߙߊ ߟߎ߫ ߖߋ߬ߓߌ߬ ߞߕߌߘߊ߫ ߛߋߞߏߕߌ߮ ߟߎ߬ ߢߍ߫.
ߏ߬ ߕߎ߬ߡߊ ߝߍ߬ ߛߊ߫ ߓߊߘߋ߲߫ ߓߘߍ ߟߎ߬ ߸ ߕߎ߬ߙߋ߫ ߟߊ߫ ߞߐߙߍ ߓߍߣߊ߬ ߥߊ߯ߕߌߣߍ߲߫ ߏ߬ ߞߍ߫ ߘߌߡߌ߲߫ ߛߎߡߊߓߊߟߌ ߘߐ߫ ߤߊ߲߰߸ ߞߊ߬ ߞߐ߲߰ ߓߊ߯ߙߊ ߟߎ߫ ߞߎ߲߬ ߘߏ߲߫ ߢߍ߫ .
silabosoona.com
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
