ߞߊ߬ߙߊ߲߬ߘߋ߲ ߘߏ߫ ߓߘߴߊ߬ ߖߘߍ߬ ߘߎ߲߫ ߖߎ߬ߟߎ ߟߊ߫ ߞߊ߬ ߝߊ߰ ߸ ߞߵߊ߬ ߛߌ߰ ߞߛߊߓߌ ߕߏ߫ ߁߉ ߘߐ߫ ߸ߊ߬ ߞߊ߬ ߗߋߛߓߍ ߘߏ߫ ߟߎ߫ ߕߏ߫ ߊ߬ ߟߊ߫ ߞߐߙߍ ߓߟߏ߫ ߞߊ߬ ߞߐ߲߰ ߊ߬ ߟߊ߫ ߛߊ߬ߦߊ ߢߍ߫، ߖߛߎ߬ߞߊ߬ߛߌ߬ߞߏ ߣߌ߲߬ ߞߍߣߍ߲߫ ߞߊ߯ߙߌ ߟߋ߬ ߡߊ߬߸ ߞߏ߲ߞߏߘߓߌ ߕߟߋ߬ ߆.
ߝߏߣߌ߲ߞߋ ߣߌ߲߬ ߕߐ߯ ߟߋ߬ ߞߏ߫ : ߡߐ߬ߤߊߡߍߘ ߛߎߡߊ߬߸ ߏ߬ ߟߋ߬ ߣߐ߬ ߊ߬ ߖߘߍ߬ ߘߎ߲߫ ߠߊ߫ ߜߍ߬ߛߌ߬ߦߊ߬ ߛߌߕߋ ߟߊ߫ ߸ ߏ߬ ߦߋ߫ ߡߊ߬ߕߏ߯ߕߏ߬ ߞߊ߬ߝߏ߬ߙߋ߲ ߠߋ߬ ߞߣߐ߫.
ߊ߬ ߕߎ߲߬ ߦߋ߫ ߞߊ߬ߙߊ߲߬ߘߊ߬ߓߊ ߟߋ߬ ߟߊ߫߸ ߦߌߟߡߊ ߁߃߲߸ ߊ߬ ߟߊ߫ ߞߊ߬ߙߊ߲ ߓߎ߲ߓߎ߲ߣߍ߲߫ ߕߘߍ߬ ߘߡߊ߬ߟߐ߲ ߠߋ߬ ߡߊ߬ (Sciences Mathématiques) ߛߋߡߌ߫ (SEMIG) ߘߎ߲߬ߘߎ߬ߡߊ߬ ߞߊߙߊ߲ߕߊ ߟߊ߫.
ߊ߬ ߕߎ߲߬ ߦߋ߫ ߗߍ߭ ߡߍ߲ ߓߟߏ߫ ߞߏ߫ : ߊߟߑߛߋߣߌ߫ ߛߎߡߊ߬߸ ߏ߬ ߞߊ߬ ߞߎ߲߬ߠߊ߬ߝߏߟߋ߲ ߘߏ߫ ߞߌ߬ߦߊ߫ ߝߐ߰ߓߍ߬ߦߊ߬ߟߊ ߟߎ߬ ߡߊ߬ ߞߏ߫ : << ߛߐ߰ߡߊ߬ߘߊ ߂ ߙߋ߲ ߝߊ߲߬ߝߌ߬ߟߊ ߡߊߜߍ߲ ߘߐ߫߸ ߡߐ߬ߤߊߡߍߘ ߛߐ߬ߘߐ߲߬ ߣߊ ߞߊ߬ߛߌ߬ߡߍ߬ߣߍ߲߬ߕߐ ߞߊ߬ ߒ ߥߟߋ߫ ߞߵߊ߬ ߟߊ߫ ߖߘߍ߬ߝߊ߰ ߞߏ ߟߊߛߋ߫ ߒ ߡߊ߬، ߒߠߋ ߛߋ߫ ߟߊ߫ ߦߌߟߊ ߏ߬ ߘߐ߫ ߥߊ߯ߕߌ ߡߍ߲ ߠߊ߫߸ ߒߠߋ ߖߘߍ߬ ߞߊߣߌ߲ ߞߊ߬ ߖߎ߬ߟߎ ߕߎ߬ߣߍ߲ ߦߋ߫ ߛߊ߲ߝߍ߬߸ ߊ߬ ߘߎ߲ߣߍ߲߫ ߕߘߍ߬، ߖߛߎ߬ߞߊ߬ߛߌ߬ ߞߏߓߊ߫ ߟߋ߬ ߣߌ߲߬ ߘߌ߫ ߘߋ߬߸ ߡߍ߲ ߞߎ߲߬ ߖߐ߲ߖߐ߲߫ ߟߐ߲ߣߍ߲߫ ߕߍ߫ ߡߎߣߎ߲߬ >> ߊߟߑߛߋߣߌ߫ ߛߎߡߊ߬ ߟߋ߬ ߞߊ߲߫ ߕߋ߲߬߸ ߡߐ߬ߤߊߡߍߘ ߛߏߕߌ߮.
ߜߊ߬ߟߏ ߏ߬ ߦߟߍ߬ߡߊ߲߬ ߘߊ߫ ߞߊ߬ ߕߊ߬ߡߌ߲߬ ߗߋߛߓߍ߫ ߛߌߦߊߡߊ߲߫ ߞߎ߲߬ߠߊߞߊ߬ߟߌ ߞߊ߲߬، ߝߎߣߎ߲ߞߋ ߣߌ߲߬ ߞߊ߬ ߡߍ߲ ߛߓߍ߫ ߞߊ߬ ߞߐ߲߰ ߊ߬ ߟߊ߫ ߝߊ߰ߟߌ ߢߍ߫.
ߗߋߛߓߍ ߢߌ߲߬ ߠߎ߬ ߟߊߛߐ߬ߘߐ߲߬ ߘߴߊ߬ ߟߊ߫ ߓߏ߲ߘߋ߲ ߠߋ߬ ߞߣߐ߫ ߞߐ߬ߓߊ߬ߟߏ߲ ߛߐ߰ߡߊ߬ߘߊ ߟߊ߫ ߸ ߏ߬ ߡߍ߲ ߞߣߐ߫ ߞߎߡߊ ߘߏ߫ ߟߎ߫ ߟߐ߬ߣߍ߲߫ ߕߘߍ߬ ߊ߬ ߛߐ߬ߘߐ߲߬ߓߊ߮ ߟߎ߫ ߡߊ߬: ߗߋߛߓߍ߫ ߣߊ߯ߣߌ߲ ߠߴߊ߬ ߓߍ߯ ߘߌ߫ ߸ߊ߬ ߞߊ߬ ߘߏ߫ ߟߐ߬ ߊ߬ ߛߐ߬ߘߐ߲߬ ߝߊ ߣߴߊ߬ ߣߊ ߣߴߊ߬ ߕߍߣߍ߲ߡߛߏ߫ ߡߊ߬ (ߡߍ߲ ߞߵߊ߬ ߟߊߓߎ߲߬ߧߊ߬) ߊ߬ ߣߴߊ߬ ߘߍ߬ߢߐ߲߮ ߠߎ߬ ߡߊ߬.
ߊ߬ ߟߊ߫ ߞߊ߲߭ߓߍ߲߬ ߛߓߍ ߣߌ߲߬ ߞߣߐ߫߸ߊ߬ ߞߊ߬ ߖߌ߰ߕߍ߰ߟߌ ߘߎ߲߬ߘߎ߬ߡߊ߬ߕߊ ߟߋ߬ ߦߌ߬ߘߊ߬ ߊ߬ ߣߌ߫ ߛߐ߲߬ߡߊ߬ߦߊ.
ߞߊ߬ ߓߍ߲߬ ߊ߬ ߗߋ߬ߕߌ߮ ߟߊ߫ ߝߐߟߌ ߡߊ߬ ߞߏ߫ :
<< ߊ߬ ߞߵߊ߬ ߟߊ߫ ߞߐߙߍ ߢߌߣߌ߲ߞߏ ߟߎ߬ ߟߊߣߐ߬ߓߊߟߌߦߊ ߞߏߝߐ߫ ߸ ߞߊߕߙߍ߬ߕߍ߫ ߞߊ߬ߙߊ߲߬ߕߊ ߡߊ߬ ߕߊ߲߬ ߘߐ߫ : ߊ߬ ߞߊ߲߫ ߕߘߍ߬ ߞߏ߫ ߊ߬ ߕߘߍ߬ ߦߴߊ߬ ߖߍ߬ߘߍ߫ ߖߌ߰ߟߊ ߞߎ߲߬ߠߊ߬ߖߌ߰ ߘߋ߲ ߠߋ߬ ߘߌ߫، ߊ߬ ߞߵߊ߬ ߣߊ ߟߊ߫ ߛߙߊߞߊߞߏ ߞߏߝߐ߫߸ ߏ߬ ߡߍ߲ ߞߵߊ߬ ߕߐ߯ ߛߓߍ߫ ߞߊ߬ߙߊ߲߬ߕߊ ߟߎ߬ ߟߊ߫ ߕߎ߬ߡߊ ߓߍ߯، ߊ߬ ߣߡߌߛߊߣߍ߲߫ ߓߊߏ߬ ߸ߞߏ߫ ߊ߬ ߡߊ߫ ߛߋ߫ ߥߟߌ߬ ߟߊ߫ ߞߏߢߊ ߣߌ߲߬ ߘߐ߫߸ ߊ߬ ߡߊ߫ ߛߋ߫ ߞߊ߬ ߜߟߍ߬ߦߊ ߢߍߓߍ߲߬߸ ߊ߬ߟߋ ߟߋ߬ ߕߘߍ߬ ߟߎ ߘߋ߲ߞߍ߫ ߝߟߐ ߘߌ߫ ߸ߞߎ߲߬ߞߏ߬ߕߌ߰ߦߊ߬ ߛߌߦߊߡߊ߲߫ ߠߋ߬ ߕߘߍ߬ ߊ߬ ߡߊ߬ >>
ߕߐ߲ߓߟߏߡߊ ߟߎ߬ ߟߊ߫ ߟߊ߬ߞߙߐ߬ߛߌ߬ߟߌ ߞߐߝߍ߬߸ ߡߐ߬ߤߊߡߍߘ ߛߎ߭ ߟߊߕߊ߯ ߘߊ߫ ߛߎ߬ߓߏ߲ ߠߊ߫ ߌߢߊߛ ߘߌߣ ߘߊ߲ߘߊߛߏ ߟߊ߫߸ ߞߵߊ߬ ߟߊߥߟߌ߬ ߟߊ߬ߛߙߋ߬ߦߊ߬ߟߌ ߡߊ߬.
ߡߊ߬ߛߎ߬ߓߊ߬ߞߏ ߣߌ߲߬ ߦߋ߫ ߞߏ߫ ߛߘߍߡߊ߲߫ ߠߋ߬ ߦߌ߬ߘߊ߬ ߟߊ߫ ߝߎߣߎ߲ߞߋ ߟߎ߬ ߟߊ߫ ߓߌ߭ߓߌ߭ ߦߋߟߌ ߡߊ߬߸ ߞߵߊ߬ߟߎ߬ ߕߏ߫ ߞߊ߬ߙߊ߲߬ߕߊ ߟߎ߬ ߟߊ߫ ߛߐ߲߬.
ߞߊ߬ߕߎ߲߯߸ ߊ߬ ߞߊ߬ ߛߓߍ ߡߍ߲ ߕߏ߫ ߊ߬ ߞߐ߫߸ ߡߍ߲ ߘߏ߫ ߟߎ߫ ߞߎ߲߭ ߦߋ߫ ߞߍ߫ ߟߊ߫ ߘߎ߲ߓߎ ߜߍ߬ߙߍ߲߬ߘߍ߬ߟߌ ߣߌ߫ ߘߍ߬ߘߐ߬ߦߊ ߦߟߌߡߊߞߏ ߡߍ߲ ߠߎ߬ ߦߋ߫ ߜߍ߬ߙߍ߲߬ߘߍ߬ ߟߊ߫ ߞߐߙߍ ߘߏ߫ ߟߎ߫ ߓߟߏ߫ ߕߎ߬ߡߊ߬ ߛߌߦߊߡߊ߲߫ ߠߊ߫ ߛߐ߲߬.
silabosoona.com
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
