ߡߊ߬ߟߌ ߟߊ߫ ߓߘߍ߬ߓߘߍ߬ߟߌ ߝߎ߬ߙߎ߲߬ߞߎ߬ߟߌ ߟߊߟߐ
ߞߎ߲߬ߠߊ߬ߝߎ߲߬ߟߋ߬ߠߌ߲ ߝߊ߲߬ߞߊ ߟߎ߬ ߓߟߏ߫߸ ߏ߬ ߟߋ߬ ߞߍ߫ ߘߊ߫ ߓߘߍ߬ߓߘߍ߬ߟߌ߬ߟߊ ߟߎ߬ ߥߟߌ߬ߢߊ ߘߌ߫، ߞߵߊ߬ߟߎ߬ ߟߊ߫ ߘߌߡߌ߲ ߦߌ߬ߘߊߞߊ߬، ߏ߬ ߞߐ߫ ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߜߘߍ߫ ߞߵߊ߬ ߦߌ߬ߘߊ߬ ߞߏ߫ ߘߐ߬ߕߊߡߌ߲ ߞߊ߲ߕߌ߮ ߞߏߟߊߕߍ߮ ߟߎ߬ ߦߋ߫ ߘߊ߲߬ߠߊ߬ߜߊ߲ ߠߋ߬ ߞߍ߫ ߟߊ߫߸ ߝߣߊ߫ ߞߏ߫ ߖߘߍ߬ߕߌ߰ߦߊ ߓߘߊ߫ ߡߊߖߌ߰ ߡߊ߬ߟߌ ߞߣߐ߫߸ ߊ߬ߟߎ߫ ߞߏ߬ߣߌ߲ ߞߵߊ߬ ߡߊߜߍ߬ߦߊ߫ ߞߏ߫ ߊ߬ߟߎ߬ ߕߍߣߊ߬ ߓߍ߲߬ ߠߊ߫ ߢߌ߲߬ ߡߊ߬ ߢߊ߫ ߛߌ߫ ߟߋ߬ ߡߊ߬، ߡߊ߬ߟߌ ߓߘߍ߬ߓߘߍ߬ߟߌ߬ߟߊ ߟߎ߬ ߞߏ߬ߣߌ߲ ߞߎߡߊ߫ ߘߊ߫ ߜߟߍ߬ߦߊ߬ ߛߌߦߊߡߊ߲߫ ߠߋ߬ ߞߊ߲߬ ߊ߬ߟߎ߬ ߟߊ߫ ߟߊ߬ߘߍ ߢߌ߲߬ ߘߐ߫.
ߏ߬ ߝߟߐ ߦߋ߫ ߓߘߍ߬ߓߘߍ߬ߟߌ߬ ߞߙߎ ߕߋ߬ߞߏ ߟߋ߬ ߘߌ߫߸ ߞߎߣߎ߲߬ ߟߊ߬ߘߍ ߢߌ߲߬ ߛߋ߲߭ߝߍ߬، ߓߘߍ߬ߓߘߍ߬ߟߌ߬ߟߊ ߘߏ߫ ߟߎ߫ ߞߏ߬ߣߌ߲ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߕߍߣߊ߬ ߓߍ߲߬ ߠߴߊ߬ ߡߊ߬، ߊ߬ߟߎ߬ ߓߊ߲߫ ߘߊ߫ ߝߣߊ߫ ߞߵߊ߬ ߟߴߊ߬ ߞߊ߲߬ ߞߏ߫ ߘߐ߬ߕߊ߬ߡߌ߲߬ ߝߊ߲ߞߊ ߣߊ߲߬ߕߌ߮ ߟߎ߬ ߦߴߊ߬ ߝߍ߬ ߟߋ߬ ߘߐߙߐ߲߫ ߞߵߊ߬ߟߎ߬ ߟߊ߫ ߝߊ߲߬ߞߊ ߦߌ߬ߘߊ߬، ߊ߬ߟߎ߬ ߓߊ߲߫ ߘߊ߫ ߝߣߊ߫ ߞߊ߬ ߛߌ߰ߞߊ߬ߝߐ߬ߓߊ ߣߌ߲߬ ߞߐߖߊߓߌ ߟߎ߬ ߓߍ߯ ߟߋ߬ ߟߊߜߎ߲ߝߎ߲߫߸ ߓߊߏ߬߸ ߊ߬ߟߎ ߓߟߏ߫ ߞߴߏ߬ ߦߋ߫ ߛߊ߬ߙߌ ߕߌߢߍ ߟߋ߬ ߘߌ߫، ߞߎ߲߬ߜߙߊ ߡߍ߲ ߓߘߊ߫ ߕߊ߬ߡߌ߲߫ ߕߟߋ߬ ߘߊ߲ߘߐ߫ ߟߊ߫ ߞߊ߬ߣߌ߲߬߸ ߣߴߊ߬ߟߎ߬ ߟߊ߫ ߟߊ߬ߢߌߣߌ߲ ߕߘߍ߬ ߦߋ߫ ߓߘߍ߬ߓߘߍ߬ߟߌ ߞߙߎ ߕߋ
ߘߌ߫.
ߟߊ߬ߢߌ߬ߣߌ߲߬ ߜߘߍ߫ ߘߐ߫ ߘߐ߬ߕߊ߬ߡߌ߲߬ ߝߊ߲ߞߊ ߦߋ߫ ߞߎ߲߭ߘߏ߲߬ ߂߀߂߅ ߞߏߟߌ߲ߞߏߟߌ߲߫ ߞߊߙߏ߫ ߕߟߋ߬ ߃߁ ߠߊ߫߸ ߖߐ߲߰ߛߊ߫ ߡߊ߬ߟߌ ߘߌ߫ ߛߊ߬ߦߌ߲߬ ߊ߬ ߢߊ߫ ߞߘߐ߫ ߡߊ߬، ߟߊ߬ߛߋ߬ߟߌ߬ ߞߋߟߋ߲߫ ߢߌ߲߬ ߘߐ߫߸ ߊ߬ߟߎ߫ ߘߍ߬ߢߐ߲߯ ߓߘߍ߬ߓߘߍ߬ߟߌ߬ߟߊ ߡߍ߲ ߠߎ߬ ߦߋ߫ ߓߟߏ߫ ߘߐ߫ ߡߌ߬ߣߊ߬ߟߌ ߘߊߞߘߐ߫߸ ߞߊ߬ ߏ߬ ߟߎ߬ ߝߣߊ߫ ߟߊߓߌ߬ߟߊ߬ ߖߏߣߊߡߦߊ߫ ߓߟߏߡߊ߬، ߓߘߍ߬ߓߘߍ߬ߟߌ߬ߟߊ ߟߎ߬ ߞߏ߬ߣߌ߲ ߞߊ߬ ߓߍ߯ߦߊ ߟߊߘߌߦߊߒߧߍߓߊ߮ ߟߎ߬ ߡߊߞߟߌ߫ ߟߋ߬، ߦߏ߫ ߦߋߢߐ߲߯ߠߊ߫ ߢߍߡߌߘߊ ߟߎ߬ ߣߌ߫ ߝߊ߬ߛߏ߬ߦߊ ߞߐߦߌߘߊߓߊ߮ ߟߎ߬، ߡߊ߬ߟߌ ߖߡߊ߬ߣߊ߬ߘߋ߲ ߡߍ߲ ߠߎ߬ ߦߋ߫ ߖߡߊ߬ߣߊ ߞߣߐ߫ ߊ߬ ߣߴߊ߬ ߞߐߞߊ߲߸ ߏ߬ ߟߎ߬ ߦߋ߫ ߘߐ߬ߖߊ ߛߎ߮ ߓߍ߯ ߘߐ߫ ߞߍ߫ ߖߐ߲߰ߛߊ߫ ߘߌߦߊߜߏߦߊ߫ ߝߊ߲ߞߊ ߞߊߣߊ߬ ߛߌ߰ ߡߊ߬ߟߌ ߞߎ߲߬ߠߊ߫، ߞߊ߬ߦߌ߯ ߣߊ߲߬ߕߌ߮ ߟߎ߬ ߛߌ߰ ߘߊ߫ ߝߊ߲߬ߞߊ ߟߊ߫߸ ߊ߬ ߛߋ߲߬ߧߊ߬ ߝߟߐ߫ ߟߋ߬ ߦߋ߫ ߕߋ߲߬߸ ߓߘߍ߬ߓߘߍ߬ߟߌ߬ߟߊ ߟߎ߬ ߦߋ߫߫ ߛߍ߬ߘߏ߲ ߞߍ߫.
ߡߊ߬ߟߌ: ߊ߬ߟߎ߬ ߓߊ߲߫ ߞߐ ߟߊ߬ߘߍ ߟߊ߫ ߞߎߣߎ߲߬ ߂߀߂߅ ߘߓߊ߬ߕߊ ߕߟߋ߬ ߀߄ ߠߊ߫߸ ߓߘߍ߬ߓߘߍ߬ߟߌ߬ߟߊ ߟߎ߬ ߞߊ߬ ߢߐ߲߮ ߠߊߘߍ߬ ߞߵߊ߬ߟߎ߬ ߟߊ߫ ߛߎ߬ߣߎ߲ ߦߌ߬ߘߊߞߊ߬
