ߣߐ߬ߓߊߟߌ ߛߐ߲߬ߞߐ ߖߌ߰ߣߍ߲߬ߓߊ ߟߋ߬ ߘߎߢߊ߫ ߞߣߐ߫ ߕߋ߲߬߸ ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߊ߬ ߜߟߍ߬ߦߊ ߟߊߘߏ߲߬ ߓߐߛߑߕߎߥߣߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߏߢߊ ߟߎ߬ ߘߐ߫، ߏ߬ ߟߋ ߘߐ߫߸ ߊ߬ߟߎ߬ ߟߊ߫ ߞߎ߲߬ߠߊ߬ߛߌ߮ ߟߎ߬ ߓߘߴߊ߬ ߣߕߊ߬߸ ߞߏ߫ ߊ߬ߟߎ߬ ߦߋ߫ ߘߏ߫ ߓߐ߫ ߊ߬ߟߎ߬ ߟߊ߫ ߥߊߘߌ ߡߐ߬ߟߐ߲ ߠߊ߫، ߥߊߘߌ ߡߍ߲ ߦߋ߫ ߘߊߥߎ߲߫ ߠߴߊ߬ߟߎ߫ ߝߍ߬ ߦߋ߲߬߸ ߏ߬ ߟߋ ߔߎߟߊ ߘߌ߫߸ ߊ߬ߟߎ߫ ߣߐ߬ %߂،߇߆ ߟߋ߬ ߓߐ߫ ߟߴߊ߬ ߡߐ߬ߟߐ߲ ߠߊ߫ ߞߵߊ߬ ߓߍ߲߬ ߛߊ߲߭ ߣߊ߬ߕߐ ߡߊ߬، ߡߙߌߦߊ ߏ߬ ߕߊ߬ߣߴߊ߬ߟߎ߬ ߓߟߏ߫ ߟߋ߬߸ ߛߊ߫ ߖߡߊ߬ߣߊ ߘߌ߫ ߛߴߊ߬ ߡߊߝߐߦߌ߲ߝߐߦߌ߲߫ ߠߊ߫ ߞߵߊ߬ ߟߐ߬ ߊ߬ ߖߘߍ߬ ߟߊ߫ ߣߍ߲ߞߍ߫߸ ߞߊ߬ ߘߏ߫ ߓߐ߫ ߥߊߘߌ߫ ߝߊߟߋ߲ߓߊ ߟߊ߫ ߞߐߞߊ߲߫ ߡߐ߮ ߟߎ߬ ߓߟߏ߫، ߜߟߍ߬ߦߊ ߣߌ߲߬ ߝߣߊ߫ ߓߊ߯ ߣߴߊ߬ ߕߊ߫߸ ߓߐߛߑߕߎߥߣߊ߫ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߜߘߌߛߌ߰ߣߍ߲߫ ߖߡߊ߬ߣߊ߬ ߛߌߦߊߡߊ߲߫ ߘߌ߫ ߝߘߊ߬ߝߌ߲߬ߠߊ߫ ߕߋ߲߬߸ ߡߍ߲ ߠߎ߬ ߦߋ߫ ߜߟߍ߬ߦߊ ߘߐ߫.
ߒ߬ߓߊ߬߸ ߓߌߟߏ߲߫ ߕߊ߬ߡߌ߲߬ߣߍ߲߸ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߏߕߌ߯ߘߊ ߞߵߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߞߏߘߐߦߟߍߡߊ߲ ߘߏ߫ ߞߍ߫ ߖߡ߬ߊߣߊ ߥߊߘߌ߫ ߞߏ ߛߌߟߊ ߝߍ߬، ߓߊߏ߬߸ ߊ߬ߟߎ߬ ߟߊ߫ ߖߡߊ߬ߣߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߞߐߞߟߏ ߦߋ߫ ߣߐ߬ߓߊߟߌ ߡߍ߲ ߘߌ߫߸ ߏ߬ ߘߊ ߓߘߊ߫ ߖߌ߰ ߕߋ߲߬، ߏ߬ ߟߋ ߘߐ߫߸ ߝߏ߫ ߊ߬ߟߎ߬ ߦߴߊ߬ߟߎ߫ ߟߐ߬ ߊ߬ߟߎ߫ ߟߐ߬ ߦߌߟߊ ߘߐ߫ ߟߋ߬، ߞߊ߬ߕߎ߲߯ ߂߀߂߄ ߠߊ߫߸ ߞߏ߫ ߊ߬ߟߎ߬ ߟߊ߫ ߖߡߊ߬ߣߊ ߥߟߏߒߘߐ ߟߎ߫ ߖߌ߰ ߘߊ߫ ߟߋ߬ ߤߊ߲߯ %߃ ߢߐ߲߰ ߘߐ߫߸ ߊ߬ߟߎ߫ ߘߏ߲߬ ߡߊ߫ ߛߋ߫ ߦߟߍ߬ߡߊ߲߬ ߛߌ߫ ߘߏ߲߬ ߠߴߏ߬ ߞߏ ߘߐ߫ ߂߀߂߅ ߢߌ߲߬ ߠߊ߫ ߡߎߣߎ߲߬߸ ߏ߬ ߡߍ߲ ߓߊ߬ߟߌ ߦߴߊ߬ߟߎ߬ ߟߊ߫.
ߔߎߟߊ ߡߍ߲ ߦߋ߫ ߘߊߥߎ߲߫ ߠߊ߫ ߓߐߛߑߕߎߥߣߊ߫߸ ߏ߬ ߓߘߊ߫ ߡߌ߬ߘߴߊ߬ ߞߊ߲ ߘߐ߫ ߥߙߏ߬ߘߎ߰ ߊߝߙߌߞߌ߬ ߥߊߘߌ ߓߟߏ߫߸ ߡߍ߲ ߕߐ߯ ߞߏ߫ ߙߊ߲ߘ، ߏ߬ ߓߘߊ߫ ߞߍ߫ ߕߙߎ߬ ߘߌ߫ ߞߵߊ߬ߟߎ߫ ߟߐ߬ ߊ߬ߟߎ߬ ߢߊ ߡߊߖߌ߰ ߟߴߊ߬ߟߎ߬ ߟߊ߫ ߝߊ߬ߟߋ߲ ߝߍ߬߸ ߊ߬ߟߎ߬ ߦߋ߫ ߡߊ߬ߦߟߍ߬ߡߊ߲߬ߠߌ߲ ߏ߬ ߞߍ߫ ߟߊ߫ ߛߊ߲߭ ߞߣߐ߫ ߛߋ߲߬ߢߊ߫ ߝߌ߬ߟߊ߫ ߟߋ߬. ߓߊ߬ߙߌ߬߸ ߛߊ߬ߦߌߘ ߕߌߡߣߎ߫ ߡߍ߲ ߦߋ߫ ߞߏߕߌ߯ߘߊ ߞߏߟߊߕߍ߯ ߛߊ߲ߘߐ ߘߏ߫ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߞߐߞߊ߲߫ ߥߊߘߌ ߟߎ߬ ߓߟߏߡߊߛߌ߮ ߡߍ߲ ߦߴߊ߬ߟߎ߬ ߓߟߏ߫ ߦߋ߲߬߸ ߏ߬ ߟߎ߬ ߡߊߘߐ߯ߦߊ ߦߋ߫ ߣߊ߬ ߟߊ߫ ߖߡߊ߬ߣߊ ߥߊߘߌ߫ ߞߏ ߜߟߍ߬ߦߊ߬ ߟߊ߫ ߟߋ߬.
ߊ߬ߟߋ ߟߊ߫ ߝߐߟߌ߫ ߘߐ߫߸ ߞߏ߫ ߖߡߊ߬ߣߊ ߞߊ߲ߕߌ߮ ߘߎߡߊ߫ ߘߎߞߏ߬ ߖߍ߬ߘߍ ߓߘߊ߫ ߛߐ߲߬ ߝߛߊߦߌ߫߸ ߊ߬ߟߎ߬ ߟߊ߫ ߥߊߘߌ ߡߐ߬ߟߐ߲ ߦߋ߫ ߖߌ߰߸ ߡߍ߲ ߕߘߍ߬ %߁،߅ ߘߌ߫ ߞߏߟߌ߲ߞߏߟߌ߲ ߕߊ߬ߡߌ߲߬ߣߍ߲ ߠߊ߫߸ ߞߵߊ߬ ߟߊߖߌ߰ ߞߏߞߎߘߊ߫ %߂،߇߆ ߟߊ߫، ߏ߬ ߟߊߥߟߌ߬ߣߴߊ߬ߟߎ߬ ߓߟߏ߫ ߟߋ߬߸ ߛߊ߫ ߞߊ߬ ߝߊ߲߬ߞߊ߬ ߘߌ߫ ߟߊ߬ߝߏ߬ߦߌ߬ߟߌ ߡߊ߬߸ ߞߊ߬ ߟߊ߬ߛߣߍ߬ߟߌ߫ ߘߊ߲߬ߠߊߕߊ߬ߡߌ߲߬ߣߍ߲ ߡߊߓߍ߲߬߸ ߞߊ߬ ߞߏ߲߬ߘߏ߬ ߞߐ߯ߟߐ ߘߊ߲ߘߊ߫ ߖߡߊ߬ߣߊ ߞߣߐ߫.
ߛߐ߬ߘߐ߲ ߞߏߢߊ ߟߎ߬ ߘߐߞߕߌ߫ ߞߏߟߊߘߍ ߘߏ߫ ߦߋ߫ ߓߐߛߑߕߎߥߣߊ߫ ߞߏ߫ ߓߋ.ߍߡ.ߌ߸ ߏ߬ ߟߎ߫ ߞߊ߬ ߞߊ߲߬ߞߎߡߊ ߘߏ߫ ߟߊߓߐ߫ ߥߊ߬ߛߌ߬ߥߙߊ ߟߊ߫߸ ߞߵߊ߬ ߦߌ߬ߘߊ߬ ߞߏ߫ ߓߐߛߑߕߎߥߣߊ߫ ߞߐߞߊ߲߫ ߥߊߘߌ ߟߎ߬ ߓߟߏߡߊߛߌ߮ ߡߍ߲ ߕߎ߲߬ ߘߌ߫ ߞߊߙߏ߫ ߕߊ߲߫ ߟߊ߬ߛߣߍ߬ߟߌ ߓߐ߫߸ ߏ߬ ߘߊ߲߭ ߠߋ߬ ߞߊߙߏ߫ ߟߏ߯ߟߎ߫ ߘߌ߫ ߡߎ߬ߕߎ߲߬، ߡߍ߲ ߦߴߊ߬ ߦߌ߬ߘߊ߬ ߟߊ߫ ߜߍ ߘߐ߫ ߌߞߘߐ߫ ߞߏ߫ ߖߡߊ߬ߣߊ ߟߊ߫ ߛߐ߬ߘߐ߲ ߦߋ߫ ߜߟߍ߬ߦߊ ߘߐ߫.
ߏ߬ ߓߍ߯ ߣߴߊ߬ ߕߊ߫߸ ߘߐ߬ߡߙߌ߬ߟߊ߬ߓߊ ߟߎ߬ ߞߊ߲߫ ߞߏ߫ ߓߐߛߑߕߎߥߣߊ߫ ߝߣߊ߫ ߦߋ߫ ߖߡߊ߬ߣߊ߬ ߛߌߦߊߡߊ߲߫ ߢߍ߫ ߛߐ߬ߘߐ߲ ߕߊ߫ ߝߊ߲߭ ߝߍ߬ ߝߘߊ߬ߝߌ߲߬ߠߊ߬ ߞߣߐ߫߸ ߡߍ߲ ߠߎ߬ ߦߋ߫ ߥߟߏߒߘߐ߫ ߓߊߖߎߟߞߊ ߟߎ߬ ߟߊߥߟߏ߫ ߟߊ߫ ߞߊ߬ߣߌ߲߬، ߦߏ߫ ߖߋ߬ߟߌ߬ߓߊ߬ߟߊ߫ ߤߊߡߊ߲ߕߍ߫ ߊ߲ߜ߭ߏߟߊ߫߸ ߜߟߍ߬ߦߊ ߖߍ߬ߘߍߖߍ߬ߘߍ ߟߋ߬ ߏ߬ ߟߎ߬ ߓߘߊ ߕߋ߲߬߸ ߊ߬ߟߎ߬ ߟߊ߫ ߥߊߘߌ߫ ߞߏ ߘߐ߫߸ ߊ߬ ߣߌ߫ ߟߊ߬ߖߏ߰ߙߏ߬ߟߌ߫ ߘߊ߲߬ߠߊߕߊ߬ߡߌ߲߬ߣߍ߲.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
