ߞߎߣߎ߲ߟߏ߲߫ ߕߊ߬ߡߌ߲߬ߣߍ߲ ߂߀߂߅ ߘߓߊ߬ߕߊ ߕߟߋ߬ ߇ ߡߊ߬߸ ߡߊ߬ߛߎ߬ߓߊ߬ߞߏ ߘߏ߫ ߟߋ߬ ߞߍ߫ ߘߊ߫ ߓߌߣߊߥߏ߫ ߘߎ߰ߣߍ߲ ߞߣߐ߫߸ ߜߏߟߎߝ߭ߌߟ ߡߙߊ߬ߘߊ߬ߙߋ ߲ߞߣߐ߫߸ ߕߌߛߊߟߋ߫ ߡߊ߬ߙߊ ߘߐ߫ ߜߋ߲ߞߐ߰ߖߌ߬ߘߊ ߟߊ߫، ߞߊ߬ߙߊ߲߬ߘߋ߲ ߘߏ߫ ߓߍ߫߸ ߡߍ߲ ߕߐ߯ ߞߏ߫ ߌߝ߭ߍߛ ߦߊߥߏ ߞߊߛߌ߫߸ ߊ߬ ߦߋ߫ ߞߊ߬ߙߊ߲߬ ߠߊ߫ ߞߊ߬ߙߊ߲߬ߕߊ ߦߌߟߡߊ߫ ߕߊ߲ߣߌߛߓߊߣߊ߲ ߠߊ߫߸ ߏ߬ ߟߋ ߓߏ߲߫ ߘߊ߫ ߘߏ߲߬ߛߏ ߘߏ߫ ߓߟߏ߫ ߓߌ߬ߟߊ߬ߒ߬ߘߐ ߘߐ߫ ߡߟߊߥߟߌߒߡߊ߫ ߓߟߏ ߡߊ߬.
ߞߊ߬ߙߊ߲߬ߘߋ߲߫ ߌߝ߭ߍߛ ߦߊߥߏ ߞߊߛߌ߫ (ߡߍ߲ ߓߏ߲ߣߍ߲߫ ߘߏ߲߬ߛߏ߬ߗߍ ߓߟߏ߫)
ߖߌ߬ߦߊ ߣߌ߲߬ ߛߐ߬ߘߐ߲߬ߣߴߊ߲ ߓߟߏ߫ ߓߟߐߟߐ ߞߊ߲߬ ߠߋ߬
ߊ߲ ߠߊ߫ ߞߎ߲߬ߠߊ߬ߝߎߟߋ߲ ߠߎ߬ ߘߐ߫߸ ߞߊ߬ߙߊ߲߬ߘߋ߲ ߣߌ߲߬ ߞߊ߬ ߞߊߙߊ߲ߞߋ ߟߋ߬ ߟߊ߫ ߥߊ߭ ߘߐ߫߸ ߊ߬ ߓߐ߫ ߘߊ߫ ߞߊ߬ߙߊ߲߬ ߦߙߐ ߞߊ߬ ߕߊ߯ ߏ߬ ߟߋ ߡߊߝߟߍ߫ ߞߊ߲ߡߊ߬߸ ߊ߬ ߣߴߊ߬ ߟߊ߫ ߥߟߎ߬ߣߍ߲، ߕߙߍ߫߸ ߊ߬ ߣߴߊ߬ ߟߊ߫ ߥߟߎ߬ߣߍ߲ ߞߊ߬ ߛߓߏ߬ ߡߌߛߍ߲ ߘߏ߫ ߦߋ߫߸ ߊ߬ߟߎ߫ ߞߵߏ߬ ߜߍ߲ ߘߊߡߌ߬ߣߊ߬، ߖߊ߰ ߘߏ߲߬ߛߏ߬ߗߍ߬ ߜߘߍ߫ ߦߋ߫ ߦߙߌ ߟߊ߫߸ ߏ߬ ߢߣߊ߫ ߞߏ߫ ߊ߬ ߣߐ߬ ߛߏ߬ߓߏ ߟߋ߬ ߓߍߟߍ߲߫ ߠߊ߫߸ ߞߊ߬ ߡߎ߮ ߝߏߘߏ߲߫ ߊ߬ ߘߐ߫ ߌߞߘߐ߫، ߞߵߊ߬ ߛߐ߬ߘߐ߲߬߸ ߞߌ߬ߛߍ ߡߊ߫ ߛߋ߫ ߛߏ߬ߓߏ߫ ߡߊ߬߸ ߊ߬ ߣߐ߬ ߞߊ߲ߡߋߙߋ߲ ߠߋ߬ ߓߏ߲߫ ߠߴߏ߬ ߘߌ߫، ߘߏ߲߬ߛߏ߬ߗߍ ߣߌ߲߬ ߕߐ߯ ߟߋ߬ ߞߏ߫ ߓߋߣߎߥߊ߫ ߞߖߊ߬ߣߋ߫ ߒߖߋߛߊ߲߫߸ ߊ߬ ߛߊ߲߬ ߄߃ ߟߋ߬ ߕߋ߲߬߸ ߊ߬ ߓߊ߯ߙߊ ߦߋ߫ ߦߙߌ߫ ߕߘߎ ߟߋ߬ ߘߌ߫.
ߒ߬ߓߊ߬ ߓߊߘߋ߲ ߠߎ߬߸ ߊ߬ ߦߋ߫ ߗߍ߭ ߢߣߊ߫ ߞߏ߫ ߊ߬ ߣߐ߬ ߛߏ߬ߓߏ ߟߋ߬ ߓߏ߲߫ ߠߊ߫߸ ߞߵߊ߬ ߛߐ߬ߘߐ߲߬ ߊ߬ ߣߐ߬ ߞߊ߲ߡߋߙߋ߲ ߠߋ߬ ߓߏ߲߫ ߠߴߏ߬ ߘߌ߫، ߞߌ߬ߛߍ ߞߊ߬ ߞߊ߲ߡߋߙߋ߲ ߡߊߛߐ߬ߘߐ߲߫ ߠߋ߬ ߝߋߝߋ߫߸ ߝߏ߫ ߊ߬ ߡߊ߫ ߛߋ߫ ߓߐ߫ ߟߴߊ߬ ߘߐ߫، ߘߏ߲߬ߛߏ߬ߗߍ ߣߐ߬ ߊ߬ ߟߐ߲߫ ߠߊ ߞߏ߫ ߊ߬ ߡߊ߫ ߛߓߏ߬ ߓߏ߲߫ ߝߏ߫ ߊ߬ ߣߐ߬ ߡߐ߱ ߟߋ߬ ߓߏ߲߫ ߠߊ߫߸ ߊ߬ ߕߊ߯ ߘߴߊ߬ ߖߘߍ߬ ߡߊߟߐ߬ ߞߟߍ߬ߡߐ߰ߘߊ ߟߊ߫ ߌߞߘߐ߫.
ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߕߊ߬ߘߌ߬ߓߊ߬ߕߊߘߌߓߊ ߘߏ߲߬ ߓߌߣߊߥߏ߫ ߘߎ߰ߘߋ߲ ߠߎ߬ ߘߐ߫߸ ߊ߬ ߕߌ߯ߕߌ߯ ߞߊ߬ߙߊ߲߬ߘߋ߲ ߠߎ߬߸ ߞߊ߲ߡߋߙߋ߲ ߣߌ߫ ߡߍ߲ ߠߎ߬ ߦߋ߫ ߞߊ߬ߙߊ߲߬ߕߊ߬ ߞߋߟߋ߲߫ ߠߊ߫߸ ߣߌ߫ ߛߊ߬ߦߊ ߣߐ߬ ߊ߬ߟߎ߬ ߕߙߐ߫ ߟߊ߫ ߞߏߛߓߍ߫. ߝߊ߰ߡߊ ߟߎ߫ ߞߏ߬ߣߌ߲ ߓߘߊ߫ ߢߊߢߌߣߌ߲ߠߌ߲߫ ߛߌ߰ ߛߋ߲߬ߠߊ߫߸ ߛߴߊ߬ ߞߏ ߘߌ߫ ߕߊ߬ߡߌ߲߬ ߟߊߜߍ߫ ߟߊ߫ ߓߘߍߞߍ߭߸ ߞߵߊ߬ ߞߍߢߊ߫ ߖߐ߲ߖߐ߲ ߟߐ߲߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
