ߕߏ߬ߟߊ߲߬ߕߊ߲߬ߠߊ߬ ߞߊߡߋߙߋ߲ ߣߌ߲߬ ߖߌ߬ߦߊ߬ߓߍ ߘߏ߫ ߟߋ߬ ߟߊߖߍ߲ߛߍ߲߫ ߘߊ߫ ߞߵߊ߬ ߕߏ߫ ߡߊ߬ߟߌ ߟߊ߲߬ߘߊ߬ ߝߊ߯ߣߌ߲ ߘߐ߫߸ ߡߍ߲ ߓߘߊ߫ ߞߍ߫ ߊ߬ ߕߊ߫ ߞߎߡߊ߫ ߛߌߦߊߡߊ߲߫ ߘߌ߫ ߘߍ߬ ߞߙߏߝߏ ߟߎ߫ ߞߊ߲߬ ߕߋ߲߬ ߞߏߛߓߍ߫. ߓߊ߬ߙߌ߬ ߟߌ߬ߤߟߊ߬ߦߊ ߣߌ߲߬ ߓߘߊ߫ ߥߎߦߊߒߕߋߦߊ߫ ߝߋߝߋ߫.
߂߀߂߅ ߕߙߊߓߊ ߕߟߋ߬ ߁߉ ߢߌ߲߬ ߡߊ߬ ߕߋ߲߬߸ ߓߟߐߟߐ ߞߊ߲߬ߠߊ ߟߎ߬ ߓߘߊ߫ ߜߊ߬ ߥߎ߬ߣߎ߲߬ߥߎ߬ߣߎ߲߬ߞߊ߲ ߘߏ߫ ߟߋ߬ ߟߊ߫ ߡߍ߲ ߓߙߊ߬ ߘߊ߫ ߓߍ߯ ߘߐ߫: ߣߴߊ߬ ߦߋ߫ ߝߊ߬ߙߊ߲߬ߛߌ߫ ߝߊ߬ߛߏ߬ߦߊ߬ߕߌ߮ ߒ߬ߜߟߏ߬ ߞߊ߲ߕߍ߫ ߟߊ߫ ߝߘߎ߫ ߞߏ ߘߌ߫ ߓߡߊ߬ߞߐ߫ ߣߐ߬ߘߎ߮ ߘߐ߫. ߞߵߏ߬ ߞߎ߲߭ ߞߍ߫ ߕߏ߬ߟߊ߲߬ ߕߏ߬ߟߏ߲߬ߠߊ ߣߌ߲߬ ߡߊߛߘߌ߬ߣߍ߲ ߦߋ ߘߌ߫ ߖߌ߬ߦߊ߬ߓߍ ߘߏ߫ ߘߐ߫ ߓߡߊߙߊ߲߫ ߘߙߌߞߌߓߊ ߘߐ߫߸ ߊ߬ ߡߌߣߌ߲ߣߍ߲߫ ߡߏ߬ߛߏ ߘߏ߫ ߡߊ߬. ߏ߬ ߟߋ߬ ߞߏ ߓߘߊ߫ ߓߟߐߟߐ ߟߊߡߊ߰ ߕߋ߲߬ ߞߏߛߓߍ߫.
ߝߏ߫ ߝߐ߰ߓߍ߬ߘߊ߬ ߛߌߦߊߡߊ߲߫ ߓߘߴߊ߬ ߟߊߞߊ߬ߟߌ߬߸ ߊ߬ ߜߋ߲ߜߋ߲߫ ߘߐ߫ "ߘߋߞߊߟߋ ߡߊߜ߭" (ߝߐ߰ߓߍ߬ߘߊ) ߸ ߞߏ߫ « ߡߊ߬ߟߌ߬ߘߋ߲-ߝߊ߬ߙߊ߲߬ߛߌ߬ߞߊ ߕߏ߬ߟߊ߲߬ߕߊ߲߬ߠߊ ߓߘߊ߫ ߝߘߎ߫ ߞߍ߫ ߓߡߊ߬ߞߐ߫ ߓߌ߬ ߘߋ߯ ». ߓߍ߯ ߓߘߴߊ߬ ߕߊ߫ ߝߐ߫ ߣߌ߲߬ ߞߏ ߘߐ߫، ߖߊ߬ߡߊ ߓߘߊ߫ ߝߘߊ߫ ߝߌ߬ߟߊ߬ ߘߌ߫߸ ߘߏ߫ ߟߎ߫ ߛߍߥߊߣߍ߲ ߦߋ߫ ߞߎߟߎ߲ߖߋߟߌ ߞߊ߲߬، ߘߏ߫ ߟߎ߫ ߝߣߊ߫ ߦߴߊ߬ ߘߐߖߊ߬ߥߏ ߞߊ߲߬ ߊ߬ߟߎ߬ ߕߊ߫ ߢߊ߫ ߡߊ߬.
ߒ߬ߓߊ߬ ߥߎ߬ߣߎ߲߬ߥߎ߬ߣߎ߲߬ߞߊ߲ ߦߴߊ߬ ߕߊ߲ߣߌߝߌߟߊߝߟߌ ߘߐ߫ ߕߎ߬ߡߊ ߡߍ߲ ߛߊ߫߸ ߒ߬ߜߟߏ߬ ߞߊ߲ߕߍ߫ ߟߐ߲ߓߊ߯ ߡߊߛߎߘߎ߲ ߘߏ߫ ߓߘߊ߫ ߞߊ߲߫ ߓߐ߫ ߞߊ߬ ߡߐ߱ ߟߎ߬ ߓߐ߫ ߞߣߐ߬ߘߐ߬ߝߟߌ ߘߐ߫߸ ߞߵߊ߬ ߕߎ߬ߢߊ ߟߊ߲ߞߣߍߡߊ߫ ߌߞߛ ߘߍ߬ ߞߙߏߝߏ ߞߊ߲߬ (ߡߍ߲ ߕߘߍ߬ ߞߟߌ߫ ߞߏ߫ ߕߑߥߌߕߍߙ߭)، ߖߊ߬ߕߋ߬ߘߊ ߞߎ߲߬ߠߊ߬ߝߏߣߌ߲ߣߍ߲ ߘߏ߫ ߟߋ߬ ߞߊ߬ ߒ߬ߜߟߏ߬ ߞߊ߲ߕߍ߫ ߓߊߘߋ߲ߗߍ ߟߊ߫ ߞߎߡߊ ߢߌ߲߬ ߠߎ߬ ߟߊߛߋ߫، ߞߏ߫ ߥߎߦߊ߫ ߞߎߘߎ߲ߓߊ߫ ߟߋ߬. ߛߙߊ߬ߣߎ߲ ߏ߬ ߝߟߍ߫ ߣߌ߲߬:
« ߞߎ߲߬ߠߊ߬ߝߏߣߌ߲ ߡߍ߲ ߦߋ߫ ߝߌߙߌ߲ߝߌߙߌ߲ ߠߊ߬ ߓߟߐߟߐ ߟߊ߫ ߕߋ߲߬߸ ߣߴߊ߬ ߦߋ߫ ߖߌ߬ߦߊ߬ߓߍ ߣߌ߲߬ ߠߊ߫ ߞߏ ߘߌ߫߸ ߞߏ߫ ߒ߬ߜߟߏ߬ ߞߊ߲ߕߍ߫ ߓߘߊ߫ ߝߘߎ߫ ߞߍ߫، ߥߎߦߊ ߟߋ߬ »ߒ߬ߜߟߏ߬ ߖߍ߬ߘߍ ߞߐ߬ߣߌ߲ ߡߊ߫ ߝߏߦߌ߬ ߝߐ߫ ߟߌ߬ߤߟߊ߬ߦߊ ߣߌ߲߬ ߞߊ߲߬ ߝߐߟߐ߲߫ ߝߘߏ߬ߓߊ߬ ߓߟߏߡߊ߬. ߒ߬ߜߟߏ߬ ߦߋ߫ ߕߏ߬ߟߊ߲߬ߕߊ߲߬ߠߊ߫ ߟߋ߬ ߘߌ߫߸ ߡߍ߲ ߛߌ߬ߞߛߊߓߌ ߦߋ߫ ߛߊ߲߬ ߃߃ ߘߐ߫. ߊ߬ ߦߋ߫ ߜߎ߲߬ߘߎ߬ ߡߐ߯ ߟߋ߬ ߘߌ߫߸ ߡߍ߲ ߡߊߟߐ߲ߣߍ߲߫ ߡߊ߬ߞߎ߲ ߡߊ߬ ߞߏߛߓߍ߫، ߊ߬ ߞߎ߲ߣߍ߲߫ ߊ߬ ߖߍ߬ߘߍ ߡߊ߬߸ ߊ߬ ߞߍ߫ ߡߊ߲߫ ߘߌ߫ ߞߵߊ߬ ߞߎ߲߬ߞߊ߲߬ߞߏ ߢߊߝߐ߫ ߝߐ߰ߓߍ߬ߘߊ ߟߎ߬ ߟߊ߫. ߊ߬ ߝߟߐ߫ ߕߍ߫ ߣߌ߲߬ ߘߌ߫߸ ߥߊ߯ߕߌ߫ ߘߐ߫߸ ߊ߬ ߕߍ߬ߘߍ߫ ߖߌ߰ߣߍ߫ ߠߋ߬ ߓߍ߯ ߓߟߏ߫ ߞߏ߫ ߊ߬ ߣߌ߫ ߝߌ߬ߙߌ߲߬ߕߊ߬ߥߏ߬ߟߊ߬ ߞߘߐ߫ ߖߌ߬ߓߙߌߟ ߛߌ߬ߛߋ߫ ߡߛߏ߬ ߞߘߐ ߗ߭ߎߘ ߟߍߕߐߟ ߟߋ߬ ߓߟߏ߫ ߦߋ߫ ߢߐ߲߮ ߓߟߏ߫ (ߝߘߎ ߟߊ߫).
ߞߎߡߊ ߟߊߛߎ߬ߘߎ߲߬ߧߊ ߘߐ߫߸ ߣߌ߲߬ ߦߋ߫ ߥߎ߬ߣߎ߲߬ߥߎ߬ߣߎ߲߬ߞߊ߲߫ ߘߊ߬ߟߌ߬ߟߎ߬ߒߕߊ߲ ߘߐߙߐ߲߫ ߠߋ߬ ߘߌ߫ ߓߟߏߡߌߣߊߞߟߊ߫ ߛߞߊߣߌ߲߫ ߛߌ߫ ߕߍ߫ ߡߍ߲ ߠߊ߫߸ ߡߍ߲ ߘߴߊ߬ ߦߌ߬ߘߊ߬ ߞߏ߫ ߒ߬ߜߟߏ߬ ߞߊ߲ߕߍ߫ ߓߘߊ߫ ߝߘߎ߫ ߞߍ߫. ߞߏ ߘߏ߲߬ ߞߎ߲߭ ߦߋ߫ ߡߍ߲ ߖߘߍ߬ߞߊߣߌ߲ ߞߊ߲߬߸ ߏ߬ ߡߊ߫ ߝߋ߲߫ ߝߐ߫، ߖߊ߲߬ߕߏߒߖߘߍ߬ߘߐ ߞߘߐ߬ߞߏ ߞߊ߫ ߢߌ߲߬.
ߡߐ߰ߛߓߍ߫ ߞߋߕߊ߬ ߟߊ߫ ߘߟߊߡߌߘߊߟߌ ߟߋ߬
