ߞߊ߲ߞߊ߲߫ ߞߕߌߘߊ ߦߌߟߡߊ߫ ߝߟߐ ߣߐ߬ ߟߊ߬ߛߋ߬ߟߌ߬ ߞߟߊߒߞߋ߫ ߟߋ߬ ߞߍ߫ ߟߊ߫߸ ߞߵߊ߬ ߓߍ߲߬ ߞߎ߲߬ߞߏ߬ߓߊ߬ߕߐ߬ߦߊ߬ ߞߕߌ ߘߏ߫ ߘߊߦߟߍ߬ ߞߏ ߡߊ߬ ߓߐ߬ߟߐ߲߬ߞߊ߬ ߊߘߡߊ߫ ߞߏ߬ߣߊ߬ߕߍ߫ ߟߊ߫ ߞߏ ߘߐ߫߸ ߏ߬ ߡߍ߲ ߝߊ߰ ߘߊ߫ ߘߓߌߘߊ ߟߐ߯ߝߍ ߘߐ߫ ߂߀߂߅ ߕߙߊߓߊ ߕߋ߬ߟߋ߫ ߂߀ ߡߊ߬߸ ߓߊ߬ߣߊ߲߬ߞߘߐ߬ߘߊ ߞߌ߲߬ߘߊ ߟߊ߫߸ ߞߊ߲ߞߊ߲߫ ߞߊ߬ߝߏ߬ߙߋ߲ ߞߣߐ߫.
ߊ߬ߟߎ߬ ߟߊ߫ ߟߊ߬ߛߋ߬ߟߌ߬ ߛߓߍ ߣߌ߲߬ ߡߍ߲ ߞߟߊ߬ߣߐ߬ߦߊ߬ ߘߊ߫ ߞߎߣߎ߲߬ ߞߎߣߎ߲ߟߏ߲ ߡߊ߬ ߂߀߂߅ ߞߏ߲ߞߏߘߓߌ ߕߋ߬ߟߋ߫ ߀߂߸ ߝߐ߰ߓߍ߬ߦߊ߬ߟߊ ߟߎ߬ ߞߟߌ߫ ߘߴߊ߬ ߡߊ߬ ߓߌ߬ ߓߌߟߏ߲ ߢߌ߲߬ ߠߋ߬ ߡߊ߬ ߞߏ߲ߞߏߘߓߌ ߕߋ߬ߟߋ߫ ߀߃.
ߞߊ߲ߓߍ߲ ߞߕߌߞߊ߲ߘߊ߸ ߛߟߊߕߌ߯ ߡߊߙߎߥߊߣ ߓߊߟߑߘߋ߬ ߖߘߍ߬ߓߊ߬ߞߎ߲ ߠߋ߬ ߞߊ߬ ߟߊ߬ߛߋ߬ߟߌ߬ ߛߓߍ ߣߌ߲߬ ߘߐߞߊ߬ߙߊ߲߬߸ ߞߵߊ߬ ߦߌ߬ߘߊ߬ ߞߏ߫ ߞߐ߬ߟߏ߲߫ ߣߊ߬ߕߐ ߂߀߂߅ ߞߏ߲ߞߏߘߓߌ ߕߟߋ߬ ߈߸ ߀߉ߙߋ߲ ߡߊ߬߸ ߞߕߌ ߣߌ߲߬ ߓߍߣߊ߬ ߘߊߡߌ߬ߣߊ߬ ߟߊ߬ߥߟߍ߬ߟߌ߬ ߝߏ߯ ߞߣߐ߫߸ ߡߍ߲ ߠߊߦߟߍ߬ߡߊ߲߬ߣߍ߲߬ ߞߊ߲ߞߊ߲߫ ߞߕߌ߫ ߡߛߊߦߌ߲ߘߊ ߟߊ߫.
ߟߊ߬ߛߋ߬ߟߌ ߣߌ߲߬ ߘߐ߫߸ ߞߕߌߓߋߟߋ߲ ߞߵߊ߬ ߝߐ߫ ߞߵߊ߬ ߓߐ߱ ߘߐߘߐ߲߬߸ ߞߏ߫ ߊ߬ߟߎ߬ ߘߌ߫ ߡߏ߬ߛߏ ߟߎ߬ ߤߊߞߍ ߡߊߞߊ߲ߞߊ߲߫߸ ߞߊ߬ ߞߏߕߐ ߟߎ߬ ߓߏ߲߬ߧߊ߫ ߞߵߊ߬ߟߎ߬ ߟߊߞߊ߲ߘߊ߫߸ ߞߏ߫ ߊ߬ߟߎ߬ ߘߴߏ߬ ߛߌߟߊ ߟߎ߬ ߡߊߓߏ߲߬ߧߊ߬ ߞߕߌ ߣߌ߲߬ ߘߐ߫ ߞߏߛߓߍ߫.
ߞߵߊ߬ ߟߴߊ߬ ߞߊ߲߬߸ ߞߏ߫ ߊ߬ߟߎ߬ ߛߍߥߊߣߍ߲߫ ߞߵߊ߬ ߞߏߢߊ ߣߌ߲߬ ߡߌ߬ߘߊ߬ ߢߊ ߟߊ߫ ߓߊߟߋ߬߸ ߣߴߏ߬ ߦߋ߫ ߝߊ߲߬ߞߊ ߘߌ ߘߌ߫ ߕߋߟߋ߲ߓߊ߯ߦߊ ߡߊ߬߸ ߏ߬ ߡߍ߲ ߦߋ߫ ߖߌ߬ߣߍ߫ ߞߎ߲߬ߠߊ߬ߛߌ߮ ߟߊ߫ ߓߘߍ߬ߓߘߍ߬ߟߌ߬ ߡߙߌߦߊ ߘߌ߫ ߞߊ߬ߣߌ߲߬.
ߞߕߌߓߋߟߋ߲ ߞߵߊ߬ ߦߌ߬ߘߊ߬߸ ߞߏ߫ ߊ߬ ߦߋ߫ ߞߊ߲ߞߊ߲ߞߊ ߟߎ߬ ߞߟߌ߫ ߟߊ߫ ߡߊ߬ߝߊ ߟߋ߬ ߡߊ߬߸ ߊ߬ ߣߌ߫ ߞߎߒߖߘߍ߬ߡߊ، ߖߐ߲߰ߛߊ߫ ߞߕߌߘߊ ߘߌ߫ ߛߴߊ߬ ߟߊ߫ ߓߊ߯ߙߊ ߞߍ߫ ߟߴߊ߬ ߢߊ ߡߊ߬߸ ߞߵߊ߬ ߛߐ߬ߘߐ߲߬ ߓߎ߬ߘߎ߲ ߡߊ߫ ߘߏ߲߬ ߖߊ߬ߡߊ ߟߊ߫ ߡߊ߬ߝߊ ߘߐ߫߸ ߊ߬ ߣߌ߫ ߛߊ߫ ߞߎ߲߬ߞߏ߬ߓߊ߬ߕߐ߬ߦߊ ߘߌ߫ ߞߟߍ߬ ߞߊ߲ߞߊ߲߫ ߕߌ߲߬ߞߎߘߎ߲ ߞߣߐ߫.
ߞߕߌߓߋߟߋ߲ ߞߊ߲߫߸ ߞߏ߫ ߊ߬ߟߎ߫ ߝߛߊ߬ߣߍ߲߬ ߡߍ߲ ߡߊ߬߸ ߏ߬ ߟߋ ߡߐ߰ߦߊ ߤߊߞߍ ߡߊߓߏ߲߬ߧߊ ߘߌ߫߸ ߓߟߏߝߊ߫ ߞߋߟߋ߲߫ ߦߋ߫ ߡߏ߬ߛߏ ߟߎ߬ ߕߊ ߞߊ߲߬، ߊ߬ ߓߊ߲߫ ߘߊ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߦߴߊ߬ ߝߍ߬ ߟߋ߬ ߜߎ߸ ߣߌ߲߬ ߦߋ߫ ߞߕߌ߫ ߟߋ߬ ߘߌ߫ ߕߋߟߋ߲ ߞߣߐ߫߸ ߞߵߊ߬ ߛߐ߬ߘߐ߲߬ ߟߊ߫ ߡߊ߫ ߞߍ߫ ߘߏ߫ ߝߍ߬ ߞߊ߬ ߘߏ߫ ߕߏ߫.
ߞߕߌ ߣߌ߲߬ ߘߊߦߍ߬ߟߍ ߘߐ߫߸ ߓߍ߯ ߛߌ߰ߣߍ߲߫ ߞߊ߬ ߣߌ߲߬ ߟߏ߲ ߡߊߞߐ߬ߣߐ߲߬߸ ߡߐ߰ߦߊ ߤߊߞߍ߫ ߡߞߊߘߊ߲ߠߊ ߟߎ߫ ߓߊ߬߸ ߡߏ߬ߛߏ ߟߎ߬ ߤߊߞߍ߫ ߡߞߊߘߊ߲ߠߊ ߟߎ߫ ߓߊ߬߸ ߏ߬ ߟߎ߬ ߓߍ߯ ߢߊ ߥߟߏߣߍ߲߫ ߠߋ߬ ߣߌ߲߬ ߞߏ ߘߐ߫ ߕߋ߲߬߸ ߞߵߊ߬ ߟߐ߲߫ ߊ߬ ߞߏ ߡߌ߬ߘߊ߬ߕߐ߫ ߢߊ ߡߍ߲ ߞߕߌߘߊ ߓߟߏ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߆߂߀ ߉߁ ߇߁ ߀߄
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
