ߙߋߦߊߟ ߡߊߘߙߌߘ ߛߋ߲߬ߓߐ ߡߍ߲ ߞߍߣߍ߲߫ ߟߊ߬ߓߊ߲ ߣߊ߯ߣߌ߲ߢߐ߲߯ ߕߊ߲ߠߌ߲ ߝߍ߬ ߕߋ߲߬߸ ߊ߬ߟߎ߬ ߣߌ߫ ߊߙߑߛߋߣߊߟ ߟߊ߫ ߓߌ߬ߟߊ߬ߢߐ߲߰ߠߊ ߝߍ߬، ߒ߬ߓߊ߬߸ ߊ߬ߟߎ߬ ߟߊ߫ ߟߞߊ߬ߙߊ߲߬ߧߊ߬ߟߌ߬ߟߊ߸ ߞߊߙߑߟߏ ߊ߲ߛߋߟߏߕߌ߫ ߓߘߴߊ߬ ߦߌ߬ߘߊ߬ ߞߍ߲ߘߍߟߏ߲ ߣߌ߲߬ ߡߊ߬߸ ߂߀߂߅ ߞߏ߲ߞߏߘߓߌ ߕߋ߬ߟߋ߫ ߂߀߸ ߞߏ߫ ߊ߬ ߣߌ߫ ߊߛߌߔߊ߲߫ ߞߍߙߍ߲ߘߊ ߗߋߕߌ߯ߘߊ ߓߍߣߊ߬ ߘߊߘߐߖߊߥߏ߫ ߞߍ߫ ߘߐ߬ߝߊߟߋ߲ ߣߌ߲߬ ߟߊߓߊ߲ ߝߍ߬.
ߌߕߊߟߌߞߊ ߟߎ߬ ߟߊ߬ ߟߊ߫ ߘߋ߲ ߕߏ߫ ߘߊ߫ ߝߐ߬ߓߍ߬ ߜߙߊ ߟߋ߬ ߞߣߍ ߞߊ߲߬ ߓߌ߬ ߞߊ߬ ߞߎߡߊ ߣߌ߲߬ ߝߐ߫، ߓߊߏ߬߸ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߘߏ߫ ߟߎ߫ ߦߴߌߘߐ߫߸ ߞߏ߫ ߊ߬ ߕߍߣߊ߬ ߕߏ߫ ߟߊ߫ ߦߋ߲߬߸ ߙߋ߬ߦߊߟ ߟߊ߫ ߗߌߙߏ߲ߠߌ߲ ߣߌ߲߬ ߞߐߝߍ߬، ߏ߬ ߟߋ ߘߐ߫߸ ߊ߬ ߞߊ߲߫ ߊ߬ ߟߊ߫ ߞߎߡߊ߫ ߘߐ߫߸ ߞߏ߫: <<ߘߐ߬ߝߊߟߋ߲ ߟߊߓߊ߲ ߝߍ߬߸ ߊ߲ ߘߌߣߊ߬ ߞߎߡߊ߫ ߒ ߠߊ߫ ߟߏ߲߫ ߣߊ߬ߕߐ ߟߎ߬ ߘߐߕߍ߰ ߢߊ ߞߊ߲߬ ߞߍߙߍ߲ߘߊ ߞߣߐ߫.>> ߊ߲ߛߋߟߏߕߌ߫ ߟߋ߬ ߞߊ߲߫ ߕߋ߲߬.
ߛߊߛߋ ߦߋ߫ ߊ߲ߛߋߟߏߕߌ߫ ߗߍ߬ ߛߊ߲߬ ߆߅ ߢߌ߲߬ ߣߌ߫ ߙߋ߬ߦߊߟ ߕߍ߫߸ ߤߊ߲߯ ߂߀߂߆ ߟߋ߬ ߟߊ߫، ߊ߬ ߞߏ߬ߣߌ߲ ߓߘߴߊ߬ ߦߌ߬ߘߊ߬ ߞߏ߫ ߊ߬ ߛߐ߲߭ߖߊ߬ߣߍ߲߬ ߡߍ߲ ߞߊ߲߬ ߕߋ߲߬ ߝߟߐ߫߸ ߡߍ߲ ߠ߬ߎ ߣߌ߫ ߞߍߟߌ ߦߊ߫ ߞߊ߲߫ ߕߋ߲߬ ߌߞߘߐ߫߸ ߞߵߏ߬ ߟߎ߬ ߞߍ߫، ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫߸ ߊ߬ ߓߘߊ߫ ߛߌߞߊ߫ ߖߌ߬ߒ߬ߠߊ ߘߏ߫ ߡߊ߬߸ ߙߋ߬ߦߊߟ ߟߊ߫ ߓߐߟߌ ߣߌ߲߬ ߞߏߛߐ߲߬، ߊ߬ ߞߵߊ߬ ߦߌ߬ߘߊ߫ ߏ߬ ߘߊߞߎ߲ ߘߐ߫߸ ߞߏ߫: <<ߛߊ߲ߞߊߢߐ߲߯ߦߊ߫ ߟߋ߬ ߦߴߊ߬ ߘߌ߫߸ ߙߋ߬ߦߊߟ ߡߊߘߙߌߘ ߦߋ߫ ߛߐ߬ߘߐ߲߬ ߠߊ߫ ߡߍ߲ ߘߐ߫ ߝߛߊߦߌ߫، ߕߎ߬ߢߊ ߟߋ߬߸ ߛߋ߫ ߓߘߊ߫ ߞߍ߫ ߊ߲ ߠߊ߫߸ ߓߊ߬ߙߌ߬ ߞߎ߲߬ߧߊ߬ߘߐ߫ ߕߊ߬ߕߊ ߘߏ߫ ߟߎ߫ ߓߍ߫ ߦߋ߲߬ ߡߎߣߎ߲߬ ߘߋ߬.>> ߊ߲ߛߋߟߏߕߌ߫ ߟߋ߬ ߞߊ߲߫ ߕߋ߲߬.
ߙߋ߬ߦߊߟ ߡߊߘߙߌߘ ߕߐ߮ ߦߋ߫ ߟߌߜ߭ߊ ߘߐ߲߭ ߘߐ߫ ߡߎߣߎ߲߬ ߤߊ߲߯ ߕߋ߲߬߸ ߕߏ߲ߘߋ߫ ߣߊ߫ߣߌ߲߫ ߘߐߙߐ߲߫ ߠߋ߬ ߦߴߊ߬ ߣߌ߫ ߢߍߓߊ߯ߦߊ ߕߍ߫، ߞߵߊ߬ ߛߐ߬ߘߐ߲߬߸ ߟߏ߲߫ ߥߐߙߐ߲ߝߌ߬ߟߊ߫ ߟߋ߬ ߕߊ߲ߠߌ߲ ߦߋ߫ ߓߊߙߑߛߊ ߡߊ߬ ߡߎߣߎ߲߬، ߊ߬ߟߋ߬ ߛߘߍߞߎߘߎ߲߫ ߝߌ߬ߟߊ ߓߍߣߊ߬ ߢߐ߲߯ߓߍ߲߬ ߞߏ߲ߞߏߘߓߌ ߣߌ߲߬ ߕߋ߬ߟߋ߫ ߂߆ ߡߊ߬߸ ߞߎߔ ߘߎ߳ ߙߏߥߊ ߟߊ߬ߓߊ߲ ߞߣߍ ߞߊ߲߬.
ߊ߲ߛߋߟߏߕߌ߫ ߞߊ߬ ߦߟߌߓߌߟߊߟߌ ߞߍ߫ ߝߣߊ߫߸ ߞߏ߫ ߞߏ߫ ߊ߬ ߓߘߊ߫ ߗߋߕߌ߯ߘߊ ߟߊ߫ ߞߎߟߎ߲ߖߋߟߌ ߛߐ߬ߘߐ߲߬، <<ߞߊ߲ߕߌ߯ ߝߑߟߏ߬ߙߊ߲߬ߕߌߣߏ߬ ߔߋߙߍߖ߭ ߦߋ߫ ߒ ߞߐߡߊߓߌ߲ߓߌ߲߫ ߠߊ߫ ߟߋ߬ ߞߘߊߎ߫߸ ߊ߬ ߕߌ߯ߕߌ߯ ߕߎ߬ߡߊ߬ ߜߍߟߍ߲ ߠߎ߬ ߟߊ߫.>> ߊ߬ ߞߏ߫߬ߣߌ߲ ߠߊ߫ ߞߎߡߊ ߡߴߊ߬ ߦߌ߬ߘߊ߬߸ ߣߴߊ߬ ߣߌ߫ ߗߋߕߌ߯ߘߊ ߟߊ߫ ߢߐ߲߯ߦߋ ߞߍߕߐ߫ ߞߍߙߍ߲ߘߊ ߟߎ߬ ߟߊ߫ ߖߊ߫ߓߊ߫ ߖߌߟߊߝߍ ߢߍ߫ ߟߋ߬ ߥߟߴߊ߬ ߞߐ߫߸ ߏ߬ ߡߍ߲ ߕߊ߲ߠߌ߲ ߓߍߣߊ߬ ߞߍ߫ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߣߐ߫ ߥߊ߬ߛߌ߬ߥߙߊ ߕߟߋ߬ ߁߄ ߣߊ߬ߕߐ ߡߊ߬.
ߟߞߊ߬ߙߊ߲߬ߧߊ߬ߟߌ߬ߟߊ ߟߊ߫ ߞߎߡߊ ߣߌ߲߬ ߡߊ߫ ߞߍ߫ ߘߏ߫ ߜߘߍ߫ ߘߐ߫ ߘߋ߬߸ ߛߊ߫ ߞߊ߬ ߡߐ߱ ߟߎ߬ ߓߐ߫ ߞߣߐ߬ߘߐߝߟߌ ߘߐ߫ ߣߍ߲ߞߍ߫، ߣߴߏ߬ ߕߍ߫߸ ߊ߬ ߓߘߴߊ߬ ߕߐ߮ ߘߏ߫ ߙߋ߬ߦߊߟ ߘߐ߫߬ߝߐ ߘߐ߫ ߝߋߎ߫߸ ߊ߬ ߓߘߊ߫ ߞߐ߲ߘߐ߲߫ ߛߌߦߊߡߊ߲߫ ߠߋ߬ ߕߊ߬، ߒ߬ߓߊ߬߸ ߞߏ ߡߍ߲ ߠߎ߬ ߞߏ߬ߣߌ߲ ߓߊ߯ ߞߍ߫ ߊ߬ ߘߐ߫߸ ߛߌ߰ ߞߍߣߍ߲߫ ߞߊ߬ ߘߐ߬ߝߊߟߋ߲ ߟߊߓߊ߲ ߠߋ߬ ߡߊߞߐ߬ߣߐ߲߬߸ ߞߊ߬ ߞߏ ߞߎ߲߭ߘߏ߲߬ ߢߊ ߟߐ߲߫ ߡߎ߬ߕߎ߲߬߸ ߣߴߊ߬ ߘߌ߫ ߥߊ߫ ߟߋ߬߸ ߥߟߴߊ߬ ߘߌ߫ ߕߏ߫ ߟߋ߬ ߦߋ߲߬߸ ߤߊߡߊ߲߫ ߊ߬ ߓߊ߯ ߞߍ߫ ߢߊ ߡߍ߲߸ ߏ߬ ߘߌ߫ ߟߐ߲߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫
