ߓߋߣߍ߲߫ ߖߡߊ߬ߣߊ ߞߊ߲߬߸ ߘߏ߫ ߟߋ߬ ߓߘߊ߫ ߟߊ߫ ߓߌߟߏ߲ ߕߋ߰ߙߋ ߟߎ߬ ߟߊ߫ ߝߊ߰ߟߌ ߖߊ߬ߕߋ߬ߦߊ ߟߎ߬ ߞߊ߲߬߸ ߓߊߏ߬߸ ߡߐ߱ ߝߊ߰ߣߍ߲ ߠߎ߬ ߖߊ߬ߕߋ߬ߦߊ ߓߘߊ߫ ߛߋ߫ ߤߊ߲߯ ߡߐ߰ ߄߃ ߘߐ߫، ߓߋ߬ߒ߬ߞߊ߲߬ߠߌ߲ ߝߌ߬ߟߊ ߡߍ߲߬ ߛߋ߲߭ߝߍ߬߸ ߣߊ߲߬ߕߌ߮ ߟߎ߬ ߞߏ߬ߣߌ߲ ߓߘߊ߫ ߢߊߢߌߣߌ߲ߠߌ߲ ߠߎ߬ ߛߌ߰ ߛߋ߲߬ߠߊ߫߸ ߛߊ߫ ߞߊ߬ ߓߋ߬ߒ߬ߞߊ߲߬ߠߌ߲߬ ߞߍ߬ߟߊ ߟߎ߬ ߦߙߐ߫ ߟߐ߲߫، ߓߋ߬ߒ߬ߞߊ߲߬ߠߌ߲ ߣߌ߲߬ ߞߏ߬ߣߌ߲ ߞߍ߫ ߛߌߟߊ߲ߞߏ߫ ߓߊ-ߟߋ߬ ߘߌ߫ ߓߋߣߍ߲߫ ߘߎ߱ ߞߣߐ߫، ߝߊ߰ߟߌ߫ ߞߎ߲߬ߝߟߐ ߟߎ߬ ߕߘߍ߬ ߦߴߊ߬ ߦߌ߬ߘߊ߬ ߟߊ߫ ߟߋ߬߸ ߞߏ߫ ߣߊ߲߬ߕߌ߯ ߛߋߦߌ߲߫ ߠߋ߬ ߝߊ߰ߣߍ߲߫ ߕߘߍ߬ ߦߋ߫، ߓߊ߬ߙߌ߬߸ ߢߊߢߌߣߌ߲ߠߌ߲ ߠߎ߬ ߛߋ߲߭ߝߍ߬߸ ߣߊ߲߬ߕߌ߰ ߜߘߍ߫ ߟߎ߫ ߝߣߊ߫ ߛߎ߭ ߦߋ߫ ߘߊ߫ ߟߋ߬.
ߕߐ߲߫ ߓߟߏߡߊ ߘߏ߫ ߞߵߊ߬ ߟߊߛߙߋߦߊ߫ ߞߏ߫ ߣߊ߲߬ߕߌ߰ ߄߃ ߟߋ߬ ߣߌ ߕߏ ߘߴߊ߬ ߞߏ ߘߐ߫߸ ߊ߬ ߣߌ߫ ߞߊ߬ ߁߃ ߖߐߞߌ߫߸ ߖߐߞߟߌߓߊ߯ߕߐ ߟߎ߬ ߞߏ߬ߣߌ߲ ߟߊߘߏ߲߬ ߘߊ߫ ߟߋ߬ ߛߊ߲ߡߊߞߎߟߎ߲ ߘߐ߫ ߖߣߊߡߦߊ߫ ߓߟߏߡߊ߬߸ ߞߊ߬ ߘߊ߲ߘߊߛߏ ߡߊߜߍ߲߫، ߓߋ߬ߒ߬ߞߊ߲߬ߠߌ߲ ߝߌ߬ߟߊ ߡߍ߲߬ ߞߏ߬ߣߌ߲ ߟߐ߬ ߘߊ߫ ߓߋߣߍ߲߫ ߣߊ߲߬ߕߌ߮ ߟߎ߬ ߟߊ߫ ߦߙߐ߫ ߝߌ߬ߟߊ߫ ߟߋ߬ ߡߊ߬߸ ߓߌߟߏ߲ ߛߐ߰ߡߊ߬ߘߊ ߟߊ߫߸ ߊ߬ ߘߏ߲߬ ߣߴߊ߲ ߞߵߊ߬ ߡߊߝߟߍ߫߸ ߓߋ߬ߒ߬ߞߊ߲߬ߠߌ߲߫ ߡߍ߲߬ ߠߎ߬ ߓߍ߯ ߞߍ߫ ߘߊ߫ ߝߊ߲߬ ߞߋߟߋ߲߫ ߠߋ߬ ߝߍ߬߸ ߓߊߏ߬߸ ߓߋ߬ߒ߬ߞߊ߲߬ߠߌ߲߬ ߝߟߐ ߞߍ߫ ߘߊ߫ ߦߙߐ ߡߍ߲ ߘߐ߫߸ ߏ߬ ߦߋ߫ ߞߟߌ߫ ߟߊ߫ ߟߋ߬ ߞߏ߫ ߓߐ߲ߕߑߕߙߌߕ، ߖߡߊ߬ߣߊ ߛߊ߬ߓߊ߫ ߓߐߕߏ߲ ߠߊ߫ ߣߴߏ߬ ߦߋ߫ ߓߋߣߍ߲߫ ߣߌ߫ ߖߋ߬ߟߌ߬ߓߊ߬ߘߎ߯ ߣߌ߫ ߓߙߎߞߌߣߊ߫ ߝߊ߬ߛߏ߬ ߘߌ߫.
ߝߌ߬ߟߊߣߊ߲ ߝߣߊ߫ ߞߍ߫ ߘߊ߫ ߞߏߘߎ߯ ߝߊ߲߭ ߝߍ߬߸ ߏ߬ ߘߏ߲߬ ߝߣߊ߫ ߡߊ߲߫ ߖߊ߲߬ ߓߊ߲ߣߌ߲ߞߐߙߊ߫ ߘߎ߱ ߟߊ߫߸ ߓߋ߬ߒ߬ߞߊ߲߬ߠߌ߲ ߡߍ߲߬ ߠߎ߬ ߘߐ߫߸ ߊ߬ߟߋ߬ ߕߋ߰ߙߋ ߟߎ߬ ߞߏ߬ߣߌ߲ ߣߊ߬ ߘߊ߫ ߔߏߔߏ߫ ߛߌߦߊߡߊ߲߫ ߠߋ߬ ߞߊ߲߬، ߞߊ߬ ߓߊ߲߫ ߏ߬ ߘߐ߫ ߛߊ߫ ߞߊ߬ ߡߎ߮ ߟߊߥߟߌ߬ ߣߊ߲߬ߕߌ߮ ߟߎ߬ ߞߊ߲߬߸ ߢߊߢߌߣߌ߲ߠߌ߲߫ ߟߊߓߊ߲ ߠߎ߬ ߞߏ߬ߣߌ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߕߋ߰ߙߋ߫ ߛߌߦߊߡߊ߲߫ ߞߏ߬ߣߌ ߣߌ ߕߏ ߘߴߊ߬ ߘߐ߫ ߟߋ߬، ߂߀߂߅ ߓߌ߲ߠߊߥߎߟߋ߲߫ ߞߊߙߏ߫ ߕߟߋ߬ ߀߈ ߕߊ߬ߡߌ߲߬ߣߍ߲ ߠߋ߬ ߟߊ߫߸ ߡߙߊ߬ߒ߬ߡߊ߬ߝߋ߲߬ߕߌ߮ ߟߎ߬ ߞߊ߬ ߓߋߣߍ߲߫ ߣߊ߲߬ߕߌ߰ ߄߈ ߠߋ߬ ߓߣߐ߬ ߊ߬ߟߎ߬ ߣߌ ߘߐ߫ ߓߐ߲ߕߑߕߙߌߕ، ߦߙߐ߫ ߞߋߟߋ߲߫ ߣߌ߲߬ ߘߐ߫.
ߓߊ߬ߙߌ߬߸ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬ߕߋ߲߬ ߣߌ߲߬ ߘߐ߫߸ ߞߊ߬ߦߌ߯ ߓߌߟߏ߲ ߓߋ߬ߒ߬ߞߊ߲߬ߠߌ߲ ߠߎ߬ ߓߐ߫ ߘߴߊ߬߸ ߓߋߣߍ߲߫ ߣߊ߲߬ߕߌ߯ ߞߎ߲߬ߞߊ߬ߓߊ߰ ߓߟߏߡߊߞߊ߬ߣߍ߲ ߠߎ߬ ߞߏ߬ߣߌ߲ ߞߵߊ߬ߟߎ߬ ߕߍߛߘߌ߬ ߞߊ߬ ߖߌ߰ ߞߍ߬ߟߍ ߞߣߍ ߞߊ߲߬ ߠߋ߬߸ ߊ߲ ߞߏ߬ߣߌ߲ ߦߋ߫ ߦߙߐ ߡߍ߲ ߘߐ߫ ߕߋ߲߬߸ ߞߍ߬ߟߍ ߦߋ߫ ߕߋ߰ߙߋ ߟߎ߬ ߣߌ߫ ߏ߬ ߟߎ߫ ߟߋ߬ ߕߍ߫ ߕߋ߲߬ ߞߏߛߓߍ߫، ߞߵߊ߬ ߕߊ߬ ߓߋ߬ߒ߬ߞߊ߲߬ߠߌ߲ ߡߍ߲߬ ߞߍ߫ ߘߊ߫ ߞߎ߲߬ߠߊ߬ߛߌ߮ ߟߎ߬ ߞߏ߬ߣߌ߲ ߡߊ߫ ߝߋ߲߫ ߝߐ߫ ߊ߬ ߞߏ ߞߊ߲߬ ߝߟߐ߫.
ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
