ߓߋ߬ߒ߬ߞߊ߲߬ߠߌ߲ ߓߘߊ߫ ߞߍ߫ ߛߊߓߎ߫ ߘߌ߫ ߓߙߎߞߌߣߊ߫ ߖߡߊ߬ߣߊ ߞߊ߲߬߸ ߞߊ߬ ߡߐ߰ ߅߀ ߢߐ߲߰ ߓߣߐ߬ ߊ߬ߟߎ߬ ߣߌ ߘߐ߫، ߛߌ߬ߣߌ߲߬ߟߏ߲ ߣߌ߫ ߞߍ߲ߘߍߟߏ߲ ߕߊ߬ߡߌ߲߬ߣߍ߲ ߡߊ߬߸ ߕߋ߰ߙߋ ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߘߏ߫ ߟߋ߬ ߟߐ߬ ߘߊ߫ ߣߊ߲߬ߕߌ߮ ߟߎ߬ ߡߊ߬.
ߊ߬ ߦߋ߫ ߘߊ߫ ߞߏ߫ ߖ߭ߋߣߌߡ ߓߊ߰ߓߊ߰ߟߌ߬ ߞߙߎ ߟߋ߬ ߣߐ߬ ߦߋ߫ ߓߋ߬ߒ߬ߞߊ߲߬ߠߌ߲ ߣߌ߲߬ ߘߌ߫߸ ߏ߬ ߟߋ߬ ߟߊߖߍ߲ߛߍ߲߫ ߘߊ߫ ߓߟߐߟߐ ߞߊ߲ߠߊ ߟߎ߬ ߝߍ߬߸ ߛߙߋ ߘߏ߫ ߟߎ߫ ߟߊ߫ ߝߐߟߌ߫ ߞߵߊ߬ ߦߌ߬ߘߊ߬ ߞߏ߫ ߡߐ߰ ߅߀ ߢߐ߲߰ ߠߋ߬ ߕߏ߫ ߘߊ߫ ߓߋ߬ߒ߬ߞߊ߲߬ߠߌ߲ ߣߌ߲߬ ߘߐ߫.
ߘߎ߰ߘߋ߲ ߠߎ߬ ߣߌ߫ ߣߊ߲߬ߕߌ߮ ߟߎ߬ ߣߴߊ߬ߟߎ߫ ߞߐߡߊߓߌ߲ߓߌ߲ߓߊ߮ ߟߎ߬ ߓߍ߯ ߦߋ߫ ߏ߬ ߡߍ߲ ߘߐ߫߸ ߓߋ߬ߒ߬ߞߊ߲߬ߠߌ߲ ߣߌ߲߬ ߘߊߡߌ߬ߣߊ߬ ߘߊ߫ ߛߌ߬ߣߌ߲߬ߟߏ߲ ߛߐ߰ߡߊ߬ߘߊ ߟߋ߬ ߟߊ߫߸ ߦߊߡߎߓߊ߫ ߘߎ߱ ߞߣߐ߫، ߊ߬ߟߎ߫ ߓߋ߬ ߘߊ߫ ߏ߬ ߘߊ߮ ߝߟߐ߫ ߟߋ߬ ߞߊ߲߬߸ ߞߊߘߌߢߐ߲߯ߠߊ ߟߎ߬ ߜߊ߬ ߘߴߊ߬ߟߎ߬ ߣߌ߫ ߣߊ߲߬ߕߌ߮ ߟߎ߬ ߕߍ߫ ߦߋ߲߬ ߞߏߛߓߍ߫.
ߓߊ߬ߙߌ߬߸ ߣߊ߲߬ߕߌ߮ ߟߎ߬ ߛߋ߫ ߘߊ߫ ߞߊ߬ ߛߋߓߊ߯ߦߊ ߛߐ߬ߘߐ߲߬ ߊ߬ߟߋ߬ ߕߋ߰ߙߋ ߟߎ߬ ߡߊ߬߸ ߞߊߘߌߢߐ߲߯ߠߊ߫ ߏ߬ ߞߍ߫ ߘߊ߫ ߛߊߓߎ߫ ߘߌ߫߸ ߞߊ߬ ߕߐ߲ߓߟߏߡߊ ߁߄ ߣߌ߫ ߝ߭ߋ-ߘߋ߫-ߔߋ߫ ߄ ߓߣߐ߬ ߊ߬ߟߎ߬ ߣߌ߫ ߘߐ߫.
ߛߙߋ߫ ߛߌߦߊߡߊ߲߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߕߋ߰ߙߋ ߟߎ߬ ߛߋ߫ ߘߴߊ߬ߟߎ߬ ߕߏ߫ ߟߊ߫ ߦߊߡߎߓߊ߫ ߘߎ߱ ߟߊ߫߸ ߛߌ߬ߣߌ߲߬ߟߏ߲ ߛߎ߫ ߞߋߟߋ߲߫ ߏ߬ ߘߐ߫߸ ߞߊ߬ ߝߕߎߙߌ߫ ߟߊߛߐ߬ߘߐ߲߬، ߖߡߊ߬ߣߊ ߞߐߘߐ߲ ߝߊ߲ ߝߍ߬ ߞߊ߬ߣߌ߲߬.
ߛߙߋ ߛߐ߬ߘߐ߲߬ߣߍ߲ ߠߎ߬ ߟߊ߫ ߝߐߟߌ߫ ߘߐ߫߸ ߞߏ߫ ߦߋ߲߬ ߣߊ߲߬ߕߌ߮ ߟߎ߬ ߓߏ߬ߙߌ߬ ߘߊ߫ ߟߋ߬ ߕߋ߰ߙߋ ߡߍ߲ ߠߎ߬ ߟߊ߫ ߝߊ߰ߟߌ߬ ߖߎ߮ ߢߍ߫߸ ߓߊߏ߬߸ ߕߋ߰ߙߋ ߟߎ߬ ߞߊ߬ ߘߎ߰ߘߋ߲߬ ߃߀ ߢߐ߲߰ ߠߋ߬ ߝߊ߰߸ ߞߊ߬ ߛߌߦߊߡߊ߲߫ ߖߋ߬ߣߌ߲߬، ߊ߬ ߣߌ߫ ߞߊ߬ ߛߌߦߊߡߊ߲߫ ߝߣߊ߫ ߖߐߞߌ߫.
ߊ߬ ߣߌ߫ ߞߊ߬ ߣߊ߲߬ߕߌ߮ ߘߏ߫ ߟߎ߫ ߝߣߊ߫ ߝߊ߰߸ ߊ߬ߟߎ߬ ߟߊ߫ ߘߊ߲ߘߊߛߏ߫ ߡߍ߲ ߕߐ߯ ߞߏ߫ ߝߘߊ߫ ߏ߬ ߝߊ߬ߣߍ߲߫ ߠߋ߬ ߖߐߞߟߌߓߊ߯ߕߐ ߟߎ߬ ߟߊ߫، ߞߍ߲ߘߍߟߏ߲ ߓߋ߬ߒ߬ߞߊ߲߬ߠߌ߲ ߞߍ߫ ߛߋߜ߭ߌ߲ߣߍߜ߭ߊ߫ ߟߊ߫ ߟߋ߬߸ ߖߡߊ߬ߣߊ ߕߟߋ߬ߓߐ ߘߐ߫، ߕߐ߲߫ ߓߟߏߡߊ ߘߏ߫ ߖߍ߬ߘߍ ߞߊ߬ ߏ߬ ߟߊߛߙߋߦߊ߫߸ ߞߏ߫ ߓߋ߬ߒ߬ߞߊ߲߬ߠߌ߲ ߏ߬ ߞߊ߬ ߕߎ߬ߡߊ߬ߙߋ߲߬ ߁ ߠߋ߬ ߞߍ߫ ߛߋ߲߬ ߠߊ߫.
ߣߊ߲߬ߕߌ߰ ߅ ߟߋ߬ ߝߊ߰ ߘߊ߫ ߏ߬ ߛߋ߲߭ߝߍ߬߸ ߊ߬ ߣߌ߫ ߞߊ߬ ߁߇ ߜߘߍ߫ ߖߐߞߌ߫߸ ߞߎߣߎ߲߬ ߞߊ߯ߙߌ ߛߐ߰ߡߊ߬ߘߊ߬ ߖߏߣߊ ߟߊ߫߸ ߖ߭ߋߣߌߡ ߓߊ߰ߓߊ߰ߟߌ߬ ߞߙߎ ߟߋ߬ ߓߐ߫ ߘߊ߫ ߞߊ߬ ߓߋ߬ߒ߬ߞߊ߲߬ߠߌ߲ ߏ߬ ߝߣߊ߫ ߕߌ߰ߦߊ ߕߊ߬، ߞߊ߬ ߖߌ߬ߦߊ ߘߏ߫ ߟߛߊߙߌ߫ ߓߟߐߟߐ ߟߎ߬ ߞߊ߲߬، ߊ߲ ߧߋ߫ ߛߜ߭ߌߣߋߜ߭ߊ߫ ߘߊ߮ ߕߌ߰ߦߊ ߦߋ߫ ߟߴߊ߬ߟߎ߬ ߓߟߏ߫ ߏ߬ ߡߍ߲ ߘߐ߫߸ ߊ߬ ߣߌ߫ ߣߊ߲߬ߕߌ߰ ߇ ߛߎ߭، ߖ߭ߋߣߌߡ ߟߋ߬ ߞߊ߬ ߟߐ߯ߞߎ߲߫ ߠߊߓߊ߲߫ ߣߌ߲߬ ߓߍ߯ ߓߋ߬ߒ߬ߞߊ߲߬ߠߌ߲ ߕߌ߰ߦߊ ߕߊ߬
