ߛߌߟߊ߫ ߞߊ߲߫ ߓߌߟߊ߲ߒߘߐߖߎ߮ ߘߏ߫ ߟߋ߬ ߞߍߣߍ߲߫ ߓߌ߬ ߛߌ߬ߣߌ߲߬ߟߏ߲ ߛߐ߰ߡߊ߬ߘߊ ߣߌ߲߬ ߡߊ߬ ߞߏ߲ߞߏߘߌ߬ߓߌ ߕߟߋ߬ ߁߁ /߂߀߂߅، ߝߊ߬ߛߏ ߛߌߟߊ߫ ߝߙߍߕߍ߫ ߁߂߲ ߞߊ߲߬ ߸ ߞߎߘߍ߫ ߇ ߖߊ߬ߕߋ߬ ߜ߭ߊߥߎߦߊ߫ ߘߏ߲߬ߘߊ ߟߊ߫ ߌߞߘߐ߫߸ ߏ߬ ߦߋ߫ ߓߎߙߑߞߌߣߊ߫ ߝߊ߬ߛߏ߫ ߥߙߏ߬ߘߎ߯-ߕߟߋ߬ߓߋ ߕߌ߲߬ߞߎߘߎ߲ ߞߎߓߋߛߏ ߟߋ߬ ߘߐ߫.
ߞߎ߲߬ߠߊ߬ߝߎߟߋ߲ ߡߍ߲ ߠߎ߬ ߝߘߊߣߍ߲߫ ߓߊߝߎߖߌ߫ ߞߎ߲߬ߠߊ߬ߝߎ߬ߟߋ߲߬ߘߊ ߟߊ߫߸ ߊ߬ ߣߌ߫ ߡߍ߲ ߠߊߛߙߋߦߊ߫ ߘߊ߫ ߕߟߊߛߟߊ ߟߎ߬ ߣߌ߫ ߡߞߊ߬ߘߊ߲߬ߠߌ߲ ߣߌ߫ ߕߊߓߐ ߞߙߎߡߘߊ߫ ߕߊ߲ߣߌߟߏ߯ߟߎߣߊ߲ ߓߟߏ߫߸ ߏ߬ ߟߋ ߞߏ߫ ߝߘߏ߬ߓߊ߬ ߞߐ߲߬ߛߏ ߘߏ߫ ߟߋ߬ ߝߘߌ߫ ߘߴߊ߬ ߞߋߟߋ߲߫ ߠߊ߫߸ ߞߵߊ߬ ߕߏ߫ ߓߐ߬ߙߌ ߟߊ߫ ߛߌߟߊ ߞߊ߲߬، ߊ߬ ߣߌ߫ ߓߏ߬ߙߌ߬ߝߋ߲߬ ߜߘߍ߫ ߛߌ߫ ߡߊ߫ ߛߋ߫ ߢߐ߲߮ ߡߊ߬߸ ߊ߬ ߢߊ߫ ߖߐ߲ߖߐ߲߫ ߛߌ߫ ߘߏ߲߬ ߟߐ߲ߣߍ߲߫ ߕߍ߫ ߡߎߣߎ߲߬.
ߊ߬ߟߎ߫ ߞߐ߬ߣߌ߲߫ ߓߘߴߊ߬ ߦߌ߬ߘߊ߬ ߞߏ߫ ߡߐ߰ ߞߋߟߋ߲߫ ߠߋ߬ ߓߣߐ߬ߣߴߊ߬ ߣߌ ߘߐ߫، ߞߊ߬ ߡߐ߰ ߡߎ߬ߥߊ߲߬ ߖߐߞߌ߫߸ ߝߌ߬ߟߊ߬ ߦߴߏ߬ ߟߎ߬ ߘߐ߫߸ ߏ߬ ߟߎ߬ ߟߊ߫ ߖߐߞߟߌ ߖߎ߯ߡߊ߲߫ ߞߏߛߓߍ߫.
ߣߌ߲߬ ߞߏ ߞߍ ߌߞߘߐ߫߸ ߊ߬ߟߎ߫ ߞߵߊ߬ߟߎ߫ ߘߐ߱ߘߏ߲߬ ߞߏߕߐ ߟߎ߬ ߟߊ߫߸ ߞߵߊ߬ߟߎ߫ ߞߎ߲߬ߛߌ߲߫ ߜ߭ߊߥߎߦߊ߫ ߕߌ߲߬ߞߎߘߎ߲ ߘߊ߲ߘߊߛߏ ߟߊ߫.
ߞߵߊ߬ ߓߍ߲߬ ߓߌ߬ߟߊ߬ߒ߬ߘߐ߬ߖߎ߰ ߞߎߘߊ ߣߌ߲߬ ߡߊ߬ ߛߊ߫߸ ߕߟߊߛߟߊ ߟߎ߫ ߞߊ߬ ߓߏ߬ߙߌ߬ߝߋ߲߬ߕߌ߮ ߟߎ߬ ߞߟߌ߫ ߢߡߊߟߐ ߟߋ߬ ߡߊ߬߸ ߞߵߊ߬ߟߎ߬ ߖߊߙߋ߫ ߖߊ߲߬ߕߏ ߟߊ߫ ߛߌߟߊ ߞߎ߬ߙߎ߲߬ߘߎ ߟߎ߬ ߘߐ߫߸ ߞߊ߬ ߛߌߟߊ ߞߎ߬ߙߎ߲߬ߘߎ ߟߎ߬ ߡߊߓߏ߲߬ߧߊ ߕߐ߬ߣߐ ߦߌ߬ߘߴߊ߬ߟߎ߬ ߟߊ߫، ߞߵߊ߬ ߝߐ߫ ߊ߬ߟߎ߬ ߦߋ߫ ߝߣߊ߫߸ ߞߏ߫ ߊ߬ߟߎ߬ ߓߊ߯ ߞߍ߫ ߓߏ߬ߙߌ ߞߊ߲߬߸ ߊ߬ߟߎ߬ ߦߴߊ߬ߟߎ߫ ߖߊ߲߬ߕߏ߬ ߞߏߛߓߍ߫߸ ߞߊ߬ ߓߊ߲߫ ߞߊ߬ ߢߊ ߕߏ߫ ߘߎ߰ߞߎߟߎ߲ ߝߍ߬ ߛߐ߲߬߸ ߞߵߊ߬ ߝߍ߬ ߡߌߛߍ߲ ߠߎ߬ ߘߊ߲ߘߊ߫.
ߓߌ߬ߟߊ߬ߒ߬ߘߐ߬ߖߎ߰ ߛߌߦߊߡߊ߲߫ ߠߋ߬ ߞߍ߫ ߟߊ߫ ߓߙߎߞߌߣߊ߫ ߝߊ߬ߛߏ߬ ߥߙߊߞߘߊ ߟߎ߫ ߞߊ߲߬ ߛߐ߲߬߸ ߡߍ߲ ߞߎߡߊ ߓߘߊ߫ ߛߌߦߊߦߊ߫ ߞߏߛߓߍ߫، ߊ߬ ߕߌ߯ߕߌ߯ ߖߍ߬ߘߍ߸ ߖߡߊ߬ ߡߊ߬ߘߏ߬ߣߌ߲߬ ߘߎ߯ߞߎߟߎ߲ ߠߎ߬.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
