ߢߌ߲߬ ߞߏ ߞߍߣߍ߲߫ ߕߍ߬ߣߍ߲߬ߟߏ߲ ߣߌ߫ ߞߎߣߎ߲߬ ߕߟߊ߬ߕߊ ߛߎ ߟߋ߬ ߘߐ߫ ߞߏ߲ߞߏߘߓߌ ߕߟߋ߬ ߈ ߂߀߂߅ ߞߊ߬ߣߌ߲߬ ߸ߕߋ߬ߙߋ ߟߎ߬ ߣߐ߬ ߡߊ߬ߘߏ߬ߣߌ߲߬ߠߌ߲߬ ߞߐ߲ߛߏ ߘߏ߫ ߟߋ߬ ߡߊߓߏ߲߫ ߠߊ߫ ߡߏ߬ߙߌ߬ߝߊ ߟߊ߫ ߞߊ߬ ߟߊߓߏ߬ߙߌ߬ߟߊ ߝߊ߰ ߞߊ߬ ߡߎ߬ߛߏ ߘߏ߫ ߡߊߘߌߡߌ߲߫ ߊ߬ ߣߌ߫ ߞߵߊ߬ߟߎ߬ ߓߟߏߝߋ߲߫ ߓߘߍ ߟߎ߬ ߓߍ߯ ߕߊ߬ ߞߐߍ߫.
ߟߌ߬ߤߟߊ߬ ߛߐ߬ߘߐ߲߬ߣߍ߲߫ ߝߟߐ ߘߐ߫߸ߊ߬ ߦߋ߫ ߘߊ߫ ߞߏ߫ ߊ߬ ߞߏ ߞߍߣߍ߲߫ ߦߙߐ߫ ߟߋ߬ ߘߐ߫ ߡߍ߲ ߦߋ߫ ߖߘߐ߬ߣߊ߲߬ ߦߙߐ ߣߌ߫ ߞߟߍ߬ߦߊ߫ ߦߙߐ ߘߌ߫ ߸ߞߎ߲ߖߊ߲߫ ߓߐߘߊ ߟߊ߫ ߏ߬ ߡߍ߲ ߦߋ߫ ߦߙߐ߫ ߟߊߘߓߌ߬ߣߍ߲ ߣߌ߫ ߦߙߐ߫ ߜߋ߬ߟߎ߲߬ߓߊߟߌ ߘߌ߫ ߕߎ߬ߡߊ߬ߓߍ߯.ߡߐ߰ ߢߡߊߕߎ߲߯ߣߍ߲߫ ߠߎ߬ ߝߣߊ߫ ߞߍߢߊ ߟߴߏ߬ ߘߌ߫ ߞߊ߬ ߡߎ߮ ߘߊ߲߬ߝߏ߲߫ ߞߐ߲߬ߛߏ ߓߐ߯ߕߐߟߊ ߞߊ߲߬ ߞߛߌ߬ߘߎ߯ ߞߊ߬ ߕߊ߯ ߞߊ߲ߞߊ߲߫.
ߡߊ߲ߡߊߘߎ߫ ߛߋߟߎ߬ ߖߊߟߏ߫ ߡߍ߲ ߕߘߍ߬ ߞߏ߲߬ߛߏ߫ ߟߊ߬ߓߏ߬ߙߌ߬ߟߊ ߘߌ߫ ߸ߏ߬ ߛߊ߬ ߘߊ߫ ߒߞߘߐ߫ ،ߡߊ߬ߘߏ߬ߣߌ߲߬ߠߊ ߟߎ߬ ߟߊ߫ ߕߐ߰ߕߐ߰ߟߌ߬ߟߊ ߟߊ߫ ߞߎߡߊ߫ ߘߐ߫߸ߞߏ߫ ߦߟߍ߬ߒ߬ߞߊ߲߬ߠߌ߲߬ߠߊ ߞߋߟߋ߲߫ ߠߋ߬ ߡߊߘߌߡߌ߲߫ ߘߊ߫ ߞߏߖߎ߯ߦߊ߫ ߞߊ߬ ߡߐ߰ ߛߌߦߊߡߊ߲߫ ߥߢߊߞߌߦߊ߫ ،ߏ߬ߞߐ߫ ߸ߞߵߊ߬ߟߎ߬ ߟߊ߫ ߜߋߟߋ߲ߜߋߟߋ߲ ߠߎ߬ ߣߌ߫ ߥߊߘߌ ߣߌ߫ ߝߋ߲߫ ߕߣߐ߬ߡߊ ߟߎ߫ ߕߊ߬.
ߞߛߌ߬ߘߎ߯ ߕߐ߰ߕߐ߰ߟߌ ߝߘߏ߬ߓߊ߬ ߞߟߊ߬ߕߌ߯ ߡߎߡߌߣߋߣߌ߫ ߓߊ߬ߟߊ ߞߊ߬ߓߊ ߞߵߊ߬ ߡߐߣߍߡߊߞߊ߲ ߝߐ߫ ߞߏ ߢߌ߲߬ ߘߐ߫ :ߞߏ߫ ߒ߬ ߧߋ߫ ߡߙߊ߬ߦߊ ߞߊߟߌߦߊ ߞߏߟߊߘߍ ߝߏ߬ ߟߊ߫ ߸ߞߏ߫ ߞߏ߬ߣߌ߲߬ ߢߌ߲߬ ߦߋ߫ ߓߐ߬ߣߐ ߘߊ߲߬ߠߊ߬ߕߊߡߌ߲ ߟߋ߬ ߘߌ߫ ߸ߞߏ߫ ߟߊ߬ߓߏ߬ߙߌ߬ߟߊ ߞߏ߬ߣߌ߲ ߛߎ߭ ߓߍߣߊ߬ ߓߙߌ߬ ߊ߬ ߝߊ߬ߛߏ ߟߊ߫ ߜߞߋߘߎ߯.
ߓߌ߬ߟߊ߬ߒ߬ߘߐ ߢߌ߲߬ ߦߋ߫ ߘߊߘߐߝߙߊߢߐ߲߯ߦߊ ߟߋ߫ ߓߌ߬ߟߊ߬ ߟߊ߫ ߛߋ߲߬ߠߊ߬ ߞߎ߲߬ߠߊ߬ߝߎߟߋ߲ ߞߏ ߘߐ߫ ߖߌ߬ߣߍ߬ ߛߌߟߊ ߟߎ߬ ߞߊ߲߬ ߸ߊ߬ ߕߌ߯ߕߌ߮ ߝߎߕߊ߫ ߖߡߊߣߊ ߣߌ߫ ߜߍߞߊ߲ ߖߡߊߣߊ ߟߎ߬ ߓߐߕߏ߲ ߠߊ߫ ߸ߓߋ߬ߒ߬ߞߊ߲߬ߠߌ߲ ߓߘߊ߫ ߞߍ߫ ߘߋ߬ߙߌ߬ߣߊ߲߬ߞߏ ߘߌ߫ ߏ߬ ߟߎ߬ ߡߍ߲ ߠߎ߬ ߘߐ߫.
ߕߍ߯ ߞߏ߬ߣߌ߲ ߡߊ߫ ߞߍ߫ ߓߋ߬ߒ߬ߞߊ߲߬ߠߌ߲߬ߠߊ ߝߋ߲߫ ߘߐ߫ ߡߎߣߎ߲߬ ߸ߞߟߍ߬ߡߐ߰ߘߊ ߓߘߊ߫ ߢߊߢߌߣߌ߲ߠߌ߲ ߛߌ߰ ߛߋ߲߬ߠߊ߫ ߛߊ߫ ߕߍ߯ ߘߌ߫ ߞߍ߫ ߓߋ߬ߒ߬ߞߊ߲߬ߠߌ߲߬ߠߊ ߟߎ߬ ߘߐ߫߸ߡߊ߬ߘߏ߬ߣߌ߲߬ߠߌ߲ ߕߐ߰ߕߐ߰ߟߌ߬ߟߊ ߟߎ߬ ߣߌ߫ ߛߏ߫ ߡߐ߮ ߓߍ߯ ߡߛߌ߬ߡߛߌ߬ߣߍ߲߫ ߢߌ߲߬ ߞߏ ߘߐ߫ ߡߎߣߎ߲߬ ߤߊ߲߯.
ߡߊߘߌߡߌ߲ߓߊ߰ߕߐ ߟߎ߬ ߞߏ߬ߣߌ߲ ߦߴߊ߬ߟߎ߬ ߟߊߛߊ߬ߦߌ߲߬ ߢߌߣߌ߲߫ ߠߊ߫ ߊ߬ߟߎ߬ ߟߊ߫ ߡߐ߱ ߟߎ߬ ߡߊ߬ ߸ߝߊ߰ߓߊ߰ߕߐ ߝߣߊ߫ ߝߊ߬ ߣߴߊ߬ ߓߊߘߋ߲߫ ߞߋߟߋ߲߫ ߣߴߊ߬ ߘߍ߬ߢߐ߲߰ ߞߋߟߋ߲ ߦߴߊ߬ ߛߎ߭ ߞߊ߬ߛߌ߫ ߟߊ߫.
ߊߓߎߓߊߞߊ߯ߙ ߖߐ߲߬ߡߊߛߌߣߌ߲ߟߐ߲߫ ߞߊ߬ߟߐ ߓߟߏ߫ ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߛߌ߯ߙߌ߲߫.
