ߞߐ߬ߓߊ߬ߟߏ߲߫ ߕߊ߬ߡߌ߲߬ߣߍ߲ ߂߀߂߅ ߞߏ߲ߞߏߘߓߌ ߕߟߋ߬ ߇ ߡߊ߬߸ ߡߊ߬ߛߎ߬ߓߊ߬ ߞߏ ߘߏ߫ ߟߋ߬ ߞߍ߫ ߘߊ߫ ߘߏߡߣߌߞ ߞߊ߲ߓߍ߲ ߞߣߐ߫، ߊ߬ߟߎ߬ ߟߊ߫ ߘߐ߲߬ߓߏ߲ ߡߍ߲ ߕߐ߯ ߞߏ߫ ߖߍߕ ߛߍߕ߸ ߣߴߊ߬ ߦߋ߫ ߛߍ߲ߕ ߘߏߡߍ߲ߖ߸ ߏ߬ ߟߋ ߥߎ߬ߦߊ߬ ߘߊ߫ ߞߊ߬ ߞߍ߫ ߡߐ߰ ߛߌߦߊߡߊ߲߫ ߝߊ߱ ߛߓߊߓߎ ߘߌ߫، ߊ߬ߟߎ߬ ߟߊ߫ ߞߟߊߡߊ߲ߞߏ ߟߎ߬ ߦߙߍߞߍߘߊ߫ ߕߊ߲ߓߊ߲ ߠߊ߫ ߖߊ߬ߕߋ߫ ߞߎ߲߬ߝߟߐ ߟߎ߬ ߘߐ߫ ߡߎߣߎ߲߬߸ ߊ߬ ߦߌ߬ߘߊ߬ߣߍ߲߫ ߞߏ߫ ߡߐ߰ ߄߄ ߠߋ߬ ߝߊ߰ߣߍ߲߫߸ ߞߊ߬ ߡߐ߰ ߁߄߆ ߖߐߞߌ߫.
ߡߊ߬ߛߎ߬ߓߊ߬ ߞߏ ߣߌ߲߬ ߘߊߡߌ߬ߣߊ߬ ߘߊ߫ ߁ߙߋ߲ ߠߋ߬ ߡߊ߬߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߟߊ߫ ߘߐ߲߬ߞߟߌ߬ߟߊ߬ߟߊ߫ ߛߘߊߡߊ ߙߎߓߌ ߔߋߙߍߖ߭ ߟߊ߫ ߝߐߟߌߜߙߊ ߦߴߌߘߐ߫߸ ߡߐ߰ ߅߀߀ ߢߐ߲߰ ߕߘߍ߬ ߡߍ߲ ߞߣߍ ߞߊ߲߬.
ߓߏ߲ ߥߎ߬ߦߊ߬ ߘߊ߫ ߡߐ߱ ߡߍ߲ ߠߎ߬ ߞߊ߲߬߸ ߘߐ߲߬ߞߟߌ߬ߟߊ߬ߟߊ߫ ߙߎߓߌ߫ ߔߋߙߍߖ߭ ߖߘߍ߬ߓߊ߬ߞߎ߲ ߦߴߏ߬ ߘߐ߫ ߟߋ߬، ߊ߬ ߛߋ߫ ߘߊ߫ ߢߌߣߌ߲߫ ߠߊ߫ ߜߊ߲ߜߘߊ ߟߎ߬ ߞߘߐ߫ ߡߞߊ߬ߘߊ߲߬ߠߌ߲߬ߠߊ ߟߎ߬ ߓߟߏ߫ ߞߵߊ߬ ߟߊߓߐ߫، ߞߵߊ߬ ߛߐ߬ߘߐ߲߬ ߜߎ߸ ߓߐߟߌ ߘߊߞߎ߲ ߕߍ߬ߘߍ߫ ߊ߬ߟߋ ߟߋ߬ ߟߊ߫ ߓߙߊ ߘߐ߫، ߡߐ߱ ߟߎ߫ ߞߵߊ߬ ߞߊ߲ ߡߍ߲߫ ߊ߬ ߟߊ߫ ߘߐ߲߬ߞߟߌ ߘߏ߫ ߟߋ߬ ߟߊ ߞߊ߲߬߸ ߊ߬ ߛߋ߫ ߘߊ߫ ߦߋ߫ ߟߴߏ߬ ߟߋ ߡߊ߬ ߞߵߊ߬ ߟߊߓߐ߫، ߊ߬ ߘߋ߲ߡߛߏ߫ ߖ߭ߎ߬ߟߌ߲ߞߊ߬ ߔߋߙߍߖ߭ ߞߵߊ߬ ߦߌ߬ߘߊ߬ ߞߏ߫ ߊ߬ ߝߊ߬ ߖߐߞߌߣߍ߲߫ ߛߊ߫߸ ߓߊ߬ߙߵߊ߬ ߕߍ߫ ߖߘߐ߬ ߘߐ߫ ߡߎ߬ߕߎ߲߬.
ߞߏߕߐ ߟߎ߬ ߘߐ߫߸ ߣߍߟߑߛߌ ߞߙߎߖ߭ ߦߴߊ߬ ߘߐ߫߸ ߏ߬ ߦߋ߫ ߡߐ߲ߕߋߞߙߌߛߑߕߌ߫ ߞߊ߬ߝߏ߬ߓߏߟߏ߲ ߞߎ߲߬ߠߊ߬ߛߌ߰ߟߊ߬ ߡߛߏ ߟߋ߬ ߘߌ߫، ߓߐ߬ߟߐ߲߬ߞߊ ߏ߬ ߡߊ߫ ߛߋ߫ ߓߐ߫ ߟߴߊ߬ ߘߐ߫، ߞߊ߬ ߞߐ߲߰ ߊ߬ ߟߊ߫ ߛߊ߬ߦߊ ߢߍ߫߸ ߊ߬ ߕߏ߫ ߘߊ߫ ߘߊ߲ߘߊߛߏ ߟߋ߬ ߟߊ߫߸ ߘߏߡߣߌߞ ߞߊ߲ߓߍ߲ ߞߊ߲ߕߌ߮߸ ߟߎ߬ߥߌ ߊߓߌߣߊߘߍߙ ߞߵߊ߬ ߥߟߋ߫، ߓߊ߬ߙߌ߬߸ ߊ߬ ߡߊ߫ ߛߴߊ߬ ߟߊ߫ ߖߐߞߟߌ߫ ߘߊ ߞߘߐ߫߸ ߊ߬ ߟߊߓߊ߲߫ ߘߊ߫ ߛߊ߬ߦߊ ߟߋ߬ ߡߊ߬.
ߥߊ߬ߥߎߟߋ ߣߌ߲߬ ߡߊ߲߬ߞߊ߲ ߞߏߛߐ߲߬߸ ߝߊ߬ߡߊ ߟߎ߫ ߞߊ߬ ߖߡߊ߬ ߟߊ߬ߓߐ ߟߋ߬ ߟߊߢߌߣߌ߲߫، ߡߞߊ߬ߘߊ߲߬ߠߌ߲߬ߠߊ߫ ߃߇߀ ߛߋ߫ ߘߊ߫ ߟߊߓߐ߫ ߟߴߊ߬ߟߎ߬ ߓߟߏ߫߸ ߞߵߊ߬ߟߎ߫ ߟߐ߬ ߓߏ߲߫ ߜߊ߲ߜߘߊ ߟߎ߬ ߘߐߥߎ߯ߙߌ߫ ߟߊ߫߸ ߞߊ߬ ߞߍ߲ߘߍ߲ ߟߎ߬ ߣߌ߫ ߛߎ߭ ߟߎ߬ ߥߍ߲߯ߓߍ߫ ߞߵߊ߬ߟߎ߬ ߟߊߓߐ߫.
ߟߊ߬ߛߋ߬ߟߌ߬ ߞߟߊߒߞߋ ߡߍ߲ ߞߍ߫ ߘߊ߫ ߞߊ߲ߕߌ߯ ߊߓߌߣߊߘߍߙ ߓߟߏ߫߸ ߏ߬ ߞߵߊ߬ ߟߊ߫ ߛߎ߬ߣߎ߲ ߦߌ߬ߘߊ߬߸ ߞߊ߬ ߓߊ߲߫ ߞߊ߬ ߛߊ߲߬ߞߊ߬ߝߏ ߞߍ߫ ߛߊ߬ߓߊ߰ߕߐ ߟߎ߬ ߞߐߙߍ ߟߎ߬ ߡߊ߬.
<<ߊ߲ ߠߊ߫ ߞߍߕߊ߫ ߝߟߐ ߦߋ߫ ߡߍ߲ ߘߌ߫ ߡߎߣߎ߲߬߸ ߏ߬ ߟߋ ߛߏ߰ߟߊ߬ߓߊ߰ߕߐ ߟߎ߬ ߟߊ߫ ߢߣߊߡߦߊ ߡߞߊߘߊ߲ ߘߌ߫، ߏ߬ ߟߋ ߘߐ߫߸ ߊ߲ ߓߘߊ߫ ߞߟߊߡߊ߲ߘߊ ߓߍ߯ ߟߊߟߐ߬ ߊ߬ ߛߎߛߋ߲ ߞߎ߲߬ߠߊ߬.>>
ߞߎ߲߬ߠߊ߬ߛߌ߮ ߓߊ߲߫ ߘߊ߫ ߝߣߊ߫ ߞߊ߬ ߕߟߋ߬ ߛߓߊ߬ ߝߙߌߦߊ߫ ߛߌ߰ ߛߋ߲߬ߠߊ߫، ߊ߬ߟߎ߬ ߓߘߊ߫ ߢߊߢߌߣߌ߲ߠߌ߲߫ ߝߣߊ߫ ߛߌ߰ ߛߋ߲߬ߠߊ߫߸ ߡߍ߲ ߘߴߊ߬ߟߋ߬ ߓߏ߲ߓߋ ߕߌߢߍߟߌ߫ ߞߍߣߍ߲ ߠߎ߬ ߓߙߍ߬ ߟߐ߲߫، ߞߵߊߟߎ߫ ߦߟߌߓߌ߬ߟߊ߬߸ ߖߍߕ ߛߍߕ ߘߐ߲߬ߓߏ߲ ߣߌ߲߬ ߡߎ߰ߡߍ ߕߎ߲߬ ߓߘߊ߫ ߓߍߘߍ߲ߛߍ߫ ߓߏ߲ߓߋ߫ ߜߘߍ߫ ߘߐ߫ ߂߀߂߃ ߟߊ߫، ߏ߬ ߡߍ߲ ߓߘߊ߫ ߞߍ߫ ߕߙߎ߬ ߘߌ߫ ߕߋ߲߬߸ ߞߊ߬ ߡߐ߱ ߟߎ߫ ߟߐ߬ ߊ߬ߟߎ߫ ߖߘߍ߬ ߢߌ߬ߣߌ߲߬ߞߊ߬ ߟߊ߫ ߓߏ߲ ߣߌ߲߬ ߟߐ߬ ߝߊߘߌ ߡߊ߬߸ ߞߵߊ߬ ߟߐ߲߫ ߊ߬ ߦߋ߫ ߟߌ߬ߤߟߊ߬ ߕߌ߯ߕߌ߮ ߡߍ߲ ߘߐ߫.
ߖߊ߬ߡߊ ߞߏ߬ߣߌ߲ ߦߋ߫ ߞߣߐ߬ߘߐ߬ߝߟߌ ߛߌ߱ ߘߐ߫، ߛߏ߬ߟߊ ߣߐ߬ ߘߋ߲ߓߦߊ ߡߍ߲ ߠ߬ߎ ߝߣߊ߫ ߛߐ߬ߘߐ߲߬ ߠߊ߫߸ ߏ߬ ߟߎ߬ ߦߋ߫ ߢߊߢߌߣߌ߲ߠߌ߲ ߞߐߝߟߌ ߡߊߞߐ߬ߣߐ߲ ߞߊ߲߬، ߕߎ߬ߡߊ߬ ߞߋߟߋ߲ ߏ߬ ߝߣߊ߫ ߟߊ߫߸ ߡߞߊ߬ߘߊ߲߬ߠߌ߲߬ߠߊ ߟߎ߬ ߝߣߊ߫ ߦߴߊ߬ߟߎ߬ ߛߋߞߏ ߞߍ ߞߊ߲߬ ߡߎߣߎ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
