ߝߎߣߎ߲ߞߋ ߘߏ߫ ߛߎ߭ ߓߘߊ߫ ߦߋ߫ ߥߊ߭ ߘߐ߫.
ߕߊ߬ߞߎ߬ߙߊ߬ ߣߐ߬ߘߎ߮ ߘߐ߫ ߸ ߏ߬ ߦߋ߫ ߜߙߋߘߎ߯ ߓߙߊߣߊ߬ߡߊ߫ ߡߙߊ߬ߓߊ߰ߘߊ߬ߙߋ߲ ߠߋ߬ ߞߣߐ߫ (ߖߌ߬ߣߍ߫).
ߏ߬ ߞߏ ߞߍߣߍ߲߫ ߟߊ߬ߡߊ ߖߍ߬ߘߍߖߍ߬ߘߍ ߟߋ߬ ߘߌ߫ ߓߌ߬ ߞߐ߬ߓߊ߬ߟߏ߲ ߂߀߂߅ ߘߓߊ߬ߕߊ ߕߟߋ߬ ߅ ߣߌ߲߬ ߡߊ߬ ߞߏߛߓߍ߫.
ߏ߬ ߡߍ߲ ߞߎ߲߭ ߞߍߣߍ߲߫ ߝߎߣߎ߲ߞߋ ߛߊ߲߬ ߂߄ ߘߏ߫ ߛߎ߭ ߦߋߣߍ߲߫ ߘߌ߫ ߥߊ߭ ߘߐ߫.
ߡߛߏ߬ ߁ ߣߌ߫ ߘߋ߲߫ ߝߌ߬ߟߊ ߟߋ߬ ߕߎ߲߬ ߦߴߊ߬ ߓߟߏ߫.
ߊ߬ ߞߙߍ߬ߝߍ߬ ߡߐ߮ ߘߏ߫ ߞߵߊ߬ ߦߌ߬ߘߊ߬ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߟߊ߫ ߞߏ߫ :<< ߤߊ߲߬ߞߟߌ߬ ߟߊ߬ ߝߌ߬ߙߌ߲߬ߝߌ߬ߙߌ߲߬ߠߌ߲߬ ߖߊ߲ߞߊߙߏ ߘߏ߫ ߕߎ߲߬ ߦߴߊ߬ ߟߊ߫ ߸ߊ߬ ߟߊ߫ ߡߐ߱ ߟߎ߫ ߕߎ߲߬ ߓߘߊ߫ ߛߋ߰ߘߏ߲߬ ߛߘߍߡߊ߲߫ ߞߍ߫ ߏ߬ ߡߍ߲ ߝߎߙߊߞߍߟߌ ߘߐ߫ ߞߊ߬ߣߌ߲߬ ߸ ߒ߬ߞߊ߬ ߥߊߦߌߞߊ߫ >>.
ߞߐ߬ߓߊ߬ߟߏ߲ ߘߎ߬ߛߊ߬ߝߌ߲ ߸ ߊ߬ ߕߊ߯ ߘߊ߫ ߛߍ߬ߣߍ ߘߐ߫ ߊ߬ ߡߊߛߘߌ߬ߣߍ߲߫ ߕߍ߬ߘߍ߫ ߘߊ߬ߓߊ ߟߎ߬ ߣߌ߫ ߓߊ߯ߙߊ߫ ߡߎߙߊ߲ ߠߎ߬ ߟߊ߫߸ ߊ߬ ߘߏ߲߬ ߡߴߊ߬ ߞߐߛߊ߬ߦߌ߲߬ ߜߘߍ߫ ߞߍ߫ ߡߎ߬ߕߎ߲߬.
ߏ߬ ߘߎ߬ߛߊ߬ߜߍ ߟߋ߬ ߞߍߣߍ߲߫ ߊ߬ ߘߎ߲ߣߍ߲߫ ߦߋߣߍ߲߫ ߘߌ߫ ߦߙߌߖߎ ߟߊ߫ ߛߊ߲ ߝߍ߬.
ߏ߬ ߟߋ߬ ߞߍߣߍ߲߫ ߝߊ߰ߡߊ ߟߎ߬ ߟߊߛߐ߬ߓߌ ߘߌ߫ ߸ ߏ߬ ߟߎ߬ ߝߣߊ߫ ߞߵߌ ߛߌ߲߫ ߘߌ߲߬ߞߌߙߊ ߏ߬ ߟߊ߫ ߌߞߘߐ߫߸ߞߏ߬ߣߌ߲߬ ߗߋߢߊߟߌ ߟߎ߬ ߕߐ߬ߝߍ߬ߦߊ ߡߊ߫ ߘߐߞߣߍ߫ ߡߎߣߎ߲߬ ߤߊ߲߰.
ߛߊ߬ߓߊ߰ߕߐ ߟߊ߫ ߞߐߙߍ ߟߎ߫ ߟߋ߬ ߞߵߌ ߟߐ߬ ߛߎ߭ ߟߊ߫ ߞߏߢߊ ߓߍ߯ ߟߊ߫ ߸ߞߵߊ߬ ߓߍ߲߬ ߛߏ ߟߊ߲߬ߘߊ ߟߎ߫ ߕߊ߯ ߢߊ ߟߎ߫ ߡߊ߬.
ߡߊ߬ߛߎ߬ߓߊ߬ߞߏ ߣߌ߲߬ ߦߋ߫ ߛߌߟߊ߲ߞߏ ߟߎ߬ ߟߋ߬ ߟߊߥߟߌ߬ ߟߊ߫ ߤߊ߲ߞߟߌ ߟߊ߫ ߜߋߙߋ߲ߜߋߙߋ߲ߧߊ ߞߊ߲߬ ߓߎ߰ߘߊ ߟߎ߬ ߟߊ߫ ߕߎ߬ߡߊ ߓߍ߯.
ߞߏߢߊ ߡߍ߲ ߘߐ߫ ߸ ߣߌߘߐ-ߘߊ߲ߘߊߟߌ ߛߐ߬ߘߐ߲߬ߠߌ߲ ߘߊ߲߬ߠߊߕߍ߰ߣߍ߲߫ ߠߋ߬ ߸ ߣߌߛߐߘߌߦߊ ߜߟߍ߬ߦߊ ߗߏ߯ߦߊ ߡߍ߲ ߠߎ߬ ߡߊ߫ ߘߊ߲ߘߊ߫ ߸ ߏ߬ ߦߋ߫ ߜߟߍ߬ߦߊ߬ߓߊ߫ ߟߋ߬ ߘߌ߫ ߞߍ߲ߘߍߦߊ ߞߏߟߊߕߍ߮ ߟߎ߬ ߣߌ߫ ߡߌ߬ߙߌ߲߬ߘߌ ߟߎ߫ ߡߊ߬.
silabosoona.com
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
