ߒߞߏ ߓߊߛߌߦߊ ߞߙߎߝߓߊ ߦߋ߫ ߝߘߊ߬ߝߌ߲߬ ߓߊߛߌߦߊ߫ ߞߊ߬ߞߎ߬ߘߊ߬ߡߊ ߛߌ߲߬ߝߏ߲߬ߘߊ߬ ߓߟߋߓߟߋ߫ ߟߋ߬ ߘߌ߫ ߖߌ߬ߣߍ߬ ߞߣߐ߫߸ ߡߍ߲ ߞߐߦߌ߬ߘߊ߬ߣߍ߲߫ ߕߌ߲߬ߞߎߘߎ߲ ߓߍ߯ ߘߐ߫، ߒ߬ߓߊ߬߸ ߞߵߊ߬ ߓߍ߲߬ ߓߊߛߌߦߊ ߣߌ߫ ߘߊ߲ߘߊߟߌ ߟߊߥߙߎߞߌ ߡߊ߬ ߝߘߊ߬ߝߌ߲߬ߠߊ߬ ߞߣߐ߫߸ ߞߵߊ߬ ߓߐ߫ ߦߋߢߐ߲߯ߠߊ ߞߊ߬ߘߊ߲ ߞߣߐ߫߸ ߞߵߊ߬ ߞߍ߫ ߞߊ߬ߞߎ߬ߘߊ߬ߡߊ ߘߌ߫߸ ߏ߬ ߟߋ ߟߊ߬ߞߐ߰ߟߌ ߦߋ߫ ߛߌ߰ ߟߊ߫ ߛߋ߲߬ߠߊ߫ ߞߙߎߝߓߊ ߓߟߏ߫ ߛߊ߲߭ ߓߍ߯ ߟߊ߫ ߛߐ߲߬.
ߊ߬ ߛߊ߲߬ ߁߅ ߟߋ߬ ߕߋ߲߬߸ ߊ߬ߟߎ߬ ߦߋ߫ ߟߊ߬ߞߐ߰ߟߌ ߣߌ߲߬ ߞߊ߲߬، ߡߍ߲ ߘߊߡߌ߬ߣߊ߬ ߘߊ߫ ߛߍ߰ ߛߌߦߊߡߊ߲߫ ߘߐ߫߸ ߞߵߊ߬ ߛߐ߬ߘߐ߲߬ ߊ߬ߟߎ߬ ߘߊ߲ߞߎ߲ߣߍ߲߫ ߕߍ߫ ߞߎ߲߬ߠߊ߬ߛߌ߮ ߓߟߏ߫ ߖߍ߬ߘߍ، ߒ߬ߞߊ߬߸ ߛߊ߲߬ ߦߙߌߞߊ߫ ߝߛߊ߬ߒ߬ߞߏ߬ߡߊ߬ߦߊ ߞߏߛߐ߲߬߸ ߊ߬ߟߎ߬ ߓߘߊ߫ ߛߊ߲߬ ߁߅ ߞߍ߫ ߕߋ߲߬߸ ߟߊ߬ߞߐ߰ߟߌ ߣߌ߲߬ ߦߋ߫ ߕߊ߲ߓߊ߲ߓߐ߫ ߟߊ߫ ߖߌ߬ߣߍ߫ ߘߎ߰ߓߊ߬ ߓߐߣߍ߲߫ ߢߐ߲߰ ߡߊ ߟߎ߬ ߞߣߐ߫߸ ߟߐ߲ߠߌ߲ ߝߊ߬ߓߏ߲ ߓߍ߯ ߢߊߝߐ߫ ߞߊ߲ߡߊ߬ ߝߘߊ߬ߝߌ߲߬ ߘߊ߲ߘߊߟߌ ߘߐ߫.
ߛߊ߲߭ ߺ ߊ ߺ ߛߊ߲߬߸ ߊ߬ߟߎ߬ ߦߋ߫ ߞߎ߲߬ߕߐ߰ ߞߋߟߋ߲߫ ߠߋ߬ ߛߎߥߊ߲ߘߌ߫ ߟߊ߫߸ ߞߊ߬ ߘߊ߲ߘߊߟߌߟߊ߫ ߓߊߛߌߦߟߊ ߟߎ߬ ߟߊߞߐ߯ ߏ߬ ߟߊ߫، ߒ߬ߓߊ߬߸ ߢߌ߬ߣߊ߲߫ ߟߊ߬ߞߐ߰ߟߌ ߣߌ߲߬ ߞߍߕߐ߫ ߞߎ߲߬ߕߐ߰ ߓߟߋߓߟߋ߫ ߟߋ߬ ߞߊ߲߬߸ ߏ߬ ߟߋ: ߢߊ߫ ߖߊ߲ߞߊߙߏ ߟߎ߬ ߟߌ߬ߤߟߊ߸ ߊ߬ ߣߌ߫ ߛߌߛߌ߫ ߘߐ߫ ߓߣߊ ߟߎ߬ (ߖߐ߬ߝߐ ߣߴߊ߬ ߣߐ߬ߝߍ߬ ߞߏ ߟߎ߬).
ߊ߬ߟߎ߬ ߟߊ߫ ߟߊ߬ߞߐ߰ߟߌ߬ߟߊ ߦߋ߫ ߞߏ߲߬ߓߏ߫ ߡߊ߬ߡߎ߬ߘߎ ߞߏߕߍߓߊ߲߫ ߞߡߊ߬ߙߊ߫ ߟߋ߬ ߘߌ߫߸ ߏ߬ ߡߍ߲ ߦߋ߫ ߛߎ߲ߞߎ߲ ߟߐ߲ߓߊ߮ ߣߌ߫ ߓߊߛߌߦߊ ߣߌ߫ ߘߊ߲ߘߊߟߌ ߞߟߊ߬ߡߊ߬ߓߊ߮ ߣߌ߫ ߞߏ߲߬ߓߏ߬ ߤߏߞߌ ߘߌ߫ ߞߊ߬ߣߌ߲߬.
ߓߊߛߎߦߊ ߞߙߎߝߓߊ ߟߊ߫ ߢߍߥߟߊ ߟߎ߬ ߘߐ߫߸ ߞߊ߲ߕߌ߯ ߖߊ߲߬ߕߎ߬ ߡߘߎ ߞߐ߲ߘߍ߫ ߟߊ߫ ߛߙߊ߬ߣߎ߲߬ ߘߐ߫߸ ߞߏ߫ ߊ߬ߟߎ߬ ߓߊ߯ ߓߊ߲߫ ߡߐ߱ ߟߎ߬ ߟߊߞߐ߯ ߟߊ߫ ߖߊ߲߬ߞߊߙߏ ߟߎ߬ ߘߊ߲ߘߊ߫ ߢߊ ߣߴߊ߬ߟߎ߬ ߡߊߟߐ߲߫ ߢߊ ߟߊ߫߸ ߊ߬ߟߎ߬ ߘߌ߫ ߘߊ߲ߘߊߟߌߟߊ ߟߎ߬ ߝߣߊ߫ ߟߊߞߐ߯ ߥߊߟߌߝߦߊ ߟߊ߫، ߖߐ߲߰ߛߊ߫ ߓߊߛߌߦߊ ߣߊ߬ߝߊ ߘߌ߫ ߛߋ߫ ߡߌ߬ߙߌ߲߬ߘߌ ߡߊ߬، ߏ߬ ߓߍ߯ ߞߐ߫߸ ߞߏ߫ ߊ߬ߟߎ߬ ߓߍߣߊ߬ ߟߊ߬ߞߐ߰ߟߌ߬ ߓߟߋߓߟߋ߫ ߞߍ߫ ߟߊ߬ߕߙߎ ߝߣߊ߫ ߞߊ߲߬، ߞߎߡߘߊ ߡߍ߲ ߺ ߍ ߺ ߡߍ߲߫ ߘߏ߲߬ ߝߐߣߍ߲߫ ߏ߬ ߘߌ߫߸ ߏ߬ ߓߍ߯ ߞߟߊ߬ߡߊ߬ߓߊ߮ ߟߎ߫ ߟߋ߬ ߢߌߣߌ߲߫ ߠߊ߫߸ ߞߵߏ߬ ߟߎ߫ ߟߐ߬ ߊ߬ ߢߊߝߐ߫ ߟߊ߫.
ߒ߬ߓߊ߬߸ ߞߎߣߎ߲߬ ߡߍ߲ ߞߍ߫ ߘߊ߫ ߟߊ߬ߞߐ߬ߟߌ ߣߌ߲߬ ߕߟߋ߬ ߝߟߐ ߘߌ߫߸ ߝߙߊߣߊ߫ ߡߙߊ߬ߓߊ߮ ߞߐߦߌߘߊ ߕߘߍ߬ ߞߣߍ ߞߊ߲߬߸ ߡߊ߬ߡߊ߬ߘߌ߬ ߛߊߘߊ߲߫ ߞߡߊ߬ߙߊ߬، ߓߋߟߋ߲ߠߊ߫ ߛߌߦߊߡߊ߲߫ ߠߎ߫ ߝߣߊ߫ ߞߍ߫ ߘߊ߫߸ ߞߵߏ߬ ߟߎ߬ ߓߍ߯ ߟߊߕߎ߲߰ ߟߊ߬ߞߐ߰ߟߌ ߘߊߡߌ߬ߣߊ ߞߊ߲߬ ߢߊ߫ ߖߊ߲ߞߊߙߏ ߟߎ߬ ߘߊ߲ߘߊ߫ ߢߊ ߟߊ߫.
ߓߊߘߋ߲ ߠߎ߬߸ ߞߙߎߝߓߊ ߟߊ߫ ߟߊ߬ߞߐ߬ߟߌ ߣߌ߲߬ ߘߐ߫߸ ߡߐ߱ ߟߎ߬ ߓߐ߫ ߘߊ߫ ߡߊ߲߬ߖߊ߲߬ߠߊ߬ ߘߐ߫߸ ߛߌ߯ߙߌ߲߫߸ ߞߊ߲ߞߊ߲߫߸ ߞߘߏ߬ߛߊ߫߸ ߘߌ߲ߜ߭ߌߙߊߦߌ߫߸ ߘߊߓߏߟߊ߫، ߘߏ߫ ߟߎ߫ ߝߣߊ߫ ߓߐ߫ ߘߊ߫ ߡߊ߬ߟߌ ߖߡߊ߬ߣߊ ߞߊ߲߬ ߞߊ߬ ߣߊ߬، ߏ߬ ߟߵߊ߬ ߦߌ߬ߘߊ߬ ߟߊ߫ ߞߏ߫ ߟߊ߬ߞߐ߰ߣߌ ߣߌ߲߬ ߦߋ߫ ߡߐ߱ ߟߎ߬ ߣߌߘߐߞߏ ߘߝߊߣߍ߲ ߠߋ߬ ߘߌ߫.
ߝߊ߲ߕߊ߫ ߞߊߙߌߝߊ ߛߘߌ߬ߓߋ߬ ߟߊ߫ ߞߊ߲߬ߞߎߡߊ ߟߋ߬
ߟߏ߲ߞߊߛߌߦߊ߫ ߞߡߊ߬ߙߊ߬ ߟߊ߫ ߘߐ߬ߓߍ߲߬ߠߌ߲ ߠߋ߬
