ߘߊߞߓߊߣߊ߲ߞߏߓߊ߫ ߟߋ߬ ߞߍߣߍ߲߫ ߓߊ߬ߣߊ߲߬ߞߘߐ߬ߘߊ ߞߌ߲߬ߘߊ ߟߊ߫ ߓߌ߬ ߓߌߟߏ߲ ߣߌ߲߬ ߡߊ߬߸ ߘߓߌߘߊ ߡߊߛߎ߬ߘߎ߲߬ߧߊ ߘߐ߫߸ ߊ߬ ߣߌ߫ ߕߌ߬ߞߎߘߎ߲ ߞߟߍ߬ߡߐ߰ߟߊ߫ ߘߊߝߍ߬ ߌߞߘߐ߫، ߡߏ߬ߛߏ ߣߌ߲߬ ߕߐ߯ ߟߋ߬ ߞߏ߫ ߊߡߌߣߊߕߊ߬ ߞߏ߬ߣߊ߬ߕߍ߫߸ ߡߍ߲ ߛߌ߬ߞߛߊߓߌ ߘߌ߫ ߛߊ߲߬ ߓߌߣߊ߯ߣߌ߲߫ ߢߐ߲߰ ߓߐ߫، ߡߊ߬ߟߏ߬ ߖߎߟߊ ߟߋ߬ ߕߎ߲߬ ߦߴߊ߬ ߘߌ߫ ߞߊ߲ߞߊ߲߫ ߣߌ߫ ߛߋ߲߬ߞߐ߬ ߕߍ߫ (ߛߙߋ ߘߏ߫ ߟߊ߫ ߝߐߟߌ߫ ߘߐ߫ ߞߊ߬ߣߌ߲߬)، ߒ߬ߓߊ߬߸ ߡߏ߬ߛߏ ߏ߬ ߟߋ ߝߊ߰ߣߍ߲߫ ߗߍ߭ ߘߏ߫ ߓߟߏ߫ ߕߟߋ߬ߞߎߣߊ ߘߐ߫ ߓߍ߯ ߢߣߊ߫ ߓߌ߬߸ ߞߵߊ߬ ߛߐ߰ ߡߎ߬ߙߎ ߟߊ߫، ߗߍ߭ ߣߌ߲߬ ߓߊ߯ߙߊ ߦߋ߫ ߟߊ߬ߓߏ߬ߙߌ߬ߟߌ ߟߋ߬ ߘߌ߫.
ߛߙߋ߫ ߛߌߦߊߡߊ߲߫ ߠߊ߫ ߝߐߟߌ߫ ߘߐ߫߸ ߞߏ߫ ߦߊ߬ߣߌ߫ ߗߍ߭ ߦߋ߫ ߡߏ߬ߛߏ ߛߐ߰ ߡߎߣߎ߲߬߸ ߊ߬ ߛߐ߰ ߘߊ߫ ߓߊ߰ߓߊ߰ߟߌ߬ ߞߊ߲ ߘߏ߫ ߟߎ߫ ߟߋ߬ ߝߐ ߡߊ߬ ߝߟߐ߫.
<<ߒߠߋ ߣߊ߬ߣߍ߲߫ ߕߍ߬ߘߍ߫ ߡߐ߰ ߟߊ߬ߖߌ߰ ߦߙߐ ߟߋ߬ ߘߐ߫ ߟߐ߯ߝߍ ߘߐ߫߸ ߒ ߞߊ߬ ߡߏ߬ߛߏ ߣߌ߫ ߗߍ߭ ߣߌ߲߬ ߦߋ߫ ߘߊߘߛߐߛߐߟߌ ߟߊ߫، ߊ߬ ߦߋ߫ ߣߊ߬ߣߌ߲߬ߠߌ߲ ߞߊ߲߬߸ ߞߊ߬ ߡߏ߬ߛߏ ߞߍ߫ ߖߊ߲߬ߝߊ߬ߒ߬ߕߋ ߘߌ߫، ߊ߬ ߓߊ߲߫ ߘߊ߫ ߞߊ߬ ߘߏ߲߬ ߡߣߐ߬ߓߏ߲ ߞߣߐ߫߸ ߞߊ߬ ߘߎ߲ ߘߏ߫ ߞߵߊ߬ ߝߐ߫ ߞߏ߫ ߊ߬ ߓߘߊ߫ ߓߊ߱ ߡߌ߲߬ ߞߏ߫ ߊ߬ ߘߌ߫ ߡߏ߬ߛߏ ߝߊ߰، ߏ߬ ߟߋ ߞߐ߫ ߊ߬ ߞߵߊ߬ ߛߐ߰ (ߡߎ߬ߙߎ ߟߊ߫).>> ߊߟߌߡߎ߬ ߖߊߟߏ߫ ߟߋ߬ ߞߊ߲߫ ߕߋ߲߬߸ ߛߙߋ߫ ߜߍߘߐߕߊ ߘߏ߫.
ߊ߬ߟߋ߬ ߞߊ߲ߡߋߙߋ߲߫ ߞߋߟߋ߲ ߠߋ߬ ߞߊ߬ ߞߟߍ߬ߡߐ߮ ߟߎ߬ ߟߊߟߐ߲ߠߌ߲߫ ߕߎ߲߯߸ ߊ߬ ߕߊ߯ ߕߌ߲߬ߞߎߘߎ߲ ߞߟߍ߬ߡߐ߰ߘߊ ߟߊߟߐ߲ߠߌ߲߫ ߞߊߟߌߦߊ߫ ߓߟߏ ߡߊ߬߸ ߦߋ߲߬ ߡߍ߲ ߣߌ߫ ߡߏ߬ߛߏ ߛߐ߰ ߘߌ߲ߞߌߙߊ ߕߍ ߡߊ߲߫ ߖߊ߲߬ ߞߊ߬ߣߌ߲߬، ߞߟߍ߬ߡߐ߮ ߟߎ߬ ߥߟߋ ߣߴߊ߬ ߕߊ߫߸ ߊ߬ߟߎ߬ ߡߊ߫ ߛߋ߫ ߞߏ ߟߎ߬ ߞߍ߫ ߟߴߊ߬ ߕߎ߬ߡߊ߬ ߖߏߣߊ ߟߊ߫ ߦߏ߫ ߡߐ߱ ߟߎ߫ ߕߍ߬ߘߴߊ߬ ߝߍ߬ ߢߊ ߡߍ߲ ߡߊ߬.
<<ߞߟߍ߬ߡߐ߮ ߟߎ߫ ߣߊ߬ ߘߊ߫ ߝߋߎ߫߸ ߒ߬ߞߵߊ߬ߟߎ߬ ߡߊ߫ ߛߋ߫ ߝߏߦߌ߬ ߞߍ߫ ߟߊ߫߸ ߝߏ߫ ߞߵߊ߬ߟߎ߫ ߟߐ߬ߣߍ߲ ߕߏ߫ ߕߋ߲߬ ߖߌ߲ߖߊ߲߫، ߝߏ߫ ߖߊ߬ߡߊ ߥߎ߬ߟߌ ߡߍ߲ ߞߍ߫ ߘߊ߫ ߞߓߊ߫ ߟߊߝߟߌ ߟߊ߫ ߓߋ߬ߒ߬ߞߊ߲߬ߠߌ߲߬ߠߊ ߡߊ߬߸ ߊ߬ ߞߊ߬ ߡߎ߬ߙߎ ߟߊߝߟߌ߬ ߞߏ߫ ߊ߬ ߦߴߊ߬ ߓߏ߬ߙߌ߬ ߟߊ߫، ߏ߬ ߕߎ߬ߡߊ ߟߋ߬ ߛߊ߫߸ ߞߟߍ߬ߡߐ߮ ߟߎ߫ ߞߵߊ߬ ߛߊ߯ߘߊ߫ ߞߵߊ߬ ߡߌ߬ߘߊ߬.>> ߊߟߌߥߎ߬ ߟߋ߬ ߞߊ߲߫ ߕߋ߲߬.
ߕߎ߬ߡߊ߬ߣߍ߲߬ ߞߋߟߋ߲ ߏ߬ ߟߋ ߟߊ߫߸ ߡߊ߬ߓߎ߬ߙߎ߲߬ߕߟߌ߬ ߞߊ߲ ߟߐ߬ ߘߊ߫ ߕߌ߲߬ߞߎߘߎ߲ ߘߊ߲ߘߊߛߏ ߝߣߊ߫ ߡߊ߬߸ ߣߊߟߌ߬ߡߎ߲߬ ߞߊ߲ߞߊ߲߫ ߘߊ߲ߘߊߛߏߓߊ ߘߌ߫، ߡߌ߬ߙߌ߲߬ߘߌ ߞߊ߲߫ ߞߏ߫ ߊ߬ߟߎ߬ ߡߊ߫ ߛߋ߫ ߣߊ߬ ߟߊ߫ ߕߎ߬ߡߊ߬ ߖߏߣߊ ߟߊ߫߸ ߞߊ߬ ߡߏ߬ߛߏߏ ߞߛߌ߫ ߛߊ߬ߦߊ ߡߊ߬.
ߊ߬ߟߋ߬ ߛߊ߬ߓߊ߰ߕߐ ߘߐ߯ߞߍ߫ ߊߘߡߊ߫ ߞߏ߬ߣߊ߬ߕߍ߫ ߞߊ߲߫߸ ߞߏ߫ ߞߊ߲ߡߋߙߋ߲ ߕߍ߬ߘߍ߫ ߊ߬ ߞߘߐ߬߫ߡߛߏ߬ ߞߍ߫ ߝߘߎ߫ ߓߟߏ ߟߋ߬ ߡߊ߬߸ ߞߵߊ߬ ߓߍ߲߬ ߊ߬ ߛߐ߲߭ ߡߊ߬ ߛߊ߫߸ ߊ߬ߟߋ ߡߊ߫ ߛߌߟߊ߫ ߘߴߊ߬ ߡߊ߬.
ߞߟߍ߬ߡߐ߰ߘߊ ߞߏ߬ߣߌ߲ ߡߊ߫ ߝߋ߲߫ ߝߐ߫ ߊ߬ ߞߏ ߞߊ߲߬ ߡߎߣߎ߲߬.
ߓߊ߬ߙߌ߬߸ ߞߊ߲ߓߍ߲ ߞߕߌߞߊ߲ߘߊ ߡߊߙߑߥߊߣ ߓߊߟߑߘߋ߬ ߞߊ߬ ߣߌ߲߬ ߞߏ ߞߐ߲߫ ߠߋ߬ ߞߏߛߓߍ߫߸ ߞߵߊ߬ ߦߌ߬ߘߊ߬ ߞߏ߫ ߣߌ߲߬ ߞߏ ߘߌ߫ ߓߐ߫ ߊ߬ ߛߌߟߊ ߝߍ߬ ߝߛߊߦߌ߫، <<ߡߐ߰ ߝߊ߮ ߦߋ߫ ߞߏߖߎ߯ߓߊ߫ ߟߋ߬ ߘߌ߫، ߣߴߌ ߘߏ߲߬ ߞߊ߬ ߖߌ߬ߣߍ߬ ߞߏߟߊߕߐ߲߫ ߛߊߙߌߦߊ ߕߊ߬߸ ߊ߬ ߞߍߓߊ߮ ߦߋ߫ ߓߌ߬ߟߊ߬ ߟߊ߫ ߞߎ߲߬ߞߏ߬ߓߊ߬ߕߐ߬ߦߊ ߥߛߎ߫ ߘߎߡߊߣߍ߲ ߠߋ߬ ߟߊ߫.>>
ߓߊ߲߬ߜ߭ߊߟߌ߬ ߕߙߊߥߟߋ߫ ߦߋ߫ ߓߟߏ߫ ߘߐ߫ ߡߎߣߎ߲߬߸ ߞߏ ߕߐ߭ ߢߊߢߌߣߌ߲߫ ߞߊ߲ߡߊ߬ ߞߵߊ߬ ߞߌ߬ߛߍ ߞߍ߫ ߖߊ߬ߡߊ ߕߍ߯، ߛߊ߬ߓߊ߰ߕߐ߫ ߊߡߌߣߊߕߊ߬ ߞߏ߬ߣߊ߬ߕߍ߫ ߛߎ߭ ߓߘߊ߫ ߘߏ߲߬ ߥߎ߬ߙߊ ߢߌ߲߬ ߠߊ߫، ߡߐ߱ ߟߎ߬ ߡߐߣߍߡߍߣߍ߲ߕߐ ߕߊ߯ ߘߊ߫ ߕߊ ߛߎ߫ ߊ߬ ߛߌ߬ߓߏ߲ ߠߊ߫߸ ߛߌ߰ߢߐ߲߮ ߠߎ߬ ߢߊߞߘߐ߫.
ߓߊߘߋ߲ ߠߎ߬߸ ߊ߬ ߝߐߣߍ߲߫ ߞߏ߫ ߞߊ߲ߡߋߙߋ߲ ߞߊ߬ ߓߌ߲ߝߊ߯ߟߊ߲ ߡߌ߲߬ ߠߋ߬ ߦߙߐ ߏ߬ ߘߐ߫ ߦߋ߲߬߸ ߏ߬ ߡߍ߲ ߦߋ߫ ߡߐ߱ ߝߊ߰ ߟߴߌ ߜߟߏ߬ ߞߘߐ߫ ߞߊ߬ߣߌ߲߬، ߏ߬ ߟߋ ߘߐ߫߸ ߊ߲ ߧߋ߫ ߦߙߐ ߡߍ߲ ߘߐ߫ ߕߋ߲߬߸ ߞߊ߲ߡߋߙߋ߲ ߦߋ߫ ߘߊ߲ߘߊߟߌ ߘߊߞߘߐ߫ ߞߊ߲ߞߊ߲߫ ߘߊ߯ ߛߏ߲߬ߖߘߊ߫ ߘߊ߲ߘߊߛߏ ߟߊ߫߸ ߞߵߊ߬ ߓߍ߲߬ ߓߊ߰ߖߎ߮ ߏ߬ ߟߊ߫ ߞߏ ߡߊ߬.
ߊ߲ ߞߵߊ߬ ߦߋ߫ ߊ߲ ߝߐ߰ߓߍ߬ߦߟߊ߬ ߢߐ߲߮ ߘߏ߫ ߟߊ߫ ߖߊ߬ߕߋ߬ߘߊ ߟߊ߫߸ ߞߏ߫ ߡߊߖ߭ߐߙ ߘߊߣߌߦߍߟ ߟߋ߬ ߘߐ߱ߘߏ߲߬ߣߍ߲߫ ߓߊ߲߬ߞߊߟߌ߬ ߕߙߊߥߟߋ߫ ߟߊ߫ ߞߏ ߟߊ߫߸ ߞߵߏ߬ ߞߎ߲߭ ߞߍ߫ ߓߊ߱ ߡߌ߲߭ ߘߴߊ߬ ߓߟߏ߫ (ߓߌ߲ߝߊ߯ߟߊ߲).
ߊ߬ߟߋ߬ ߗߍ߭ ߣߌ߲߬ ߦߋ߫ ߡߛߏ߬ ߝߌ߬ߟߊ߬ ߕߌ߮ ߟߋ߬ ߘߌ߫߸ ߊ߬ ߕߘߍ߬ ߛߓߊߣߊ߲߫ ߞߏ ߟߋ߬ ߘߐ߫ ߡߎ߬ߕߎ߲߬ ߛߊ߫، ߏ߬ ߟߋ ߘߐ߫߸ ߊ߬ ߓߐ߫ ߘߊ߫ ߊߡߌߣߊߕߊ߬ ߞߏ߬ߣߊ߬ߕߍ߫ ߣߌ߲߬ ߞߐ߫ ߝߘߎ߫ ߟߊ߫߸ ߛߴߊ߬ ߘߴߏ߬ ߞߍ߫ ߛߓߊߣߊ߲ ߘߌ߫، ߕߙߍ߫߸ ߞߏ߫ ߡߏ߬ߛߏ ߞߵߊ߬ ߝߐ߫ ߊ߬ ߦߋ߫ ߜߋߟߋ߲ߜߋߟߋ߲ ߠߊ߫ ߞߏ߫ ߊ߬ ߕߴߊ߬ ߝߍ߬ ߡߎ߬ߕߎ߲߬، ߊ߬ ߝߣߊ߫ ߥߟߌ߬ ߜߊ ߟߋ߬ ߞߍߣߴߏ߬ ߘߌ߫ ߞߊ߬ ߥߊ߫ ߡߎ߬ߙߎ ߛߊ߲߬ ߟߐ߯ߝߍ ߘߐ߫ ߞߊ߬ ߥߊ߫ ߡߏ߬ߛߏ ߞߊ߲ߡߊ߬ ߡߊ߬ߟߏ߬ ߝߙߋ߬ ߡߣߐߓߏ߲ ߠߊ߫ ߓߌ߬ ߛߊ߫߸ ߞߵߊ߬ ߛߐ߰ ߝߏ߫ ߊ߬ ߟߊߓߊ߲߫ ߘߊ߫ ߛߊ߬ߦߊ ߡߊ߬ ߦߙߐ ߏ߬ ߘߐ߫ ߦߋ߲߬ ߌߞߘߐ߫، ߡߏ߬ߛߏ ߡߍ߲ ߝߊ߰ߣߍ߲߫ ߣߌ߲߬߸ ߊ߬ ߣߌ߫ ߞߊ߲ߡߋߙߋ߲ ߞߊߙߏ߫ ߥߐ߯ߙߐ ߟߋ߬ ߕߘߍ߬ ߢߐ߲߮ ߝߍ߬ ߕߋ߲߬، ߡߏ߬ߛߏ ߣߌ߲߬ ߣߐ߬ ߘߋ߲߫ ߥߐ߯ߙߐ߫ ߟߋ߬ ߕߏ߫ ߟߊ߫. ߞߎߡߊ ߢߌ߲߬ ߠߎ߫ ߛߐ߬ߘߐ߲߬ ߘߊ߫ ߞߟߍ߬ߡߐ߮ ߟߎ߫ ߟߋ߬ ߝߍ߬߸ ߡߍ߲ ߠߎ߬ ߕߊ߯ ߘߊ߫ ߓߊ߲߬ߞߊߟߌ߬ ߞߋߕߊ߬ ߡߊߢߌ߬ߣߌ߲߬ߞߊ߫ ߘߊ߯ ߛߏ߲߬ߖߘߊ߫ ߞߋߕߊ߬ ߘߊ߲ߘߊߛߏ ߟߊ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫
