ߕߍ߮ ߞߍ߫ ߘߊ߫ ߡߐ߰ ߂߉ ߟߋ߬ ߘߐ߫ ߞߎ߬ߙߋߡߊ߬ߟߋ߬ ߞߎߣߎ߲߬ ߞߐ߬ߓߊ߬ߟߏ߲ ߡߊ߬߸ ߕߙߊߓߊ ߕߟߋ߬ ߃߁߸ ߞߏ߫ ߊ߬ߟߎ߬ ߓߘߊ߫ ߛߊߟߌߝߎߥߊ߫ ߜߘߍ߫ ߟߊߘߊ߲߫߸ ߞߵߊ߬ ߛߐ߬ߘߐ߲߬ ߖߡߊ߬ߣߊ ߘߌ߯ߣߊߞߏ ߞߟߊ߬ߕߌ߰ߘߊ ߞߊ߬ ߞߊ߫ߙߌ ߟߋ߬ ߞߙߍߞߙߍ߫ ߛߊߟߌ ߘߌ߫ ߖߌ߬ߣߍ߬ ߞߣߐ߫، ߒ߬ߓߊ߬߸ ߢߍߓߊ߮ ߡߍ߲ ߕߘߍ߬ ߛߊߟߌ ߟߊ߫ ߡߐ߱ ߟߎ߬ ߘߌ߫ ߦߋ߲߬߸ ߣߴߊ߬ ߕߐ߯ ߞߏ߫ ߢߍߓߊ߯ ߤߛߊߣ ߖߊߟߏ߫߸ ߊ߬ߟߋ ߞߊ߲߫ ߞߏ߫ ߊ߬ߟߎ߬ ߟߊߘߍ߬ߣߍ߲߫ ߕߎ߲߬ ߕߍ߫ ߟߛߊ߬ߟߌ߬ߟߌ߬ ߞߊ߲ߡߊ߬ ߦߋ߲߬ ߘߋ߬.
ߊ߬ ߟߊ߫ ߝߐߟߌ߫ ߘߐ߫߸ ߞߏ߫ ߖߊ߬ߡߊ ߡߊ߫ ߟߊߘߍ߬ ߊ߬ ߓߟߏ߫ ߛߊߟߌ߫ ߞߊ߲ߡߊ߬߸ ߞߏ߫ ߊ߬ߟߎ߫ ߞߵߊ߬ߟߎ߬ ߟߊߘߍ߬ ߡߌ߲߬ߣߌ߲߬ ߖߞߊ߬ ߓߐ߬ߟߊ ߟߎ߫ ߟߋ߬ ߞߏߢߌߡߊߟߐ߲ ߡߊ߬߸ ߡߍ߲ ߠߎ߬ ߕߍ߬ߘߍ߫ ߊ߬ߟߎ߫ ߝߍ߬ ߦߋ߲߬، ߓߊߏ߬߸ ߡߌ߬ߣߌ߲߬ ߖߊ߮ ߏ߬ ߟߎ߫ ߕߍ߬ߘߍ߫ ߊ߬ߟߎ߬ ߓߟߏ߫ ߦߋ߲߬ ߞߊ߬ߦߌ߯ ߛߌ߬ߣߌ߲߬ߟߏ߲߫ ߕߊ߬ߡߌ߲߬ߣߍ߲، ߞߊ߬ߕߎ߲߯߸ ߞߏ߫ ߊ߬ߟߋ߫ ߖߍ߬ߘߍ ߕߊ߯ ߘߊ߫ ߟߋ߬ ߛߊߟߌߝߎߥߊ ߟߊ߫ ߞߊ߯ߙߌ߫ ߟߏ߲߸ ߏ߬ ߡߍ߲ ߞߍ߫ ߘߊ߫ ߛߊߟߌ ߘߌ߫ ߖߡߊ߬ߣߊ ߞߣߐ߫ ߞߊ߬ߣߌ߲߬.
ߊ߬ ߟߊ߫ ߢߊߝߐߟߌ ߏ߬ ߞߏ߬ߣߌ߲ ߓߍ߯ ߣߴߊ߬ ߕߊ߫߸ ߞߕߌߟߊ߫ ߝߊ߯ߡߊ ߟߎ߬ ߦߴߊ߬ߟߎ߫ ߣߐ߭ ߘߐ߫ ߣߌ߲߬ ߞߏߢߊ ߘߐ߫ ߡߎߣߎ߲߬ ߜߡߊ߫، ߓߊߏ߬߸ ߛߌ߯ߙߌ߲߫ ߞߕߌߞߊ߲ߘߊ ߞߊ߲߫ ߠߋ߬߸ ߞߏ߫ ߊ߬ߟߎ߬ ߟߊ߫ ߞߍߥߊߟߋ߫ ߛߎ߮ ߣߌ߲߬ ߦߋ߫ ߡߙߎߕߟߌ ߟߋ߬ ߘߌ߫ ߞߊ߬ߝߏ ߡߊ߬߸ ߊ߬ ߣߌ߫ ߞߎ߲߬ߠߊ߬ߛߌ߮ ߟߊ߫ ߡߙߌߘߐ ߡߊߛߐ߬ߛߐ ߥߛߊߞߙߊ߫.
ߊߟߎ߫ ߦߴߊ߬ ߟߐ߲߫߸ ߞߏ߫ ߞߍ߲ߘߍߟߏ߲ ߛߎ ߘߐ߫߸ ߂߀߂߅ ߕߙߊߓߊ ߕߟߋ߬ ߃߀ ߡߊ߬߸ ߖߌ߬ߣߍ߬ ߘߌ߯ߣߊ߫ ߞߏߢߊߓߐ ߞߟߊ߬ߕߌ߰ߘߊ ߞߊ߬ ߟߊ߬ߛߋ߬ߟߌ ߘߏ߫ ߟߋ߬ ߞߍ߫߸ ߞߵߊ߬ ߦߌ߬ߘߊ߬ ߞߏ߫ ߛߎ߲ߞߊߙߏ ߘߊ߲߭ ߠߋ߬ ߞߍ߲ߘߍߟߏ߲ ߏ߬ ߘߌ߫߸ ߞߊ߬ ߞߊ߯ߙߌ ߞߍ߫ ߛߊߟߌ ߘߌ߫ ߖߡߊ߬ߣߊ ߘߎ߰ߞߣߍ ߝߊ߲߭ ߓߍ߯ ߘߐ߫، ߒ߬ߓߊ߬߸ ߛߌߞߊ߫ ߞߍߣߍ߲߫ ߞߏ߫ ߢߍߓߊ߮ ߣߌ߲߬ ߣߴߊ߬ ߟߊ߫ ߡߐ߱ ߟߎ߬ ߡߊ߫ ߓߍ߲߬ ߛߊ߬ߙߌ߬ߦߊ߬ ߟߊߣߍ߲ ߏ߬ ߟߋ ߡߊ߬ ߛߊ߫߸ ߊ߬ߟߎ ߞߵߊ߬ߟߎ߬ ߕߊ߫ ߛߊߟߌߝߎߥߊ߫ ߟߊߘߊ߲߫ ߞߐ߬ߓߊ߬ߟߏ߲ ߡߊ߬߸ ߣߊ߲߬ߕߌ߮ ߟߎ߬ ߝߣߊ߫ ߕߊ߯ ߘߴߊ߬ߟߎ߬ ߕߍ߯ ߞߍ߫ ߊ߬ߟߎ߬ ߘߐ߫ ߦߋ߲߬߸ ߞߵߊ߬ߟߎ߫ ߡߐ߰ ߂߉ ߡߌ߬ߘߊ߫ ߞߊ߬ ߥߴߊ߬ߟߎ߬ ߘߌ߫.
ߒ߬ߓߊ߬߸ ߣߴߊ߬ ߞߏ ߕߐ߭ ߟߊߓߊ߲߫ ߘߊ߫ ߢߊ ߡߍ߲ ߡߊ߬߸ ߊ߲ ߘߌߣߵߏ߬ ߞߏ ߞߌ߬ߦߴߊߟߎ߫ ߡߊ߬ ߟߋ߬ߟߋ ߓߍ߯ ߘߏ߫ ߘߐ߫، ߓߊߏ߬߸ ߊ߬ ߞߏ ߢߊߢߌߣߌ߲ ߦߴߌߘߐ߫ ߡߎߣߎ߲߫߬.
ߊߓߎߓߊߞߊ߯ߙ ߞߊ߬ߟߐ ߓߟߏ߫
ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߛߌ߯ߙߌ߲߫
