ߛߊ߲ߖߌߓߊ߫ ߣߊ ߡߍ߲ ߞߍߣߍ߲߫ ߞߌ߲߬ߛߊߛߊ߬ ߞߣߐ߫ ߛߌ߬ߣߌ߲߬ߟߏ߲ ߛߎ ߘߐ߫ ߞߵߊ߬ ߘߎ߰ߛߊ ߜߍ߫ ߞߍ߲ߘߍߟߏ߲ ߠߊ߫߸ ߞߏ߲ߞߏߘߓߌ ߕߟߋ߬ ߅߸ ߏ߬ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߕߌߢߍߟߌ߫ ߘߍ߬ߜߍ ߟߋ߬ ߟߊߘߏ߲߬ ߞߌ߲߬ߛߊߛߊ߬ ߞߣߐ߫߸ߦߋ߲߬ ߡߍ߲ ߦߋ߫ ߞߏ߲߬ߞߏ߬ ߞߎߓߋߘߊ ߘߌ߫ ߞߊ߬ߣߌ߲߬.
ߞߏ߲߬ߓߏ ߔߊߕߙߌߛߌߦߍ߲ ߜ߭ߐ߲ߖ߭ߏ ߊߓߞߊߖ߭ߌ߫ ߡߍ߲ ߦߋ߫ ߞߌ߲߬ߛߊߛߊ߬ ߝߘߏ߬ߓߊ߬ ߞߍ߲ߘߍߦߊ ߞߏߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫: <<ߡߐ߰ ߛߌߦߊߡߊ߲߫ ߠߋ߬ ߖߐߞߌߣߍ߲߫߸ ߡߍ߲ ߠߎ߬ ߓߘߊ߫ ߟߊߓߐ߫ ߕߋ߲߬ ߞߵߊ߬ߟߎ߬ ߟߊߕߊ߯ (ߘߊ߲ߘߊߛߏ ߟߊ߫)߸ ߞߵߊ߬ ߟߴߊ߬ ߞߊ߲߬߸ ߛߊ߬ߓߊ߰ߕߐ ߘߌ߫ ߡߐ߰ ߓߌߛߊ߬ߓߊ߫ ߢߐ߲߰ ߓߐ߫.>> ߞߏ߲߬ߓߏ ߞߵߏ߬ ߟߋ ߝߐ߫.
ߊ߬ ߕߌߢߍߟߌ ߥߙߊ߬ ߘߊ߫ ߛ߭ߊ߲ߜ߭ߎ߫ ߕߌ߲߬ߞߎߘߎ߲ ߠߋ߬ ߞߣߐ߫߸ ߦߋ߲߬ ߡߍ߲ ߞߌ߲߬ߘߊ߬ ߛߌߦߊߡߊ߲߫ ߓߘߊ߫ ߦߟߍ߬ߡߊ߲߫ ߞߐ߭ ߟߎ߬ ߘߌ߫ ߝߊߦߌߘߊ߫߸ ߦߏ߫ ߣߘߊߡߎ߫ ߣߌ߫ ߔߋߕߙߏ߫ ߞߏ߲ߜ߭ߏ߸ ߊ߬ ߣߌ߫ ߞߊߙߑߕߌߦߋ߫ ߥߌߕ.
ߖߌ ߓߘߊ߫ ߦߟߍ ߝߏ߯ ߛߌߟߊ ߞߊ߲߬߸ ߞߊ߬ ߛߌߟߊ ߟߊ߫ ߖߌ߰ߣߌ߬ߦߟߍ ߜߟߍ߬ߦߊ߬ ߞߟߍߞߕߍ߫.
ߟߎߡߎ߲ߓߊ߫ ߓߎߟߑߝ߭ߊߙ߸ ߡߍ߲ ߦߋ߫ ߘߋߓߏ߲ߤߐߡ ߣߌ߫ ߞߊߙߑߕߌߦߋ߫ ߁ ߕߍ߫߸ ߏ߬ ߟߎ߫ ߞߊ߬ ߡߊ߲߬ߕߙߐ ߖߍ߬ߘߍߖߍ߬ߘߍ ߟߋ߬ ߛߐ߬ߘߐ߲߬،ߓߊߏ߬߸ ߛߌߟߊ ߕߍ߰ߣߍ߲߫ ߠߋ߬ ߠߋ߬ ߘߎ߰ߞߎߟߎ߲ ߠߎ߬ ߣߌ߫ ߛߋ߲߬ߡߊ߬ߕߊ߰ߡߊ߬ߟߊ ߟߎ߬ ߓߍ߯ ߦߋ߫.
<<ߖߎ߯ߡߊ߲߫ ߞߏ߬ߣߌ߲ ߕߍ߫ ߒߠߋ ߟߊ߫߸ ߒ߬ߞߊ߬ ߒ ߕߴߛߋ߫ ߓߐ߫ ߟߊ߫ ߓߎߟߑߝ߭ߊߙ߸ ߞߵߏ߬ ߞߎ߲߭ ߞߍ߫ ߓߏ߬ߙߌ߬ߝߋ߲ ߠߎ߬ ߓߏ߬ߙߌ߬ ߦߙߐ ߓߍ߯ ߕߍ߱ ߘߌ߫>> ߞߎߓߋߛߏ ߣߌ߲߬ ߘߎ߰ߘߋ߲ ߘߏ߫ ߟߋ߬ ߞߊ߲߫ ߕߋ߲߬.
ߛߙߋߦߊ ߘߏ߫ ߟߎ߫ ߦߴߊ߬ ߦߌ߬ߘߊ߬ ߟߊ߫߸ ߞߏ߫ ߊ߬ߟߎ߬ ߞߘߊߡߊ߫ ߘߊ߫ ߛߎ ߟߊߕߊ߬ߡߌ߲ ߘߐ߫ ߊ߬ߟߎ߬ ߟߊ߫ ߞߐ߲߬ߛߏ ߟߎ߬ ߟߋ߬ ߞߣߐ߫، ߓߊߏ߬ ߸ߊ߬ߟߎ߫ ߕߎ߲߬ ߕߴߛߋ߫ ߕߊ߯ ߟߊ߫ ߢߍ߫߸ ߞߊ߬ߡߊߛߐ߬ߘߐ߲߬ ߝߐ߬ߝߐ߬ߓߐ ߣߌ߫ ߖߐ߰ߖߐ߮ ߘߊ߲߬ߠߊߕߌ߬ߡߌ߲߬ߣߍ߲ ߘߌ߫.
ߓߊߘߋ߲߫ ߠߎ߬ ߸ ߊ߲ ߛߌ߰ߣߍ߲߫ ߝߊ߰ߡߊ ߟߎ߬ ߟߊ߫ ߛߌ߱ ߘߐ߫ ߖߐ߲߰ߛߴߊ߬ߟߎ߬ ߘߌ߫ ߞߎ߲߬ߠߊ߬ߝߏ߬ߟߋ߲߬ ߖߐ߲ߖߐ߲߫ ߘߌ߫ ߸ ߊ߬ ߣߌ߫ ߞߊ߬ ߓߐ߲ߘߊ߫ ߢߌߡߊ ߢߌߣߌ߲߫ ߞߵߊ߬ ߓߍ߲߬ ߛߎ߲ߞߎ߲ ߠߊ߫ ߓߌ߬ߟߊ߬ߒ߬ߘߐ߬ ߛߎ߯ ߣߌ߲߬ ߡߊ߬.
ߒ߬ߓߊ߬ ߸ߣߌ߫ ߡߍ߲ ߣߊ߬ ߘߊ߫ ߛߐ߬ߘߐ߲߬ ߟߌ߬ߤߟߊ ߣߊ߬ߕߐ ߟߎ߬ ߘߐ߫ ߛߊ߫ ߛߌߟߊߓߐߛߐ߯ߣߊ߫ ߞߊ߬ߣߌ߲߬ߓߊ߮ ߟߎ߬ ،ߊߟߎ߫ ߘߌ߫ ߓߐ߫ ߏ߬ ߞߎ߲ߝߊ߲ ߘߐ߫ ߟߋ߬ ߘߍ߯
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
