ߝߘߏ߬ߓߊ߬ ߡߊ߬ߘߏ߬ߣߌ߲߬ߠߌ߲߬ ߞߐ߲ߛߏ ߘߏ߫߸ ߣߴߊ߬ ߕߐ߯ ߝߙߍߕߍ߫ ߦߋ߫ (AQ 7002) ߘߌ߫߸ߊ߬ ߓߕߐ߫ ߕߘߍ߬ ߦߋ߫ ߞߐߣߊߞߙߌ߫ ߠߋ߬ ߞߊ߬ ߕߊ߯ ߖ߭ߋߙߋߞߏߙߋ߫߸ ߊ߬ߟߋ ߦߋ߫ ߡߐ߰ ߡߊ߬ߙߌ߬ߝߊ߬ߡߊ ߟߎ߬ ߟߊ߫ ߞߏ߲߭ ߠߋ߬ ߘߌ߫.
ߡߐ߰ ߁߂ ߟߋ߬ ߕߎ߲߬ ߕߘߍ߬ ߦߋ߫ ߞߐ߲߬ߛߏ ߣߌ߲߬ ߞߣߐ߫ ߸ߊ߬ ߣߌ߫ ߘߋߣߍ߲ ߘߏ߫.
ߒ߬ߓߊ߬ ߸ ߓߋ߬ ߞߍߣߍ߲߫ ߏ߬ ߟߎ߬ ߟߋ߬ ߓߍ߯ ߞߊ߲߬ ߛߌߣߌ߲ߟߏ߲ ߛߎ ߘߐ߫ ߞߵߊ߬ ߘߎ߬ߛߊ ߜߍ߫ ߞߍ߲ߘߍߟߏ߲ ߂߀߂߅ ߘߓߊ߬ߕߊ ߕߟߋ߬ ߁߀ ߣߌ߲߬ ߡߊ߬ ߸ߞߎߘߍ߫ ߁߆ ߖߊ߬ߕߋ߫ ߟߋ߬ ߦߴߊ߬ ߣߌ߫ ߞߛߌ߬ߘߎ߰ ߛߏ ߞߣߐߟߊ ߕߍ߫. ߓߋ߲߬ߒߞߊ߲߬ߠߌ߬ߠߊ ߟߎ߬ ߥߊ߫ ߘߊ߫ ߣߊ߲߬ߝߟߏ߬ ߛߘߍߡߊ߲߫ ߣߌ߫ ߝߋ߲߫ ߢߊ߬ߒ߬ߞߐ߬ߓߊߟߌ ߟߎ߬ ߘߌ߫ ߓߋ߲߬ߒߞߊ߲߬ߠߌ߲ ߣߌ߲߬ ߘߐ߫ ߞߏߛߓߍ߫ .
ߊ߲ ߣߐ߬ ߞߎ߲߬ߠߊ߬ߝߎߟߋ߲ ߣߌ߲߬ ߡߊߛߐ߬ߘߐ߲߬ ߠߴߊ߲ ߘߍ߬ߢߐ߲߮ ߝߐ߰ߓߍ߬ߦߊ߬ߟߊ ߘߏ߫ ߟߎ߫ ߟߋ߬ ߟߊ߫ ߞߛߌ߬ߘߎ߯ ߡߙߊ߬ߓߊ߰ߘߊ ߞߣߐ߫.
ߝߐ߰ߓߍ߬ߦߊ߬ߟߊ ߟߎ߬ ߛߋ߫ ߘߊ߫ ߞߊ߬ ߡߐ߬ߤߊߡߍߘ ߖߓߊ߬ߕߋ߫ ߘߐߢߌ߬ߣߌ߲߬ߞߊ߬ ، ߏ߬ ߡߍ߲ ߦߋ߫ ߞߐ߲߬ߛߏ߬ ߕߌ߮ ߘߌ߫ ߞߊ߬ߣߌ߲߬ ߸ ߊ߬ ߝߣߊ߫ ߛߊ߬ߦߌ߬ ߘߊ߫ ߓߋ߲߬ߒߞߊ߲߬ߠߌ߲ ߣߌ߲߬ ߗߏ߯ߦߊ ߟߎ߫ ߡߊ߬ ߕߊ߲߬ߘߐ ߞߏ߫ : << ߒ ߞߊ߬ ߒ ߠߊ߫ ߞߐ߲߬ߛߏ ߖߛߐ߫ ߜ߭ߏ߲߬ߓߏ߬ߦߊ߫ ߟߋ߬ ( ߞߐ߬ߦߊ߫) ߞߵߊ߲ ߞߎ߲߬ ߛߌ߫ ߖ߭ߋߙߋߞߏ߬ߙߋ߬ ߟߊ߫ ߸ ߏ߬ ߓߟߏߡߊ߬، ߛߐ߰ߡߊ߬ߘߊ ߁ ߙߋ߲ ߞߊ߬ ߒ ߛߐ߬ߘߐ߲߬ ߞߛߌ߬ߘߎ߰.
ߊ߲ ߞߊ߬ ߘߊߡߎ߲ߠߌ߲ ߞߍ߫ ߦߋ߲߬ ߠߋ߬ ߛߍߣߍ߲߬.
ߊ߲ ߕߎ߲߬ ߦߋ߫ ߥߊ ߞߊ߲߬ ߜ߭ߋߞߋߘߎ߯ ߝߊ߲߭ ߝߍ߬ ߸ ߞߎߘߍ߫ ߁߆ ߟߋ߬ ߘߐߙߐ߲߫ ߕߎ߲߬ ߦߴߊ߲ ߣߌ߫ ߞߛߌ߬ߘߎ߯ ߛߏ ߞߣߐߟߊ ߕߍ߫߸ߓߋ߲߬ߒߞߊ߲߬ߠߌ߬ߠߊ ߟߎ߬ ߣߊ߬ ߘߊ߫ ߓߋ߬ ߊ߲ ߞߊ߲߬.
ߊ߬ߟߎ߫ ߞߊ߬ ߒ߬ ߠߊ߫ ߜߋߟߋ߲ߜߋߟߋ߲ ߠߎ߬ ߡߌ߬ߣߊ߬߸ ߊ߬ ߣߌ߫ ߥߊߘߌ߫ ߛߌߦߊߡߊ߲߫ ߸ ߒ ߘߌ߫ ߛߋ߫ ߡߍ߲ ߖߊ߬ߕߋ߬ ߟߊ߫ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߦߙߌߞߊ߫ ߘߌ߫.
ߊ߬ߟߎ߫ ߡߐ߰ ߄ ߠߋ߬ ߕߎ߲߬ ߦߋ߫ ߔߏߔߏ߫ ߝߌ߬ߟߊ ߞߊ߲߬ ߊ߬ ߣߌ߫ ߡߏ߬ߙߌ߬ߝߊ.
ߊ߬߬ߟߎ߬ ߕߊ߯ ߘߴߊ߲ ߘߌ߫ ߥߊ߭ ߘߐ߫ ، ߊ߬ߟߎ߬ ߘߌ߫ ߛߴߊ߲ ߞߘߊߡߊ߫ ߟߊ߫ ߘߌ߲߬ߞߌ߬ߙߊ߬ ߡߍ߲ ߘߐ߫ ߞߵߊ߲ ߠߊ߫ ߟߊ߫ ߊ߲ ߞߣߐ߫ ߞߊ߲߬ ߖߐ߲߰ߛߊ߫ ߡߏ߬ߙߌ߬ߝߊ߬ ߞߌߛߍ ߞߊߣߊ߬ ߛߴߊ߲ ߡߊ߬.
ߒ߬ߓߊ߬ ߸ ߊ߬ߟߎ߬ ߝߣߊ߫ ߞߍߢߊ ߟߴߏ߬ ߘߌ߫ ߞߊ߬ ߒ ߠߊ߫ ߞߐ߲߬ߛߏ ߕߊ߬ ߞߵߊ߬ ߡߊ߫ ߕߊ߯ ߒ ߠߊ߫،ߥߟߊߛߴߊ߬ߟߎ߬ ߘߌ߫ ߝߙߍ߫ ߢߣߌߣߌ߲߫ ߡߊ߬ .
ߊ߬ߟߎ߫ ߞߊ߬ ߜߋߟߋ߲ߜߋߟߋ߲߫ ߊߦߑߝߏ߲ߣ ߄ ߕߊ߬ ߊ߬ ߣߌ߫ ߥߊߘߌ߫ ߣߌ߫ ߓߟߏߝߋ߲߫ ߡߐ߬ߟߐ߲߬ߡߊ߬ ߜߘߍ߫ ߟߎ߬.
ߊ߬ߟߎ߬ ߓߊߣߍ߲߫ ߊ߬ߟߎ߬ ߢߌߣߌ߲ߝߋ߲ ߠߎ߬ ߓߍ߯ ߕߊ߬ ߟߊ߫ ߸ ߊ߬ߟߎ߫ ߞߵߊ߬ ߢߌߣߌ߲߫ ߊ߲ ߝߍ߬ ߞߏ߫ ߸ ߊ߲ ߟߊߣߍ߲߫ ߦߋ߫ ߕߏ߫ ߊ߲ ߞߣߐ ߞߊ߲߬ ߝߏ߫ ߛߐ߰ߡߊ߬ߘߊ ߄ ߙߋ߲ ߕߎ߬ߡߊ ߟߊ߫.
ߊ߬ߟߎ߬ ߞߍߢߊ߫ ߟߋ߬ ߞߍߣߴߏ߬ ߘߌ߫ ߞߵߊ߬ߟߎ߬ ߟߊ߫ ߔߏߔߏ ߕߊ߬ ߞߊ߬ ߥߊ߫.
ߒߠߋ ߞߊ߬ ߒ ߠߊ߫ ߞߐ߲߬ߛߏ ߡߊߛߐ߬ߘߐ߲߬ ߛߐ߰ߡߊ߬ߘߊ ߟߋ߬ ߟߊ߫.
ߊ߲ ߕߏߣߍ߲߫ ߟߌ߬ߤߟߊ ߏ߬ ߟߋ ߘߐ߫ ߸ ߓߐ߬ߟߐ߲߬ߞߊ ߘߏ߫ ߕߘߍ߬ ߊ߲ ߘߐ߫، ߜߋߟߋ߲ߜߋߟߋ߲߫ ߘߐ߯ߡߊ߲ߣߍ߲ ߘߏ߫ ߕߎ߲߬ ߦߴߏ߬ ߓߟߏ߫ ߸ ߏ߬ ߞߵߊ߬ ߝߊ߬ ߥߟߋ߫ ߞߐߣߊߞߙߌ߫.
ߏ߬ ߟߋ߬ ߝߣߊ߫ ߞߊ߬ ߞߛߌ߬ߘߎ߯ ߝߊ߰ߡߊ ߟߎ߬ ߟߊ߫ ߟߐ߲ߠߌ߲ߧߊ߫ ߊ߲ ߟߌ߬ߤߟߊ ߞߊ߲߬ >> ߡߐ߬ߤߊߡߍߘ ߖߓߊ߬ߕߋ߫ ߟߋ߬ ߞߊ߲߫ ߕߋ߲߬ ( ߞߐ߲߬ߛߏ߬ ߟߊ߬ߓߏ߬ߙߌ߬ߟߊ)..
silabosoona.com
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
