ߊ߲߬ߜ߭ߌ߬ߟߍ߬ ߖߡߊߣߊ ߕߙߍ߲ߕ ߊߟߍߞߑߛߊ߲ߘߍߙ-ߊߙߑߣߐߟߘ ߞߵߊ߬ ߟߊ߫ ߓߐߟߌ ߟߊߥߊ߲߬ߞߊ߫ ߓߌ߬ ߞߐ߬ߓߊ߬ߟߏ߲ ߂߀߂߅ ߘߓߊ߬ߕߊ ߕߟߋ߬ ߅. ߞߏ߫ ߊ߬ ߘߌߣߊ߬ ߓߐ߫ ߟߌߝ߭ߍߙߑߔߎߟ( FC) ߟߊ߫ ߛߊ߲߬ߓߏߟߏ߲ ߟߊߓߊ߲ ߠߊ߫.
ߞߌߣߌ߲߫ ߝߘߎߝߍߕߊ߲ߠߊ߸ ߦߌ߬ߘߊ߬ߛߙߋ߸ ߞߍߙߍ߲ ߠߊ߫ ߛߊ߲߬ ߕߊ߲߫ ߢߐ߲߰ ߢߐ߲߰ ߞߘߐ߫߸ ߊ߬ ߓߘߊ߫ ߣߊ߬ ߊ߬ ߟߊ߫ ߛߊ߬ߛߋ ߟߊߓߊ߲ ߠߊ߫.
ߊ߬ ߟߊߞߐ߯ ߘߊ߫ ߘߎ߲ߓߎ߫ ߥߎ߬ߟߋ߲߬ߡߊ߲ ߠߎ߬ ߟߋ߬ ߓߟߏ߫ ߸ ߊ߬ ߘߏ߲ ߘߊ߫ ߏ߬ ߟߴߊ߬ ߛߊ߲߬ ߆ ߟߋ߬ ߟߊ߫߸ߊߟߍߞߑߛߊ߲ߘߍߙ-ߊߙߑߣߐߟߘ ߊ߬ ߟߊ߫ ߓߙߊ ߣߌ߲߬ ߘߊߡߌ߬ߣߊ߬ߣߍ߲ ߛߊ߲߭ ߂߀߁߆ ߟߋ߬ ߟߊ߫ .
ߞߊ߬ߓߌ߯ ߕߎ߬ߡߊ ߏ߬ ߟߊ߫ ߸ ߊ߬ ߞߊ߬ ߕߐ߯ߟߡߊ ߛߐ߬ߘߐ߲߬ ߸ ߞߵߊ߬ ߞߍ߫ ߡߊ߬ߞߊ߲߬ߞߊ߲߬ߠߌ߲߬ߠߊ ߓߍ߯ ߘߐ߫ ߝߌ߬ߛߊ߬ߡߊ߲ ߘߌ߫ ߘߎߢߊ߫ ߕߏ߬ߟߊ߲߬ߕߊ߲ ߘߐ߫.
ߊ߬ ߛߊ߲߬ ߂߆ ߟߊ߫ ߑ ߊ߬ ߞߊ߬ ߖߍ߬ߝߙߍ߬ ߛߙߍߘߍ ߕߏ߫ ߊ߬ ߞߐߝߍ߬ :ߞߎ߲߬ߕߐ߮ ߞߟߏߡߊ߫ ߉ ߸ߏ߬ ߣߴߊ߬ ߕߊ߫߸ ߟߌߜ ߘߍ߬ ߛ߭ߊ߲ߔߌߦߐ߲ߣߊ ߂߀߁߉ ߟߊ߫ ߸ߊ߬ ߣߌ߫ ߟߌߜ߭ ߝߟߐߡߦߊ ߞߎ߲߬ߕߐ߯ ߝߌ߬ߟߊ߬߸ ߏ߬ ߞߍ߫ ߘߊ߫ ߂߀߂߀ ߣߌ߫ ߂߀߂߅ ߟߋ߬ ߟߊ߫.
ߊ߬ ߟߊ߫ ߖߌ߬ߦߊ߬ߖߟߎ߬ ߦߋߕߊ ߘߏ߫ ߞߴߊ߬ ߦߌ߬ߘߊ߬ ߸ ߡߍ߲ ߠߊߖߍ߲ߛߍ߲߫ ߘߴߊ߬ ߟߊ߫ ߓߌ߬ߟߊ߬ߢߐ߲߰ߡߊ߬ ߛߐ߲ߞߐߟߐ߲ ߠߎ߬ ߟߊ߫ ߞߏ߫ ߸ ߊ߬ ߞߎߡߊ߫ ߟߴߊ߬ ߞߊ߬ߣߌ߲߬ߓߊ߮ ߟߎ߬ ߦߋ߫ ߕߊ߲߬ߘߐ ߞߏ߫ :<<ߛߊ߲߬ ߂߀ ߞߐߝߍ߬ ߟߌߝ߭ߍߙߑߔߎߟ ߕߏ߬ߟߊ߲߬ߕߊ߲ ߞߍߙߍ߲ ߠߊ߫߸ߊ߬ ߕߎ߬ߡߊ߬ ߘߌ߬ߡߊ߲߬ߓߊ ߟߋ߬ ߣߌ߲߬ ߸ ߞߵߊ߬ ߟߊߛߙߋߦߊ߫ ߛߌߛߍ߲߬ ߞߏ߫ ߒ ߥߊߕߐ߫ ߟߋ߬ ߛߊ߲߬ߓߏߟߏ߲ ߟߊߓߊ߲ ߠߊ߫.
ߛߌߞߊ߫ ߕߴߊ߬ ߘߐ߫ ߣߌ߲߬ ߦߋ߫ ߡߙߌߘߐ ߜߍߟߍ߲ ߘߏ߫ ߟߋ߫ ߘߌ߫، ߒ ߕߎ߲߬ ߡߊ߫ ߡߍ߲ ߢߐ߲߰ ߞߍ߫ ߒ ߠߊ߫ ߢߣߡߦߊ ߞߣߐ߫.
ߊ߬ ߞߵߊ߬ ߟߊ߫ ߡߊ߬ߞߎ߲ ߞߎ߲߬ߠߊߞߊ߬ ߞߊߙߏ߫ ߟߊ߬ߓߊ߲ ߢߌ߲߬ ߠߎ߬ ߞߘߐ߫ ߊ߬ ߟߊ߫ ߟߊ߬ߢߌߣߌ߲ ߠߋ߬ ߟߊ߫߸ ߞߵߊ߬ ߓߌ߲ߓߌ߲߫ ߝߘߏ߬ߓߊ߬ ߞߏ߲߭ ߠߎ߫ ߞߊ߲߬߸ߊ߲߬ߜ߭ߌ߬ߟߍ߬ߘߎ߯ ߞߟߏߞߕߏ߫ ߂߀߲ ߞߎ߲߬ߕߐ߮
ߞߟߍ߬ߓߋ ߞߙߍߞߙߍߓߟߏߡߊ߬: « ߞߍߙߍ߲ ߣߌ߲߬ ߞߍ߫ ߘߊ߫ ߒ ߠߊ߫ ߢߣߊߡߦߊ ߓߍ߯ ߟߋ߫ ߘߌ߫ ߸ ߒ ߠߊ߫ ߞߌߢߍ߫ ߓߍ߯ ߞߊ߬ߣߌ߲߬ (...) ߏ߬ ߟߋ ߞߏߛߐ߲߬ ߒ ߘߴߊߟߎ߫ ߥߊߟߌߢߌ߲ߡߊߟߐ߲߫ ߞߘߊߎ߫ »
ߕߙߍ߲ߕ ߊߟߍߞߑߛߊ߲ߘߍߙ-ߊߙߑߣߐߟߘ ߟߊ߫ ߓߐߟߌ ߦߋ߫ ߕߎ߬ߡߊ ߘߏ߫ ߟߊߓߊ߲ ߠߋ߬ ߘߌ߫ ߟߌߝ߭ߍߙߑߔߎߟ ߓߟߏ߫.
ߊ߬ ߟߊ߫ ߛߌߣߌ߲ߢߍߛߌ߮ ߡߊ߫ ߓߊ߲߫ ߟߊߥߊ߲߬ߞߊ߲߬ ߟߊ߫ ߝߟߐ߫߸ ߋߙߐߔߎߞߊ ߛߘߍߡߊ߲߫ ߦߴߊ߬ ߞߊ߲߬ ߞߵߊ߬ ߟߊߞߏ ߟߎ߬ ߞߙߐ߬ߛߌ߬ ߕߎ߬ߡߊ ߓߍ߯.
silabosoona.com
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
