ߞߙߎߝߊ ߞߎߓߋߘߊ ߘߎ߰ߞߣߍ ߡߊ߬ߡߙߊ߬ߟߌ ߓߘߊ߫ ߕߊߟߊ߲߫ ߞߊ߲ ߘߏ߫ ߟߊߓߐ߫ ߞߵߊ߬ ߓߍ߲߬ ߞߏ߫ ߢߊߞߍߣߍ߲ ߘߏ߫ ߡߊ߬: ߕߙߊߟߌ߫ ߞߙߏߝߏ ߘߏ߫ ߟߋ߬ ߊߓߎߖߊ߫߸ ߘߋ߲ߓߊߕߌ߮ ߘߏ߫ ߟߎ߫ ߦߴߊ߬ߟߎ߬ ߘߋ߲ ߠߎ߬ ߘߌ߫ ߟߴߏ߬ ߟߎ߫ ߟߋ߬ ߡߊ߬ ߛߎߝߙߎ ߟߊ߫ ߛߐ߲߬߸ ߊ߬ߟߎ߬ ߦߋ߫ ߕߙߊߟߌ ߞߍ߫، ߏ߬ ߟߊߞߙߐ߬ߛߌ ߡߍ߲ ߞߍߣߍ߲߫ ߝߊ߰ߡߊ ߟߎ߬ ߓߟߏ߫߸ ߊ߬ߟߎ߬ ߓߘߊ߫ ߥߌ߬ߟߌ߫ ߥߟߌ߬ߟߌ߬ ߜߌߟߌ߲߫ ߘߌ߫ ߏ߬ ߟߋ ߘߐ߫߸ ߞߏ߫ ߞߊ߬ ߊߓߎߖߊ߫ ߛߊߣߌ߲ߧߊ߫߸ ߏ߬ ߡߍ߲ ߟߊߥߟߌ߬ߣߴߊ߬ߟߎ߬ ߓߟߏ߫ ߕߙߊߟߌ ߞߟߍ߬ ߞߊ߲ߡߊ߬߸ ߊ߬ ߣߌ߫ ߕߋ߰ߙߋ߬ߦߊ ߣߌ߫ ߞߙߌ߬ߞߙߊ߬ߒ߬ߕߋ߬ߦߊ߬ ߞߏ ߡߍ߲ ߠߎ߬ ߦߋ߫ ߞߍ߫ ߟߊ߫ ߞߎߓߋߘߊ ߟߊ߫ ߊߓߎߖߊ߫߸ ߞߵߏ߬ ߟߎ߫ ߞߟߍ߬.
ߊ߬ߟߎ߬ ߟߊ߫ ߦߙߍߞߍߟߌ ߏ߬ ߟߋ ߘߏ߫ ߛߋ߲߭ߝߍ߬ ߛߊ߫߸ ߜ߭ߑߟߏߙߌߦߊ ߐ߲ߥߎߞߊ߫ ߡߍ߲ ߦߋ߫ ߡߐ߰ߦߊ߬ߞߏ ߟߎ߬ ߟߊߥߙߎߞߌ ߞߟߊ߬ߕߌ߰ߘߊ ߗߋߕߌ߯ ߘߍ߲߬ߞߍ߬ߕߎ߬ߣߍ߲ ߘߌ߫߸ ߏ߬ ߞߵߊ߬ ߟߊߞߙߐ߬ߛߌ߬ ߞߏ߫ ߘߋ߲ߣߍ߲߫ ߛߊ߲߬ ߛߋߦߌ߲ ߤߊ߲߯ ߛߊ߲߬ ߕߊ߲ ߠߎ߬ ߦߋ߫ ߕߊ߬ ߟߊ߫ ߟߋ߬ ߡߎ߬ߕߎ߲߬ ߞߵߊ߬ߟߎ߬ ߟߊߘߏ߲߬ ߕߙߊߟߌ߫ ߞߙߏߝߏ߫ ߟߊߘߊ߲ߣߍ߲ ߘߏ߫ ߘߐ߫، ߊ߬ ߞߵߊ߬ ߝߐ߫ ߞߵߊ߬ ߟߊߕߍ߰߸ ߞߏ߫ ߘߏ߫ ߟߎ߫ ߦߴߊ߬ߟߎ߬ ߘߐ߫ ߖߍ߬ߘߍ߸ ߏ߬ ߟߎ߫ ߛߘߌ߬ߣߍ߲ ߠߋ߬ ߞߍ߫ ߟߊ߫ ߞߊ߲ߓߋ߲ ߞߣߐ߫ ߞߊ߬ ߕߊ߯ ߊ߬ߟߎ߬ ߘߌ߫ ߖߡߊ߬ߣߊ ߞߐ߰ߘߎ߮ ߘߐ߫߸ ߞߵߊ߬ߟߎ߬ ߞߍ߫ ߞߙߊ߬ߖߊߥߏ ߘߌ߫ ߝߊߦߌߘߊ߫.
ߊ߬ߟߋ߬ ߓߐ߬ߟߐ߲߬ߞߊ ߛߎ߬ߣߎ߲߬ߡߍ߬ߣߍ߲߬ߕߐ ߞߵߊ߬ ߦߌ߬ߘߊ߬ ߞߏ߫: <<ߕߙߊߟߌ ߓߘߊ߫ ߞߍ߫ ߟߋ߬ ߓߌ߬ ߦߏ߫ ߖߎ߬ߟߊ߬ߦߊ߸ ߡߍ߲ ߞߏ ߟߎ߬ ߓߘߊ߫ ߛߌ߲߬ߝߏ߲߬ߧߴߊ߬ߟߎ߬ ߓߟߏ߫ ߝߋߝߋ߫، ߘߋ߲ߓߦߊ ߟߎ߬ ߦߴߊ߬ߟߎ߬ ߘߋ߲ ߠߎ߬ ߘߌ߫ ߟߊ߫ ߟߋ߬ ߛߎߝߙߎ ߟߊ߫ ߕߙߊߟߌߟߊ ߟߎ߫ ߡߊ߬߸ ߞߵߊ߬ߟߎ߬ ߕߣߐ߬ߓߐ߫ ߞߵߊ߬ߟߎ߬ ߟߊߟߐ߬ ߕߊ߬ߡߌ߲߬ߓߊ߰ߕߐ ߟߎ߬ ߦߋ߫ ߕߙߊߟߌ ߟߊ߫.>> ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߊ߬ߟߋ߬ ߞߏ߫ ߛߎ߮ ߟߋ߬ ߓߘߊ߫ ߝߊ߲߬ߞߊ߬ ߘߌ߫ ߘߋ߲ߣߍ߲߫ ߛߏ߲ߧߊ ߡߊ߬ ߖߡߊ߬ߣߊ ߞߣߐ߫߸ ߞߊ߬ ߣߊ߬ ߜߟߍ߬ߦߊ ߘߌ߫ ߘߋ߲ߣߍ߲߫ ߛߏ߲ߧߊ ߞߍ߬ߟߍ ߘߐ߫.
ߒ߬ߓߊ߬߸ ߊ߬ߟߎ߬ ߟߊ߫ ߣߐ߬ߡߌ߬ߣߊ߬ߟߌ ߣߌ߲߬ ߠߊߥߌ߬ߟߌ ߣߌ߫ ߛߌߛߍ߲߬ ߕߍ ߘߐ߫߸ ߊ߬ߟߎ߬ ߓߘߊ߫ ߡߐ߰ ߂߁߀ ߠߋ߬ ߡߌ߬ߣߊ߬ ߊߓߎߖߊ߫ ߛߌߟߊ ߟߊ߫߸ ߗߍ߬ ߡߐ߰ ߈߀ ߦߴߏ߬ ߘߐ߫߸ ߡߏ߬ߛߏ߫ ߡߐ߰ ߅߈߸ ߘߋ߲ߣߍ߲߫ ߇߂، ߊ߬ߟߋ߬ ߡߐ߰ ߡߌ߬ߘߊ߬ߣߍ߲ ߠߎ߬ ߓߍ߯ ߓߘߊ߫ ߟߊߕߊ߯ ߓߎߥߊߙߌ߫ ߓߊ߯ߙߊ߫ ߡߞߊߙߊ߲߫ ߓߏ߲ߓߊ ߟߊ߫߸ ߊ߬ߟߎ߬ ߟߊ߫ ߡߐ߱ ߟߎ߬ ߟߊ߫ ߞߏ ߢߊߢߌߣߌ߲ߕߐ߫ ߦߋ߲߬ ߠߋ߬ ߛߊ߫߸ ߞߵߊ߬ߟߎ߬ ߓߐ߫ ߦߌߟߊ ߟߐ߲߫߸ ߞߊ߬ ߓߊ߲߫ ߞߵߊ߬ߟߎ߬ ߓߍ߯ ߟߊߞߐߛߊ߬ߦߌ߲߫ ߊ߬ߟߎ߬ ߓߘߊ ߘߏߦߌ߲߫.
ߞߙߎߝߊ ߞߎߓߋߘߊ ߘߎ߰ߞߣߍ ߡߊ߬ߡߙߊ߬ߟߌ ߞߏߕߌ߮ ߢߍߛߐ߲߫ ߥߊߦߞ ߓߘߊ߫ ߖߊ߬ߡߊߙߌ ߘߌ߫߸ ߞߏ߫ ߞߊ߬ ߊߓߎߖߊ߫ ߞߣߐ ߛߊߣߌ߲ߧߊ߫ ߝߋߝߋ߫߸ ߞߊ߬ ߕߍ߮ ߞߍ߫ ߕߙߊߟߌߟߊ ߓߍ߯ ߘߐ߫߸ ߊ߬ ߣߌ߫ ߝߋ߲ ߺ ߋ ߺ ߝߋ߲߫ ߘߌ߫ ߡߊ߲߬ߞߊ߲ ߠߊߥߟߌ߬߸ ߖߐ߲߰ߛߊ߫ ߖߡߊ߬ߣߊ߬ߘߋ߲ ߠߎ߬ ߘߌ߫ ߟߊߞߊ߲ߘߊ߫ ߞߵߊ߬ߟߎ߬ߎ ߟߊߕߊ߲߬ߞߊ߬߸ ߞߊ߬ ߛߊ߬ߙߌ߬ߦߊ ߡߊߓߏ߲߬ߧߊ߬߸ ߊ߬ ߣߌ߫ ߞߊ߬ ߞߎ߲߬ߠߊ߬ߛߘߌ ߞߟߍ߬߸ ߛߊ߫ ߖߋ߬ߟߌ߬ߓߊ߬ߟߊ߫ ߞߎߓߋߘߊ ߞߖߊߣߊ߬ ߡߊߣߐ߯ ߢߊ ߡߍ߲ ߡߊ߬.
ߊߘߊߡߎ ߜ߭ߎߥߊߙߌ߫ ߡߍ߲ ߦߋ߫ ߡߊ߬ߡߙߊ߬ߟߌ ߟߊ߬ߞߊ߲߬ߘߊ߬ߟߌ ߞߏߢߊ ߟߎ߬ ߗߋߕߌ߮ ߘߌ߫߸ ߏ߬ ߞߵߊ߬ ߦߌ߬ߘߊ߬ ߞߏ߫ ߊߓߎߖߊ߫ ߛߊߣߌ߲ߧߊ ߣߌ߲߬ ߕߍ߫ ߕߙߊߟߌߟߊ ߟߎ߬ ߞߋߟߋ߲߫ ߞߊ߲ߡߊ߬ ߘߋ߬߸ ߞߏ߫ ߛߌ߫ ߦߋ߫ ߕߌߢߍߟߌ߫ ߘߐ߫ ߞߏ ߘߌ߫ ߊߓߎߖߊ߫ ߘߌ߫ ߞߣߐ߫߸ ߊ߬ ߣߊ߬ߣߍ߲߫ ߏ߬ ߓߍ߯ ߟߋ߬ ߞߊ߲ߡߊ߬، ߞߏ߫ ߛߌ߫ ߘߌ߫ ߡߐ߱ ߟߎ߬ ߘߐߛߌߟߊ߲߫߸ ߞߊ߬ ߡߐ߱ ߟߎ߫ ߓߌ߬ߟߊ߫ ߟߊ߬ߞߊ߲߬ߘߊ߬ߟߌ ߖߐ߬ߘߐ ߘߐ߫߸ ߊ߬ ߓߍ߯ ߟߋ߬ ߞߍ߬ߟߍ ߦߴߌߘߐ߫ ߊ߬ߟߎ߬ ߓߟߏ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
