ߦߏ߫ ߊ߲ ߕߎ߲߬ ߞߵߊ߬ ߦߌ߬ߘߴߊߟߎ߫ ߟߊ߫ ߒ߬ ߠߊ߫ ߟߌ߬ߤߟߊ߬ ߞߎ߲ߞߎߘߎ߲߫ ߕߊ߬ߡߌ߲߬ߣߍ߲ ߘߐ߫ ߢߊ ߡߍ߲ ߡߊ߬߸ ߏ߬ ߟߋ ߞߎߡߊ ߓߘߊ߫ ߜߊ߬ ߝߎߚߎ߫߸ ߓߍ߯ ߦߋ߫ ߢߌ߬ߣߌ߲߬ߞߊ߬ߟߌ ߟߊ߫ ߟߋ߬ߟߋ ߓߍ߯ ߘߐ߫، ߒ߬ߓߊ߬߸ ߊ߲ ߘߴߊߟߎ߫ ߓߐ߫ ߏ߬ ߞߎ߲ߝߊ߲ ߘߐ߫ ߦߊ߲߬ ߛߌߛߍ߲߬، ߘߋ߲ߡߛߏ ߣߌ߲߬ ߕߐ߯ ߟߋ߬ ߞߏ߫ ߊߣߌ ߣߊߦߕ߸ ߊ߬ ߦߋ߫ ߛߘߊߡߊ ߣߌ߫ ߊ߰ߛߐ߬ߍ߬ߟߊ߬ߓߐ߬ߟߊ ߟߋ߬ ߘߌ߫ ߐߛߑߕߙߊߟߌ߫߸ ߥߊ߲ߟߌ ߝߊ߲ߖ߭ ߞߍߦߙߐ ߞߊ߲߬، ߒ߬ߓߊ߬߸ ߏ߬ ߟߋ ߟߊߟߊߣߍ߲߫ ߘߊ߲ߘߊߛߏ ߟߊ߫ ߕߋ߲߬߸ ߞߵߏ߬ ߞߎ߲߭ ߞߍ߫ ߡߎ߲߬ ߘߌ߫߸ ߊ߬ ߣߐ߬ ߞߊ߬ߝߏ߬ߢߐ߲߰ߦߊ ߞߍ߫ ߟߊ߫ ߗߍ߬ ߅߈߃ ߟߋ߬ ߝߍ߬ ߕߎ߬ߡߊ߬ߙߋ߲߬ ߥߐ߯ߙߐ߫ ߞߣߐ߫.
ߊ߬ ߞߊ߬ ߓߏ߲߫ ߓߟߏߡߊߞߊ߬ߣߍ߲߫ ߠߋ߬ ߕߊ߬ ߛߎߝߙߎ ߟߊ߫ ߞߏߢߊ ߣߌ߲߬ ߞߍ߫ ߞߊ߲ߡߊ߬߸ ߞߍ߲ߘߍߟߏ߲ ߂߀߂߅ ߘߓߊ߬ߕߊ ߕߟߋ߬ ߁߈ ߡߊ߬، ߊ߬ ߛߋ߫ ߘߊ߫ ߞߊ߬ ߕߐ߯ ߢߌߣߌ߲߫ ߞߵߊ߬ ߟߴߊ߬ ߟߊ߫ ߖߊ߲߬ߖߏ߲ ߢߌ߲߬ ߠߊ߫߸ ߞߏ߫: ߖ߭ߊ߲ߓߊ߲߫ ߖ߭ߋߦߊ߲، ߓߊߏ߬߸ ߊ߬ ߞߊ߬ ߡߙߌߘߐ ߘߏ߫ ߟߋ߬ ߕߊ߬߸ ߞߏ߫ ߝߏ߫ ߊ߬ ߟߋ߬ ߦߴߊ߬ ߟߊ߫ ߗߍ߬ ߁ ߀߀߀ ߠߋ߬ ߝߍ߬ ߂߀߂߅ ߢߌ߲߬ ߠߊ߫߸ ߏ߬ ߟߋ ߖߊ߬ߕߋ߬ߘߐ߬ߛߌ߮ ߓߟߏߦߊ ߘߊߡߌ߬ߣߊ߬ߣߴߊ߬ ߓߟߏ߫ ߣߌ߲߬ ߛߊ߫، ߊ߬ ߞߊ߬ ߞߟߌߟߌ߫ ߞߊ߲ߠߊ ߟߊߛߋ߫ ߡߐ߰ ߟߎ߫ ߡߊ߬ ߏ߬ ߟߋ ߘߐ߫߸ ߡߍ߲ ߠߎ߬ ߦߴߊ߬ ߝߍ߬ ߞߊ߬ ߛߐ߬ߘߐ߲߫ ߊ߬ ߞߏ ߘߐ߫߸ ߗߍ߬ ߂ ߀߀߀ ߛߋ߫ ߘߴߊ߬ ߕߐ߮ ߟߊߘߏ߲߬ ߠߊ߫߸ ߊ߬ ߞߊ߬ ߗߍ߬ ߅߈߃ ߘߐߕߐ߬ߡߐ߲߫ ߏ߬ ߟߎ߫ ߟߋ߬ ߘߐ߫ ߛߊ߫.
ߡߐ߰ ߅߈߃ ߏ߬ ߟߎ߫ ߟߋ߬ ߟߊߘߍ߬ ߘߊ߫ ߦߙߐ߫ ߞߋߟߋ߲߫ ߘߐ߫߸ ߞߵߊ߬ ߞߋ߬ߟߋ߲߬ߞߋ߬ߟߋ߲߬ߓߐ߫ ߡߎ߬ߕߎ߲߬ ߛߊ߫، ߊ߬ ߞߏ ߞߏ߬ߣߌ߲ ߞߍ߫ ߘߊ߫ ߜߎ߲߬ߘߎ߬ ߓߟߏ ߟߋ߬ ߡߊ߬߸ ߣߌ߫ ߥߣߊ߬ߙߌ߬ߝߊߙߊ߲ߛߊ߫ ߕߍ߫ ߡߎ߰ߡߍ߫، ߡߍ߲ ߓߊ߯ ߞߍ߫ ߘߏ߲߬ ߠߊ߫ ߘߋ߲ߡߛߏ ߞߊ߲߬ ߓߏ߲ ߠߊ߫:
ߏ߬ ߢߊ ߡߊߕߎߣߎ߲ߣߍ߲߫ ߠߋ߬ ߞߍ߫ ߟߊ߫.
ߞߊ߬ ߥߖߊ߬ߓߘߐ߬ߟߋ߲ ߘߏ߲߬ ߘߌߦߊߜߏߦߊ ߟߊ߫.
ߞߊ߬ ߓߊ߲߫ ߞߊ߬ ߜߊߙߊ߲ߜߊߙߊ߲ ߘߏ߲߬ ߊ߬ ߓߟߏ ߟߊ߫ ߡߊ߬ߟߐ߲߬ߠߌ߲߬ ߞߊ߲ߡߊ߬.
ߊ߬ߟߎ߫ ߘߏ߲߬ ߞߵߊ߬ߟߎ߫ ߘߐ߱ߘߏ߲߬ ߠߋ߬ ߣߌ߲߬ ߞߏ ߟߊ߫ ߞߏߛߓߍ߫߸ ߓߊߏ߬ ߟߊ߬ߞߊ߲߬ߘߊ߬ߟߌ߬ߟߊ ߟߎ߫ ߕߍ߬ߘߍ߫ ߦߋ߲߬߸ ߖߌ߬ߦߊ߬ߖߟߎ߬ߦߊ߬ߟߊ ߟߎ߬߸ ߊ߬ ߣߌ߫ ߓߟߏߡߊߘߍߡߍ߲ߠߊ ߘߏ߫ ߟߎ߫ ߞߏ ߟߎ߬ ߟߊߕߊ߯ߡߊ߫ ߢߊ߫ ߓߘߍ ߞߣߐ߬ߜߍ߲ ߠߊ߫، ߊߣߌ ߣߊߦߕ ߣߴߊ߬ ߓߍ߯ ߕߘߍ߬ ߝߌߟߊ߲߫ ߘߊ߲ߘߐ߫ ߟߋ߬ ߞߍ߫ ߟߊ߫߸ ߊ߬ ߣߴߊ߬ ߛߌ߫ ߡߊ߫ ߡߌ߬ߛߍ߲߬ ߞߋߟߋ߲ ߞߍ߫.
ߊ߬ ߞߊ߬ ߖߐ߰ߣߍ߬ߦߊ߬ߟߌ ߡߍ߲ ߞߍ߫ ߣߌ߲߬ ߞߏ ߟߊ߫߸ ߏ߬ ߟߋ ߐߛߑߕߙߊߟߌ߫ ߥߊߘߌ ߁߀ ߀߀߀ ߘߌ߫߸ ߏ߬ ߡߍ߲ ߦߋ߫ ߓߍ߲߬ ߠߊ߫ ߖߌ߬ߣߍ߬ ߕߊߡߊ߲ ߞߋ߲߬ߥߟߎ߬ ߄߂ ߡߊ߬، ߏ߬ ߟߎ߬ ߞߍ߫ ߘߊ߫ ߓߏ߲߫ ߞߏ ߟߎ߬ ߣߌ߫ ߟߊ߬ߞߊ߲߬ߘߊ߬ߟߌ߬ߟߊ ߟߎ߬ ߣߌ߫ ߖߌ߬ߦߊ߬ߖߟߎ߬ߦߊ߬ߟߊ ߟߎ߬ ߕߊ ߟߋ߬ ߘߌ߫، ߓߊ߬ߙߌ߬߸ ߊ߬ ߞߵߊ߬ ߟߊߥߌ߬ߟߌ߫ ߕߣߐ߬ ߞߏ ߟߋ߬ ߡߊ߬߸ ߊ߬ ߡߴߏ߬ ߞߏ ߟߊߕߍ߰ ߊ߲ ߧߋ߫ ߛߊ߫߸ ߓߊ߬ߙߵߊ߬ ߞߏ߬ߣߌ߲ ߞߊ߬ ߕߣߐ߬ ߓߟߋߓߟߋ߫ ߛߐ߬ߘߐ߲߬.
ߊߟߎ߫ ߦߴߊ߬ ߟߐ߲߫ ߝߣߊ߫߸ ߞߏ߫ ߊ߬ ߛߊ߲߭ ߝߌ߬ߟߊ ߟߋ߬ ߕߋ߲߬߸ ߊ߬ ߦߋ߫ ߥߊߘߌ ߛߐ߬ߘߐ߲߬ ߠߊ߫ ߊ߰ߛߐߍ ߘߐ߫߸ ߐߛߑߕߙߊߟߌ߫ ߘߟߊ ߂߀߀ ߀߀߀ (ߖߌ߬ߣߍ߬ ߕߊߡߊ߲ ߞߋ߲߬ߥߟߎ߫ ߈߄߀)߸ ߞߵߏ߬ ߞߎ߲߭ ߞߍ߫߸ ߊ߬ ߟߊ߫ ߖߌ߬ߦߊ߬ߖߟߎ ߡߍ߲ ߠߎ߬ ߦߋ߫ ߛߊ߲߬ ߠߊ߫ ߓߟߐߟߐ ߞߊ߲߬، ߊ߬ ߘߏ߲߬ ߞߵߊ߬ ߦߌ߬ߘߊ߬ ߞߏ߫ ߊ߬ ߣߐ߬ ߡߍ߲ ߝߣߊ߫ ߞߍ߫ ߟߊ߫ ߣߌ߲߬߸ ߊ߬ ߓߍߣߊ߬ ߛߐ߬ߘߐ߲ ߖߍ߬ߘߍߖߍ߬ߘߍ ߟߋ߬ ߞߍ߫ ߏ߬ ߘߐ߫߸ ߞߵߊ߬ ߟߊ߫ ߕߐ߬ߣߐ ߝߣߊ߫ ߡߊߞߊ߬ߝߏ߬ ߞߊߙߏ ߟߊ߫ ߛߐ߲߬.
ߊ߬ ߟߊ߫ ߖߊ߲߬ߖߏ߲ ߣߌ߲߬ ߝߣߊ߫ ߞߍ߫ ߘߊ߫ ߕߙߎ߬ ߘߌ߫ ߞߊ߬ ߛߘߊ ߟߴߊ߬ ߟߊ߫ ߞߏߞߎߘߊ߫߸ ߞߵߊ߬ ߟߊ߫ ߖߊ߬ߕߋ߬ߘߊ ߡߊߝߘߎߓߊ߮ ߛߌߦߊߦߊ߫ ߞߊߕߌ߫.
ߊ߬ ߣߌ߫ ߗߍ߭ ߡߍ߲ ߠߎ߬ ߘߍ߬ ߘߊ߫ ߣߌ߲߬ ߞߏ ߟߊ߫߸ ߏ߬ ߟߎ߬ ߡߊ߫ ߛߊ߬ߙߊ߫ ߘߋ߬، ߞߊ߬ߕߎ߲߯߸ ߏ߬ ߟߎ߫ ߛߐ߬ߘߐ߲߬ ߘߴߊ߬ ߘߐ߫ ߊ߬ߟߎ߫ ߣߋ߬ߦߌ ߟߋ߬ ߟߞߊߘߌ߫ ߞߊ߲ߡߊ߬ ߘߐߙߐ߲߫߸ ߊ߬ ߝߋ߲߫ ߘߏ߲߬ ߢߊ ߡߊ߫ ߟߊߓߐ߫ ߞߵߊ߬ߟߎ߫ ߦߌ߬ߘߊ߬ ߘߎߢߊ߫ ߟߊ߫، ߊ߬ ߞߏ ߟߞߊߟߌߦߊ߫ ߘߊ߫ ߟߋ߬߸ ߣߌ߫ ߞߎߡߎߊ߫ ߛߌߦߊߡߊ߲߫ ߣߌ߫ ߡߊ߰ߢߐ߲߰ߠߊ߫ ߘߊ߲߬ߠߊߕߊ߬ߡߌ߲߬ߣߍ߲߬ ߕߍ߫߸ ߞߊ߬ ߘߏ߲߬ ߞߵߌ ߕߊ ߞߍ߫ ߘߐߙߐ߲߫߸ ߞߊ߬ ߓߐ߫.
ߘߋ߲ߡߛߏ ߣߌ߲߬ ߛߊ߲߭ ߂߈ ߠߋ߬ ߕߋ߲߬߸ ߡߍ߲ ߡߊߟߐ߲ߣߍ߲߫ ߊ߰ߛߐ߬ߍ߰ߟߊ߬ߓߐ߬ߟߊ߫ ߛߌߦߊߡߊ߲߫ ߓߟߏ߫، ߊ߬ ߟߊ߫ ߞߊ߬ߝߏ߬ߢߐ߲߰ߦߊ߬ߓߊ ߣߌ߲߬ ߞߐߝߍ߬߸ ߊ߬ ߥߊ߫ ߘߊ߫ ߟߊߟߊ߫ ߘߊ߲ߘߊߛߏ ߟߊ߫߸ ߞߵߏ߬ ߞߎ߲߭ ߞߍ߫ ߖߋ߬ߟߌ߬ߓߐ߫ ߘߊ߲߬ߠߊߕߊ߬ߡߌ߲߬ߣߍ߲ ߘߌ߫، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߢߊ ߡߍ߲ ߡߊ߬ ߕߋ߲߬߸ ߞߊ߬ߝߏ߬ߢߐ߲߰ߦߊ ߦߴߊ߬ ߘߌߡߌ߲߫ ߠߊ߫ ߟߋ߬ ߕߋ߲߬ ߊ߬ ߢߊ ߖߍ߬ߘߍߖߍ߬ߘߍ ߡߊ߬߸ ߞߵߏ߬ ߞߎ߲߭ ߞߍ߫ ߘߋ߲ߛߏߘߐߘߌߡߌ߲ ߞߍ ߘߌ߫ ߞߵߊ߬ ߡߌ߬ߘߊ߬، ߊ߬ ߞߏ߬ߣߌ߲ ߞߊ߲߫ ߞߏ߫ ߣߡߌߛߊ߫ ߕߴߊ߬ ߘߐ߫ ߣߌ߲߬ ߞߏ ߘߐ߫ ߡߎ߰ߡߍ߫.
ߊߟߎ߫ ߦߴߊ߬ ߟߐ߲߫߸ ߊ߬ ߞߋߟߋ߲߫ ߡߊ߫ ߣߌ߲߬ ߛߎ߯ ߞߍ߫ ߡߎߣߎ߲߬ ߤߊ߲߫: ߛߊ߲߬ ߞߋߟߋ߲ ߢߌ߲߬ ߠߊ߫߸ ߓߏߣߌ߫ ߓߑߟߎ ߝߣߊ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߋ ߓߘߴߊ߬ ߟߊ߫ ߗߍ߬ ߁߀߅߇ ߝߍ߬ ߕߎ߬ߡߊ߬ߙߋ߲߬ ߁߂ ߞߘߐ߫، ߡߍ߲ ߕߘߍ߬ ߓߍ߯ ߛߊ߲ߝߍ߬ ߞߘߐ߬ߡߊ߲߬߸ ߏ߬ ߞߊ߬ ߞߊ߬ߝߏ߬ߢߐ߲߰ߦߊ ߞߍ߫ ߗߍ߬ ߉߁߉ ߟߋ߬ ߝߍ߬ ߕߎ߬ߡߊ߬ߙߋ߲߫ ߂߄ ߞߣߐ߫߸ ߊ߬ߟߋ ߕߐ߯ ߞߏ߫ ߟߌߖ߭ߊ߬، ߒ߬ߓߊ߬߸ ߓߏߣߌ߫ ߞߵߏ߬ ߟߋ ߘߊ߬ߘߌ߫ ߢߌ߬ߣߊ߲߬.
ߘߏ߫ ߜߘߍ߫ ߝߣߊ߫ ߓߍ߫߸ ߞߏ߫ ߟߌߟߌ߫ ߝߌ߬ߟߌߔ߸ ߏ߬ ߝߣߊ߫ ߦߴߊ߬ ߟߊ߫ ߟߊ߫ ߗߍ߬ ߁߀߁ ߝߍ߬ ߕߟߋ߬ ߞߋߟߋ߲ ߞߣߐ߫.
ߊߟߎ߫ ߤߊ߲ߞߟߌ ߦߋ߫ ߡߎ߲߬ ߘߌ߫ ߣߌ߲߬ ߞߏ ߘߐ߫؟
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫
