ߝߊ߬ߓߊ߫ ߝߊ߬ߙߊ߲߬ߛߎߥߊ߸ ߊ߬ߟߋ ߡߍ߲ ߛߐ߬ߘߐ߲߬ ߕߐ߮ ߦߋ߫ ߞߏ߫: ߖ߭ߐߙߗ߭ ߡߊߙߌߦߏ ߓߍߙߑߜ߭ߏߜ߭ߟߌߦߏ߫߸ ߏ߬ ߓߘߊ߫ ߝߊߕߏ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߅ ߞߏ߲ߞߏߘߓߌ ߕߋ߬ߟߋ߫ ߂߁ ߡߊ߬߸ ߞߵߊ߬ ߛߌ߬ߞߛߊߓߌ ߕߏ߫ ߛߊ߲߬ ߈߈ ߘߐ߫، ߊ߬ ߛߊ߲߬ߞߊ ߟߊߕߋ߬ ߘߊ߫ ߟߊ߬ߛߋ߬ߟߌ߬ߓߊ߫ ߟߋ߬ ߘߐ߫ ߝ߭ߊߕߌߞߊ߲߫ ߓߟߏ߫߸ ߞߊ߬ ߘߊ߲߭ߛߌ߰ ߕߟߋ߬ ߦߙߌߞߊ߫ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߟߊ߫ ߞߵߊ߬ ߓߍ߲߬ ߊ߬ ߟߊ߫ ߞߍ߲ߘߍߦߊ ߡߊ߬.
<<ߓߊߘߋ߲߫ ߗߍ߬ߡߊ߲ ߣߌ߫ ߡߛߏ߬ߡߊ߲ ߠߎ߬߸ ߊ߲ ߛߎ߬ߣߎ߲߬ߣߍ߲ ߣߴߊ߲ ߢߊߖߌߞߎߘߎ߲ߕߐ ߟߋ߬ ߝߊ߬ ߓߛߍ߫ ߝߊ߬ߙߊ߲߬ߛߎߥߊ ߟߊ߫ ߛߦߊ߬ ߞߏ ߟߊߛߋ߫ ߟߴߊߟߎ߫ ߡߊ߬ ߕߋ߲߬.>> ߏ߬ ߝߐ߫ ߘߊ߫ ߞߊߙߑߘߌߣߊߟ ߞߋߝ߭ߌߣ ߝߊߙߍߟ ߟߋ߬ ߓߟߏ߫߸ ߡߍ߲ ߠߊߕߊ߬ߡߌ߲߬ ߘߊ߫ ߝ߭ߊߕߌߞߊ߲߫ ߖߌ߬ߦߊ߬ߞߊ߲߬ߛߏ߬ߓߊ ߟߊ߫.
ߛߊ߲߬ ߘߊ߲ߘߐ ߣߌ߲߬ ߞߣߐ߫߸ ߝߊ߬ߓߊ߫ ߝߊ߬ߙߊ߲߬ߛߎߥߊ ߓߘߊ߫ ߟߊߟߊ߫ ߘߊ߲ߘߊߛߏ ߟߊ߫ ߛߋ߲߬ߢߊ߬ ߛߌߦߊߡߊ߲߫߸ ߞߵߏ߬ ߕߎ߬ߙߎ ߞߍ߫ ߊ߬ ߟߊ߫ ߖߝߐ߬ ߖߊ߲ߞߊߙߏ ߘߌ߫، ߤߊߟߌ߬ ߞߐߛߊ߲ ߢߌ߲߬ ߠߊ߫߸ ߊ߬ ߟߊߟߊ߫ ߘߊ߫ ߞߐߞߌߛߍ߫ ߘߌߡߌ߲ ߝߣߊ߫ ߘߐ߫߸ ߊ߬ ߘߊ߲ߘߊ ߡߊ߫ ߡߍ߲߫ ߏ߬ ߘߊߞߎ߲ ߘߐ߫ ߝߟߐ߫، ߊ߬ ߝߊ߬ߘߌ߬ߞߘߐ߬ ߞߏ ߕߎ߲߬ ߓߘߊ߫ ߣߊ߬ ߖߘߐ߬ ߛߌߦߊߡߊ߲߫ ߘߌ߫ ߡߐ߱ ߟߎ߬ ߟߊ߫߸ ߞߊ߬ ߛߌߞߊ ߟߊߘߏ߲߬ ߡߐ߰ ߛߌߦߊߡߊ߲߫ ߘߐ߫، ߒ߬ߓߊ߬߸ ߛߌߞߊ ߣߌ߫ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߏ߬ ߟߋ ߓߍ߯ ߓߘߊ߫ ߕߋ߲߬߸ ߞߏ߲ߞߏߘߓߌ ߂߁ ߣߌ߲߬ ߡߊ߬߸ ߝߊ߬ߓߊ ߞߊ߬ ߘߎߢߊ߫ ߕߏ߫߸ ߞߊ߬ ߖߊ߬ߡߊ ߓߌ߬ߟߴߊ߬ ߟߊ߫ ߞߏ ߢߣߊ߬ߛߎߡߊ ߘߐ߫.
ߞߊߙߑߘߌߣߊߟ ߡߍ߲ ߠ߬ߎ ߦߋ߫ ߝߊ߬ߓߊ ߟߊߛߌ߰ ߟߊ߫߸ ߏ߬ ߟߎ߫ ߓߍ߲߬ ߘߴߊ߬ߟߋ ߡߊ߬ ߞߵߊ߬ ߞߍ߫ ߝߊ߬ߓߊ ߘߌ߫ ߂߀߁߃ ߕߙߊߓߊ ߕߟߋ߬ ߁߃ ߟߋ߬ ߡߊ߬߸ ߏ߬ ߕߎ߬ߡߊ߸ ߊ߬ ߛߌ߬ߞߛߊߓߌ ߦߋ߫ ߛߊ߲߬ ߇߆ ߘߐ߫، ߝߟߐ߫ ߣߌ߫ ߓߌ߬ ߕߍ߫߸ ߡߐ߰ ߛߌ߫ ߕߎ߲߬ ߡߊ߫ ߓߐ߫ ߊߡߙߌߞߌ߬ ߜߙߋ ߞߊ߲߬ ߡߎߣߎ߲߬߸ ߡߍ߲ ߞߍ߫ ߘߊ߫ ߝߊ߬ߓߊ ߘߌ߫، ߏ߬ ߘߐ߫߸ ߊ߬ߟߋ ߟߋ߬ ߞߍ߫ ߘߴߊߡߙߌߞߌ߬ ߝߓߊ߬ ߝߟߐߝߟߐ ߘߌ߫߸ ߡߍ߲ ߦߋ߫ ߓߐ߫ ߟߊ߫ ߊߙߑߗ߭ߊ߲ߕߌߣ (ߦߋ߲߬ ߠߋ߬ ߊ߬ ߓߐߛߎ߲ ߘߌ߫).
ߊ߬ߟߋ ߟߋ߬ ߞߍ߫ ߘߊ߫ ߌߛߊߟߞߊ ߟߎ߬ ߥߟߊ߫ ߌߛߊ߫ ߞߐߓߌߟߊߘߋ߲ ߠߎ߬ ߟߊ߫ ߝߓߊ߬ ߝߟߐߝߟߐ ߝߣߊ߫ ߘߌ߫، ߝߓߊ߬ ߝߏߦߌ߬ ߕߎ߲߬ ߡߊ߫ ߓߐ߫ ߏ߬ ߟߎ߬ ߝߣߊ߫ ߘߐ߫ ߡߎߣߎ߲߬ ߞߊ߬ ߞߐ߲߰ ߊ߬ߟߋ ߕߊ ߢߍ߫.
ߊ߬ ߟߊ߫ ߝߓߊ߬ߦߊ ߕߎ߬ߡߊ ߣߌ߲߬ ߞߍ߫ ߘߊ߫ ߕߎ߬ߡߊ߫ ߟߋ߬ ߘߌ߫߸ ߞߏ ߡߍ߲ ߠߎ߬ ߞߍ߫ ߘߴߊ߬ ߕߋ߬ߟߋ ߘߐ߫߸ ߏ߬ ߟߎ߫ ߢߐ߲߰ ߕߎ߲߬ ߡߊ߫ ߘߋ߬ߙߌ߬ ߞߍ߫ ߟߊ߫، ߊ߬ ߞߊ߬ ߞߏߘߐߦߟߍߡߊ߲߫ ߛߌߦߊߡߊ߲߫ ߠߋ߬ ߞߍ߫߸ ߊ߬ ߞߍ߫ ߘߊ߫ ߡߐ߰ ߡߊߖߌ߰ߣߍ߲ ߠߎ߫ ߖߌ߱ ߟߋ߬ ߘߌ߫߸ ߓߟߏߞߏߟߏ߲ ߠߎ߫ ߖߌ߱ ߟߋ߬ ߘߌ߫، ߊ߬ ߡߴߊ߬ ߢߊ ߟߊߜߊ߲߫ ߞߏ߫ ߛߌ߫ ߞߎ߲߬ߠߊ߫ ߡߐ߰ߦߊ ߞߣߐ߫، ߊ߬ ߕߍ߬ߘߍ߫ ߘߍ߲߬ߞߣߍ߬ߦߊ߬ߓߊ߮ ߟߎ߫ ߡߌ߬ߘߊ߬ ߟߊ߫ ߢߊ ߡߍ߲ ߡߊ߬߸ ߊ߬ ߢߐ߲߰ ߡߊ߫ ߛߐ߬ߘߐ߲߫ ߝߊ߬ߓߊ߫ ߕߊ߬ߡߌ߲߬ߣߍ߲ ߠߎ߬ ߘߐ߫ ߝߟߐ߫، ߓߊߏ߬߸ ߊ߬ ߞߊ߬ ߞߏ ߓߍ߯ ߟߋ߬ ߞߎ߬ߘߎߛߌ߰ ߊ߬ ߞߊ߲ߠߊ߫߸ ߟߊ߬ߡߌߣߌ߲ ߠߊ߫ ߞߎ߲߬ߠߊ߫߸ ߕߊ߯ߡߊߘߋ߲߫ ߞߎ߲߬ߝߍ߬ߕߊ߰ߟߊ ߟߎ߬ ߟߊ߫ ߞߎ߲߬ߠߊ߫.
ߊ߬ ߟߊ߫ ߛߊ߬ߦߊ ߓߘߊ߫ ߢߐ߲߬ߞߌ߲߬ߘߊ ߟߎ߫ ߓߌ߬ߟߊ߫ ߘߌ߬ߓߌ ߘߐ߫߸ ߢߣߊ߬ߛߎߡߊ ߘߐ߫، ߊ߬ ߓߘߊ߫ ߕߏ߫ ߊ߬ ߣߘߐ߬ߓߌߟߊ ߛߎߥߊ߲ߘߌ ߟߋ߬ ߡߊ߬ ߛߍߣߍ߲߬ߛߊ߫߸ ߡߍ߲ ߘߌ߫ ߞߍ߫ ߝߊ߬ߓߊ ߘߌ߫ ߊ߬ߟߋ ߟߊ߫ ߛߊ߬ߦߊ ߣߌ߲߬ ߞߐߝߍ߬ ߞߊ߬ߣߌ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫
