ߟߎߞߊ߫ ߡߏߘߙߌߞ ߛߊ߲߬ ߄߀ ߡߊ߬ߜߍ߲ ߣߌ߲߬ ߘߐ߫߸ ߊ߬ ߦߴߊ߬ ߝߍ߬ ߤߊߟߌ߬ߛߊ߫ ߞߵߊ߬ ߟߊ߫ ߕߏ߬ߟߊ߲߬ߕߊ߲ ߓߟߏߟߊߕߎ߲߰ ߋߙߐߔߎ߬ ߞߣߐ߫ ߡߎߣߎ߲߬ ߖߐ߫، ߏ߬ ߟߋ ߘߐ߫߸ ߙߋ߬ߦߊߟ ߡߊߘߙߌߘ ߕߏߟߏ߲ߠߊ߫ ߞߘߐ ߓߘߊ߫ ߘߐ߬ߝߊ߬ߟߋ߲߬ ߞߋߟߋ߲߫ ߛߊߛߋ ߞߟߊ߬ߣߐ߬ߦߊ߫ ߊߛߋ߫ ߡߌߟߊ߲، ߊ߬ ߞߊ߲߫ ߞߏ߫ ߊ߬ ߘߴߊ߬ ߛߋߞߏ ߓߍ߯ ߞߍ߫ ߞߊ߬ ߛߋ߫ ߛߊ߭ ߟߊߓߐ߫ ߟߊ߫ ߦߋ߲߬߸ ߞߊ߬ ߊߛߋ߫ ߡߌߟߊ߲ ߦߋ߫ ߢߊ ߡߊߝߊ߬ߟߋ߲߬، ߓߊߏ߬߸ ߓߍ߯ ߞߵߊ߬ ߟߐ߲߫ ߞߏ߫ ߘߐ߬ߝߊߟߋ߲߫ ߕߊ߬ߡߌ߲߬ߣߍ߲ ߡߍ߲ ߦߋ߫ ߣߌ߲߬߸ ߞߍߙߍ߲ߘߊ ߏ߬ ߡߊ߫ ߛߋ߫ ߘߐ߬ߖߊ߬ߓߊ߫ ߞߍ߫ ߟߊ߫߸ ߡߍ߲ ߘߌ߫ ߡߐ߰ ߢߊߞߘߐߛߋ߫.
ߟߎߞߊ߫ ߡߏߘߙߌߞ ߥߊ ߊߛߋ߫ ߡߌߟߊ߲߸ ߞߎ߲߬ ߜߘߍ߫ ߕߴߊ߬ ߟߊ߫߸ ߛߴߊ߬ ߘߌ߫ ߛߴߊ߬ ߘߐߓߍ߲߬ ߠߊ߫ ߂߀߂߆ ߖߊ߯ߓߊ߫ ߖߌߟߊߝߍ߫ ߣߊ߬ߕߐ ߦߋ߫߸ ߏ߬ ߡߍ߲ ߦߴߊ߬ ߢߣߊߓߊ߯ߦߊ߫ ߞߏ߫ ߟߏ߯ߟߎߣߊ߲ ߘߴߊ߬ ߓߟߏ߫߸ ߂߀߀߆ ߣߌ߫ ߂߀߁߄ ߣߌ߫ ߂߀߁߈ ߣߌ߫ ߂߀߂߂ ߕߊ ߞߐߝߍ߬، ߒ߬ߓߊ߬߸ ߊ߬ ߦߴߊ߬ ߝߍ߬ ߞߵߊ߬߬ ߝߍ߬ ߞߵߊ߬ ߖߍ߬ߘߍ߫ ߦߌ߬ߘߊ߬ ߘߎߢߊ߫ ߟߊ߫ ߊ߬ ߟߊ߫ ߞߏ ߕߐ߬ߟߊ߬ߓߊ߲ ߣߌ߲߬ ߝߍ߬ ߕߏ߬ߟߊ߲߬ߕߊ߲ ߘߐ߫ ߂߀߂߆ ߖߊ߯ߓߊ߫ ߖߌߟߊߝߍ ߘߐ߫.
ߞߵߊ߬ ߛߐ߬ߘߐ߲߬ ߟߎߞߊ߫ ߡߏߘߙߌߞ ߦߋ߫ ߙߋ߬ߦߊߟ ߡߊߘߙߌߘ߸ ߊ߬ ߞߵߊ߬ ߕߋ߬ߟߋ ߞߍ߫ ߟߋ߬ ߦߋ߲߬ ߝߋߝߋ߫، ߓߊߏ߬߸ ߘߐ߬ߝߊ߬ߟߋ߲߬ ߕߊ߲ ߣߌ߫ ߛߊ߬ߓߊ ߞߘߐ߫߸ ߊ߬ ߞߊ߬ ߢߐ߲߯ߓߍ߲߫ ߅߉߀ ߟߋ߬ ߕߊ߲߫߸ ߞߊ߬ ߞߐ߲ߘߐ߲߫ ߂߈ ߕߊ߬، ߞߐ߲ߘߐ߲ ߏ߬ ߟߎ߬ ߘߐ߫߸ ߟߌߜ߭ ߘߍ߫ ߛ߭ߊ߲ߔߌߦߐ߲߫ ߥߐ߯ߙߐ߫ ߦߴߊ߬ ߘߐ߫، ߟߎߞߊ߫ ߡߏߘߙߌߞ ߟߊ߫ ߞߏ ߢߊߝߐ ߦߋ߫ ߞߎ߲߬ߠߊ߬ߦߋߙߋ߲ ߠߋ߬ ߦߌ߬ߘߊ߬ ߟߊ߫߸ ߓߊߏ߬ ߊ߬ ߞߵߊ߬ ߛߋߞߏ ߞߍ߫ ߟߋ߬ ߝߋߎ߫، ߌ ߓߊ߯ ߞߙߏߥߊߛߌ߫ ߕߍߡߊߟߐߓߊ ߟߎ߬ ߕߊ߬߸ ߊ߬ ߕߐ߮ ߦߴߏ߬ ߘߐ߬ߝߐ ߘߐ߫ ߟߋ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
