ߡߊ߬ߟߌ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐ ߞߊ߬ ߖߊ߬ߡߊߙߌ ߘߌ߫ ߓߌ߬ ߂߀߂߅ ߣߍߣߍߓߊ ߕߟߋ߬ ߁߃ ߣߌ߲߬ ߡߊ߬߸ ߞߊ߬ ߝߊ߬ߙߊ߲߬ߛߌ߫ ߞߌ߬ߓߊ߬ߙߏ߬ߘߊ߫ ߍߟ.ߛߋ.ߌ ߣߌ߫ ߕߋ.ߍߝ.ߍ߲ ߠߊߘߎ߲߫߸ ߞߵߊ߬ߟߎ߬ ߓߐ߫ ߡߊ߬ߟߌ ߡߍ߲ߕߊߦߋߕߊ ߟߎ߬ ߕߐ߲ߛߐ߲ ߘߐ߫، ߡߙߌߘߐ ߏ߬ ߕߊ߬ ߘߊ߫ ߞߵߊ߬ ߞߎ߲߭ ߞߍ߫ ߘߊ߲ߕߌߢߍߟߌ߫ ߞߊ߲ߞߎߡߊ ߘߏ߫ ߟߋ߬ ߟߊߖߍ߲ߛߍ߲ ߘߌ߫߸ ߡߍ߲ ߘߌ߫ ߡߐ߰ ߢߊߖߌ ߓߐ߫߸ ߊ߬ ߣߴߊ߬ ߦߋ߫ ߖߡߊ߬ߣߊ ߛߊ߬ߙߌ߬ߦߊ ߞߊߓߊ߲ߓߐ߫ ߞߏ ߟߋ߬ ߘߌ߫.
ߡߊ߬ߟߌ ߞߏߟߊߕߍ߮ ߟߎ߬ ߣߌ߫ ߞߐߞߊ߲߫ ߞߌߓߊߙߏߘߊ ߟߎ߬ ߕߍ ߦߋ߫ ߕߊ߬ߡߌ߲߬ ߠߊ߫ ߜߟߍ߬ߦߊ߬ ߟߊ߫ ߟߋ߬ ߞߘߊߎ߫، ߓߌߟߏ߲ ߣߌ߲߬ ߡߊ߬ ߣߍߣߍߓߊ ߕߟߋ߬ ߁߃߸ ߡߊ߬ߟߌ ߓߌ߬ߟߊ߬ߢߐ߲߰ߡߊ ߞߏߟߊߕߍ߯ ߛߊ߲ߘߐ (ߤߊߞ) ߞߊ߬ ߓߡߊ߬ߞߐ߫ ߡߍ߲ߕߊߦߋߕߊ ߟߎ߬ ߕߐ߲ߛߐ߲ ߡߊ߬ߡߙߊ߬ߘߊ ߓߍ߯ ߟߊߛߏ߬ߓߌ߬ ߛߓߍ߫ ߞߙߍߞߙߍߣߍ߲߫ ߠߊ߫، ߘߐ߬ߛߙߋ ߏ߬ ߦߴߊ߬ ߦߌ߬ߘߊ߬ ߟߊ߫ ߘߌߦߊߜߏߦߊ߫ ߓߟߏ ߡߊ߬߸ ߞߏ߫ ߞߊ߬ ߝߊ߬ߙߊ߲߬ߛߌ߫ ߞߌ߬ߓߊ߬ߙߏ߬ߘߊ߫ ߍߟ.ߛߋ.ߌ ߣߌ߫ ߕߋ.ߍߝ.ߍ߲ ߣߍ߰ߓߐ߫ ߕߐ߲ߛߐ߲ ߘߐ߫ ߌߞߘߐߞߘߐߣߌ߲߬߸ ߣߌ߫ ߡߊ߬ߞߐ߬ߣߐ߲߬ߠߌ߲߬ ߕߍ߫.
ߞߵߊ߬ ߛߊߓߎ ߞߍ߫ ߡߎ߲߬ ߘߌ߫߸ ߣߍߣߍߓߊ ߕߋ߬ߟߋ߫ ߉ ߡߊ߬߸ ߞߊ߲߬ߞߎߡߊ ߘߏ߫ ߟߋ߬ ߟߊߖߍ߲ߛߍ߲߫ ߘߊ߫ ߍߟ.ߛߋ.ߌ ߟߊ߫ ߞߟߋߞߟߋ ߘߏ߫ ߘߐ߫ ߞߏ߫߸ ߞߏ߫ ߘߐ߬ߛߙߋ߬ߓߊ = ߜ߭ߊ߬ߙߊ߲ ߙߋߔߐߙߑߕߊߖ߭߸ ߏ߬ ߞߋߟߋ߲ ߠߋ߬ ߡߊߛߊ߬ߦߌ߲߬ ߘߊ߫ ߕߋ.ߍߝ.ߍ߲ ߝߣߊ߫ ߟߊ߫ ߞߍߦߙߐ ߞߊ߲߬، ߢߍߥߟߊ ߏߏ߬ ߞߣߐ߫߸ ߥߟߊ߬ߘߊ߫ ߝߌ߬ߟߊ߫ ߟߋ߬ ߕߍ߬ߘߍ߫ ߊ߬ ߞߣߐ߫߸ ߡߍ߲ ߓߍ߯ ߦߋ߫ ߢߍ߬ߣߍ߲߬ߕߐ߬ߦߊ߬ ߞߏ߫، <<ߡߊ߬ߟߌ߸ ߓߊ߰ߓߊ߰ߟߌ߬ߟߊ ߟߎ߬ ߓߘߊ߫ ߛߋ߫ ߓߡߊ߬ߞߐ߫ ߘߏ߲߬ߘߊ ߟߊ߫>> ߊ߬ ߣߌ߫ <<ߡߊ߬ߟߌ߸ ߊߟߑߞߊߦߌߘߊ ߢߊ߲߰ ߞߎߘߊ>>.
ߟߊ߬ ߤߊߞ ߟߊ߫ ߝߐߟߌ߫ ߘߐ߫߸ ߞߏ߫ ߊ߬ ߞߣߐ߫ ߞߎߡߊ ߟߎ߫ ߕߊ߬ߡߌ߲߬ߣߍ߲߫ ߠߋ߬ ߝߐ߰ߓߍ߬ߦߊ߬ߟߌ ߘߊߘߐߓߍ߲ߠߌ߲ ߞߎ߲߬ߠߊ߫ ߝߋߎ߫، ߏ߬ ߟߋ ߘߐ߫߸ ߊ߬ߟߎ߫ ߞߵߊ߬ ߡߙߌߘߐߕߊ߬߸ ߞߏ߫ : <<ߝߐ߰ߓߍ߬ߦߊ߬ߟߌ ߞߎ߬ߙߎ߲߬ߘߎ ߣߴߊ߬ ߕߊ߯ߛߌߟߊ ߟߋ߬ ߝߘߏ߬ߣߍ߲߫ ߞߏߖߎ߯ߦߊ߫>> ߊ߬ ߣߴߊ߬ ߦߋ߫ <<ߖߊ߬ߥߟߌ ߣߌ߫ ߓߊߛߌ߯ߓߊߟߌߦߊ ߡߊߞߟߌ߫>> ߞߏ ߟߋ߬ ߘߌ߫߸ ߞߵߊ߬ ߟߴߊ߬ ߞߊ߲߬߸ <<ߥߎߦߊ߫ ߞߌߓߊߙߏ>> ߟߋ߬ ߝߣߊ߫ ߦߋ߫.
ߞߏߟߊߕߍ߯ ߛߊ߲ߘߐ ߞߵߊ߬ߟߎ߬ ߟߊ߫ ߡߙߌߘߐ ߕߐ߬ߡߐ߲߬ ߕߐ߲ߛߋ߲ ߄߁ ߠߋ߬ ߘߐ߫߸ ߞߊ߬ ߝߘߊ߫ ߟߊ߬ߕߍ߰ߦߊ ߝߙߍߕߍ߫ ߂߀߁߆-߀߇߁߅/ߔ-ߍߙ.ߍߡ ߠߊ߫߸ ߏ߬ ߡߍ߲ ߦߴߊ߬ ߘߌߦߊߜߏߦߊ߫ ߟߊ߫ ߘߐ߬ߕߟߊ߬ߟߌ߬ߟߊ ߟߎ߫ ߞߊ߲߬߸ ߞߏ߫ ߊ߬ߟߎ߬ ߦߋ߫ ߞߐߞߊ߲߫ ߞߌߓߊߙߏߘߊ ߟߎ߬ ߘߊߕߎ߲߯߸ ߣߌ߫ ߟߐ߯ߟߊߟߌ߫ ߕߍ߫߸ ߣߴߊ߬ ߖߊ߬ߡߊߙߌ ߝߘߊ߫ ߘߊ߫ ߤߊߞ ߟߊ߫ ߞߊ߬ߣߌ߲߬. ߏ߬ ߟߋ ߘߐ߫߸ ߊ߬ ߓߘߊ߫ ߞߍ߫ ߡߊ߬ߟߌ ߟߊ߬ߓߊ߰ߙߊ߬ߟߌ߬ߟߊ ߟߎ߫ ߞߊ߲߬ ߛߋ߲ߛߋߘߋ߲ ߘߌ߫߸ ߞߊ߬ ߡߙߌߘߐ ߣߌ߲߬ ߓߐ߫ ߊ߬ ߛߌߟߊ ߝߍ߬߸ ߘߡߊߞߊߛߟߌ߫ ߕߴߊ߬ ߘߐ߫ ߡߎ߰ߡߍ߫.
ߟߊ߬ߘߎ߲߬ߠߌ߲ ߡߍ߲ ߦߋ߫ ߕߋ߲߬߸ ߏ߬ ߞߍߣߍ߲߫ ߟߊ߬ߜߎ߬ߝߎ߲߬ߠߌ߲߬ ߛߌߦߊߡߊ߲ ߞߐ ߟߋ߬ ߘߐ߫ ߡߊ߬ߟߌ ߞߏߟߊߕߍ߮ ߟߎ߬ ߓߟߏ߫، ߓߊߏ߬߸ ߊ߬ ߝߊ߰ߡߊ ߛߌߦߊߡߊ߲߫ ߓߘߊ߫ ߞߎߡߊ߫ ߕߋ߬ߟߋߝߌ߬ߟߊ ߣߌ߲߬ ߘߐ߫߸ ߞߵߊ߬ ߦߌ߬ߘߊ߬ ߞߏ߫ ߞߊ߲ ߡߍ߲ ߠߎ߬ ߝߐ ߦߴߌߘߐ߫ ߞߐߞߊ߲߫ ߡߐ߮ ߢߌ߲߬ ߠߎ߬ ߓߟߏ߫߸ ߊ߬ ߝߋ߲߫ ߕߍ߫ ߕߎ߬ߢߊ߬ ߘߌ߫ ߡߎ߰ߡߍ߫، ߝߊߦߌߘߊ߫߸ ߊ߬ߟߎ߫ ߡߊ߬ߞߏ߬ ߕߍ߫ ߡߌ߬ߙߌ߲߬ߘߌ ߝߍ߬ ߕߎߢߊ߫ ߟߊ߫߸ ߊ߬ߟߎ߬ ߦߋ߫ ߕߊߛߎ߫ ߓߟߏ ߟߋ߬ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
