߂߀߂߅ ߞߏ߲ߞߏߘߓߌ ߕߟߋ߬ ߁߀ ߡߍ߲ ߓߍ߲߬ ߘߊ߫ ߓߌߟߏ߲ ߡߊ߬߸ ߖߊ߬ߡߊ ߕߎ߲߬ ߓߍ߫ ߢߌߣߌ߲߫ ߞߊ߬ ߡߏߙߌ߫ ߜߊߣߊ߲ ߘߏ߫ ߝߊ߰ ߘߌߝ߭ߏ߫ ߘߎ߱ ߞߣߐ߫ ߥߍ، ߞߊ߬ߕߎ߲߯߸ ߊ߬ ߡߊߝߌ߲߬ߣߍ߲߫ ߡߐ߱ ߟߎ߬ ߓߟߏ߫ ߟߋ߬߸ ߞߏ߫ ߊ߬ ߓߘߊ߫ ߡߛߏ߬ ߝߘߎߣߍ߲߫ ߡߐ߰ ߞߐ߬ߣߐ߲߬ߘߐ߬ ߓߊ߯ߙߊ߫߸ ߞߊ߬ ߓߊ߲߫ ߞߵߊ߬ߟߎ߫ ߞߊ߬ߝߏ߬ߢߐ߲߰ߦߊ߬.
ߗߍ߭ ߣߌ߲߬ ߦߋ߫ ߡߏߙߌߦߊ߫ ߓߊ߯ߙߊ ߟߎ߫ ߟߋ߬ ߞߍ߫ ߟߊ߫ ߘߌߝ߭ߏ߫ ߞߌ߲߬ߘߊ߬ ߛߘߊߡߊ ߘߏ߫ ߞߣߐ߫، ߊ߲ ߠߊ߫ ߞߎ߲߬ߠߊ߬ߝߎߟߋ߲߫ ߛߐ߬ߘߐ߲߬ߣߍ߲ ߠߎ߬ ߘߐ߫߸ ߡߍ߲ ߠߊߖߍ߲ߛߍ߲߫ ߘߊ߫ ߕߐ߲ߓߟߏߡߊ ߟߎ߬ ߟߊ߫ ߞߐߜߍ ߞߊ߲߬ ߝߍߛߑߓߎߞ ߞߊ߲߬߸ ߞߏ߫ ߖߊ߬ߡߊ ߟߋ߬ ߥߊ߫ ߘߴߊ߬ ߟߊߘߍ߬ ߊ߬ ߡߊ߬ ߡߐߣߍ ߘߌ߫߸ ߞߏ߫ ߊ߬ߟߎ߬ ߦߴߊ߬ ߝߊ߰ ߟߊ߫، ߞߊ߬ߕߎ߲߯߸ ߞߏ߫ ߊ߬ ߓߘߊ߫ ߓߘߊ߫ ߡߐ߰ ߛߌߦߊߡߊ߲߫ ߠߋ߬ ߜߍߙߍ߲ߞߍ߫ ߞߏ߫ ߢߊߢߌߣߌ߲ ߘߐ߫، ߊ߬ ߘߊ߲߬ ߡߊ߫ ߞߍ߫ ߏ߬ ߘߌ߫ ߘߋ߬߸ ߊ߬ ߓߘߊ߫ ߞߣߐ ߟߊ߫ ߡߛߏ߬ ߛߌߦߊߡߊ߲߫ ߠߋ߬ ߟߊ߫߸ ߡߍ߲ ߞߍ߫ ߘߊ߫ ߛߊߓߎ߫ ߘߌ߫ ߞߊ߬ ߦߋ߲߬ ߡߐ߮ ߟߎ߬ ߡߐߣߍ߫ ߊ߬ ߞߊ߲ߡߊ߬ ߞߏߛߓߍ߫.
ߡߐ߱ ߟߎ߬ ߥߎ߬ߟߌ ߊ߬ ߞߊ߲ߡߊ߬߸ ߏ߬ ߡߊ߫ ߡߍ߲߫ ߕߐ߲ߓߟߏߡߊ ߟߎ߫ ߞߎ߲߬ߓߐ ߦߋ߫ ߘߊ߫߸ ߏ߬ ߟߋ ߞߍ߫ ߘߴߊ߬ ߞߎ߲߬ߠߊ߬ߘߌߦߊߣߍ߲ ߘߌ߫߸ ߞߵߊ߬ ߓߐ߫ ߊ߬ ߕߓߌ߫ ߖߌ ߘߐ߫، ߊ߬ߟߎ߫ ߞߵߊ߬ ߕߊ߬ ߏ߬ ߢߊ ߟߋ߬ ߞߊ߬ ߥߴߊ߬ ߘߌ߫ ߘߌߝ߭ߏ߫ ߕߐ߲ߕߌ߯ߟߊ߫߸ ߊ߬ ߞߵߊ߬ ߛߐ߬ߛߐ߫ ߊ߬ ߡߊߝߌ߲߬ ߞߏ ߓߍ߯ ߟߊ߫ ߟߋ߬ ߦߋ߲߬ ߞߐߘߍ߫߸ ߞߏ߫ ߊ߬ ߛߐ߲߬ ߛߌ߫ ߕߴߊ߬ ߘߐ߫، ߊ߬ ߞߵߊ߬ ߦߌ߬ߘߊ߫ ߦߋ߲߬ ߞߏ߫: <<ߒ ߧߋ߫ ߘߓߊ߬ߙߌ߬ ߞߏ ߟߎ߬ ߣߌ߫ ߤߊߞߟߌ߫ ߟߊ߫ ߞߏ ߟߎ߫ ߟߋ߬ ߘߊ߲ߘߊ߫ ߟߊ߫߸ ߓߊ߬ߙߌ߬ ߞߣߐߓߘߊ ߛߋ߲߬ ߕߴߊ߬ ߘߐ߫ ߝߋߎ߫.>> ߊ߬ ߞߵߏ߬ ߟߋ ߝߐ߫ ߕߐ߲ߓߟߏߡߊ ߟߎ߬ ߢߣߊ߫ ߦߋ߲߬.
ߕߋ߲߭ߕߋ߲߭ ߣߌ߲߬ ߘߐ߫߸ ߊ߬ ߣߐ߬ ߞߣߐ ߟߊ߫ ߟߊ߫ ߡߏ߬ߛߏ ߡߍ߲ ߠߎ߬ ߟߊ߫߸ ߏ߬ ߟߎ߫ ߓߊ߬߸ ߊ߬ ߣߌ߫ ߏ߬ ߟߎ߫ ߗߍ߬ ߟߎ߫ ߓߊ߬߸ ߡߐ߰ ߛߌ߫ ߡߊ߫ ߛߐ߬ߘߐ߲߫ ߏ߬ ߟߎ߬ ߘߐ߫ ߝߟߐ߫ ߞߵߊ߬ߟߎ߬ ߡߊߞߊ߬ߛߌ߫ ߊ߬ ߞߊ߲߬، ߡߊ߬ߞߎ߲ ߏ߬ ߟߋ ߓߘߊ߫ ߣߊ߬ ߛߌߞߊ ߟߊߘߏ߲߬ ߡߐ߰ ߛߌߦߊߡߊ߲߫ ߘߐ߫߸ ߞߏ߫ ߊ߬ߝߐ߫ ߊ߬ ߞߏ ߕߍ߫ ߥߎ߬ߣߎ߲߬ߥߎ߬ߣߎ߲߬ ߞߎߡߊ ߟߋ߬ ߘߌ߫ ߓߊ߬، ߏ߬ ߟߋ ߓߘߴߊ߬ ߞߏ ߞߍ߫ ߡߐ߰ ߛߌߦߊߡߊ߲߫ ߢߣߊ߫ ߥߎߦߊ ߘߌ߫ ߡߎߣߎ߲߬، ߓߊ߬ߙߌ߬߸ ߊ߬ ߡߌ߬ߘߊ ߡߍ߲ ߞߍ߫ ߘߊ߫ ߕߐ߲ߓߟߏߡߊ ߟߎ߬ ߓߟߏ߫ ߞߊ߬ ߥߴߊ߬ ߘߌ߫߸ ߏ߬ ߟߎ߫ ߞߊ߬ ߝߋ߲ ߘߏ߫ ߟߎ߫ ߦߴߊ߬ ߓߘߊ ߦߋ߲߬߸ ߡߍ߲ ߞߊ߬ ߘߊ߬ߟߎ߬ ߓߐ߫ ߊ߬ ߝߐ ߘߌ߫߸ ߞߏ߫ ߊ߬ ߦߋ߫ ߥߊ߬ߦߌ߬ߡߊ߬ߦߊ ߣߊ߲߬ߞߙߊ߬ߓߦߊ߬ ߞߏ ߟߎ߬ ߞߍ߫ ߟߊ߫ ߦߋ߲߬߸ ߏ߬ ߘߏ߲߬ ߦߋ߫ ߞߏ߫ ߟߎ߫ ߟߋ߬ ߘߌ߫߸ ߡߍ߲ ߠߊߕߐ߲ߣߍ߲߫ ߜߋ߲ߞߐ߰ߖߌ߬ߘߊ ߛߊ߬ߙߌ߬ߦߊ ߞߣߐ߫.
ߊ߬ߟߋ߬ ߞߏߢߊ ߣߌ߲߬ ߓߘߊ߫ ߡߐ߱ ߟߎ߬ ߞߍ߫ ߛߌ߰ ߝߌ߬ߟߊ߬ ߘߌ߫، ߘߏ߫ ߟߎ߫ ߞߊ߲߫ ߞߏ߫ ߡߐ߱ ߟߎ߬ ߟߊ߫ ߞߏ߫ ߘߐߓߍ߲߬ߣߍ߲ ߠߋ߬ ߦߴߊ߬ ߘߌ߫ ߗߍ߭ ߞߊ߲ߡߊ߬߸ ߘߏ߫ ߜߘߍ߫ ߟߎ߫ ߝߣߊ߫ ߞߊ߲߫ ߞߏ߫ ߗߍ߭ ߣߌ߲߬ ߖߍ߬ߘߍ ߜߎ ߦߋ߫ ߣߊ߲߬ߞߙߊ߬ߓߊ߫ ߞߏߢߊ߯ߡߌ߲ߠߊ ߟߋ߬ ߘߌ߫ ߝߋߎ߫. ߊ߬ ߞߏ߬ߣߌ߲߸ ߕߐ߲ߓߟߏߡߊ ߘߏ߫ ߟߊ߫ ߞߎߡߊ ߞߵߊ߬ ߦߌ߬ߘߊ߫ ߝߐ߰ߓߍ߬ߦߊ߬ߟߊ ߟߎ߬ ߟߊ߫ ߦߋ߲߬߸ ߞߏ߫: <<ߛߊ߬ߙߌ߬ߦߊ߫ ߡߊ߬ߞߏ߬ ߕߍ߫ ߕߟߏ߫ ߖߎ߫ ߞߘߐ߫ ߞߎߡߊ߫ ߣߌ߫ ߥߎ߬ߣߎ߬ߥߎ߬ߣߎ߲߬ ߞߎߡߊ߫ ߟߊ߫߸ ߞߏ߫ ߞߍߣߍ߲߫ ߕߎ߬ߢߊ߬ߡߊ ߟߋ߬ ߛߊ߬ߙߌ߬ߦߊ߬ ߢߍߛߌߟߊ߫ ߘߐ߫.>> ߕߐ߲ߓߟߏߡߊ ߘߏ߫ ߟߋ߬ ߞߊ߬ ߣߌ߲߬ ߝߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
