ߞߐ߬ߦߊ߫ : ߌߓߎߙߊߤߌߡߊ߬ ߡߊߝߌ߲߬ߣߍ߲߫ ߊ߬ ߕߍߣߍ߲߫ ߡߛߏ ߟߊ߫ ߜߋߟߋ߲ߜߋߟߋ߲߫ ߛߏ߲ߧߊߟߌ ߞߏ ߟߋ߬ ߘߐ߫ ߸ ߌߓߎߙߊߤߌߡߊ߬ ߖߊ߲ߟߏ߫ ، ߏ߬ ߡߍ߲ ߛߐ߬ߘߐ߲߬ ߛߌ߫ ߦߋ߫ ߛߊ߲߬ ߁߅ ߘߐ߫ ߞߊ߬ߣߌ߲߬ ߸ ߏ߬ ߟߋ߬ ߣߐ߬ ߛߊ߬ߦߊ ߡߊߛߐ߬ߘߐ߲߬ ߠߊ߫ ߡߊ߬ߢߌ߬ߡߊ߬ߞߏ ߘߝߊߣߍ߲ ߘߐ߫.
ߟߌ߬ߤߟߊ߫ ߛߐ߬ߘߐ߲߬ߣߍ߲߫ ߞߵߊ߬ ߦߌ߬ߘߊ߬ ߞߏ߫ : ߗߍ߬ߓߊ߬ߟߋ߲߬ߣߍ߲ ߕߎ߲߬ ߞߊ߬ ߖߊ߲߬ߞߕߊ߬ߓߊ ߟߋ߬ ߡߊߛߐ߬ߘߐ߲߬ ߡߎߣߎ߲߬ ߞߊ߬ ߞߐ߲߰ ߊ߬ ߘߊߕߎ߲߯ߠߌ߲ ߢߍ߫ ߓߏ߲ߘߋ߲ ߘߏ߫ ߞߣߐ߫ ߕߊ ߣߐ߬ ߡߍ߲ ߡߌ߬ߘߊ߬ ߟߊ߫ ߞߐ ߟߊ߫ ߞߊ߬ߣߌ߲߬.
ߥߊ߬ߥߎߟߋ߲ ߣߌ߲߬ ߞߍߣߍ߲߫ ߞߍ߲ߘߍߟߏ߲ ߂߀߂߅ ߘߓߊ߬ߕߊ ߕߟߋ߬ ߁߀ ߠߋ߬ ߡߊ߬ ߸ ߁߈ ߙߋ߲ ߝߊ߲߭ ߝߍ߬ ߞߌ߲߬ߘߊ ߞߐ߰ߘߎ߮ ߁( au quartier Nord 1) ߞߐ߬ߦߊ߫ ߞߊ߬ߝߏ߬ߙߋ߲ ߞߣߐ߫.
ߞߎ߲߬ߠߊ߬ߝߎߟߋ߲ ߛߐ߬ߘߐ߲߬ߣߍ߲߫ ߞߵߊ߬ ߦߌ߬ߘߊ߬ ߞߏ߫ : ߌߓߙߊߤߌߡߊ߬ ߡߊߝߌ߲߬ߣߍ߲߫ ߊ߬ ߕߍߣߍ߲߫ ߡߛߏ ߟߊ߫ ߜߋߟߋ߲ߜߋߟߋ߲߫ ߛߎ߲ߧߊߟߌ ߞߏ߫ ߟߋ߬ ߘߐ߫ ߸ߏ߬ ߡߍ߲ ߕߐ߯ ߞߏ߫ " ߝߊߕߎߡߊߕߊ߬ ߓߊߙߌ߫.
ߒ߬ߓߊ߬ ߸ߏ߬ ߟߋ߬ ߞߐߝߍ߬ ߛߊ߫ ߸ߏ߬ ߘߌߡߌ߲߫ ߦߟߍ߬ ߘߴߊ߬ ߝߣߊ߫ ߛߐ߲߬ߞߎ߲ ߠߊ߫ ߸ ߞߊ߬ ߞߐ߲߰ ߊ߬ ߞߍ߫ ߡߊ߬ ߞߊ߬ ߝߎߣߎ߲ߞߋ ߣߌ߲߬ ߖߊ߲߬ߞߕߊ ߘߊߡߌ߬ߣߊ߬. ߊ߬ ߓߊ߲߫ ߠߊ߫ ߝߣߊ߫ ߞߵߊ߬ ߕߏ߫ ߊ߬ ߞߐ߫ ߓߏ߲ߘߋ߲ ߞߣߐ߫ ߦߋ߲߬ ߞߊ߬ ߥߊ߫.
ߝߎߣߎ߲ߞߋ ߕߏߣߍ߲߫ ߓߏ߲ߘߋ߲ ߛߐ߰ߣߍ߲ ߞߣߐ߫ ߢߊ߫ ߏ߬ ߟߋ߬ ߡߊ߬ ،ߤߊ߲߯ ߕߊ ߞߊ߬ ߓߏ߲ߘߋ߲ ߡߌ߬ߣߊ߬ ߞߵߊ߬ ߕߘߍ߬ ߊ߬ ߕߍߣߍ߲߫ ߡߛߏ ߕߍ߫ ߟߎ ߞߣߐ߫.
ߏ߬ ߟߋ߬ ߞߍߣߍ߲߫ ߌߓߙߊߤߌߡߊ߬ ߖߊ߲ߟߏ߫ ߛߊ߬ ߢߊ߫ ߘߌ߫ ߛߍߣߍ߲߬.
ߥߊ߬ߥߎߟߋ߲ ߏ߬ ߟߋ߬ ߓߍ߯ ߞߐߝߍ߬ ߛߊ߫ ߸ ߞߐ߬ߦߊ߫ ߞߟߍ߬ߡߐ߰ߟߊ߫ ߞߵߌ ߕߍ߮ ߞߍ߫ ߓߐ߬ߟߐ߲߬ߞߊ߬ ߝߊߕߎߡߊߕߊ߬ ߓߊߙߌ߫ ߘߐ߫ ߸ ߖߐ߲߰ߛߊ߫ ߞߊ߬ ߞߏߢߊ ߕߐ߭ ߟߎ߬ ߛߍ߲߬ߛߍ߲߬. ߏ߬ ߓߟߏߡߊ߬ ߸ߊ߬ ߓߍߣߊ߬ ߦߌ߬ߘߊ߬ ߝߘߏ߬ߓߊ߬ ߞߕߌߦߟߊ߫ ߛߋߞߏߕߌ߮ ߟߊ߫ ߟߏ߲߫ ߣߊ߬ߕߐ ߟߎ߬ ߞߣߐ߫.
ߒ߬ߓߊ߬ ߸ ߞߵߊߟߎ߫ ߕߏ߫ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߞߣߍ ߞߊ߲߬ ߸ ߣߌ߫ ߡߍ߲ ߣߊ߬ ߘߊ߫ ߓߐ߫ ߊ߬ ߞߏߢߊ ߘߐ߫ ߸ ߊ߲ ߘߴߏ߬ ߞߌ߬ߦߊ߬ ߊߟߎ߫ ߡߊ߬.
silabosoona.com
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
