ߓߌ߬ ߂߀߂߅ ߘߓߊ߬ߕߊ ߕߟߋ߬ ߁߀ ߡߊ߬ ߸ߔߋߔߋ߫ ߓߟߊ߬ߡߎ߫ ߣߌ߫ ߛߌ߯ߙߌ߲߫ ߞߊ߬ߙߊ߲߬ߡߐ߮ ߟߎ߬ ߕߍ߬ߘߍ߫ ߟߊ߬ߘߍ߬ߓߊ ߟߋ߬ ߟߊ߫ ߛߌ߯ߙߌ߲߫ ߘߋ߲ߡߌߛߍ߲߫ ߓߏ߲ߓߊ ߞߣߐ߫ ߸ߟߊ߬ߘߍ ߞߎ߲߭ ߕߎ߲߬ ߕߍ߫ ߘߏ߫ ߜߘߍ߫ ߘߌ߫ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲ ߞߐ߫ ߸ߛߙߍߘߍߦߊߟߌ ߡߊ߬ߘߎ߮ ߘߐ߫ ߊ߬ ߣߌ߫ ߟߊ߬ߞߊ߬ߙߊ߲߬ߠߌ߲߬ߠߊ ߡߍ߲ ߠߎ߬ ߛߊ߬ߙߊ ߓߟߏߕߍ߰ߣߍ߲߫.
ߡߌ߬ߞߍߟ ߔߋߔߋ߫ ߓߟߊ߬ߡߎ߫ ߡߍ߲ ߦߋ߫ ߕߐ߰ߕߐ߰ߟߌ ߝߊ߬ߛߏ߬ߟߊ߬ߞߊ ߟߊ߬ߞߟߏ߬ߞߟߏ߬ߟߌ ߕߐ߲ ߝߘߏ߬ߓߊ߬ ߞߟߊ߬ߕߌ߮ ߘߌ߫ ߸ߏ߬ ߞߊ߬ ߞߙߊ߬ߡߐ߮ ߟߎ߬ ߘߐߛߎ߫ ߛߙߍߘߍߦߊߟߌ ߡߊ߬ ،ߞߏ߫ ߟߊ߬ߞߊ߬ߙߊ߲߬ߠߌ߲߬ߠߊ ߟߎ߬ ߘߏ߫ ߡߊ߫ ߓߐ߫ ߘߏ߫ ߘߐ߫ ߞߏ߫ ߓߍ߯ ߦߴߌ ߘߐߖߊ߬ ߞߴߌ ߣߴߌ ߞߐߙߍ ߟߎ߬ ߛߙߍߘߍߦߊ߫ ߊ߬ ߣߌ߫ ߞߊ߬ ߛߐ߬ߘߐ߲߬ߛߓߍ ߝߣߊ߫ ߢߌߣߌ߲߫ ߸ߞߏ߫ ߓߊߏ߬ ߣߴߌ ߞߵߊ߬ ߦߋ߫ ߗߐ߫ ߟߊ߬ߞߊ߬ߙߊ߲߬ߠߌ߲߬ߠߊ ߘߏ߫ ߟߎ߫ ߛߊ߬ߙߊ ߓߟߏߕߍ߰ߣߍ߲߫ ߸ߏ߬ ߡߊߛߐ߬ߘߐ߲߬ߣߍ߲ ߛߓߍߒߕߊ߲ߧߊ ߟߋ߬ ߞߏߛߐ߲߬. ߞߏ߫ ߞߎ߲߬ߠߊ߬ߛߌ߮ ߓߘߴߊ߬ ߓߟߏߡߦߊ߫ ߊ߬ߟߎ߬ ߦߋ߫ ߞߏ߫ ߊ߬ߟߎ߬ ߘߴߊ߬ߟߎ߬ ߡߊߘߍ߬ߡߍ߲߬ ߘߊ߲ߘߊߟߌ߫ ߞߏ ߡߊ߬ߘߎ߮ ߘߐ߫ ߸ߞߏ߬ߣߌ߲߬ ߡߊ߬ߘߍ߬ߡߍ߲߬ߠߌ߲ ߞߎ߲߬ߝߟߐ ߏ߬ ߘߊ߲߬ ߘߴߊ߬ߟߎ߬ ߟߊ߬ߞߊ߬ߙߊ߲߬ߠߌ߲߬ߠߊ ߟߎ߬ ߘߐߙߐ߲߫ ߠߋ߬ ߡߊ߬ ،ߓߊ߬ߙߌ߬ ߸ߊ߬ߟߎ߫ ߡߏ߬ߛߏ ߣߴߊ߬ߟߎ߬ ߘߋ߲ ߛߋ߲߬ ߡߊ߫ ߛߐ߬ߘߐ߲߫ ߊ߬ ߘߐ߫߸ߞߐߟߊ߫ ߞߏ߫ ߊ߬ߟߎ߬ ߞߵߊ߬ߟߎ߬ ߓߟߏߣߐ ߓߌ߬ߟߊ߬ ߛߓߍ ߡߍ߲ ،ߊ߬ ߛߓߍߣߍ߲߫ ߠߴߏ߬ ߘߐ߫ ߞߏ߫ ߊ߬ߟߎ߬ ߣߴߊ߬ߟߎ߬ ߞߐߙߍ ߢߐ߲߰ ߡߐ߰ ߟߏ߯ߟߎ߫ ߘߌ߫ ߡߊߘߍ߬ߡߍ߲߬ ߘߊ߲ߘߊߟߌ ߖߐ߬ߣߍ߲߫ ߞߏ ߘߐ߫ ߸ߟߊߒߡߊ߫ ߘߐ߫ ߞߏ߫ ߣߌ߫ ߓߊߛߌ߫ ߛߐ߲ߞߐ ߓߍ߲߬ ߘߊ߫ ߥߊ߯ ߗߡߍ߬ ߞߎ߲߬ߠߊ߬ߛߌ߮ ߘߌ߫ ߥߊ߯ ߓߌߛߋߦߌ߲߫ ߛߙߊ߬ ߊ߬ߟߎ߬ ߝߣߊ߫ ߘߴߊ߬ ߕߐ߬ ߥߊ߯ ߡߎ߬ߥߊ߲ ߛߙߊ߬. ߒ߬ߞߊ߬ ߸ߞߴߏ߬ ߕߴߛߋ߫ ߞߍ߫ ߟߊ߫ ߝߛߍߞߘߎ߫ ߣߌ߫ ߟߊ߬ߞߊ߬ߙߊ߲߬ߠߌ߲߬ߠߊ ߟߎ߬ ߡߊ߫ ߕߊ߯ ߊ߬ߟߎ߬ ߛߙߍߘߍߦߊ߫. ߞߏ߫ ߣߴߌ ߞߵߊ߬ ߦߋ߫ ߊ߬ߟߎ߬ ߝߣߊ߫ ߓߘߴߊ߬ߟߎ߫ ߛߋ߲߭ ߓߌ߬ߟߊ߬ ߛߙߍߘߍߦߊߟߌ ߞߏ ߘߐ߫ ،ߏ߬ ߡߊߛߐ߬ߘߐ߲߬ߣߍ߲߫ ߏ߬ ߟߋ ߝߍ߬.
ߟߊ߬ߞߊ߬ߙߊ߲߬ߠߌ߲߬ߠߊ߫ ߡߛߏ߬ߡߊ߲ ߘߏ߫ ߕߍ߬ߘߍ߫ ߦߋ߲߬ ߞߏ߫ ߊߦߌߛߊߕߊ߬ ߞߋߕߊ߬ ߸ߏ߬
ߛߌ߯ߙߌ߲߫ ߡߙߊ߬ߓߊ߰ߘߊ ߟߊ߬ߞߊ߬ߙߊ߲߬ߠߌ߲ ߗߋߕߌ߮ ߡߊ߬ߡߊߘߎ߬ ߕߎ߬ߙߋ ߝߣߊ߫ ߡߊ߫ ߕߏ߫ ߞߐ߫ ߛߙߍߘߍߦߊߟߌ ߛߏ߬ߓߌ߬ߟߊ߬ߞߎ߬ߣߎ߲߬ߠߌ߲ ߘߐ߫ ،ߊ߬ ߝߣߊ߫ ߞߎߡߊ߫ ߘߊ߫ ߞߏ߫ ߡߍ߲ ߝߐߣߍ߲߫ ߞߏ߫ ߓߍ߯ ߦߴߌ ߘߐߖߊ߬ ߞߙߊߕߊߕߊ߫ ߞߊ߬ ߓߏ߬ ߞߏ߬ ߛߎߣߊ߫ ߟߊ߫ ߞߴߏ߬ ߓߟߏߦߊ߫ ߛߊ߫ ߊ߬ߟߎ߬ ߢߌߣߌ߲ߞߏ ߘߌ߫ ߟߊߛߐ߬ߘߐ߲߬ ߣߐ߰ߦߊ߫ ߘߐ߫.
ߊߓߎߓߞߊߙ ߞߊ߬ߟߐ ߖߐ߲߬ߡߊ߬ߛߌߣߌ߲ߟߐ߲߫ ߓߟߏ߫
ߛߌߟߊߓߐߛߐ߯ߣߊ߫ ߞߐߦߌߘߊߓߊ߮ ߛߌ߯ߙߌ߲߫.
