ߡߊ߬ߛߎ߬ߓߊ߬ ߞߏ ߘߏ߫ ߟߋ߬ ߞߍߣߍ߲߫ ߖߋ߬ߟߌ߬ߓߟߊ߬ߞߊ ߟߎ߬ ߟߊ߫ ߟߎ ߘߏ߫ ߞߣߐ߫ ߟߎߥߌߖ߭ߌߦߊߣ߸ ߞߊ߬ߙߊ߲߬ߝߊ߫ ߛߊߡߌߍߟ ߋߥߍߣߌ߫ ߝߊ߱ ߞߐ ߘߐ߫ ߡߎ߬ߙߎ ߟߊ߫ ߊ߬ ߘߋ߲ߞߍ߫ ߊ߬ ߓߟߏ߫ ߂߀߂߅ ߣߍߣߍߓߊ ߕߟߋ߬ ߁߁ ߡߊ߬߸ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲ ߞߣߐ߫.
ߣߌ߲߬ ߞߍ߫ ߘߊ߫ ߣߐߙߑߟߍ߲߫ ߘߎ߱ ߟߋ߬ ߞߣߐ߫߸ ߗߍ߬ߡߐ߯ ߛߊ߲߬ ߇߅ ߟߋ߬ ߝߊ߰ ߘߴߊ߬ ߖߍ߬ߘߍ ߛߐ߬ߘߐ߲߬ ߘߋ߲ ߓߟߏ߫، ߗߍ߭ ߣߌ߲߬ ߕߐ߯ ߟߋ߬ ߞߏ߫ ߛߊߡߌߍߟ ߋߥߍߣߌ߫߸ ߊ߬ ߦߋ߫ ߡߐ߰ ߡߊߓߏ߲߬ߧߊ߬ߣߍ߲߬ߓߊ߫ ߟߋ߬ ߘߌ߫ ߛߎ߳ߖ߭ߍߙߣ ߖߊ߯ߓߘߊ ߟߊ߫، ߕߐ߲ߓߟߏߡߊ ߟߎ߬ ߟߊ߫ ߝߐߟߌ߫ ߘߐ߫߸ ߡߙߊ߬ߒ߬ߡߊ߬ߟߌ ߞߍ߫ ߘߊ߫ ߟߎ ߘߏ߫ ߟߋ߬ ߞߣߐ߫ ߔߍߓߐߟ ߘߑߙߊߦߝ߭ ߞߌ߲߬ߘߊ ߟߊ߫߸ ߂߂ߙߋ߲ ߝߊ߲߭ ߝߍ߬، ߥߛߊ߬ߘߊ߬ߕߌ߮ ߟߎ߬ ߥߊ߫ ߘߊ߫ ߞߊ߬ߙߊ߲߬ߝߊ ߖߐߞߌߣߍ߲߫ ߞߏߖߎ߮ ߟߋ߬ ߟߊߣߍ߲߫ ߛߐ߬ߘߐ߲߬߸ ߞߵߏ߬ ߟߴߊ߬ ߘߋ߲ߡߛߏߣߍ߲߫ ߡߐ߰ ߝߌ߬ߟߊ߫ ߞߊ߲߬߸ ߡߎ߬ߙߎ ߘߊߣߐ߫ ߛߌߦߊߡߊ߲߫ ߝߣߊ߫ ߕߘߍ߬ ߏ߬ ߟߎ߫ ߡߊ߬.
ߌߞߏߡߌ߲߬ ߘߋ߲ߡߛߏߣߍ߲ ߞߋߟߋ߲ ߠߊ߫ ߖߐߞߟߌ ߕߎ߲߬ ߡߊ߲߫ ߓߏ߲߬߸ ߏ߬ ߓߘߊ߫ ߓߐ߫ ߘߊ߲ߘߊߛߏ ߟߊ߫ ߕߋ߲߬߸ ߓߊ߬ߙߌ߬ ߞߋߟߋ߲ ߦߋ߫ ߦߋ߲߬ ߝߟߐ߫߸ ߘߊ߲ߘߊߟߌ ߘߊߞߘߐ߫، ߛߌߞߊ߫ ߞߍߣߍ߲߫ ߗߍ߭ ߘߋ߲ߞߍ߫ ߝߟߐ ߟߋ߬ ߡߊ߬ ߣߌ߲߬ ߞߏ ߘߐ߫߸ ߊ߬ߟߋ ߡߍ߲ ߛߊ߲߭ ߂߉ ߦߋ߫ ߕߋ߲߬߸ ߊ߬ ߕߐ߯ ߞߏ߫ ߗߞߎߥߋߓߎߞߊ ߋߥߍߣߌ߫، ߊ߬ ߟߊ߫ ߡߐ߱ ߟߎ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߣߊ߬ ߘߊ߫ ߥߎ߬ߙߊ ߝߍ߬ ߟߋ߬ ߕߋ߲߬߸ ߞߊ߬ ߡߎ߬ߙߎ ߕߊ߬ ߞߊ߬ ߕߌߢߍߟߌ ߣߌ߲߬ ߓߍ߯ ߞߍ߫߸ ߣߌ߫ ߞߎ߲߬ ߖߐ߲ߖߐ߲߫ ߕߍ߫߸ ߢߊߝߐߟߌ߫ ߞߟߊ߬ߟߡߊ߬ ߝߣߊ߫ ߕߍ߫، ߊ߬ ߟߊ߫ ߡߐ߰ ߛߌߦߊߡߊ߲߫ ߠߊ߫ ߝߐߟߌ߫ ߘߐ߫߸ ߞߏ߫ ߊ߬ ߤߊ߲ߞߟߌ߫ ߞߏ ߕߍ߫ ߢߊ ߏ߬ ߡߊ߬߸ ߓߊ߬ߙߌ߬ ߊ߬ ߕߎ߲߬ ߡߊ߫ ߣߌ߲߬ ߞߏ߫ ߛߎ߮ ߢߐ߲߰ ߞߍ߫ ߡߎߣߎ߲߬߸ ߊ߬ ߟߐ߲ߣߍ߲߫ ߕߴߊ߬ ߘߐ߫ ߞߘߐ߬ߡߊ߲߬، <<ߊ߲ ߡߴߊ߬ ߟߐ߲߫ ߡߍ߲ ߞߵߊ߬ ߟߐ߬ ߣߌ߲߬ ߞߏ߫ ߛߎ߮ ߟߊ߫.>> ߊ߬ ߟߊ߫ ߡߐ߱ ߘߏ߫ ߟߋ߬ ߞߊ߬ ߣߌ߲߬ ߝߐ߫ ߟߎߖ߭ߌߦߣߊ߫ ߖߌ߬ߦߊ߬ߞߊ߲߬ߛߏ ߘߏ߫ ߟߊ߫.
ߞߊ߲ߡߋߙߋ߲ ߓߊ߲ ߞߐ߫ ߕߌߢߍߟߌ ߣߌ߲߬ ߓߍ߯ ߞߍ߫ ߟߊ߫߸ ߊ߬ ߕߊ߯ ߘߴߊ߬ ߖߘߍ߬ ߡߊߟߐ߬ ߣߐߙߑߟߍ߲߫ ߕߟߋ߬ߓߐ ߘߊ߲ߘߊߛߏ ߟߊ߫߸ ߊ߬ ߘߊ߬ߙߌ߬ߣߍ߲߬ ߥߊ߫ ߟߊ߫ ߦߋ߲߬ ߡߍ߲ ߘߐ߫ ߊ߬ ߖߘߍ߬ ߦߋ߫ ߛߐ߲߬߸ ߣߴߊ߬ ߛߌߞߊ߫ ߘߴߊ߬ ߤߊߞߟߌ߫ ߟߊ߫ ߝߌߙߌ߲ߝߌߙߌ߲߫ ߞߏ ߡߊ߬، ߊ߬ ߥߊ߫ ߘߊ߫ ߟߋ߬ ߦߋ߲߬߸ ߊ߬ ߡߴߊ߬ ߝߐ߫ ߏ߬ ߟߎ߬ ߦߋ߫ ߊ߬ ߣߐ߬ ߕߌߢߍߟߌ ߡߍ߲ ߞߍ߫ ߟߊ߫߸ ߤߊ߲߯ ߏ߬ ߟߎ߫ ߞߵߊ߬ ߕߊ߬ ߞߵߊ߬ ߟߊߕߊ߯ ߘߊ߲ߘߊߛߏ߫ ߜߘߍ߫ ߟߊ߫ ߖߋߝߍߙߑߛߐ߲ ߔߋߙߌߛ߭߸ ߡߍ߲ ߠߎ߬ ߓߟߏߡߊߞߊ߬ߣߴߊ߬ ߞߏ߫ ߛߎ߮ ߞߊ߲ߡߊ߬، ߊ߬ ߕߏ߫ ߘߊ߫ ߦߋ߲߬ ߠߋ߬ ߛߍߣߍ߲߬߸ ߕߐ߲ߓߟߏߡߊ ߟߎ߬ ߞߵߊ߬ ߡߊߞߟߌ߫ ߏ߬ ߘߎ߰ߛߊ߬ߜߍ.
ߣߐߙߑߟߍ߲߫ ߝߊ߰ߡߊ ߟߎ߬ ߞߵߊ߬ ߟߊߕߍ߰ ߞߏ߫ ߗߞߎߥߋߓߎߞߊ ߋߥߍߣߌ߫ ߓߘߊ߫ ߣߐ߬ߝߍ߬ߜߍ߲߫ ߡߎ߬ߕߎ߲߬߸ ߡߐ߰ ߝߊ߰ ߞߏ ߞߊߓߋ߫ ߝߌߟߊߣߊ߲ ߘߐ߫߸ ߊ߬ ߣߌ߫ ߝߊ߰ߟߌ ߛߎߡߊ߲ߒߘߐ߫ ߝߌ߬ߟߊ߬ ߜߘߍ߫ ߘߐ߫ ߞߊߓߋ߫ ߝߌߟߊߣߊ߲ ߠߊ߫، ߢߊߢߌߣߌ߲ ߘߏ߫ ߛߌ߰ ߘߊ߫ ߛߋ߲߬ߠߊ߫ ߌߞߘߐ߫߸ ߊ߬ ߞߏ ߘߐߘߎ߲߬ߧߊ߬ ߞߊ߲ߡߊ߬߸ ߖߐ߲߰ߛߴߊ߬ ߞߍߢߊ߫ ߖߐ߲ߖߐ߲ ߘߌ߫ ߟߐ߲߫߸ ߞߵߊ߬ ߟߐ߲߫ ߡߎ߲߬ ߞߋߟߋ߲߫ ߕߊ߬ߡߌ߲߬ߣߍ߲߬.
ߞߊ߬ߙߊ߲߬ߝߊ߬ ߛߊߡߌߍߟ ߋߥߍߣߌ߫ ߟߊ߫ ߛߊ߬ߦߊ ߞߍߣߍ߲߫ ߥߏ߬ߓߊ߫ ߟߋ߬ ߟߊߞߊ߭ ߛߓߊߓߎ ߘߌ߫ ߛߎ߳ߖ߭ߍߙߣ ߖߊ߯ߓߘߊ ߟߊ߫߸ ߝߏ߫ ߛ߭ߊ߲ߛߋߟߌߦߋ ߖ߭ߏ߬ߗ߭ߍߝ ߓߎߥߌ߫ ߖߣߌߦߐߙ ߞߵߊ߬ ߝߐ߫ ߞߏ߫: <<ߞߏ߲߬ߓߏ ߋߥߍߣߌ߫ ߕߎ߲߬ ߕߍ߫ ߟߊ߬ߞߟߏ߬ߞߟߏ߬ߟߌ߬ߟߊ ߘߐߙߐ߲߫ ߘߌ߫ ߘߋ߬߸ ߊ߬ ߕߘߍ߬ ߦߋ߫ ߞߣߐߜߍߣߍ߲߫ ߟߊ߬ߟߌ߬ߟߌ߬ߟߊ ߟߋ߬ ߘߌ߫߸ ߡߍ߲ ߕߘߍ߬ ߦߋߟߋ߲ ߘߌ߫ ߞߊ߬ߙߊ߲߬ߠߊ߬ߘߋ߲ ߠߎ߬ ߦߋ߫.>> ߊ߬ ߞߊ߬ ߗߍ߭ ߝߏ߬ ߊ߬ ߟߊ߫ ߘߐ߬ߖߊ ߟߊ߫ ߊ߬ߟߎ߬ ߟߊ߫ ߖߊ߯ߓߘߊ ߞߣߐ߫߸ ߊ߬ ߞߵߊ߬ ߕߋ߬ߟߋ ߞߍ߫ ߟߋ߬ ߦߋ߲߬ ߝߛߊߦߌ߫.
ߡߊ߬ߛߎ߬ߓߊ߬ ߞߏ ߡߍ߲ ߣߐ߬ ߖߋ߬ߟߌ߬ߓߊ߬ߟߊ߫ ߕߎ߲ߞߊߙߊ߲ߞߋ ߟߎ߬ ߟߊ߫ ߘߋ߲ߓߦߊ ߘߏ߫ ߡߊߛߐ߬ߘߐ߲߬ ߠߊ߫ ߣߌ߲߬߸ ߊ߬ ߡߊ߫ ߘߌߦߊ߫ ߖߋ߬ߟߌ߬ߓߟߊ߬ߞߊ߬ ߛߌ߫ ߦߋ߫ ߦߋ߲߬߸ ߊ߬ ߜߊ߬ ߘߴߊ߬ߟߎ߬ ߟߊ߫ ߟߋ߬ ߢߊ ߓߍ߯ ߡߊ߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
