ߛߣߍ߬ߜ߭ߊߟߌ߫ ߖߡߊ߬ߣߊ ߞߣߐ߸ ߞߕߌߕߍ߯ߟߊ ߓߘߴߊ߬ ߕߍ߯ ߟߊ߫߸ ߛߍߝߊ ߥߊߘߌ ߡߟߌߦߏ߲߫ ߁߅߀ ߣߌ߫ ߞߐ ߟߋ߬ ߞߊ߲߬، ߞߙߏߣߊ߫ ߞߟߍ߬ ߣߊ߲߬ߝߟߏ ߟߎ߬ ߞߎ߲߬ߡߙߎ߬ߟߌ ߢߊߢߌߣߌ߲ߣߍ߲߫ ߠߎ߬ ߞߣߐ߫߸ ߡߐ߰ ߂߇ ߟߋ߬ ߡߌ߬ߘߊ߬ߣߍ߲߫ ߊ߬ ߞߏ ߘߊߞߘߐ߫ ߝߟߐ߫، ߝߣߊ߫ ߞߊ߲ߕߌ߯ ߞߘߐ ߞߏߕߌ߮ ߟߏ߯ߟߎ߫ ߟߋ߬ ߝߣߊ߫ ߡߊߝߌ߲߬ߣߍ߲߫ ߊ߬ ߞߏ ߘߐ߫߸ ߞߏߕߌ߯ ߡߊߝߌ߲߬ߣߍ߲ ߠߎ߬ ߞߏ߬ߣߌ߲ ߕߐ߮ ߟߎ߬ ߡߊ߫ ߟߊ߫ ߞߣߍ ߞߊ߲߬ ߞߕߌߕߍ߯ߟߊ ߟߎ߬ ߓߟߏ߫.
ߞߕߌߕߍ߯ߟߊ ߟߊ߫ ߝߐߟߌ߫ ߘߐ߫ ߞߏ߫ ߣߌ߲߬ ߞߏ߬ߣߌ߲ ߞߏ ߟߎ߬ ߦߋ߫ ߝߊ߲߬ߞߊ߬ ߞߘߐ ߞߏߕߌ߯ߘߊ ߛߋߦߌ߲߫ ߠߋ߬ ߞߎ߲߭ ߞߊ߲߬߸ ߣߴߏ߬ ߘߏ߫ ߦߋ߫ ߘߎ߰ߞߘߐ߬ ߣߊ߲ߝߟߏ߬ߡߊ߬ ߝߋ߲ ߠߎ߬ ߣߌ߫ ߛߋߞߏߦߊ ߟߎ߬ ߣߌ߫ ߟߐ߲ߞߏ ߟߎ߬ ߘߎ߰ߘߋ߲ ߠߎ߬ ߟߊ߫ ߞߏߕߌ߯ߘߊ ߊ߬ ߣߌ߫ ߝߊ߬ߘߌ߬ߡߊ߬ߞߟߏ߬ ߕߏߟߏ߲ ߠߎ߬߸ ߞߍ߲ߘߍߦߊ ߡߏ߬ߛߏ ߟߎ߬߸ ߤߊ߲߯ ߞߣߊ߬ ߛߋ߫ ߖߡߊ߬ߣߊ ߞߎߓߋߘߊ ߡߌߛߍ߲ ߠߎ߬ ߣߴߊ߬ ߓߏ߲߬ߓߊ ߟߎ߬ ߟߊ߫ ߞߏߕߌ߯ߘߊ ߟߎ߬….
ߞߕߌߕߍ߯ߟߊ ߟߎ߬ ߟߊ߫ ߝߐߟߌ߫ ߘߐ߫߸ ߢߊߢߌߣߌ߲ߠߌ߲ ߠߎ߬ ߞߏ߬ߣߌ߲߬ ߦߋ߫ ߛߋ߲߬ߠߊ߫ ߤߊߟߌ߬ ߓߌ߬، ߢߊߢߌߣߌ߲ߠߌ߲߫ ߞߎ߲߬ߝߟߐ ߟߎ߬ ߞߏ߬ߣߌ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߕߍ߮ ߓߘߊ߫ ߟߊ߫ ߛߍߝߊ߫ ߥߊߘߌ ߡߟߌߦߏ߲߫ ߁߅߀ ߣߌ߫ ߞߐ߫ ߢߐ߲߰ ߞߊ߲߬߸ ߊ߬ ߣߌ߫ ߞߊ߬ ߕߍ߯ ߟߊ߫ ߡߐ߰ ߂߇ ߝߣߊ߫ ߘߐ߫، ߏ߬ ߥߊߘߌ߫ ߞߏߝߐߣߍ߲ ߡߍ߲ ߕߘߍ߬ ߦߋ߫ ߥߊ߫ ߟߴߊ߬ ߟߐ߬ ߟߊ߫ ߛߍߝߊ ߥߊߘߌ ߡߟߌߦߊߙߌ߫ ߞߋߟߋ߲߫ ߘߐ߫߸ ߓߊߏ߬߸ ߏ߬ ߟߋ߬ ߟߊߓߌ߬ߟߊ߬ߣߍ߲߫ ߕߘߍ߬ ߦߋ߫ ߞߎ߲߬ߠߊ߬ߛߌ߮ ߟߎ߬ ߓߟߏ߫.
ߛߊ߫ ߞߴߏ߬ ߞߍ߫ ߞߊ߬ ߞߙߏߣߊ ߞߟߍ߬ ߊ߬ߟߎ߬ ߟߊ߫ ߖߣߊ߬ߡߊ ߞߣߐ߫߸ ߂߀߂߀ ߠߋ߬ ߟߊ߫ ߣߌ߲߬ ߦߙߎ߬ߞߎ߬ߦߙߎߞߎ ߣߴߊ߬ ߜߏ߬ߙߏ߲߬ߜߊߙߊ߲ ߟߎ߬ ߓߍ߯ ߘߊ߬ߡߌ߬ߣߊ߬ߣߍ߲߫ ߏ߬ ߟߋ߬ ߟߊ߫߸ ߝߏ߫ ߞߣߵߊ߬ ߛߌ߰ ߂߀߂߁ ߠߊ߫، ߟߊ߬ߞߊߙ ߞߕߌ߫ ߓߏ߲ߓߊ ߖߞߌߣߊ߫ ߞߕߌߕߍ߯ߟߊ ߞߏ߬ߣߌ߲ ߞߵߊ߬ ߦߌ߬ߘߊ߬ ߞߏ ߣߌ߲߬ ߘߐ߫߸ ߞߏ߫ ߊߟߊߞߏ߬ ߣߌ߲߬ ߢߊߢߌߣߌ߲ߠߌ߲ ߠߎ߬ ߛߓߍ ߦߋ߫ ߓߐ߫ ߞߊ߬ ߛߋ߫ ߥߛߊ߬ߓߏߟߏ߲ ߠߊ߫߸ ߝߏ߫ ߥߛߊ߬ߘߋ߲ ߠߎ߬ ߦߋ߫ ߞߎߡߴߊ߬ ߞߊ߲߬ ߠߋ߬ ߞߵߊ߬ߟߎ߫ ߝߍ߬ߟߊ ߝߐ߫ ߊ߬ ߞߏ ߞߊ߲߬، ߏ߬ ߓߊ߯ ߞߍ߫ ߞߏߕߌ߯ ߟߏ߯ߟߎ߫ ߡߍ߲ ߠߎ߬ ߡߊߝߌ߲߬ߣߍ߲߫ ߊ߬ ߞߏ ߘߐ߫߸ ߛߊ߫ ߏ߬ ߟߎ߬ ߘߌ߫ ߛߋ߫ ߞߊ߬ ߟߊߕߊ߬ߡߌ߲߬ ߞߕߌ ߘߊߞߘߐ߫.
ߟߊ߬ߛߏ ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫
