ߞߵߊ߬ ߓߍ߲߬ ߕߟߋ߬ߖߌ߰ߟߊ߫ ߝߐ߰ߓߍ߬ߞߊ߲ߞߋ ߛߌߦߊߡߊ߲߫ ߠߊ߫ ߟߞߊ߬ߟߌ߬ߞߊ߲߬ߠߊ߫ ߕߎ߬ߢߊ߬ ߕߣߊ ߟߎ߫ ߡߊ߬߸ ߡߊ߬ߟߌ ߞߐߞߊ߲ߞߏ ߟߎ߬ ߞߏߕߌ߮ ߓߘߊ߫ ߡߙߌߦߊ߫ ߝߛߐߞߐߙߌ ߏ߬ ߟߎ߬ ߓߍ߯ ߛߋ߲߬ߞߘߐ߬ߡߊߕߍ߰߸ ߞߵߊ߬ ߦߌ߬ߘߊ߬ ߞߏ߫ ߖߘߐ߬ ߛߌ߫ ߕߍ߫ ߓߡߊ߬ߞߐ߫ ߞߊ߲߬، ߏ߬ ߞߍ߫ ߘߊ߫ ߝߐ߰ߓߍ߬ ߜߙߊ ߘߏ߫ ߟߋ߬ ߘߐ߫ ߣߍߣߍߓߊ ߕߟߋ߬ ߁߂ ߡߊ߬ ߓߡߊ߬ߞߐ߬߸ ߊߓߘߎߟߊߦߌ߫ ߖߐߔ ߞߵߊ߬ ߦߌ߬ߘߊ߬ ߞߏ߫ <<ߞߎ߲߬ߘߐ߬ߕߍ߰>> ߞߎߡߊ ߟߎ߫ ߟߋ߬ ߘߐߙߐ߲߫ ߦߴߌߘߐ߫߸ ߊ߬ ߞߵߊ߬ ߦߌ߬ߘߊ߬ ߝߣߊ߫ ߞߏ߫ ߡߊ߬ߟߌ ߣߊ߲߬ߕߌ߮ ߟߎ߬ ߞߢߊ߬ߡߊ߬ ߞߏ߫ ߕߴߦߋ߲߬ ߤߊ߲߯ ߕߋ߲߬.
ߕߟߋ߬ߖߌ߰ߟߊ߫ ߖߡߊ߬ߣߊ ߘߏ߫ ߟߎ߫ ߦߴߊ߬ ߢߌߣߌ߲ ߞߊ߲߬ ߊ߬ߟߎ߬ ߟߊ߫ ߖߡߊ߬ߣߊ߬ߘߋ߲ ߠߎ߬ ߝߍ߬ ߞߏ߫ ߊ߬ߟߎ߬ ߦߋ߫ ߓߐ߫ ߡߊ߬ߟߌ ߟߊ߫߸ ߒ߬ߓߊ߬ ߓߡߊ߬ߞߐ߫ ߝߊ߰ߡߊ ߟߎ߬ ߓߘߊ߫ ߕߡߊ߬ߖߌ ߓߐ߫ ߓߍ߯ ߘߐ߫، ߞߐߞߊ߲ߞߏ ߟߎ߬ ߞߏߕߌ߮ ߊߓߘߎߟߊߦߌ߬ ߖߐߔ ߞߵߊ߬ ߦߌ߬ߘߊ߫ ߝߐ߰ߓߍ߬ ߜߙߊ ߘߏ߫ ߟߋ߬ ߘߐ߫߸ ߞߏ߫ ߕߡߊ߬ߖߌ ߦߋ߫ ߓߐ߫ ߓߍ߯ ߘߐ߫߸ ߖߘߐ߬ ߛߌ߫ ߕߍ߫ ߓߡߊ߬ߞߐ߬ ߟߊߡߌߣߌ߲ ߞߊ߲߬.
ߊ߬ ߞߵߊ߬ ߦߌ߬ߘߊ߬ ߞߏ߫: <<ߊ߲ ߘߴߊ߲ ߠߊ߫ ߖߡߊ߬ߣߊ ߡߊߞߊ߲ߞߊ߲߫، ߛߋߞߏߦߊ ߘߏ߫ ߟߎ߫ ߦߴߊ߲ ߠߊ߫ ߣߊ߲߬ߕߌ߮ ߟߎ߬ ߟߊ߫߸ ߡߍ߲ ߘߌ߫ ߛߋ߫ (ߖߎ߮ ߟߎ߬) ߕߏ߲ߓߐ߫ ߟߊ߫ (ߞߵߊ߬ߟߎ߬ ߓߊ ߓߐ߫ ߊ߬ߟߎ߫ ߡߊ߬)، ߡߊ߬ߟߌ ߕߍ߫ ߛߙߌ߫ ߘߌ߫߸ ߊ߬ ߕߍ߫ ߊߝߎߞߊ߲߫ ߘߌ߫، ߡߍ߲ ߠߎ߬ ߦߋ߫ ߞߎ߲߬ߘߐ߬ߕߍ߰ ߞߎߡߊ ߏ߬ ߟߎ߫ ߞߊ߲߬߸ ߏ߬ ߟߎ߬ ߦߴߊ߬ߟߎ߬ ߢߊ ߡߊߞߊ߬ ߛߍߣߍ߲߬ ߘߏߣߍ߲߫.>> ߞߏߕߌ߮ ߟߋ߬ ߞߊ߲߫ ߕߋ߲߬߸ ߞߵߊ߬ ߓߍ߲߬ ߡߐ߰ ߟߎ߫ ߖߋ߬ߓߌ ߡߊ߬߸ ߡߍ߲ ߠߎ߬ ߦߋ߫ ߞߊ߲߬ ߞߵߊ߬ ߟߞߊ߬ߟߌ߬ ߞߏ߫ ߓߡߊ߬ߞߐ߬ ߓߘߊ߫ ߡߌ߬ߘߴߊ߬ ߞߊ߲ߘߎ߮ ߟߊ߫ ߓߊ߰ߓߊ߰ߟߌ߬ߟߊ ߟߎ߬ ߓߟߏ߫.
ߞߵߊ߬ ߓߍ߲߬ ߜߘߋߜߘߋߦߊ߫ ߞߙߎ߫ ߛߌ߬ߟߊ߬ߡߊ ߟߎ߬ ߣߌ߫ ߛߌ߬ߟߡߊ߬ߦߊ ߞߐߡߊߓߌ߲ߓߌ߲߫ ߞߙߎ ߘߏ߲߬ߞߏ ߟߎ߬ ߟߊ߫ ߓߡߊ߬ߞߐ߬ ߡߌ߬ߘߊ߬ ߞߏ ߡߊ߬߸ ߞߏߕߌ߮ ߞߵߏ߬ ߝߐߓߊ߮ ߟߎ߫ ߖߊ߬ߕߋ߫ ߝߊ߬ߣߊ ߟߎ߫ ߟߋ߬ ߘߌ߫߸ ߊ߬ ߣߌ߫ ߕߊߛߎߟߊ ߟߎ߬" <<ߘߟߊߘߛߌ ߣߌ߲߬ ߟߊ߬ߢߌߣߌ߲ ߕߎ߲߬ ߕߍ߫ ߘߏ߫ ߜߘߍ߫ ߘߌ߫߸ ߞߊ߬ ߖߊ߭ ߟߊߢߌߣߌ߲߫ ߘߐߙߐ߲߫߸ ߛߊ߫ ߞߊ߬ ߞߎ߲߬ߠߊ߬ߛߌ߮ ߟߊߓߋ߬، ߓߊ߬ߙߌ߬߸ ߒ߬ ߠߊ߫ ߖߡߊ߬ߣߊ߬ߘߋ߲ ߠߎ߬ ߞߵߊ߬ߟߎ߬ ߟߊ߫ ߓߊߘߋ߲ߧߊ ߞߊߙߌ߫ ߕߍ߯ ߝߙߍ ߏ߬ ߟߎ߬ ߢߊߦߋ߫߸ ߊ߬ߟߎ߫ ߘߏ߲߬ ߦߴߊ߬ߟߎ߬ ߟߊ߫ ߞߏ ߟߎ߬ ߞߊ߲߬ ߊ߬ ߢߌ߬ߡߊ ߟߊ߫: ߊ߬ߟߎ߬ ߦߋ߫ ߥߊ߫ ߟߊ߫ ߞߊ߬ߙߊ߲߬ߕߊ ߟߊ߫߸ ߞߵߊ߬ߟߎ߬ ߟߊ߫ ߓߏ߬ߙߌ ߟߎ߬ ߞߍ߫߸ ߞߵߊ߬ߟߎ߬ ߟߊ߫ ߓߊ߯ߙߊ ߟߎ߬ ߞߍ߫.>>
ߞߏߕߌ߮ ߞߵߊ߬ ߟߊ߫ ߞߎߡߊ ߞߣߐ ߟߊߥߙߊ߬ ߝߣߊ߫߸ ߞߵߊ߬ ߦߌ߬ߘߊ߬ ߞߏ߫ ߞߟߍ߬ ߛߌߦߊߡߊ߲߫ ߠߋ߬ ߦߴߊ߬ߟߎ߫ ߞߊ߲߬، ߊ߬ߟߋ ߟߊ߫ ߝߐߟߌ߫ ߘߐ߫߸ ߡߊ߬ߟߌ ߦߋ߫ ߛߊߓߎߖߎ߯ߦߊ߫ ߥߊߟߋ ߟߋ߬ ߕߍߡߊ߬߸ ߡߍ߲ ߞߍߓߊ߮ ߟߎ߬ ߕߍ߫ ߞߍ߬ߟߍ ߞߍ߫ ߟߊ߫ ߝߊ߲ߞߊߢߊ߲߫߸ ߓߊ߬ߙߵߊ߬ߟߎ߬ ߦߋ߫ ߕߊ߬ߡߌ߲߬ ߠߊ߫ ߕߎ߫ ߟߋ߬ ߞߕߐ߫߸ ߞߵߊ߬ߟߎ߫ ߘߏ߲߬ ߥߏ ߢߌߣߌ߲߫ <<ߊ߲ ߧߋ߫ ߞߍ߬ߟߍ߫ ߟߋ߬ ߘߐ߫߸ ߡߍ߲ ߦߋ߫ ߟߐ߬ߒ߬ߞߋ߬ߟߊ߬ ߞߟߍ ߘߌ߫، ߝߊ߲߬ߞߊ߬ߡߊ ߘߏ߫ ߟߎ߫ ߦߋ߲߬߸ ߏ߬ ߟߎ߬ ߕߍ߫ ߛߴߊ߲ ߞߟߍ߬ ߟߊ߫ ߜߍ ߘߐ߫ ߝߊ߲ߞߊߢߊ߲߫߸ ߊ߬ߟߎ߬ ߦߋ߫ ߓߐ߫ ߟߊ߫ ߝߙߍ߬ ߜߘߍ߫ ߟߎ߫ ߘߌ߫ ߏ߬ ߟߋ ߘߐ߫ ߞߵߊ߲ ߞߟߍ߬ ߢߊ߫ ߜߘߍ߫ ߟߎ߫ ߡߊ߬، ߓߊ߬ߙߌ߬ ߥߊߦߌߞߊ߫߸ ߡߊ߬ߟߌ ߘߌ߫ ߕߊ߬ߡߌ߲߫ ߜߟߍ߬ߦߊ ߣߌ߲߬ ߓߍ߯ ߘߐ߫߸ ߊ߲ ߘߴߊ߬ ߟߊߕߊ߬ߡߌ߲߬ ߗߐ߫ ߞߊ߬ ߢߝߍߟߊ ߡߊߜߍ߲߫.>> ߊ߬ ߞߵߏ߬ ߟߋ ߝߐ߫.
ߊ߬ ߞߊ߬ ߟߊ߬ߝߐ߬ ߞߎߡߊ ߘߏ߫ ߟߎ߫ ߣߊ߬ߞߊߘߌ߫߸ ߡߍ߲ ߠߎ߬ ߦߋ߫ ߝߐ߫ ߟߊ߫ ߞߐߞߊ߲߫ ߡߐ߮ ߟߎ߬ ߓߟߏ߫: <<ߣߴߊ߬ߟߎ߫ ߞߊ߬ ߖߌ߰ߟߌ߬ ߞߎߡߊ ߘߏ߫ ߟߎ߫ ߝߐ߫ ߞߵߊ߬ ߓߍ߲߬ ߓߡߊ߬ߞߐ߫ ߡߌ߬ߘߊ߬ ߞߏ ߡߊ߬߸ ߏ߬ ߟߎ߬ ߞߊ߫ ߞߊ߲߫ ߞߵߊ߬ߟߎ߫ ߖߘߍ߬ ߡߊߢߌ߬ߣߌ߲߬ߞߊ߬ ߡߎߣߎ߲߬߸ ߏ߬ ߛߋߕߐ߫ ߞߍ߫ ߟߊ߫ ߘߌ߬߸ ߊ߬ ߣߌ߫ ߡߎ߲߬ ߞߏߛߐ߲߬، ߞߎߡߊ߫ ߛߌߦߊߡߊ߲߫ ߠߋ߬ ߝߐ߫ ߟߊ߫ ߞߐߞߊ߲߫ ߡߐ߮ ߟߎ߬ ߓߟߏ߫߸ ߏ߬ ߟߎ߬ ߦߋ߫ ߞߎ߲߬ߘߐ߬ߕߍ߮ ߣߌ߫ ߖߌ߰ߟߌ ߟߋ߬ ߘߐߙߐ߲߫ ߘߌ߫.>>
ߊߓߘߎߟߊߦߌ߬ ߖߐߔ ߞߵߊ߬ ߦߌ߬ߘߊ߬ ߞߏ߫ ߡߊ߬ߟߌ ߟߊ߫ ߘߊ ߟߊߞߊ߬ߣߴߊ߬ ߞߏߟߊߘߍߢߐ߲߮ ߓߍ߯ ߦߋ߫߸ ߦߏ߫ ߊߡߙߌߞߌ߬ ߞߊ߬ߝߏ߫ ߘߍ߬ߣߍ߲، ߊ߬ ߞߏ߬ߣߌ߲ ߡߊ߫ ߛߐ߲߬ ߞߎߡߊ߫ ߟߊ߫ ߘߊߘߐߖߊߥߏ ߘߏ߫ ߞߣߐߘߐ ߞߊ߲߬ ߕߋ߲߭ߕߋ߲߭ ߣߌ߲߬ ߘߐ߫߸ ߞߵߊ߬ ߓߍ߲߬ ߖߡߊ߬ߣߊ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߣߌ߫ ߟߊ߬ߞߊ߲߬ߘߊ߬ߟߌ ߞߏߢߊ ߘߏ߫ ߟߎ߫ ߡߊ߬.
ߟߏ߲ߞߊߛߌߦߊ߫ ߞߡߊ߬߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
