ߖߋ߬ߟߌ߬ߓߊ߬ߘߎ߯ ߞߎ߲߬ߠߊ߬ߛߌ߮ ߓߘߊ߫ ߛߊ߬ߙߌ߬ߦߊ߬ ߞߎߘߊ߫ ߟߎ߫ ߕߊ߬ߟߌ ߟߊ߬ߛߋ߬ߟߌ ߞߍ߫ ߊ߬ߟߎ߬ ߟߊ߫ ߂߀߂߅ ߕߙߊߓߊ ߁߈ ߞߏߕߌ߯ ߟߊߘߍ ߘߐ߫߸ ߡߍ߲ ߓߍ߲߬ߣߍ߲߬ ߕߊߖߌߞߏ ߓߊ߯ߙߊߢߐ߲߯ߦߊ ߡߵߊ߬ߟߎ߬ ߣߌ߫ ߛߌߣߌ߲߬ ߕߊߖߌߞߏ ߞߏߟߊߘߍ ߝߊ߬ߛߏ߬ߟߊ߬ߞߊ (ߛ.ߕ.ߞ.ߝ) ߕߍ߫. ߡߙߌߘߐ ߏ߬ ߟߎ߫ ߕߊ߬ߟߌ ߡߊߛߐ߬ߘߐ߲߬ߣߍ߲߫ ߛߊ߬ߙߌ߬ߦߊ߬ ߛߐ߬ߛߐ߬ߞߏ ߘߏ߫ ߟߎ߬ ߟߋ߬ ߟߊߞߙߐ߬ߛߌ ߘߐ߫ ߝߊ߬ߛߏ ߞߣߐߝߋ߲ ߠߎ߬ ߢߊߓߐߟߌ ߓߊ߯ߙߊ ߛߋ߲߭ߝߍ߬.
ߖߋ߬ߟߌ߬ߓߊ߬ߘߎ߯ ߝߊ߰ߡߊ ߟߎ߫ ߞߊ߬ ߖߙߊ߬ߞߌ߬ߟߌ ߟߊߛߋ߫ ߛ.ߕ.ߞ.ߝ ߡߊ߬ ߞߏ ߡߍ߲ ߘߐ߫߸ ߏ߬ ߟߋ߬ ߓߊ߯ߙߊߢߐ߲߯ߦߊ ߘߐ߫ ߓߍ߲߬ߞߊ߲߬ ߛߓߍ ߟߎ߫ ߝߊ߰ߡߎ߲߬ ߞߏ߬ߖߎ߮ ߘߌ߫ ߊ߬ߟߎ߬ ߓߟߏ߫، ߊ߬ ߣߴߊ߬ߟߎ߬ ߞߍߓߊߟߌߦߊ ߞߵߊ߬ߟߎ߬ ߕߍߛߘߌ߬ ߞߏߢߊ߫ ߘߐߛߘߊߣߍ߲ ߠߎ߬ ߡߊߓߏ߲߬ߧߊ߬ߟߌ ߟߊ߫. ߞߎ߲߬ߠߊ߬ߛߌ߮ ߞߵߊ߬ߟߎ߬ ߟߊ߫ "ߣߐ߬ߡߊ߬ߖߎ߰ߦߊ ߟߎ߬" ߣߴߊ߬ߟߎ߬ ߟߊ߫ "ߛߓߍ߬ߘߏ߲߬ߓߊ߬ߟߌ߬ߦߊ ߜߍߘߐߕߊ" ߦߌߘߊߞߊ߬ ߝߣߊ߫، ߞߏ߫ ߊ߬ߟߎ߬ ߦߴߊ߬ߟߎ߫ ߓߍ߲߬ ߛߊ߬ߙߌ߬ߦߊ߬ ߟߊߘߊ߲ߣߍ߲ ߠߎ߫ ߡߊ߬.
ߊ߬ ߦߋ߫ ߞߎ߬ߙߎ߲߬ߘߎ߫ ߕߊ߬ߣߍ߲ ߠߎ߬ ߘߐ߫߸ ߞߏ߫ ߞߊ߬ :
- - ߞߊ߬ ߓߊ߯ߙߊߘߋ߲߫ ߣߊ߬ߣߍ߲߫ ߠߎ߬ ߣߌ߫ ߣߌߗ߭ߍߙߑߞߊ ߟߎ߬ ߓߍ߯ ߘߐߞߢߊ߫ ߛߊ߬ߙߊ ߘߐ߫ ߢߊ߫ ߞߋߟߋ߲߫ ߡߊ߬.
- ߞߊ߬ ߟߐ߬ߘߎ߮ ߟߎ߬ ߟߊ߫-ߖߋ߬ߟߌ߬ߓߊ߬ߘߎ߰ߞߊ߬ߦߊ߫ ߕߊߖߌߞߏ ߓߊ߯ߙߊ߫ ߘߌ߲ߞߌߙߊ ߟߎ߬ ߘߐ߫.
- ߞߊ߬ ߖߡߊ߬ߣߊ ߖߘߍ߬ߞߊ߬ߣߌ߲߬ ߥߊߟߌߘߊ ߟߎ߬ ߞߍ߫ ߞߏߟߊߘߍ ߟߎ߬ ߓߊ߯ߙߊߢߐ߲߯ ߞߏߟߊߘߍ߫ ߜߘߍ ߟߎ߬ ߟߊ߫ ߛߊߛߋ ߟߎ߬ ߟߥߊߟߌߟߊ ߘߌ߫ ߡߎ߬ߕߎ߲߬.
- ߞߊ߬ ߛߊ߬ߦߌ߲߬ ߓߍ߲߬ߒ߬ߡߊ߬ߞߊ߲ ߘߏ߫ ߟߎ߫ ߟߊߢߊ߭ ߡߊ߬، ߊ߬ ߜߋ߲ߜߋ߲ ߘߐ߫ ߡߍ߲ ߓߍ߲߬ߕߐ߫ ߕߊߖߌ߫ ߛߎ߲ߞߎ߲ߡߊ (ߔߋߕߙߐߟ ߓߙߎ߳ߕ) ߡߊߘߏ߲߬ߠߌ߲߬ߠߌ߲ ߡߊ߬.
- ߞߎ߲߬ߠߊ߬ߛߌ߮ ߦߋ߫ ߡߊ߬ߜߟߍ߬ߦߊ߬ߟߌ ߞߍ߫ ߟߊ߫ ߣߊ߲߬ߝߟߏ߬ߦߊ߬ߟߌ ߛߘߊߡߊߒߞߊ߲ߠߊ ߟߎ߬ ߟߛߊߣߌ߲ߧߊߟߌ ߟߊ߫ ߝߣߊ߫߸ ߞߊ߬ ߓߍ߲߬ ߓߋߣߍ߲߫ ߣߌ߫ ߖߋ߬ߟߌ߬ߓߊ߬ߘߎ߯ ߘߐ߬ߝߏߟߏ߲ (ߏߟߋߏߘߎ߳ߞ) ߟߐ߬ߟߌ ߡߊ߬. ߊ߬ ߦߴߊ߬ ߢߌߣߌ߲߫ ߠߊ߫ ߝߣߊ߫߸ ߞߊ߬ ߕߟߋ߬ߓߋ ߝߘߊ߬ߝߌ߲߬ߠߊ߫ ߕߊߖߌߓߐ ߞߏߟߊߘߍ (WAPO)ߟߊ߫ ߛߌ߰ߞߊ߲ ߞߎ߬ߙߎ߲߬ߘߎ ߟߎ߬ ߡߊߦߟߍ߬ߡߊ߲߬߸ ߖߐ߲߰ߛߴߊ߬ ߘߴߊ߬ ߡߊߣߊ߲ߞߎ߲ ߘߊߦߟߍ߬ ߖߋ߬ߟߌ߬ߓߊ߬ߘߎ߯ (ߣߌߗ߭ߍߙ) ߕߊ ߝߊ߲߭ ߦߋ߫.
ߡߙߌߘߐ ߣߌ߲߬ ߓߍ߯ ߛߌ߰ߣߍ߲߫ ߂߀߂߄ ߘߓߊ߬ߓߌߟߊ ߕߋ߬ߟߋ߫ ߂ ߖߡߊ߬ߙߌ߬ߛߓߍ ߝߙߍߕߍ߫ ߂߀߂߄-߃߄ ߠߋ߬ ߞߊ߲߬ ߡߍ߲ ߟߐ߬ߣߍ߲߫ ߝߊ߬ߓߘߊ ߞߣߐߝߋ߲ ߠߎ߫ ߡߊ߬. ߞߟߏߜߍ ߣߌ߲߬ ߠߊߥߟߌ߬ߣߍ߲߫ ߝߟߐߦߊ ߘߌ ߡߊ߬ ߝߊ߬ߓߘߊ ߓߊ߯ߙߊ ߣߌ߫ ߖߋ߬ߟߌ߬ߓߊ߬ߘߎ߯ ߓߟߏߝߋ߲ ߠߎ߬ ߣߴߊ߬ ߟߊ߫ ߓߊ߯ߙߘߊ ߟߎ߫ ߟߋ߬ ߡߊ߬، ߞߊߕߙߍ߬ߕߍ߫ ߛߋ߲ߒߞߏߟߊߘߐߦߊ ߟߎ߬ ߟߊߕߊ߬ߡߌ߲߬ߠߌ߲ ߡߊ߬ ߖߡߊ߬ߣߊ ߞߣߐ߫.
ߝߊ߰ߡߊ ߟߎ߬ ߦߋ߫ ߦߟߌߓߌߟߊߟߌ ߞߍ߫ ߟߊ߫ ߦߙߐ߫ ߜߘߍ߫ ߝߣߊ߫߸ ߞߏ߫ ߛߏߟߎ߳ߞߛ ߖߌ߰ߦߊ߬ߘߊ߫ ߡߊ߲߬ߕߏ߲߬ߕߍ߬ߟߊ߬ߞߊ ߟߊ߫ ߓߊ߯ߙߊ ߘߌ߬ߢߍ߬ߛߓߍ ߓߘߊ߫ ߟߊߓߐ߫ ߛߌߛߍ߲߬߸ ߏ߬ ߡߍ߲ ߦߋ߫ ߛߣߌߥߊ ߟߎ߬ ߟߊ߫ ߦߙߐ ߘߏ߫ ߘߌ߫ ߢߊߡߍ߫ ߣߐ߬ߘߎ߮ ߘߐ߫߸ ߞߊ߬ ߓߍ߲߬ ߊ߬ ߟߊ߫ ߛߊ߬ߙߌ߬ߦߊ߬ ߛߐ߬ߛߐ߬ ߜߍߟߍ߲ ߠߎ߫ ߡߊ߬߸ ߡߍ߲ ߘߊ߲߬ ߟߐ߲ߣߍ߲߫ ߕߍ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߡߐ߰ߛߓߍ߫ ߞߋߕߊ߬ ߟߊ߫ ߘߟߊߡߌߘߊߟߌ ߟߋ߬
