ߡߊ߬ߞߊ߲߬ߞߊ߲߬ߠߌ߲ ߣߌ߫ ߟߊ߬ߞߊ߲߬ߘߊ߬ߟߌ߬ ߝߊ߲ߞߊ ߘߏ߲߬ߞߏ ߟߎ߬ ߦߴߊ߬ߟߎ߬ ߟߊ߫ ߟߊ߬ߞߊ߲߬ߘߊ߬ߟߌ ߓߊ߯ߙߊ ߟߎ߬ ߘߊߓߊ߲ ߞߊ߲߬ ߛߌ߯ߙߌ߲߫ ߝߛߊߦߌ߫.
ߏ߬ ߛߌߟߊ ߟߋ߬ ߝߍ߬߸ ߓߌߟߏ߲߸ ߂߀߂߅ ߘߓߊ߬ߕߊ ߕߟߋ߬ ߀߈߸ ߊ߬ߟߎ߫ ߞߵߊ߬ߟߎ߬ ߕߍ߯ ߞߍ߫ ߗߍ߭ ߘߏ߫ ߘߐ߫߸ ߡߍ߲ ߣߐ߬ ߊ߬ ߖߘߍ߬ ߞߍ߫ ߟߊ߫ ߛߏ߬ߝߊ߬ ߣߊ߲ߕߌ߮ ߘߌ߫ ߔߐ߲߬ߓߊ߬ߘߊ ߞߌ߲߬ߘߊ ߟߊ߫߸ ߛߌ߯ߙߌ߲߫ ߛߏ ߞߣߐ߫ ߦߋ߲߬، ߊ߬ߟߋ߬ ߗߍ߭ ߕߐ߯ ߟߋ߬ ߞߏ߫: ߡߏߙߌ߬ ߞߎߦߊߕߍ߫߸ ߡߍ߲ ߛߐ߬ߘߐ߲߬ ߘߊ߫ ߁߉߉߈ ߠߊ߫߸ ߊ߬ ߟߊ߫ ߓߊ߯ߙߘߊ߫ ߡߊߟߐ߲ߣߍ߲ ߦߋ߫ ߟߊ߬ߓߏ߬ߙߌ߬ߟߌ ߟߋ߬ ߘߌ߫، ߟߊ߬ߞߊ߲߬ߘߊ߬ߟߌ߬ߟߊ ߟߎ߫ ߘߏ߲߬ ߕߎ߲߬ ߓߘߴߊ߬ ߡߊߟߐ߲߫ ߣߊ߲߬ߕߌ߰ ߝߏ߬ߝߏ߬ߦߊ߬ ߛߎ߮ ߣߌ߲߬ ߘߐ߫ ߞߘߐ߬ߡߊ߲߬.
ߛߐ߲߬ߡߊ߬ߛߊߦߌ ߟߋ߬ ߞߍߣߍ߲߫ ߝߙߋߞߋ ߘߌ߫ ߣߌ߲߬ ߞߏ ߘߐ߫، ߓߊߏ߬߸ ߣߊ߲߬ߕߌ߰ ߢߍߡߐ߮ ߟߎ߬ ߟߊ߫ ߝߐߟߌ ߘߐ߫߸ ߞߏ߫ ߡߊ߬ߝߌ߲߬ߓߊ߰ߕߐ ߣߌ߲߬ ߞߵߊ߬ ߝߐ߫ ߟߋ߬ ߞߏ߫ ߊ߬ߟߋ ߦߋ߫ ߢߍߡߌߘߊ ߟߋ߬ ߘߌ߫ ߖߌ߬ߣߍ߬ ߛߏ߬ߙߌ߬ߡߊ߬ߘߋ߲߬ ߘߐ߫߸ ߞߊ߬ ߓߊ߲߫ ߞߊ߬ ߣߊ߲߬ߕߌ߰ ߖߐ߯ߙߊ߲ ߠߎ߫ ߘߏ߲߬ ߊ߬ ߝߊ߬ߘߌ ߡߊ߬߸ ߞߵߊ߬ ߞߍ߫ ߡߐ߱ ߟߎ߬ ߘߐߛߌߟߊ߲ ߘߌ߫ ߛߍߣߍ߲߬.
ߛߌ߯ߙߌ߲߫ ߛߋ߲߬ߠߊ߬ߞߟߍ ߞߟߍ߬ߓߏߟߏ߲ ߡߙߊ߬ߓߊ߮߸ ߝߊߙߌ߲߫ ߟߊ߲߱ߣߌ߬ߛߍ߬ ߞߋߕߊ߬ ߞߵߊ߬ ߦߌ߬ߘߊ߬ ߞߏ߫ ߕߍ߮ ߕߎ߲߬ ߓߘߊ߫ ߞߍ߫ ߗߍ߭ ߢߌ߲߬ ߘߐ߫ ߞߊ߬ߞߘߐ߬߸ ߊ߬ߟߋ߬ ߞߏ߫ ߞߋߟߋ߲ ߣߌ߲߬ ߢߐ߲߰ߠߊ ߘߏ߫ ߘߐ߫، ߛߋ߲߬ߢߊ ߏ߬ ߝߍ߬߸ ߕߐ߲߬ߞߎ߬ߘߎ߲߬ߣߍ߲߬ ߥߎߟߋ߲ ߠߋ߬ ߕߎ߲߬ ߦߴߊ߬ ߞߎ߲߬ߠߊ߫߸ ߊ߬ ߣߌ߫ ߕߟߏߞߘߐ߫ ߞߋߟߋ߲߫ ߣߌ߫ ߡߙߎ߬ ߞߋߟߋ߲߫.
ߕߋ߲߭ߕߋ߲߭ ߣߌ߲߬ ߘߐ߫߸ ߓߙߊߡߊߖߊ߲ߓߊ߲ ߠߋ߬ ߦߴߌߘߐ߫ ߛߌ߯ߙߌ߲߫ ߡߙߊ߬ߓߊ߰ߘߊ ߞߣߐ߫ ߕߋ߲߬߸ ߣߊ߲߬ߕߌ߰ ߟߊ߬ߡߎ߬ߣߎ߲߬ߧߊ߬ߟߊ ߟߎ߬ ߣߌ߫ ߣߊ߲߬ߕߌ߰ߦߊ ߕߐ߯ߟߊߒߠߟߊ ߟߎ߬ ߡߌ߬ߘߊ߬ ߞߊ߲ߡߊ߬߸ ߊ߬ ߣߌ߫ ߕߋ߰ߙߋ ߟߎ߬ ߣߌ߫ ߓߌ߲߬ߘߌ߬ߓߊ߲߬ߘߊ߬ ߞߏ ߟߎ߫ ߞߍ߬ߟߍ.
ߒ߬ߓߊ߬ ߓߌ߬ ߛߌ߬ߣߌ߲߬ߟߏ߲ ߣߌ߲߬ ߡߊ߬߸ ߂߀߂߅ ߘߓߊ߬ߕߊ ߕߋ߬ߟߋ߫ ߀߉߸ ߗߍ߭ ߣߌ߲߬ ߦߌ߬ߘߊ߬ ߘߊ߫ ߖߡߊ߬ߣߊ߬ߘߋ߲ ߠߎ߬ ߟߊ߫ ߛߌ߯ߙߌ߲߫ ߣߊ߲߬ߕߌ߰ ߞߎ߲ߕߌ߮ ߓߟߏ߫߸ ߝߊߙߌ߲߫ ߟߊ߲߱ߛߌ߬ߣߍ߬ ߞߋߕߊ߬، ߊ߬ ߞߵߊ߬ ߦߌ߬ߘߊ߬ ߞߏ߫ ߊ߬ ߦߋ߫ ߗߍ߭ ߡߍ߲ ߦߌ߬ߘߊ߬ ߟߊ߫ ߣߌ߲߬߸ ߊ߬ ߡߌ߬ߘߊ߬ߣߍ߲߫ ߛߐ߲߬ߡߊ߫߬ߛߊߦߌ߲ ߠߋ߬ ߘߐ߫، ߓߊߏ߬ ߂߀߂߂ ߟߊ߫߸ ߊ߬ߟߋ߬ ߡߐ߰ ߞߋߟߋ߲ ߡߌ߬ߘߊ߬ ߘߊ߫ ߛߌ߯ߙߌ߲߫߸ ߞߵߊ߬ ߛߐ߬ߘߐ߲߬ ߣߊ߲߬ߕߌ߰ ߕߏ߲ߕߊߟߊ߲ ߦߴߊ߬ ߞߊ߲ߠߊ߫߸ ߢߍߡߌߘߊ߫ ߖߟߊ ߛߘߌ߬ߣߴߊ߬ ߟߊ߫، ߊ߬ ߡߌ߬ߘߊ߬ ߘߊ߫ ߞߊ߬ ߥߴߊ߬ ߘߌ߫ ߞߊ߲ߞߊ߲߫߸ ߞߊ߬ ߓߊ߲߫ ߞߵߊ߬ ߟߊߕߊ߯ ߞߐߣߊߞߙߌ߫. ߝߊߙߌ߲ ߞߵߊ߬ ߦߌ߬ߘߊ߬߸ ߞߏ߫ ߊ߬ ߡߴߊ߬ ߟߐ߲߫ ߊ߬ ߛߋ߫ ߘߊ߫ ߡߌ߬ߘߊ߬ ߟߊ߫ ߞߏ߫ ߞߋߟߋ߲ ߏ߬ ߘߐ߫ ߢߊ ߡߍ߲ ߡߊ߬ ߢߌ߬ߣߊ߲߬، ߏ߬ ߟߋ ߞߏߛߐ߲߬߸ ߞߏ߫ ߊ߬ߟߎ߫ ߞߵߊ߬ ߣߊ߬ߕߊ߫ ߡߎ߬ߕߎ߲߬߸ ߞߏ߫ ߝߏ߫ ߞߵߊ߬ ߦߌ߬ߘߊ߫ ߟߋ߬ ߝߐ߰ߓߍ߬ߦߊ߬ߟߊ ߟߎ߬ ߟߊ߫߸ ߞߊ߬ ߓߍ߯ ߞߍ߫ ߏ߬ ߞߏ ߛߙߋ߫ ߘߌ߫، ߛߊ߫ ߢߊ߫ ߖߐ߲ߖߐ߲߫ ߘߌ߫ ߛߐ߬ߘߐ߲߫ ߊ߬ ߞߏ ߡߊ߬ ߡߎ߬ߕߎ߲߬߸ ߞߊ߬ ߞߛߌ߫ ߞߍ߫ ߢߐ߲߯ ߡߊߣߐ߮ ߡߊ߬.
ߕߍ߮ ߞߍ߫ ߘߊ߫ ߡߏߙߌ߬ ߞߎߦߊߕߍ߫ ߣߌ߲߬ ߘߐ߫ ߘߌ߬؟
ߝߊߙߌ߲ ߞߵߊ߬ ߦ߬ߌߘߊ߬߸ ߞߏ߫ ߊ߬ ߦߋ߫ ߛߏ߬ߝߊ ߡߏ߬ߤߊ߬ߡߍ߬ߘ ߓߐߓ ߓߊ ߝߏ߬ ߟߊ߫ ߞߏߛߓߍ߫߸ ߏ߬ ߡߍ߲ ߖߊ߲߬ߞߊ߬ߙߏ߬ߟߊ߬ߥߟߌ ߦߋ߫ ߕߋ߲߬ ߞߊ߬ߣߌ߲߬، ߏ߬ ߟߋ ߞߊ߬ ߡߏߙߌ߬ ߞߎߦߊߕߍ߫ ߦߋ߫ ߞߌ߲߬ߘߊ ߞߣߐ߫߸ ߊ߬ ߦߋ߫ ߖߟߎ߬ߕߊ߬ ߦߙߐ߬ ߢߌߣߌ߲ ߞߊ߲߬߸ ߛߴߊ߬ ߘߴߊ߬ ߟߊ߫ ߞߐ߲߬ߛߏ ߘߐߓߍ߲߬، ߊ߬ ߣߌ߫ ߛߏ߬ߝߊ ߞߊ߬ ߢߐ߲߯ ߦߋ߫ ߝߊ߬ߘߌ ߏ߬ ߟߋ ߘߐ߫߸ ߏ߬ ߞߵߊ߬ ߢߊߦߋ߫ ߊ߬ ߟߊ߫ ߞߎߡߊ߫ ߖߋߓߌ߫ ߢߊ ߟߎ߬ ߣߴߊ߬ ߞߏߟߊߕߊ߯ߡߊ߫ ߢߊ ߟߎ߫ ߡߊ߬ ߌߞߘߐ߫߸ ߞߏ߫ ߓߎ߬ߘߎ߲ ߦߴߊ߬ ߟߊ߫ ߞߏ ߘߐ߫، ߏ߬ ߓߍ߲߬ ߘߊ߫ ߘߊߕߌ߮ ߘߏ߫ ߕߊ߬ߡߌ߲ ߡߊ߬߸ ߏ߬ ߟߎ߬ ߣߌ߫ ߞߌ߲߬ߘߊ ߘߋ߲ߡߌߛߍ߲ ߠߎ߬ ߝߙߊ߬ ߘߊ߫ ߢߐ߲߮ ߞߊ߲߬߸ ߞߊ߬ ߘߊ߮ ߟߊ߫ ߡߊ߬ߕߊ߰ߡߊ߬ߟߌ߬ߟߊ ߟߎ߬ ߟߊߟߐ߲ߠߌ߲߫߸ ߞߊ߬ ߕߍ߮ ߞߍ߫ ߊ߬ ߘߐ߫ ߞߊ߬ ߥߴߊ߬ ߘߌ߫.
ߡߏߙߌ߬ ߞߎߦߊߕߍ߫ ߢߌ߬ߣߌ߲߬ߞߊ߬ߣߍ߲߸ ߊ߬ ߞߊ߲߫ ߞߏ߫ ߊ߬ ߡߌ߬ߘߊ߬ ߘߊ߫ ߛߌ߯ߙߌ߲߫ ߂߀߂߂ ߟߋ߬ ߟߊ߫߸ ߞߊ߬ ߥߴߊ߬ ߟߊ߫ ߞߕߌ ߞߍ߫ ߞߐߐߣߊߞߙߌ߫ ߣߊ߲߬ߕߌ߰ ߞߕߌߘߊ ߟߊ߫، ߥߛߎ ߡߍ߲ ߟߊ߫ ߘߴߊ߬ ߞߎ߲߬߸ ߊ߬ ߞߵߏ߬ ߞߍ߫ ߞߵߊ߬ ߓߊ߲߫ ߝߋߎ߫، ߊ߬ ߞߊ߲߫ ߞߏ߫ ߣߴߌ ߞߵߊ߬ ߦߋ߫ ߣߌ߲߬ ߞߏ߫ ߛߎ߮ ߟߊ߫߸ ߞߏ߫ ߕߎ߬ߢߊ߬ ߜߍ ߦߋ߫ ߡߍ߲ ߘߌ߫߸ ߣߊ߲߬ߕߌ߰ߦߊ ߞߊ߬ߣߎ߲ ߠߋ߬ ߦߴߊ߬ ߘߐ߫ ߞߏߖߎ߯ߦߊ߫߸ ߏ߬ ߟߋ ߊ߬ ߟߐ߬ ߟߊ߫ ߕߏ߲ߕߊߟߊ߲߫ ߘߏ߲ ߏ߬ ߟߎ߬ ߓߍ߯ ߟߊ߫، ߏ߬ ߘߐ߫߸ ߞߏ߫ ߊ߬ ߦߋ߫ ߦߊ߬ߝߊ ߟߋ߬ ߕߙߊ߫ ߟߊ߫ ߡߙߊ߬ߓߊ߮ ߝߍ߬. ߡߏߙߌ߬ ߞߎߦߊߕߍ߫ ߟߋ߬ ߞߊ߲߫ ߕߋ߲߬.
ߡߙ߬ߓߊ߮ ߞߏ߬ߣߌ߲ ߞߊ߬ ߦߌ߬ߘߊ߬ ߞߎߡߊ߫ ߟߊߓߊ߲߫ ߘߐ߫߸ ߞߏ߫ ߊ߬ ߦߋ߫ ߖߊ߲߬ߕߏ߬ߒ߬ߘߐ ߟߋ߬ ߢߌߣߌ߲߫ ߠߊ߫ ߓߍ߯ ߝߍ߬، ߓߊߏ߬߸ ߟߊ߬ߞߊ߲߬ߘߊ߬ߟߌ ߕߍ߫ ߡߐ߰ ߞߋߟߋ߲߫ ߞߎ߲߬ߞߕߌ߫ ߘߌ߫߸ ߓߍ߯ ߘߏ߬ߣߌ߲ ߠߋ߬.
ߞߙߎ ߘߏ߫ ߟߎ߫ ߟߊߥߟߌ߬ ߘߊ߫ ߞߊ߬ ߕߊ߯ ߡߏߙߌ߬ ߞߎߦߊߕߍ߫ ߓߟߏߝߋ߲ ߕߐ߭ ߟߎ߬ ߣߴߊ߬ ߟߊ߫ ߞߐ߲߬ߛߏ ߕߊ߬ ߞߊ߲ߡߊ߬ ߞߌ߲߬ߕߌ߮ ߓߘߊ߸ ߊ߬ ߡߌ߬ߘߊ߫ ߞߌ߲߬ߘߊ ߡߍ߲ ߠߊ߫ ߞߊ߬ߣߌ߲߬.
ߣߊߡߊ߲߬ߖߊ߲߫ ߡߐ߰ߟߊ߲߬ߘߌ߫ ߡߊ߰ߛߎ߬ߓߊ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߦߊ߬ߟߊ
