ߛߌ߰ߞߊ߲߬ ߘߐ߬ߦߟߍߡߊ߲ ߠߋ߬ ߞߍߣߍ߲߫ ߓߋߣߍ߲߫ ߖߡߊ߬ߣߊ ߞߣߐ߫ ߞߎߣߎ߲߬ ߂߀߂߅ ߣߍߣߍߓߊ ߕߟߋ߬ ߁߄ ߡߊ߬߸ ߡߍ߲ ߞߍ߫ ߘߊ߫ ߘߐ߬ߝߐ ߟߊ߫ ߦߟߌߣߐ ߘߏ߫ ߘߌ߫، ߛߌ߰ߞߊ߲ ߘߐߦߟߍ߬ߡߊ߲ ߣߌ߲߬ ߘߐ߫߸ ߞߊ߲߬ߜߍ߬ߘߊ ߓߘߊ߫ ߟߊߘߊ߲߫߸ ߞߊ߬ ߓߊ߲߫ ߞߊ߬ ߛߎߥߊ߲ߘߟߌ ߟߐ߬ߒ߬ߞߋ߬ߟߊ ߞߍ߫ ߛߊ߲߬ ߥߐߙߐ߲ߝߌ߬ߟߊ߬ ߘߌ߫߸ ߞߊ߬ ߖߡߊ߬ߣߊ ߓߘߍ߬ߓߘߍ߬ߟߌ ߥߊ߫ ߗߏ߮ ߦߟߍ߬ߡߊ߲߬ ߥߟߊߞߌ߫.
ߓߋߣߍ߲߫ ߖߡߊ߬ߣߊ ߞߊ߬ ߦߟߍ߬ߡߊ߲߬ߓߊ߫ ߘߏ߲߬ ߊ߬ߟߎ߬ ߟߊ߫ ߛߌ߰ߞߊ߲ ߞߣߐߘߐ ߘߐ߫ ߞߎߣߎ߲߬ ߛߌ߬ߣߌ߲߬ߟߏ߲ ߡߊ߬߬ ߂߀߂߅ ߣߍߣߍߓߊ ߕߟߋ߬ ߁߄߸ ߏ߬ ߞߍ߫ ߘߴߊ߬ߟߎ߬ ߟߊ߫ ߞߎ߲߬ߠߊ߬ߛߌ߰ߟߊ ߟߎ߬ ߟߊ߫ ߞߎߓߋ ߟߋ߬ ߟߊ߫ ߔߐߙߑߕߏ߫ ߣߝ߭ߏ߫، ߥߛߊ߬ߘߋ߲ ߠߎ߬ ߞߊ߬ ߛߊ߬ߙߌ߬ߦߊ߬ߟߌ ߉߲ ߠߊߘߌ߬ߢߍ߫ ߝߊ߲߬ߓߦߊ߬ ߞߏߟߌߞߏߟߌ ߟߊ߫߸ ߛߊ߬ߙߌ߬ߦߊ ߝߙߍߕߍ߫ ߂߀߂߅߆߂߀߸ ߞߊ߬ ߦߟߍ߬ߡߊ߲߬ߓߊ ߘߏ߫ ߟߎ߫ ߞߍ߫ ߁߉߉߀ ߞߏߟߌ߲ߞߏߟߌ߲ ߁߁ ߛߌ߰ߞߊ߲ ߘߐ߫، ߥߛߊ߬ߘߋ߲߫ ߁߀߉ ߘߐ߫߸ ߉߀ ߓߍ߲߬ ߘߴߊ߬ ߡߊ߬߸ ߁߉ ߡߊ߫ ߓߍ߲߬ ߊ߬ ߡߊ߬߸ ߢߣߊߕߊߟߌ߫ ߜߎ߬ߘߎ߬ߦߊ߬ߣߍ߲ ߘߏ߫ ߘߐ߫.
ߖߊ߬ߕߋ߬ߘߐ߬ߛߌ߮ ߣߌ߲߬ ߦߋ߫ ߞߎߡߊߓߍߞߏ߲߫ ߞߙߎ ߞߊ߲ߕߌ߮ ߟߋ߬ ߓߟߏ߫ ߊߛߊߣ ߛߋ߬ߦߌߓߎ߬ (ߓߑߟߐߞ ߙߋߔߎ߳ߓߟߌߞߍ)، ߊ߬ ߣߌ߫ ߊ߬ߞߋ ߣߊߕߐ߲ߘߋ߫، ߊ߬ߟߎ߫ ߛߐ߰ ߘߴߊ߬ ߛߙߊߕߌ ߟߎ߫ ߟߋ߬ ߝߟߐ߫ ߟߊߘߌ߬ߢߍ ߡߊ߬ ߡߎߣߎ߲߬߸ ߞߵߊ߬ ߓߍ߲߬ ߛߌ߬ߞߊ߲ ߕߐ߲ߛߋ߲ ߁߅߄߲ ߝߐ߫ ߞߊ߲ ߠߎ߬ ߡߊ߬، ߊ߬ߟߎ߬ ߟߊ߫ ߡߊ߬ߦߟߍ߬ߡߊ߲߬ߠߌ߲ ߣߌ߲߬ ߘߐ߫߸ ߕߐ߲ߛߋ߲߫ ߞߎߘߊ߫ ߕߊ߲ ߣߌ߫ ߟߏ߯ߟߎ߫ ߟߋ߬ ߟߊߘߏ߲߬ ߘߴߊ߬ ߘߐ߫ ߊ߬ߟߎ߬ ߓߟߏ߫߸ ߞߊ߬ ߓߊ߲߫ ߞߊ߬ ߡߊ߬ߦߟߍ߬ߡߊ߲߬ߠߌ߲ ߞߍ߫ ߕߊ߲߫ ߣߌ߫ ߛߋߦߌ߲߫ ߜߘߍ߫ ߘߐ߫.
ߊ߬ߟߎ߬ ߟߊ߫ ߞߎߘߊ߫ ߟߊߘߏ߲߬ߣߍ߲ ߠߎ߬ ߘߐ߫߸ ߕߐ߲ߛߋ߲ ߄߂߲ ߡߊߛߊ߬ߦߌ߲߬ ߘߴߊ߬ߟߎ߬ ߓߟߏ߫߸ ߏ߬ ߡߍ߲ ߞߵߊ߬ ߦߌ߬ߘߊ߬ ߞߏ߫ ߞߊ߬ߝߏ ߞߎ߲߬ߕߌ߮ ߦߋ߫ ߛߎߥߊ߲ߘߌ߫ ߟߊ߫ ߛߊ߲߬ ߥߐߙߐ߲ߝߌ߬ߟߊ߫ ߟߐ߬ߒ߬ߞߋ߬ߟߊ ߟߋ߬ ߞߍ߫ ߞߊ߲ߡߊ߬߸ ߡߍ߲ ߦߋ߫ ߟߊߞߎߘߦߊ߫ ߟߊ߫ ߛߋ߲߬ߢߊ߬ ߞߋߟߋ߲߫ ߘߐߙߐ߲߫، ߊ߬ ߣߌ߫ ߞߏ߫ ߡߐ߰ ߛߌ߫ ߕߴߛߋ߫ ߕߊ߬ߡߌ߲߬ ߠߊ߫ ߟߐ߬ߒ߬ߞߋ߬ߟߊ߫ ߝߌ߬ߟߊ߫ ߞߊ߲߬ ߊ߬ ߟߊ߫ ߢߣߊߡߦߊ ߞߣߐ߫، ߏ߬ ߟߋ ߞߍ߫ ߘߊ߫ ߛߐ߰ߟߊ߲ ߘߌ߫ ߛߌ߰ߞߊ߲ ߦߙߐ ߏ߬ ߞߊ߲߬߸ ߞߊ߬ ߘߊ߲߭ ߖߍ߬ߘߍߖߍ߬ߘߍ ߛߌ߰ ߟߥߊ߬ߟߌ߬ߟߌ ߛߋߓߊ߯ߦߊ ߟߊ߫.
ߦߟߍ߬ߡߊ߲߬ ߜߘߍ߫ ߝߣߊ߫ ߞߍ߫ ߘߴߊ߬ ߘߐ߫: ߏ߬ ߟߋ ߞߍ߫ ߘߊ߫ ߞߊ߲߬ߜߍ߬ߘߊ߬ ߞߏ ߘߌ߫، ߓߋߣߍ߲߫ ߖߡߊ߬ߣߊ ߝߣߊ߫ ߓߘߊ߫ ߘߏ߲߬ ߓߏ߲ߘߋ߲߫ ߝߌߟߊ߫ ߞߏ ߘߐ߫ ߡߎ߬ߕߎ߲߬߸ ߏ߬ ߞߘߐ ߟߋ߬ ߞߏ߫ ߟߥߊ߬ߟߌ߬ߟߌ ߛߋߓߊ߯ߦߊ ߘߐߕߟߊߣߍ߲߫ ߝߊ߬ߛߏ߬ ߜߙߊ ߣߌ߫ ߞߊ߲߬ߜߍ߬ߘߊ ߟߋ߬ ߕߍ߫ ߡߎ߬ߕߎ߲߬߸ ߏ߬ ߡߍ߲ ߦߋ߫ ߓߏ߲ߘߋ߲߫ ߛߊ߲ߘߐߕߊ ߘߌ߫، ߛߊ߬ߙߌ߬ߦߊ߬ߛߋ߲ ߁߁߃߲ ߛߌ߬ߕߊ߬ߙߌ߬ߞߎ߲ ߁߭ ߞߎߡߊ߫ ߘߊ߫ ߞߊ߲߬ߜߍ߬ߘߊ ߟߊ߫ ߗߋߦߊߟߌ ߟߋ߬ ߞߊ߲߬ ߓߘߍ߬ߓߘߍ߬ߟߌ ߞߏ ߟߎ߬ ߘߊߘߐߓߍ߲߭ ߘߐ߫߸ ߊ߬ ߣߌ߫ ߖߐ ߟߊߛߓߊ߬ߕߌ ߣߌ߫ ߖߡߊ߬ߣߊ ߟߊ߫ ߣߊ߬ߝߊ ߟߎ߬ ߡߞߊߘߊ߲ ߘߐ߫.
ߕߐ߲ߛߋ߲ ߈߆߲ ߞߵߊ߬ ߘߊߣߐ ߕߏ߫ ߊ߬ ߡߊ߬ ߟߋ߬ ߞߏ߫ ߛߊ߬ߙߌ߬ߦߊ߬ ߞߎߘߊ ߦߋ߫ ߟߊ߫ ߟߊ߫ ߞߊ߲ߓߍ߲ ߞߊ߲ߕߌ߮ ߣߌ߫ ߞߊ߲߬ߜߍ߬ߘߊ ߞߊ߲ߕߌ߮ ߟߋ߬ ߞߘߐ߫ ߡߎ߬ߕߎ߲߬.
ߥߛߊ߬ߘߋ߲ ߠߎ߬ ߟߊ߫ ߟߐ߬ߒ߬ߞߋ߬ߟߊ ߓߊ߬߸ ߊ߬ ߣߌ߫ ߞߊ߬ߝߏ߬ߙߋ߲߬ߕߌ߮ ߟߎ߬ ߣߌ߫ ߞߊ߬ߝߏ߬ߙߋ߲ ߞߏߟߊߕߍ߮ ߟߎ߬߸ ߏ߬ ߓߍ߯ ߓߘߊ߫ ߞߍ߫ ߛߊ߲߬ ߇ ߘߌ߫߸ ߡߍ߲ ߠߎ߬ ߘߌ߫ ߛߋ߫ ߟߊߞߎߘߦߊ߫ ߟߊ߫، ߏ߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߕߐ߲ߛߋ߲ ߈߀߲ ߝߣߊ߫ ߣߊ߬ ߘߊ߫ ߘߊ߲߬ ߜߘߍ߫ ߛߌ߰߸ ߞߏ߫ ߥߛߊ߬ߘߋ߲߬ ߝߏߦߌ߬ ߓߊ߯ ߓߐ߫ ߊ߬ ߟߊ߫ ߞߙߎߞߊ ߘߐ߫߸ ߏ߬ ߝߣߊ߫ ߘߌ߫ ߝߐ߫ ߊ߬ ߛߌ߰ ߦߙߐ ߟߊ߫ ߥߛߊ߬ߓߏ߲ ߞߣߐ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
