ߢߣߊߕߊߟߌ ߡߊ߬ߡߌ߬ߘߊ߬ߟߌ߬ߟߊ ߟߎ߬ ߟߊ߫ ߛߙߍߘߍ ߓߊ߲ߝߟߍ߬ߟߍ ߟߊߓߐ ߡߊ߫ ߕߎ߬ߡߊ߬ߙߋ߲߫ ߂߄ ߓߐ߫ ߡߎߣߎ߲߬߸ ߞߊ߲ߕߌ߯ߘߊ ߓߘߊ߫ ߟߊ߬ߕߍ߰ߦߊ ߘߏ߫ ߟߊߓߐ߫ ߞߊ߬ ߢߣߊߕߊߟߌ ߛߙߊߕߌ ߟߎ߬ ߟߊߕߍ߰߸ ߡߍ߲ ߞߍߕߐ߫ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߡߊ߬، ߊ߬ ߟߊ߬ߕߍ߰ߦߊ ߡߊ߫ ߖߊ߲߰ߧߊ߬߸ ߓߊ߬ߙߵߊ߬ ߞߍ߫ ߘߊ߫ ߞߟߏߡߊ ߟߋ߬ ߘߌ߫߸ ߡߍ߲ ߦߋ߫ ߞߏ ߟߎ߬ ߞߍߢߊ ߘߊ߲߬ߠߊߕߍ߰ ߟߊ߫.
ߖߌ߬ߣߍ߫ ߓߘߍ߬ߓߘߍ߬ߟߌ ߞߊ߬ ߝߊ߬ߘߌ߬ ߞߎߘߊ߫ ߟߋ߬ ߕߊ߬ ߓߌ߬ ߓߌߟߏ߲ ߣߌ߲߬ ߡߊ߬߸ ߂߀߂߅ ߣߍߣߍߓߊ ߕߟߋ߬ ߁߃ ߡߊ߬، ߟߊ߬ߕߍ߰ߦߊ ߘߏ߫ ߟߋ߬ ߟߊߓߐ߫ ߘߊ߫ ߖߌ߬ߣߍ߫ ߖߌ߬ߦߊ߬ߞߊ߲߬ߛߏ߬ߓߊ ߟߊ߫߸ ߞߊ߬ ߝߘߊ߫ ߞߟߍ߬ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߟߊ߫߸ ߞߊ߬ ߢߣߊߕߊߟߌ ߘߏ߲߬ߞߏ ߟߎ߬ ߞߟߌ߫ ߢߣߊߕߊߟߌ ߡߊ߬ ߂߀߂߅ ߞߏߟߌ߲ߞߏߟߌ߲ ߕߋ߬ߟߋ߫ ߂߈ ߡߊ߬، ߊ߬ ߞߍ߫ ߘߊ߫ ߟߊ߬ߛߋ߬ߟߌ߫ ߟߋ߬ ߘߌ߫߸ ߡߍ߲ ߞߎߡߊ ߡߊ߫ ߛߌߦߊߦߊ߫.
ߊ߬ ߛߓߍߣߴߊ߬ ߞߣߐ߫ ߞߏ߫: <<ߖߌ߬ߣߍ߬ ߢߣߊߕߊߟߌ ߘߏ߲߬ߞߏ ߟߎ߬ ߓߘߊ߫ ߡߊߞߟߌ߫ ߂߀߂߅ ߞߏߟߌ߲ߞߏߟߌ߲ ߂߈ ߡߊ߬ ߞߊ߲ߓߍ߲ ߞߊ߲ߕߌ߮ ߛߎߥߊ߲ߘߌ߫ ߞߊ߲ߡߊ߬.>> ߕߐ߲ߛߋ߲ ߂߲ ߞߊ߬ ߢߣߊߕߊߟߌ ߘߊߡߌ߬ߣߊ߬ ߕߎߡߊ ߟߎ߬ ߝߐ߫: ߞߵߊ߬ ߘߟߊߞߊ߬ ߇ߙߋ߲߸ ߞߵߊ߬ ߘߊߕߎ߲߯ ߁߈ߙߋ߲߸ ߞߵߊ߬ ߓߍ߲߬ ߖߡߊ߬ߣߊ ߢߣߊߕߊߟߌ ߥߊ߫ ߢߊ ߡߊ߬.
ߟߊ߬ߕߍ߰ߦߊ ߦߴߊ߬ ߦߌ߬ߘߊ߬ ߟߊ߫ ߞߏ߫ ߢߣߊߕߊߟߌ ߞߍߕߐ߫ ߓߍ߯ߦߊ ߛߙߊߕߌ ߟߎ߬ ߡߊߓߏ߲߬ߧߊ ߟߋ߬ ߞߊ߲߬߸ <<ߞߵߊ߬ ߓߍ߲߬ ߢߣߊߕߊߟߌ ߛߊ߬ߙߌ߬ߦߊ߬ߛߎ߲ ߕߐ߲ߛߋ߲ ߇߉߲ ߝߐ߫ ߞߊ߲ ߠߎ߬ ߡߊ߬߸ ߢߣߊߕߊߟߌ ߓߍߣߊ߬ ߞߍ߫ ߜߎ߲߬ߘߎ ߟߋ߬ ߘߐ߫.>> ߏ߬ ߦߋ߫ ߞߎߡߊ߫ ߟߋ߬ ߘߌ߫ ߓߍ߯ ߞߊ߬ ߡߍ߲ ߟߐ߲߫ ߛߊ߫߸ ߓߊ߬ߙߵߊ߬ ߦߋ߫ ߛߋ߲ߛߋߘߋ߲ ߠߋ߬ ߘߌ߫ ߞߵߊ߬ ߝߐ߫߸ ߞߊ߬ ߖߡߊ߬ߣߊ߬ߘߋ߲ ߠߎ߬ ߦߟߌߓߌ߬ߟߊ߬߸ ߞߵߊ߬ ߦߌ߬ߘߊ߬ ߞߏ߫ ߢߣߊߕߊߟߌ ߦߋ߫ ߜߎ߲߬ߘߎ ߟߋ߬ ߘߌ߫ ߓߍ߯ ߟߊߘߍ߬ߣߍ߲ ߓߟߏ߫.
ߡߐ߰ ߞߐ߬ߣߐ߲߬ߘߐ߫ ߟߋ߬ ߕߐ߮ ߕߊ߬ߣߍ߲߫ ߞߕߌߖߌ߲ ߛߊ߲ߘߐߕߊ ߓߟߏ߫߸ ߡߍ߲ ߠߎ߬ ߞߊ߫ ߞߊ߲߫ ߞߊ߬ ߥߊ߫ ߢߣߊߕߊߟߌ ߘߐ߫߸ ߣߌ߫ ߖߌ߬ߣߍ߬ߞߊ ߟߎ߬ ߞߊ߫ ߞߊ߲߫ ߡߐ߰ ߞߋߟߋ߲߫ ߛߎߥߊ߲ߘߌ߫ ߏ߬ ߟߎ߬ ߘߐ߫߸ ߞߵߏ߬ ߞߍ߫ ߖߡߊ߬ߣߊ ߞߊ߲ߕߌ߮ ߘߌ߫، ߒ߬ߓߊ߬߸ ߕߎ߬ߡߊ߬ߘߊ ߓߘߊ߫ ߟߊߕߍ߰߸ ߞߵߊ߬ ߞߍߢߊ ߟߎ߬ ߟߊߕߍ߰.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
