ߞߎߣߎ߲߬ ߂߀߂߅ ߞߏ߲ߞߏߘߌ߬ߓߌ ߕߟߋ߬ ߀߆ ߟߊ߫߸ ߘߊ߲߬ߕߍ߰ߟߌ߬ ߛߓߍ ߘߏ߫ ߟߋ߬ ߞߣߐ߫، ߡߊ߬ߟߌ ߞߎ߲߬ߠߊ߬ߛߌ߰ ߞߙߎ ߞߊ߬ ߊߟߌߖߋߙߌ߫ ߖߙߊ߬ߞߌ߫ ߟߋ߬ ߞߏ߫ ߊ߬ ߓߋ߬ߒ߬ߞߊ߲߬ߠߌ߲ ߠߋ߬ ߞߍ߫ ߊ߬ ߟߊ߫ ߛߊ߲ߡߊߞߎߟߎ߲߫ ߞߋ߬ߟߋ߲߬ߠߊ߬ߓߌߟߊ ߞߊ߲߬߸ ߊ߬ ߟߊ߫ ߘߎ߰ߞߟߏ ߞߊ߲߬، ߡߊ߬ߟߌ ߞߐߘߐ߲߫ ߝߊ߲ߝߍ߬ ߞߊ߬ߣߌ߲߬، ߛߊ߫ ߞߵߊ߬ߟߎ߬ ߟߊ߫ ߣߌߛߐ߲ߜߏߦߊ ߦߌ߬ߘߊߞߊ߬߸ ߞߎ߲߬ߠߊ߬ߛߌ߰ ߞߙߎ ߞߎߡߊ߫ ߟߊߛߋߟߊ ߣߌ߫ ߖߡߊ߬ߣߊ ߡߊ߬ߘߏ߲߬ߠߌ߲߬ߠߌ߲ ߞߏߕߌ߮ ߊߓߘߎߟߊ߯ߦߌ߬ ߡߊ߬ߦߌߜߊ߬ ߟߋ߬ ߞߊ߬ ߊߟߌߖߋߙߌ߫ ߟߊ߬ߛߌ߰ߘߋ߲ ߠߎ߬ ߡߊߞߟߌ߫، ߘߊ߲߬ߕߍ߰ߟߌ߬ ߛߓߍ߫ ߜߘߍ߫ ߞߣߐ߫߸ ߡߊ߬ߟߌ ߣߴߊ߬ ߘߍ߬ߢߐ߲߮ ߕߐ߭ ߟߎ߬ ߊߋߛߌ߬ ߞߣߐ߫߸ ߏ߬ ߟߎ߬ ߝߣߊ߫ ߞߵߊ߬ߟߎ߬ ߟߊ߫ ߟߊ߬ߛߌ߰ߘߋ߲ ߠߎ߬ ߞߟߌ߫ ߟߋ߬ ߞߏ߫ ߊ߬ߟߎ߬ ߦߋ߫ ߛߊ߬ߦߌ߲߬ ߛߏ߫.
ߞߏ߲ߞߏߘߓߌ߫ ߞߊߙߏ߫ ߕߟߋ߬ ߝߟߐ ߟߋ߬ ߟߊ߫߸ ߊߟߌߖߋߙߌ߬ ߞߵߊ߬ ߟߊߛߋ߫ ߞߏ߫ ߊ߬ߟߎ߬ ߓߘߊ߫ ߛߊ߲ߡߊߞߎߟߎ߲߫ ߞߋ߬ߟߋ߲߬ߠߊ߬ߓߌߟߊ ߘߏ߫ ߘߐߕߋ߬߸ ߛߊ߫ ߞߊ߬ ߞߏ߫ ߜߍߣߍ߲߫ ߛߐ߬ߘߐ߲߬ ߊߟߌߖߋߙߌ߬ ߟߊ߫ ߝߐߕߊ ߘߏ߫ ߟߎ߫ ߡߊ߬߸ ߡߊ߬ߟߌ ߞߎ߲߬ߠߊ߬ߛߌ߰ ߞߙߎ ߞߏ߫ ߊ߬ߟߎ߬ ߓߘߴߊ߬ ߟߊߢߌߣߌ߲߫ ߞߊ߬ ߘߊ߬ߟߌ߬ߟߎ ߛߐ߬ߘߐ߲߬ ߊ߬ ߝߍ߬߸ ߓߊ߬ߙߌ߬߸ ߕߋ߬ߟߋ߫ ߛߊ߬ߓߊ߫ ߞߎ߲߬ߕߊ߯ ߞߣߐ߫ ߞߎ߫ ߊ߬ߟߎ߬ ߡߊ߫ ߖߊ߯ߓߌ߫ ߛߐ߬ߘߐ߲߬߸ ߏ߬ ߞߣߐߡߊ߬ ߡߊ߬ߟߌ߫ ߞߎ߲߬ߠߊ߬ߛߌ߰ ߞߙߎ ߞߊ߬ ߡߙߌߘߐ߫ ߞߎ߲ߓߊ߫ ߛߊ߬ߓߊ߫ ߕߊ߬.
ߝߟߐ: ߞߵߊ߬ ߟߊ߫ ߟߊ߬ߛߌ߰ߘߋ߲ ߠߎ߬ ߡߊߞߟߌ߫ ߊߟߌߖߋߙߌ߬ ߞߵߏ߬ ߟߴߊ߬ ߟߊ߫ ߣߌߛߐ߲ߜߏߦߊ ߦߌ߬ߘߊߞߊ߭ ߞߊ߲߬.
ߝߌߟߊߣߊ߲: ߡߊ߬ߟߌ ߓߘߴߊ߬ ߟߊߕߍ߰ ߞߊ߬ ߓߐ߫ ߊߟߌߖߋߙߌ߬ ߣߌ߫ ߖߋ߬ߟߌ߬ߓߊ߬ߘߎ߯ ߣߌ߫ ߡߏߙߌߕߊߣߌ߫ ߟߊ߫ ߕߐ߲ ߘߐ߫߸ ߛߋߡߏߛ، ߞߣߐ߫،
ߛߓߊߣߊ߲߫: ߞߏ߫ ߊ߬ߟߎ߬ ߓߍߣߊ߬ ߡߌ߬ߣߊ߬ߟߌ߬ ߛߓߍ ߟߋ߬ ߟߊߘߊ߲߫ ߊߟߌߖߋߙߌ߬ ߞߊ߲ߡߊ߬߸ ߞߐߞߊ߲߫ ߞߕߌߓߏ߲ ߢߊߞߘߐ߫.
ߡߊ߬ߟߌ ߞߎ߲߬ߠߊ߬ߛߌ߮ ߟߎ߬ ߓߘߴߊ߬ ߟߊߛߋ߫ ߞߏ߫ ߊ߬ ߟߊ߫ ߛߊ߲ߡߊߞߎߟߎ߲ ߞߋ߬ߟߋ߲߬ߠߊ߬ߓߌߟߊ ߓߋ߲߬ߣߍ߲߫ ߊ߬ ߟߊ߫ ߘߎ߰ߞߟߏ ߞߊ߲߬ ߕߌ߲ߖߊߥߊߕߍ߲߫߸ ߕߙߊߓߊ ߕߟߋ߬ ߃߁ ߛߎ ߘߐ߫ ߞߵߊ߬ ߛߌ߰ ߞߏ߲ߞߏߘߌ߬ߓߌ ߕߟߋ߬ ߀߁ ߟߊ߫، ߞߏ߫ ߥߊ߯ߕߌ߫ ߘߊ߲ߘߐ߫ ߏ߬ ߞߐ߫߸ ߊߟߌߖߋߙߌ߫ ߡߊ߬ߞߊ߲߬ߞߊ߲߬ߠߌ߲ ߞߏߕߌ߮ ߞߵߊ߬ ߟߊߛߋ߫ ߞߏ߫ ߊ߬ߟߎ߫ ߞߊ߬ ߛߊ߲ߝߍߞߎߟߎ߲߫ ߞߋ߬ߟߋ߲߬ߠߊ߬ߓߌߟߊ ߘߐ߫ ߓߍߘߍ߲ߛߍ߫، ߞߊ߬ߕߎ߲߯߸ ߞߏ߫ ߞߎߟߎ߲ߞߎߟߎ߲ ߏ߬ ߞߵߊ߬ߟߎ߬ ߟߊ߫ ߛߊ߲ߝߍ߫ ߓߐߕߏ߲ ߘߊ
߲ߛߊ߬ߥߏ߬ ߞߎߘߍ߫ ߝߌ߬ߟߊ߫ ߢߐ߲߰ ߠߋ߬ ߟߊ߫، ߓߊ߬ߙߌ߬߸ ߡߊ߬ߟߌ ߞߎ߲߬ߠߊ߬ߛߌ߰ ߞߙߎ ߡߊ߫ ߓߍ߲߬ ߏ߬ ߟߋ߬ ߡߊ߬، ߞߵߊ߬ ߝߙߵߊ߬ߟߎ߬ ߟߊ߫ ߡߙߌߘߐ ߕߊ߬ߣߍ߲ ߠߎ߬ ߞߊ߲߬߸ ߡߊ߬ߟߌ ߣߴߊ߬ ߘߍ߬ߢߐ߲߮ ߠߎ߬ ߊߋߛߌ߫ ߞߙߎ ߞߣߐ߫، ߊ߬ߟߎ߬ ߓߊ߲߫ ߘߊ߫ ߟߋ߬ ߝߣߊ߫ ߞߊ߬ ߊ߬ߟߎ߬ ߟߊ߫ ߟߊ߬ߛߌ߰ߘߋ߲ ߠߎ߬ ߡߊߞߟߌ߫ ߊߟߌߖߋߙߌ߫߸ ߛߊ߫ ߞߵߊ߬ߟߎ߬ ߟߊ߫ ߣߌ߲ߛߐߜߏߦߊ ߦߌ߬ߘߊߞߊ߬.
ߊ߬ߟߎ߬ ߟߊ߫ ߛߓߍ߫ ߞߋߟߋ߲߫ ߣߌ߲߬ ߞߣߐ߫߸ ߊߋߛߌ߬ ߖߡߊ߬ߣߊ߬ ߢߍߡߐ߮ ߓߘߴߊ߬ ߞߊ߲ߕߏ߫ ߊߟߌߖ
ߋߙߌ߫ ߞߎ߲߬ߠߊ߬ߛߌ߮ ߟߎ߬ ߦߋ߫ ߞߏ߫ ߕߋ߰ߙߋ ߟߎ߬ ߟߊ߫ ߓߋ߬ߒ߬ߞߊ߲߬ߠߌ߲ ߦߋ߫ ߓߊ߲߫ ߔߋߎ߫، ߊ߬ ߞߵߊ߬ ߟߊߢߌߣߌ߲߫ ߊߟߌߖ
ߋߙߌ߫ ߝߍ߬߸ ߊ߬ ߦߋ߫ ߟߐ߬ߦߙߐ ߕߊ߬ ߡߍ߲ ߘߌ߫ ߛߋ߫ ߞߊ߬ ߤߙߍ ߟߊ߬ߞߊ߲߬ߘߊ߬ߟߌ ߡߊߘߏ߲߬ ߊ߬ߟߎ߬ ߟߊ߫.
ߟߊ߬ߛߏ ߛߎ߯ߟߊ߲ߘߌ߫ ߛߊ߬ߞߐ߬ ߓߟߏ߫
