ߞߑߟߏߘߌߦߊ߫ ߟߊ߫ ߡߌ߬ߣߊ߬ߟߌ ߣߌ߲߬ ߞߍ߫ ߘߊ߫ ߓߌ߲ߠߊߥߎߟߋ߲ ߠߋ߬ ߟߊ߫߸ ߓߌߙߌ߲ߕߊ߲ߡߛߏ߫ ߜߘߍ߫ ߟߋ߬ ߝߣߊ߫ ߡߌ߬ߣߊ߬ ߘߊ߫ ߏ߬ ߞߐ߫߸ ߊߜ߭ߑߘߍߖ߭ ߘߎ߰ ߞߋߟߋ߲߫ ߏ߬ ߞߣߐ߫، ߓߊ߬ߙߌ߬߸ ߏ߬ ߦߋ߫ ߏߕߙߌߛ ߖߡߊ߬ߣߊ߬ߘߋ߲ ߠߋ߬ ߘߌ߫، ߣߴߊ߬ ߕߐ߮ ߦߋ߫ ߋߝ߭ߊ߫ ߘߌ߫߸ ߊ߬ ߛߌ߬ߞߛߊ߬ߓߌ ߦߋ߫ ߛߊ߲߬ ߇߃ ߟߋ߬ ߘߐ߫ ߕߋ߲߬߸ ߞߑߟߏߘߌߦߊ߫ ߟߊ߫ ߡߌ߬ߣߊ߬ߟߌ ߣߌ߲߬ ߖߍ߬ߘߍ ߟߊߛߙߋߦߊ߫ ߘߊ߫ ߛߎߥߍߛ ߟߊ߬ߛߌ߰ߘߊ ߟߋ߬ ߓߟߏ߫، ߊ߬ ߞߏ߬ߣߌ߲ ߓߘߊ߫ ߦߌߘߊߞߊ߬߸ ߖߋ߬ߟߌ߬ߓߊ߬ߟߊ߫ ߞߎ߲߬ߠߊ߬ߛߌ߮ ߟߎ߬ ߦߋ߫ ߓߊ߯ߙߊ ߞߊ߲߬ ߞߵߊ߬ ߞߏ ߢߊߘߐߜߍ ߟߐ߲߫߸ ߌߓߙߊߤߑߡߎ߬ ߡߊߖ߭ߏ߫ ߖߊߟߏ߫ ߟߊ߫ ߝߐߟߌ߫ ߘߐ߫߸ ߞߑߟߏߘߌߦߊ߫ ߡߌ߬ߣߊ߬ߟߌ߬ߞߏ ߞߊ߲߬، ߊ߬ߟߋ ߡߍ߲ ߦߋ߫ ߊߜ߭ߑߘߍߖ߭ ߛߌ߰ߓߊ߮ ߘߏ߫ ߘߌ߫ ߊ߬ ߣߌ߫ ߞߎ߲߬ߠߊ߬ߝߏ߬ߣߌ߲߬ߠߌ߲ ߖߋ߬ߕߌ߰ߘߊ ߞߊ߲ߕߌ߮.
ߒ ߧߋ߫ ߞߎߡߊ߫ ߟߴߊߟߎ߫ ߝߍ߬ ߞߵߊ߲ ߕߏ߫ ߦߙߐ ߡߍ߲ ߘߐ߫ ߕߋ߲߬߸ ߢߊߢߌߣߌ߲ߠߌ߲ ߠߎ߬ ߦߋ߫ ߛߋ߲߬ߠߴߊ߬ ߞߏ ߞߊ߲߬، ߓߊߏ߬߸ ߊ߬ ߡߊ߫ ߟߐ߲߫ ߡߐ߰ ߛߌ߫ ߟߋ߬ ߞߊ߬ ߞߑߟߏߘߌߦߊ߫ ߘߌߦߊߜߏߦߊ߫ ߡߌߣߊ߫߸ ߡߏ߬ߛߏ ߡߍ߲ ߖߍ߬ߘߍ ߝߣߊ߫ ߕߘߍ߬ ߦߴߊ߲ ߝߍ߬ ߊߜ߭ߑߘߍߖ߭ ߦߊ߲߬ ߘߐ߫߸ ߕߎ߬ߡߊ߬ ߖߊ߲߫ ߞߎ߲߬ߕߊ߰ ߞߘߐ߫߸ ߣߴߊ߬ߟߋ ߛߌ߬ߞߛߊ߬ߓߌ ߕߘߍ߬ ߦߋ߫ ߛߊ߲߬ ߆߀ ߣߌ߫ ߞߐ߫ ߢߐ߲߰ ߘߐ߫، ߏ߬ ߞߵߊ߬ ߛߋߞߏ ߛߎ߮ ߓߍ߯ ߘߐ߫ ߟߋ߬ ߞߍ߫߸ ߛߊ߫ ߊߜ߭ߑߘߍߖ߭ ߓߟߏ߫ ߟߊ߫ ߓߊ߯ߙߊ ߟߊ߫ ߟߎ߬ ߘߌ߫ ߢߍߕߊ߮ ߛߐ߬ߘߐ߲߫ ߊ߬ߟߎ߬ ߟߊ߫ ߓߊ߯ߙߊ ߟߎ߬ ߘߐ߫، ߞߊߕߍ߬ߘߍ߫ ߡߏ߬ߛߏ ߟߎ߬ ߡߊ߬.
ߏ߬ ߟߊߕߊ߬ߡߌ߲߬ߣߍ߲ ߞߐߝߍ߬:
ߦߏ߫ ߊ߲ ߓߍ߯ ߟߊߘߍ߬ߣߍ߲ ߦߴߊ߬ ߞߊ߬ߟߊߡߊ߬ ߢߊ ߡߍ߲߸ ߞߊ߬ ߝߐ߫ ߞߏ߫ ߏߕߙߌߛ ߖߡߊ߬ߣߊ߬ߘߋ߲ ߋߝ߭ߊ߫ ߡߌ߬ߣߊ߬ߣߍ߲ ߞߐ ߓߌ߲ߠߊߥߎߟߋ߲ ߞߊߙߏ ߟߊ߫߸ ߏ߬ ߟߋ߬ ߞߐ ߞߊ߯ߙߌ ߡߊ߬ ߞߑߟߏߘߌߦߊ߫ ߝߣߊ߫ ߡߌ߬ߣߊ߬ ߘߊ߫، ߊߜ߭ߑߘߍߖ߭ߑߞߊ ߟߎ߬ ߞߏ߬ߣߌ߲ ߧߋ߫ ߖߛߎ߬ߞߊߛߌ ߟߋ߬ ߕߍߡߊ߬ ߕߋ߲߬߸ ߞߵߊ߬ ߞߎ߲߭ ߞߍ߫ ߞߑߟߏߘߌߦߊ߫ ߞߍ ߘߌ߫ ߊߜ߭ߑߘߍߖ߭ߑߞߊ ߘߌ߫.
ߝߏ߫ ߊ߲ ߧߴߊ߬ ߟߐ߲߫ ߝߣߊ߫ ߞߏ߫ ߞߑߟߏߘߌߦߊ߫ ߝߘߎߣߍ߲߫ ߊߜ߭ߑߘߍߖ߭ߑߞߊ ߘߏ߫ ߟߋ߬ ߡߊ߬߸ ߊ߬ ߞߊ߬ ߘߎ߱ ߣߌ߲߬ ߘߋ߲ߡߌߛߍ߲߫ ߛߌߦߊߡߊ߲߫ ߠߋ߬ ߟߊߡߐ߬߸ ߝߏ߫ ߘߏ߫ ߟߎ߫ ߖߍ߬ߘߍ ߟߊߓߊ߲ ߣߊ߬ ߘߴߊ߬ ߞߟߌ߫ ߣߊ߬ߦߊ ߕߐ߮ ߟߊ߫߸ ߞߏ߫ ߒ ߓߊ߫، ߊ߬ ߘߏ߲ ߞߊ߬ ߘߍ߬ߡߍ߲߬ߠߌ߲߬ ߛߌߦߊߡߊ߲߫ ߝߣߊ߫ ߞߍ߫ ߊߜ߭ߑߘߍߖ߭ ߡߛߏ߬ ߓߟߏ߬ߟߊ߬ߓߊ߰ߙߊ߬ߟߊ ߟߎ߬ ߦߋ߫߸ ߝߏ߫ ߞߣߵߊ߬ ߟߊߓߊ߲ ߞߍ߫ ߡߛߏ߬ ߞߙߎ ߘߏ߫ ߛߌ߲ߘߌߞߏ ߓߌ߬ߟߊ ߘߌ߫ ߛߋ߲߬ߠߴߊ߬ ߓߟߏ߫߸ ߏ߬ ߡߍ߲ ߧߋ߫ ߞߟߌ߫ ߟߊ߫ ߞߏ߫ ߕߋߟߑߕ ߕߎ߬ߢߊ߬ߝߐ߬ ߓߟߏ ߖߍ߬ߘߍ ߡߊ߬߸ ߊ߬ ߞߍ߫ ߘߊ߫ ߡߐ߰ ߣߌߛߐ߲ߘߌߦߊߣߍ߲ߓߊ߫ ߟߋ߬ ߘߌ߫، ߡߍ߲ ߕߘߍ߬ ߦߴߊ߬ ߟߊ߫ ߖߌ߰ߣߌ߲߬ߦߟߍ ߞߍ߫ ߟߊ߫ ߘߎ߱ ߞߣߐ߫ ߦߊ߲߬، ߊ߬ ߘߏ߲߬߸ ߊ߲ ߓߍ߯ ߞߍ߫ ߘߊ߫ ߞߋߟߋ߲߫ ߠߋ߬ ߘߌ߫ ߝߣߊ߫.
ߣߌ߲߬ ߠߋ߬ ߞߍ߫ ߘߊ߫ ߌߓߙߊߤߑߡߎ߬ ߡߊߖ߭ߏ߫ ߖߊߟߏ߫ ߟߊ߫ ߞߎߡߊ ߘߌ߫.
