ߜ߭ߊ߯ߣߊ߬ ߞߊ߲ߕߌ߮ ߖߐߣ ߘߙߊߡߊߣߌ ߡߤߊߡߊ߫ ߓߘߊ߫ ߕߍߓߊ߯ߦߊ߫ ߤߏߞߌ ߟߊߓߊ߯ߙߊ߫߸ ߞߊ߬ ߗߋߛߓߍ߫ ߞߙߍߞߙߍߣߍ߲߫ ߗߋ߫ ߞߌ߬ߢߍ߬ߞߏ߲߬ߞߏ߬ ߞߊߝߏ ߟߎ߬ ߟߊ߫ ߞߙߎߝߊߢߐ߲߯ߦߊ ߡߊ߬߸ ߏ߬ ߡߍ߲ ߠߊߞߘߎ߬ߣߍ߲߫ ߖߡߊ߬ߣߊ߫ ߛߊ߬ߓߊ߫ ߡߊ߬: ߓߙߎߞߌߣߊ߫ ߝߊ߬ߛߏ߬߸ ߡߊ߬ߟߌ߸ ߊ߬ ߣߌ߫ ߖߋ߬ߟߌ߬ߓߊ߬ߘߎ߯߸ ߖߐ߲߰ߛߴߊ߬ߟߎ߬ ߘߌ߫ ߛߐ߬ߘߐ߲߫ ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߡߊ߬ߞߐ߬ߙߐ߲߬ߞߐ߬ߙߐ߲߬ߠߌ߲ ߘߍ߬ߓߊ (ߝ.ߕ.ߞ.ߡ.ߘ=ߛߘߋߦߊߥߏ) ߛߌ߲ߘߌ ߛߊ߲߬ ߓߌߟߏ߯ߟߎ ߢߊ߰ߢߊ߮ ߘߐ߫.
ߏ߬ ߟߊ߬ߛߋ߬ߟߌ ߞߍ߫ ߘߊ߫ ߜ߭ߊ߫ߣߊ߬ ߞߐߞߊ߲ߞߏ ߟߎ߬ ߞߏߕߌ߮ ߟߋ߬ ߓߟߏ߫߸ ߊ߬ߟߋ ߡߍ߲ ߕߐ߯ ߞߏ߫ ߛߊߡߌߦߍߟ ߏߞߎߘߑߖ߭ߋߕߏ ߊߓߑߟߊߞߑߥߊ߫߸ ߏ߬ ߞߍ߫ ߘߊ߫ ߝߐ߰ߓߍ߬ ߜߙߊ ߘߏ߫ ߟߋ߬ ߞߣߍ ߞߊ߲߬ ߊߞߙߊ߫. ߊ߬ ߞߵߊ߬ ߝߐ߫ ߡߊ߬ߞߟߌ߬ߟߌ ߣߌ߲߬ ߡߊ߬ ߟߋ߬ ߞߏ߫ <<ߕߍߘߐߓߍ߲ ߞߟߌߟߌ߫ ߞߊ߲>> ߝߘߊ߬ߝߌ߲߬ߠߊ߫ ߕߟߋ߬ߓߋ߬ ߞߊߝߏ ߟߎ߬ ߟߊ߫ ߘߍ߭ ߣߌ߫ ߊߦߍߛ ߛߌ߲߬ߝߏ߲߬ ߖߡߊߣߊ ߟߎ߬ ߕߍ߫߸ ߏ߬ ߟߎ߬ ߡߍ߲ ߠߎ߬ ߣߌ߫ ߛߘߋߦߊߥߏ ߟߊ߫ ߞߊ߬ߣߌ߲ ߓߘߊ߫ ߛߊ߬ ߕߋ߲߬ ߞߊ߬ߣߌ߲߬.
ߞߏߕߌ߮ ߕߊ߫ ߝߐߟߌ߫ ߘߐ߫߸ ߞߏ߫ ߜ߭ߊ߯ߣߊ߬ ߦߋ߫ ߓߍ߲߭ ߠߋ߬ ߢߌߣߌ߲߫ ߠߊ߫ ߕߟߋ߬ߓߋ߬ ߊߝߙߌߞߌ߬ ߕߌ߲߬ߞߎߘߎ߲ ߣߌ߲߬ ߞߣߐ߫߸ ߖߐ߲߰ߛߊ߫ ߓߍ߯ ߘߌ߫ ߘߍ߬ ߞߊ߬ ߝߘߏ߬ߓߊ߬ ߞߣߐߘߐߝߟߌ߫ ߞߟߍ߬߸ ߡߍ߲ ߦߋ߫ ߞߎ߲߬ߠߊ߬ߛߘߌ ߘߌ߫، ߞߊ߬ߕߎ߲߯߸ ߞߏ߫ ߛߍ߰ ߞߋߟߋ߲߫ ߠߋ߬ ߓߍ߯ ߞߊ߲߬߸ ߏ߬ ߟߋ ߘߐ߫ ߝߏ߫ ߞߊ߬ ߘߊߘߐߖߊߥߏ ߛߌߟߊ ߟߋ߬ ߟߊߞߊ߬߸ ߊ߬ ߣߌ߫ ߕߍߓߊ߯ߦߊ߫ ߢߌߡߊ ߖߡߊ߬ߣߊ ߟߎ߬ ߣߌ߫ ߢߐ߲߯ ߕߍ߫.
ߊ߬ߟߋ߬ ߖߊ߲߬ߖߏ߲ ߣߌ߲߬ ߞߍߕߐ߫ ߊߞߙߊ߫ ߡߊ߲߬ߕߏ߲߬ߕߍ߬ ߜߙߊ߬ ߝߏ߰ߓߊ ߟߋ߬ ߞߣߐ߫߸ ߖߡߊ߬ߣߊ߬ ߛߌߦߊߡߊ߲߫ ߢߊ ߓߕߐ߫ ߜߍ ߘߐ߫ ߡߍ߲ ߞߣߍ ߞߊ߲߬߸ ߞߵߏ߬ ߟߊ߫ ߕߋߙߌ ߟߎ߬ ߣߌ߫ ߞߏߟߊߘߍߢߐ߲߮ ߘߏ߫ ߟߎ߫ ߞߊ߲߬ ߛߋߒߞߏߟߦߊ ߣߌ߫ ߣߊ߲߬ߝߟߏ߬ ߞߏ ߛߌߟߊ ߝߍ߬، ߟߏ߲ߓߊ ߓߍ߲߬ߒ߬ߛߋ߲߬ߡߊ ߞߏߛߐ߲߬߸ ߛߍߥߊ ߣߌ߫ ߡߎ߯ߙߌ ߕߐ߰ߡߊ߬ߦߋ߬ߙߋ߲߬ ߞߎߘߊ ߘߌ߫ ߦߌߘߊߞߊ߬߸ ߞߊ߬ ߓߊ߲߫ ߞߊ߬ ߛߌߡߊߟߌ ߛߊ߲߬ߓߊ ߣߌ߲߬ ߞߎ߲߬ߕߐ߮ ߟߊ߲ߞߣߍߡߊ߫.
ߞߵߊߟߎ߫ ߦߟߌߓߌ߬ߟߊ߬߸ ߛߘߋߦߊߥߏ ߛߌ߲ߘߌ߫ ߘߊ߫ ߁߉߇߅ ߘߓߊ߬ߕߊ ߕߋ߬ߟߋ߫ ߂߈ ߠߋ߬ ߡߊ߬߸ ߞߏߛߊ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߛߐ߬ߘߐ߲߬ ߞߏ ߟߎ߬ ߘߌ߫ ߞߍ߫ ߞߋߟߋ߲߫ ߘߌ߫߸ ߞߊ߬ ߡߐ߱ ߟߎ߬ ߟߊ߫ ߖߌ߰ߣߌ߬ߦߟߍ ߟߊߣߐ߰ߦߊ߫߸ ߞߊ߬ ߓߘߍ߬ߓߘߍ߬ߟߌ ߕߍߓߊ߯ߦߊ߫ ߢߌߡߊ ߟߊߘߏ߲߬ ߊ߬ ߖߡߊ߬ߣߊ߬ ߁߅ ߣߌ߫ ߢߐ߲߯ ߕߍ߫، ߤߊߟߌ߬ ߣߴߊ߬ ߦߋ߫ ߛߐ߬ߘߐ߲߬ ߛߍߣߍ߲߬ ߞߏ߫ ߛߘߋߦߊߥߏ ߣߌ߫ ߊߦߍߛ ߟߊ߫ ߞߎ ߕߍ߫ ߡߐ߬ ߟߊ߫ ߘߊ߰ ߞߋߟߋ߲߫ ߞߣߐ߫ ߕߋ߲߬߸ ߜ߭ߊ߯ߣߊ߬ ߟߊ߫ ߞߟߌߟߌ ߣߌ߲߬ ߞߏ߬ߣߌ߲ ߘߌ߫ ߛߋ߫ ߘߊߘߐߖߊߥߏ ߘߊ ߟߊߞߊ߬ ߟߊ߫߸ ߞߊ߬ ߞߍߢߐ߲߯ߝߍ ߝߊ߲߬ߞߊߘߏ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
