ߖߌ߬ߣߍ߬ ߞߊ߲ߓߍ߲ ߞߏߕߌ߯ ߝߟߐ ߊߡߊߘߎ߫ ߎ߯ߙߌ߬ ߓߊ ߦߋ߫ ߊߓߌߖߊ߲߬߸ ߊ߬ ߞߵߊ߬ ߕߏ߫ ߖ߭ߋߣ ߊߝߙߌߞ ߟߊ߫ ߞߎ߲߬ߜߙߊ ߘߏ߫ ߟߋ߬ ߘߐ߫߸ ߊ߬ ߦߋ߫ ߝߐ߫ ߟߊ߫ ߡߍ߲ ߡߵߊ߬ߟߎ߬ ߓߟߏ߫ ߞߏ߫ ߊߝߙߌߞߊ߬ ߛߋߏ ߝߏߙߐߡ، ߒ߬ߓߊ߬߸ ߖߌ߬ߣߍ߬ ߞߏߕߌ߯ ߝߟߐ ߞߊ߬ ߓߍ߲߬ߒ߬ߛߋ߲߬ߡߊ ߏ߬ ߟߋ ߕߣߐ߬ߓߐ߫߸ ߞߵߊ߬ ߞߙߊ ߟߊߓߏ߬ߙߌ߬ ߞߎߡߊ߫ ߛߌߦߊߡߊ߲߫ ߞߊ߲߬، ߊ߬ ߞߊ߬ ߘߐ߬ߞߣߍ߬ߟߌ߬ ߞߍ߫ ߖߡߊ߬ߣߊ ߛߐ߬ߘߐ߲ ߞߏߢߊ ߟߎ߫ ߞߊ߲߬߸ ߓߘߍ߬ߓߘߍ߬ߟߌ ߞߏߢߊ ߟߎ߬߸ ߞߵߏ߬ ߟߎ߬ ߓߛߊߞߟߌߕߋ߫، ߊ߬ ߓߊ߲߫ ߘߊ߫ ߞߵߊ߬ ߦߌ߬ߘߊ߬ ߞߏ߫ ߊ߬ߟߎ߬ ߓߍߣߵߊ߬ߟߎ߬ ߢߊ ߡߊߖߌ߰ ߞߏߓߊ߫ ߛߌߦߊߡߊ߲߫ ߞߘߐ߫ ߦߊ߬ߣߌ߫ ߢߌ߬ߣߊ߲߫ ߛߊ߲߭ ߣߌ߲߬ ߓߊ߲ߕߐ߫.
ߊ߬ ߛߋ߲߬ߢߊ߬ ߝߟߐߝߟߐ ߟߋ߬ ߞߍ߫ ߘߊ߫ ߞߎߣߎ߲߬ ߘߌ߫߸ ߞߊ߬ ߝߌߘߊ ߓߐ߫ ߖߌ߬ߣߍ߬ ߞ߲ߊߕߌ߯ ߢߣߊߕߊߟߌ ߕߎ߬ߡߊ߬ ߞߏ ߢߍߡߊ߬، ߊ߬ ߞߵߊ߬ ߟߊߛߋ߫ ߊ߬ ߟߊ߫ ߛߙߊ߬ߣߎ߲ ߘߐ߫ ߞߏ߫: <<߂߀߂߅ ߕߎߟߊߝߌ߲ ߕߋ߬ߟߋ߫ ߂߁ ߡߊ߬߸ ߛߌ߰ߞߊ߲ ߞߊ߲ߘߟߌ ߘߌ߫ ߞߍ߫، ߂߀߂߅ ߞߏߟߌ߲ߞߏߟߌ߲ ߠߊ߫߸ ߞߊ߲ߕߌ߯ ߢߣߊߕߊߟߌ ߣߌ߫ ߥߛߊ߬ߘߋ߲߬ ߢߣߊߕߊߟߌ ߓߍ߯ ߘߌ߫ ߞߍ߫ ߢߐ߲߮ ߝߍ߬ ߞߋߟߋ߲ߘߌ߫.>> ߓߊ ߎ߯ߙߌ߬ ߟߋ߬ ߞߊ߲߫ ߕߋ߲߬.
ߊ߬ ߡߊ߫ ߘߊ߲߬ ߏ߬ ߡߊ߬ ߘߋ߬߸ ߊ߬ ߞߵߊ߬ ߦߌ߬ߘߊ߬ ߞߏ߫ ߛߙߍߘߍߦߊߟߌ ߡߍ߲ ߦߴߌߘߐ߫ ߘߎ߰ߘߋ߲߬ߧߊ߬ ߛߓߍߘߐ ߞߣߐ߫ ߕߋ߲߬߸ ߏ߬ ߟߋ ߕߊ߬ߕߐ߫ ߞߵߏ߬ ߞߍ߫ ߢߣߊߕߊߟߌ߫ ߞߐߕߐ߮ ߘߌ߫، ߏ߬ ߘߐ߫߸ ߞߏߕߌ߯ ߝߟߐ ߞߊ߲߫ ߞߏ߫ ߛߌߞߊ߫ ߕߴߊ߬ ߘߐ߫߸ ߏ߬ ߦߋ߫ <<ߜߘߌߛߌ߯ߟߌ ߓߊ߬ߙߏ߲߬ߡߊ ߟߋ߬ ߘߌ߫ ߖߡߊ߬ߣߊ ߞߣߐ߫.>>
ߡߍ߲ ߘߏ߲߬ ߓߍ߲߬ߕߐ߫ ߛߐ߬ߘߐ߲ ߕߊ߫ ߝߊ߲߭ ߡߊ߬߸ ߊߡߊߘߎ߫ ߎ߯ߙߌ߬ ߓߊ ߞߎߡߊ߫ ߘߊ߫ ߖߡߊ߬ߣߊ ߖߊ߬ߕߋ߬ߘߐ߬ߛߌ߰ ߞߎ߲ߓߊ ߟߎ߫ ߞߊ߲߬߸ ߦߏ߫ ߛߎߡߊ߲ߘߎ߯ ߖߊ߬ߕߋ߬ߘߐ߬ߛߌ߮، ߊ߬ ߞߵߊ߬ ߦߌ߬ߘߊ߬ ߞߏ߫ ߛߌ߬ߛߌ߬ߞߎߟߎ߲ ߡߍ߲ ߦߋ߫ ߣߍ߰ߢߊߘߊ߲ ߡߊߘߏ߬ߣߌ߲ ߞߊ߲߬߸ ߏ߬ ߘߌ߫ ߛߋ߫ ߡߏߙߌߓߦߊ߫ ߘߊ߲ߞߊ߲ ߠߊ߫ ߣߍߣߍߓߊ ߕߋ߬ߟߋ߫ ߂߅ ߣߊ߬ߕߐ ߡߊ߬߸ ߏ߬ ߡߍ߲ ߦߴߊ߬ ߦߌ߬ߘߊ߬ ߟߊ߫ ߞߏ߫ ߖߌ߬ߣߍ߬ ߝߣߊ߫ ߓߘߊ߫ ߛߋ߫ ߘߎߢߊ߫ ߞߏߓߊ ߟߎ߫ ߜߊ߬ߛߊ ߞߣߍߓߊ ߞߊ߲߬.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫
ߒߞߏ ߝߐ߰ߓߍ߬ߦߊ߬ߟߊ ߞߊ߲ߞߊ߲߫
