ߜ߭ߊߓߐ߲߫ ߞߊ߲ߕߌ߮ ߓߙߌߛ ߞߑߟߏߕߍߙ ߏߟߖߌ߫ ߒߖߋߡߊ߫ ߘߏ߲߬ ߘߊ߫ ߞߐߣߊߞߙߌ߫ ߓߌ߬ ߞߐ߬ߓߊ߬ߟߏ߲ ߣߌ߲߬ ߡߊ߬ ߂߀߂߅ ߣߍߣߍߓߊ ߕߟߋ߬ ߁߀߸ ߞߊ߬ ߣߊ߬ ߓߐߒߡߊߟߌ߫ ߟߊ߫߸ ߡߍ߲ ߦߋ߫ ߝߘߊ߬ߝߌ߲߬ߠߊ߫ ߓߊ߯ߙߊߢߐ߲߯ߦߊ ߣߌ߫ ߥߙߎߞߌ ߕߐ߰ߡߊ߬ߛߙߋ ߘߏ߫ ߘߌ߫، ߊ߬ ߓߍߣߊ߬ ߛߐ߬ߘߐ߲߬ ߛߌߡߊ߲ߘߎ߯ ߖߊ߬ߕߋ߬ߘߐ߬ߛߌ߮ ߘߊߦߟߍߟߌ ߘߐ߫ ߛߌߣߌ߲߫ ߞߐ߬ߟߏ߲ ߡߊ߬߸ ߏ߬ ߡߍ߲ ߦߋ߫ ߓߊ߯ߙߊߦߊ߫ ߝߊ߲߬ߞߊ߬ߡߊ ߘߏ߫ ߘߌ߫ ߝߘߊ߬ߝߌ߲߬ߠߊ߬ ߞߣߐ߫.
ߜ߭ߊߓߐ߲߫ ߞߊ߲ߓߍ߲ ߞߊ߲ߕߌ߮ ߓߑߙߌߛ ߞߑߟߏߕߍߙ ߏߟߖߌ߫ ߒߖߋߡߊ߫ ߟߊߛߣߍ߫ ߘߊ߫ ߛߊ߲ߡߊߘߊ߲߫ ߊߤߑߡߍߘ ߛߋߞߎ߫ ߕߎ߬ߙߋ߫ ߟߋ߬ ߟߊ߫ ߓߌ߬ ߥߎ߬ߙߊ ߢߌ߲߬ ߠߊ߫߸ ߊ߬ ߟߊߓߍ߲߬ ߘߊ߫ ߞߊ߲ߕߌ߯ ߡߊ߬ߡߊ߬ߘߌ߬ ߘߎ߲ߓߎߦߊ߫ ߖߘߍ߬ߓߊ߬ߞߎ߲ ߠߋ߬ ߓߟߏ߫.
ߟߊ߬ߛߋ߬ߟߌ ߡߍ߲ ߞߍ߫ ߘߊ߫ ߖߌ߬ߣߍ߬ ߞߊ߲ߕߌ߯ߘߊ ߓߟߏ߫߸ ߊ߬ ߦߌ߬ߘߊ߬ ߘߊ߫ ߞߏ߫ ߓߐߡߊߟߌ ߣߌ߲߬ ߞߎ߲߭ ߦߋ߫ ߛߌߡߊ߲ߘߎ߯ ߘߊ߬ߡߊ߲߬ ߖߊߕߋߘߐߛߌ߯ ߓߟߋ߬ߓߟߋ ߘߊߦߟߍߟߌ ߟߋ߬ ߘߌ߫߸ ߡߍ߲ ߟߐ߯ߟߊߣߍ߲߫ ߞߵߊ߬ ߕߏ߫ ߛߌߣߌ߲߫ ߞߐ߬ߟߏ߲ ߠߊ߫߸ ߂߀߂߅ ߣߍߣߍߓߊ ߕߟߋ߬ ߁߁߸ ߝߏߙߋߞߊߙߌߦߊ߫߸ ߟߏ߲ ߏ߬ ߡߍ߲ ߦߋ߫ ߓߊ߯ߙߊߓߌߟߊ߫ ߟߏ߲ ߘߌ߫ ߖߌ߬ߣߍ߬ ߞߣߐ߫ ߞߊ߬ߣߌ߲߬.
ߊߟߎ߫ ߦߴߊ߬ ߟߐ߲߫߸ ߞߊ߬ߦߌ߯ ߜ߭ߊߓߐ߲߫ ߞߊ߲ߕߌ߮ ߟߊߛߌ߰ ߘߊ߫ ߢߣߊߕߊߟߌ ߞߐ ߘߐ߫߸ ߊ߬ ߟߊ߫ ߓߐߒߡߊߟߌ߫ ߝߟߐߝߟߐ ߟߋ߬ ߖߌ߬ߣߍ߬ ߞߣߐ߫ ߣߌ߲߬.
ߛߌߣߌ߲߫ ߖߊ߲߬ߖߏ߲߬ ߞߏ ߣߌ߲߬ ߕߍ߰ߣߍ߲ ߞߊ߬ ߓߐ߫ ߊ߬ ߟߊ߫߸ ߞߊ߲ߕߌ߯ ߝߌ߬ߟߊ ߢߌ߲߬ ߠߎ߬ ߞߊ߫ ߞߊ߲߫ ߞߊ߬ ߢߐ߯ߦߋ߫ ߜߍ ߣߌ߫ ߜߍ ߟߊ߫߸ ߞߊ߬ ߞߎߡߊ߫ ߞߏ߫ ߛߌߦߊߡߊ߲߫ ߞߊ߲߬߸ ߡߍ߲ ߠߎ߬ ߕߐ߬ߣߐ ߦߴߊ߬ ߟߊ߫߸ ߦߏ߫ ߖߡߊ߬ߣߊ߫ ߝߌ߬ߟߊ ߣߌ߫ ߢߐ߲߯ ߕߍ ߟߊߛߓߊ߬ߕߌ߸ ߊ߬ ߣߌ߫ ߛߐ߬ߘߐ߲ ߣߌ߫ ߟߊ߬ߞߊ߲߬ߘߊ߬ߟߌ ߓߊ߯ߙߊߢߐ߲߯ߦߊ ߞߐߣߊߞߙߌ߫ ߣߌ߫ ߟߌߓߙߋߝ߭ߌߟ ߕߍ߫.
ߊ߬ ߡߊ߫ ߟߐ߲߫ ߡߎߣߎ߲߬߸ ߜ߭ߊߓߐ߲߫ ߞߊ߲ߕߌ߮ ߞߊ߫ ߞߊ߲߫ ߞߊ߬ ߕߋ߬ߟߋ߫ ߓߙߍ߬ߦߊ ߡߍ߲ ߞߍ߫ ߦߊ߲߬߸ ߊ߬ ߞߏ߬ߣߌ߲ ߠߊ߫ ߣߊ߬ߟߌ ߣߌ߫ ߖߊ߲߬ߖߏ߲߬ ߜߘߍ߫ ߟߋ߬ ߓߍ߲߬ߣߍ߲ ߢߐ߲߮ ߡߊ߬ ߕߎ߲߯߸ ߣߊߟߌ߬ߡߎ߲߫ ߛߑߡߊߙߕ ߊߝߙߌߞߊ߬ ߟߊ߬ߘߍ߬ߓߊ ߘߌ߫ ߣߍߣߍߓߊ ߕߟߋ߬ ߁߂ ߡߊ߬߸ ߏ߬ ߡߍ߲ ߝߣߊ߫ ߦߋ߫ ߝߘߊ߬ߝߌ߲߬ߠߊ߫ ߜߙߋ ߟߊ߫ ߢߐ߲߯ߓߍ߲߫ ߞߏ ߘߏ߫ ߘߌ߫ ߦߟߌߟߊ߲ߘߌߦߊ߫ ߘߍ߲߰ߦߊ߬ߣߍ߲ ߞߊ߲߬.
ߡߊ߬ߡߊ߬ߘߌ߬ ߘߎ߲ߓߎߦߊ߫ ߣߌ߫ ߓߙߌߛ ߞߑߟߏߕߍߙ ߏߟߖߌ߫ ߒߖߋߡߊ߫ ߓߘߊ߫ ߘߌߦߊ߫ ߞߐ ߢߌ߲߬ ߠߊ߫ ߞߏߛߓߍ߫، ߓߊߏ߬߸ ߘߓߊ߬ߕߊ߫ ߕߊ߬ߡߌ߲߬ߣߍ߲ ߠߊ߫߸ ߖߌ߬ߣߍ߬ ߞߊ߲ߕߌ߮ ߕߊ߯ ߘߊ߫ ߟߋ߬ ߟߌߓߙߋߝ߭ߌߟ߸ ߞߊ߬ ߥߊ߫ ߛߐ߬ߘߐ߲߬ ߗߍ߭ ߢߌ߲߬ ߠߊߛߌ߱ ߘߐ߫ ߜ߭ߊߓߐ߲߫.
ߒ߬ߓߊ߬߸ ߜ߭ߊߓߐ߲߫ ߞߊ߲ߕߌ߮ ߝߣߊ߫ ߟߊ߫ ߣߊ߬ߟߌ ߣߌ߲߬ ߞߐߣߊߞߙߌ߫߸ ߏ߬ ߓߘߴߊ߬ ߦߌ߬ߘߊ߬ ߞߏ߫ ߡߐ߰ ߝߌ߬ߟߊ ߢߌ߲߬ ߠߎ߬ ߟߊ߫ ߞߎ ߦߋ߫ ߡߐ߬ ߟߊ߫ ߘߊ߰ ߞߋߟߋ߲߫ ߞߣߐ߫ ߕߋ߲߬ ߝߋߝߋ߫.
ߟߏ߲ߞߊߛߌߦߊ߫ ߞߡߊ߬ߙߊ߬ ߓߟߏ߫߸ ߛߌߟߊߓߐߛߐ߯ߣߊ߫ ߝߐ߰ߓߍ߬ߘߊ ߦߋ߫.
